ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:18 - ದೇವ್ನಿ ಖ್ಹಾಚಿ ವಚನ್

¹⁸ ಕತೋಬಿ ಇವ್ಣೆ ಜೋ಼ರೇಖ್ಹು ಚಿಕ್ರಿನ್, “ಅನ ಮರೈನಾಕ್‌! ಹಮಾರಖ್ಹಾಜೆ ಬರಬ್ಬನ ಮ್ಹೇಲಿದೆ” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:18 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:17

ಪಸ್ಕ ಪೂಜಾ಼ನಿ ವೇಳ್ಮ ಅದ್ಮಿಖ್ಹಾರು ಬೋಲಿಲೇಸ್ತೆ ಏಕ್‍ಜ಼ಣಾನ ಖ್ಹಾರ್ಕೊಟ್‌ಮಾಥು ಪಿಲಾತ ಭಾರ್‌ ಕಾಡಿಮ್ಹೇಲ್‍ನು ಪಡ್ಯುಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:19

ಖ್ಹಯೇರ್‌ಮ ಚಾ಼ಲ್ಯುಥೂತೆ ಕಲ್ಹಾಗಟ್‍ನಟೇಕೆ ಅಜು಼ ಅದ್ಮಿನ ಮರ್‌ನಾಖ್ಯುತೆ ಇನಖ್ಹಾಜೆ ಬರಬ್ಬಾನ ಜೇಲ್‌ಮ ಕೋಂಡಿ ಘಾಲಿರಾಖ್ಯುಥು.

ಯೋಹಾನ 18:16

ಕತೋಬಿ ಪೇತ್ರ ಭಾರ್‌ ಬಾಕಲ್‍ಕನ ಟಿವೈರ‍್ಹೋಥೊ. ಮಹಾಯಾಜಕ್‌ನ ಮಾಲುಮ್‍ಥೋತೆ ಬಿಜ್ಜೇಕ್‌ ಶಿಷ್ಯನೆ ಪಾಛೊ಼ ಭಾರ್‌ಐನ್‌, ಬಾಕಲ್‍ಕನ ಕಾವ್ಲಿ ಕರಾವಾಳಿನ ಜೋ಼ಡೆ ವಾತೆ ಬೋಲಿನ್, ಪೇತ್ರಾನ ಮಹಿ ಬುಲೈಲಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:36

ಇನಖ್ಹಾಜೆ ಧಕೇಲ್‍ತು ವಳ್ಯಾವ್‌ತುಥೂತೆ ಅದ್ಮಿನು ಝೂ಼ಂಡ್‌, ಇನ ಮಾರಿನಾಖೊಕರಿ ಚಿಕ್ರುಕರ್ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:22

ಆ ವಾತ್ ಬೋಲಲಗು ಅದ್ಮಿಖ್ಹಾರು ಪೌಲನಿ ವಾತ್ನ ಕಾನ್‍ಲಾಗಾಡಿ ಖ್ಹಮ್‌ಜ್ಯು; ಅನಪಾರ್ ಇವ್ಣೆ “ಅಥ್ರಾನವಾಳಾನ ಜ಼ಮೀನ್‍ಪರ್ಥು ಕಾಡಿನಾಕ್; ಆ ಬಚಾ಼ವನ ಲ್ಹಾಯೇಕ್‍ ಕೊಯ್ನಿ” ಕರಿ ಚಿಕ್ರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:14

ತುಮೆ ಪರಿಶುದ್ಧಬಿ ನೀತಿನೊ ಹುಯಿರೋತೆ ಯೇಸುನ ನಕೊ ಕರಿ ಬೋಲ್ಯ. ಇನಬದಲ್ ಹತ್ಯಾರ ಏಕ್‌ ಚೋ಼ರ್‌ನ ಛೋ಼ಡೈ ದೇವ್ಣು ಕರಿ ಪಿಲಾತನ ಬೋಲಿಲಿದ.