ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:5 - ದೇವ್ನಿ ಖ್ಹಾಚಿ ವಚನ್

⁵ ಕತೋಬಿ ಇವ್ಣೆ, “ಯೂದಾಯನು ಖ್ಹಾರಸ್ ಅದ್ಮಿನ, ಆ ವಚನ್ನ ಬೋಲಿದೇತೊಹುಯಿನ್‌, ಇವ್ಣಾಮ ಕಲ್ಹಾಗಟ್ ನಾಖಿರಾಖ್ಯೋಸ್. ಅನೆ ಗಲಿಲಾಯಾಥು ಶುರು ಕರೀನ್, ಹಮ್ಕೆ ಹಜ಼್ಜಾ ಐರ‍್ಹೋಸ್ತೆ” ಕರಿ ಬಿಜೂ಼ಬಿ ಘಟ್‍ಥಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:5 ပူးပေါင်းရင်းမြစ်များ

ಮತ್ತಾಯ 11:1

ಯೇಸುನೆ ಇನ ಭಾರ ಶಿಷ್ಯರ‍್ನ ಬೋಲ್ನುತೆ ಖ್ಹಾರುಸ್‌ ಬೋಲಿನ್ ಖತಮ್ ಕರಾನ ಬಾದ್ಮ, ಹಿಜ್ಜಾ಼ಥೊ ನಿಕ್ಳಿನ್, ಅಛ್ಛಿ ಖಬರ್‌ ಬೋಲಿವತಾಳಾನ ಅಜು಼ ಶಿಕಾಡಾನಖ್ಹಾಜೆ ಖನ್ನೇನ ಗಾಮ್ಮ ಗಯೊ.

ಮತ್ತಾಯ 2:1

ಹೆರೋದ ರಾಜ಼ ಹುಯಿರ‍್ಹೊಥೋತೆ ವಖ್ಹತ್‌ಮ, ಯೂದಾಯ ತಬರ್‌ಖಾನು ಬೇತ್ಲೆಹೇಮ್ ಕರಿ ಗಾಮ್ಮ ಯೇಸು ಪೈದಹುಯೊ. ಅನಬಾದ್‌ಮ, ಥೋಡು ಗ್ಯಾನಿ ಅದ್ಮಿಖ್ಹಾರು, ಪೂರಬ್ ದಿಕ್ನು ದೇಖ್ಹ್‌ಥು ಯೆರೂಸಲೇಮ್‌ನ ಆಯಿನ್,

ಮತ್ತಾಯ 27:24

ತದೆ ಪಿಲಾತನೆ ಮೇ ಕೆತ್ರು ಕರ‍್ಯೊತೋಬಿ ಚಾ಼ಲ್‌ಷೆ ಕೊಯ್ನಿ, ಅದ್ಮಿಖ್ಹಾರು ಕಲ್ಹಾಗಟ್ ಕರೆಜಾ಼ಯ್ ಕರಿ ಮಾಲುಮ್ ಕರಿಲೀನ್, ಪಾಣಿ ಲೀನ್, ಅದ್ಮಿನ ಖ್ಹಾಮ್ಣೆ ಇನ ಹಾತ್ನ ಧೊಯಿಲಿನ್, “ಆ ಅದ್ಮಿನ ಮರೈನಾಖನ ಮೇ ಜಿಮ್ಮೇದಾರ್ ಕಾಹೆ, ಆ ತುಮೇಸ್ ಕರುಕರಸ್ತೆ!” ಕರಿ ಬೋಲ್ಯೊ.

ಮತ್ತಾಯ 4:23

ಬಾದ್‌ಮ ಯೇಸು ಗಲಿಲಾಯ ಅಖ್ಖೂಸ್ ಫರೀನ್, ಹಿಜ್ಜಾ಼ನು ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ದೇವ್ನಿ ರಾಜ್ಯನಿ ಬಾರೇಮನು ಅಛ್ಛಿ ಖಬರ್‌ನ ಬೋಲ್ತೊಹುಯಿನ್‌, ಅದ್ಮಿಮ ಥೂತೆ ಖ್ಹಾರೀಸ್‍ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ.

