ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:43 - ದೇವ್ನಿ ಖ್ಹಾಚಿ ವಚನ್

⁴³ ತದೆ ಪರಲೋಕ್‌ಥೊ ಏಕ್‌ ಧೂತ ಐನ್, ಯೇಸುನ ದೆಖೈನ್, ಇನ ಭಾಲಿ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:43 ပူးပေါင်းရင်းမြစ်များ

ಮತ್ತಾಯ 26:53

ಮೇ ಮಾರ ಬಾನ ಬೋಲಿಲಿದೋತೊ, ಯೋ ಮನ ಮದತ್ನಖ್ಹಾಜೆ ದೇವ್ ದೂತರ್‌ನು ಭಾರ ದಂಡ್‌-ದಳ್‌ವಾಯಿನಿ ಝೂ಼ಂಡ್‌ನ ಮೋಕಲ್‌ಶೆ ಕರಿ ತುನ ಮಾಲುಮ್‌ ಕೊಯ್ನಿಕಿ ಶು?

ಮತ್ತಾಯ 4:11

ತದೆ ಶೈತಾನ್ನೆ ಇನ ಮ್ಹೆಂದಿನ್ ಚ಼ಲೆಗಯೊ. ಅಜು಼ ದೇವ್‌ನು ದೂತರ್ ಆಯಿನ್, ಇನಿ ಸೇವಾ-ಚಾ಼ಕ್ರಿ ಕರ‍್ಯು.

ಮತ್ತಾಯ 4:6

“ತೂ ದೇವ್‌ನೊ ಛಿಯ್ಯೊ ಉಶೇತೊ, ಹಜ್ಜಾ಼ಥೊ ಹೇಟ್ ಕೂದ್, ‘ದೇವ್ ತಾರಿ ಬಾರೇಮ ಇನ ದೂತರ್‌ನ ಹುಕುಮ್‌ ದಿಶೆ; ತಾರ ಗೋಡೊ ಬಂಡಾನ ಠೋಕರ್ ನಾಲಗ್ನುತೆ ತಿಮ್‌ ಯೋ ತುನ ಹಾತ್‌ಮ ಪಾಡಿಲಿಶೆ. ಕರೀಬಿ ಪವಿತ್ರ ದಪ್ತರ್‌ಮ ಲೀಖೈರ‍್ಹೂಸ್‌ನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:32

ಕತೋಬಿ ತಾರಿ ವಿಶ್ವಾಸ್ ಕಮ್ ನಾ ಹೋಣುಕರಿ, ಮೇ ತಾರಿ ಬಾರೇಮ ದೇವ್ನ ಪ್ರಾರ್ಥನೆ ಕರಿರಾಖ್ಯೊಸ್ ಸೀಮೋನ್. ಅಜು಼ ತೂ ಮಾರಭಣಿ ಫರಾನ ಬಾದ್‌ಮ, ತಾರ ಭೈಯೇನ ಭಾಲಿ ದೇವ್ಣು” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:23

ಪೌಲನೆ ಅಂತಿಯೋಕ್ಯಮ ಥೋಡದನ್ ರ‍್ಹೀನ್ ಫಾಚೊ಼ ಹಿಜ್ಜಾ಼ಥು ನಿಕ್ಳಿನ್ ಗಲಾತ್ಯಬಿ ಫ್ರಿಜಿಯ ತಬರ್‌ಖಾಮ ಫರ್ತೊಹುಯಿನ್ ಹಿಜ಼್ಜಾನ ವಿಶ್ವಾಸಿಖ್ಹಾರನ ಘಟ್‍ಥಿ ಭೀರಾಖ್ಯೊ.

1 ತಿಮೊ 3:16

ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.

ಇಬ್ರಿ 1:14

ಆ ಅಖ್ಖು ದೇವ್ನದೂತರ್ ರಕ್ಷಣೆನು ಹಕ್ನ ಲೀರಾಕ್ಣುತೆ ಇವ್ಣಅಖ್ಖಾನು ಸೇವೆನಖ್ಹಾಜೆ ಮೋಕ್ಲಾಯುತೆ ಸೇವೆನು ಆತ್ಮ ಕಾಹೇಕಿಶು.

ಇಬ್ರಿ 1:6

“ಆ ಕಾಹೆತೆ ದೇವ್ ಇನ ಫೈಲೋಟ ಛಿಯ್ಯಾನ ಧರ್ತಿಪರ್ ಪಾಛು಼ ಮೋಕ್ಲಾನಿ ವಖ್ಹ್‌ತೆ, ದೇವ್ನ ದೂತರ್‌ಖ್ಹಾರು ಇನ ಆರಾದನೆ ಕರ್ನುಕರಿ ಹುಕುಮ್ ಕರಿರಾಖ್ಯೋಸ್”.

ಇಬ್ರಿ 2:17

ಇನಖ್ಹಾಜೆ ಯೊ ಹರೇಕ್ ವಿಚಾರ್‌ಮಾಬಿ ಇನ ಭೈಯೇ ಭೇನೆನ ತಕ್ಕೆರ‍್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್‌ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್‌ಬಿ ವಿಶ್ವಾಸ್‍ಬಿ ಹುಯಿರ‍್ಹಾವಳೊ ಮಹಾಯಾಜಕ್ ಹುಯೊ.