ಮಾರ್ಕ 1:14

ಯೋಹಾ‍ನನ ಜೇಲ್‌ಮ ಕೋಂಡಿನ್‌ ಘಾಲಿದೆವಾನ ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನ ಆಯಿನ್ ದೇವ್ನಿ ಸುವಾರ್ತೆನ ಅಮ್ ಬೋಲಿ ಒತಾಳ್ಯೊಕಿ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:53

ಯೇಸು ಹಿಜ್ಜಾ಼ಥೊ ನಿಕ್ಳಾನಿ ವಖ್ಹತ್‌ಮ, ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳು ಯೇಸುನಿ ಚಾ಼ವ್‌ಣ್ಯ ಕಾಡ್ಯು, ಅಜು಼ ಘಣಿ ಬಾರೇಮ ಇನ ಪುಛಾ಼ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:23

ಕತೋಬಿ, ಇವ್ಣೆ ಬಿಜೂ಼ಬಿ ಜೋ಼ರೇಥಿ ಬಳೇಳ್‌ತುಹುಯಿನ್, ಯೇಸುನ ಶಿಲ್‌ಬೆಪರ್ ನಖಾವ್ಣು ಕರಿ ಬೋಲ್ಯು. ಖ್ಹರ್ತಿಮ ಇವ್ಣಿ ಚಿಕ್ರಾಣಸ್ ಜೂತಿಗೈ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:6

ಅನ ಖ್ಹಮ್‌ಜಿನ್‌ ಪಿಲಾತನೆ, “ಆ ಅದ್ಮಿ ಗಲಿಲಾಯವಾಳೊಕಿ ಶು? ಕರಿ ಫುಛಾ಼ಯೊ.

ಯೋಹಾನ 1:43

ಇನ ಅಗ್‍ಲ್ಯ ದನ್ನೆ ಯೇಸು ಗಲಿಲಾಯನ ಜಾ಼ವ್ಣುಕರಿ ಥೋತೆ ತದೆ, ಫಿಲಿಪ್ಪನ ದೇಖಿನ್‌, “ಮಾರ ಜೋ಼ಡೆ ಆವ್!” ಕರಿ ಬೋಲ್ಯೊ.

ಯೋಹಾನ 19:15

ಇವ್ಣೆ, “ಇನ ಮರೈನಾಕ್‌! ಇನ ಮರೈನಾಕ್‌! ಇನ ಶಿಲ್‌ಬೆಪರ್ ಠಂಗಾವ್!” ಕರಿ ಚಿಕ್‌ರ‍್ಯು. ಅಜು಼ ಪಿಲಾತನೆ ಯೆಹೂದ್ಯರ್‌ನ, “ತುಮಾರ ರಾಜಾ಼ನ ಶಿಲ್‌ಬೆಪರ್ ನಖಾವ್ಣು ಕಿಶು?” ಕರಿ ಬೋಲಾನಿ ವಖ್ಹ್‌ತೆ ಮಹಾಯಾಜಕರ‍್ನೆ ಹಮೂನ ಕೈಸರ್ ಮ್ಹೇಲಿನ್ ಬಿಜೊ಼ ರಾಜ಼ ಕೊಯ್ನಿ ಕರಿ ಜ಼ವಾಬ್ ದಿದು.

ಯೋಹಾನ 2:11

ಯೇಸುನೆ ಆ ಪಹಿಲು ಖ್ಹಣೇದ್ನ ಕಾಮ್ನ ಗಲಿಲಾಯನು ಕಾನಾ ಕರಿ ಗಾಮ್ಮಕರ‍್ಯೊ. ಹಿಜ಼್ಜ ಯೇಸು ಇನ ಮಹಿಮೆನ ವತಾಳ್ಯೊ, ಅಜು಼ ಇನ ಶಿಷ್ಯರ್‌ನೆ ಇನಾಪರ್‌ ವಿಶ್ವಾಸ್‌ ಕರ‍್ಯಾ.

ಯೋಹಾನ 7:41

ಬಿಜು಼ ಥೋಡು ಜ಼ಣು, “ಆಸ್ ಕ್ರಿಸ್ತ” ಕರಿ ಬೋಲ್ಯು, ಕತೋಬಿ ಅಜು಼ ಥೋಡ ಅದ್ಮಿನೆ, “ಕ್ರಿಸ್ತ ಗಲಿಲಾಯಥೊ ಕೋ ಆವ್‌ಶೇನಿ!”

ಯೋಹಾನ 7:52

ಇನ ಇವ್ಣೆ, “ತೂಬಿ ಗಲಿಲಾಯವಾಳೊಕಿ ಶು? ಧರ್ಮಶಾಸ್ತ್ರನ ಅಛ್ಛಿನಿತರ ಪಢೀನ್‌ ಶಿಕಿಲೆ. ಗಲಿಲಾಯಥು ಖೆವೂ ಪ್ರವಾದೀಬಿ ಆವ್‌ಶೆ ಕೊಯ್ನಿ ಕರಿ ತದೆ ತುನ ಮಾಲುಮ್‌ ಪಡ್‌ಶೆ” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:37

ಬ್ಯಾಪ್ತಿಸ್ಮ ಕರೈಲೇವ್ಣುಕರಿ ಯೋಹಾನನೆ ಬೋಲಿ ಖ್ಹಮ್‌ಜಾ಼ಡ್ಯೊತೆ ಇನಕೇಡೆಥು ಆ ವಚನ್ ಗಲಿಲಾಯಥು ಧರಿನ್ ಯೂದಾಯ ತಬರ್‌ಖಾಮ ಫೈಲು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:10

ಆ ಹೊಜ್ಜತ್ ಘಣಿ ಹುಯಿನ್, ಅದ್ಮಿನು ಝೂ಼ಂಡ್‌ ಪೌಲನ ಖೇಚ಼ತಾಣಿ ಕರೀನ್ ಫಾಡಿ ಟುಕ್‌ಡ ಟುಕ್‌ಡಾ ಕರಿನಾಕ್ಷೆಕರಿ ಡರ್‌ಥಿ ಸೇನಾಧಿಪತಿನೆ ಶಿಪಾಯಿಖ್ಹಾರಾನ ತುಮೆ ಹೇಟ್ ಉತ್ರಿಜೈ಼ನ್ ಪೌಲನ ಜು಼ಲಮ್‌ಥಿ ಇವ್ಣಕಂಥು ಛೋ಼ಡೈನ್ ಕೋಟೆಮ ಲ್ಯಾವ್ಣುಕರಿ ಹುಕುಮ್ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:33

ಯೆಹೂದ್ಯರ್‌ನ ಗಲ್‌ಢೊಖ್ಹಾರು ಆ ವಾತ್ನ ಖ್ಹಮ್‌ಜಿನ್‌ ಘಣು ಚ಼ಂಢಾಳ್ ಛ಼ಡಿನ್ ಅಪೊಸ್ತಲರ‍್ನ ಮಾರಿನಾಕ್ಣು ಕರಿ ಥೂ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:54

ಆ ವಾತ್ನ ಖ್ಹಮ್‍ಜ್ಯುತೆ ನ್ಯಾವ್ನಿಸಭೆನು ಘಲ್ಡುಖ್ಹಾರು ಘಣು ಖಿಜೈನ್ ಸ್ತೆಫನನ ಉಪ್ಪರ್ ದಾತ್‍ಚಾ಼ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:57

ತದೆ ಯಹುದ್ಯರ್‌ಖ್ಹಾರು ಜೋ಼ರೇಥಿ ಚಿಕ್ರಿನ್, ಕಾನ್ನ ಮೂಚಿಲೀನ್, ಎಕ್ಟುಹುಯಿನ್ ನಾಶಿಆಯಿನ್,