ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:36 - ದೇವ್ನಿ ಖ್ಹಾಚಿ ವಚನ್

³⁶ ತದೆ ಯೇಸುನೆ ಇವ್ಣುನ, “ಕತೋಬಿ ಹಮ್ಕೆ, ಕಿನ-ಕಿನಾಕನ ಚ಼ಂಚಿ ನತರ್‌ಕಿ ಬಟ್‌ವೊ ಛಾ಼ಕಿ ಇನ ಪಾಡಿಲೆವೊ; ಅಜು಼ ಕಿನಾಕನ ತಲ್ವಾರ್‌ ಕೊಯ್ನಿಕಿ ಇವ್ಣೆ, ಇವ್ಣು ಹೋಡ್‍ಣಿನ ವೇಚಿನ್, ಏಕ್‌ ತಲ್ವಾರ್‌ನ ಲೀಲೆವ್ಣು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:36 ပူးပေါင်းရင်းမြစ်များ

ಮತ್ತಾಯ 10:10

ಜಾ಼ವಾನಿ ವಖ್ಹತ್‌ಮ, ಝೋ಼ಳಿ ರ‍್ಹವೊ, ಬೇ ಕುಡ್‌ತಾ ರ‍್ಹವೊ, ಖೋಖ್ಹ್‌ಡು ರ‍್ಹವೊ, ಲಠ್ಠೊ ರ‍್ಹವೊ ನಕೊ ಲೀಜಾ಼ಶು. ಕಾಮ್ ಕರಾವಾಳ ಆಳ್‌ನ ಶಾತ್‌ ಜ಼ರೂರತ್ ಛಾ಼ಕಿ ಯೋ ಇನ ದೆವಾವ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:35

ಅಜು಼ ಯೇಸುನೆ ಇನ ಶಿಷ್ಯರ್‌ನ, “ಮೇ ತುಮೂನ ಚ಼ಂಚಿ, ಬಟ್‌ವೊ ನತರ್‌ಕಿ ಖೋಖ್ಹ್‌ಡಾ ಕೊಯ್ನಿತೆ ಮೋಕ್‌ಲ್ಯೊಥೋತೆ ತದೆ, ತುಮೂನ ಶಾತ್‌ತೋಬಿ ಕಮ್ ಹುಯುಕಿ ಶು? ಕರಿ ಪುಛಾ಼ವಖ್ಹತರ್, ಇವ್ಣೆ, “ಶಾತ್ಬಿ ಕೊಯ್ನಿ” ಕರಿ ಜವಾಬ್‌ ದಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:37

ಶನಕತೊ, ಪ್ರವಾದಿಖ್ಹಾರು ಮಾರಿ ಬಾರೇಮ ಲೀಖೈರ‍್ಹೂತೆ ಇಮ್‌, ಅಪರಾದಿಮ ಏಕ್‌ ಜ಼ಣಾನಿಮತ್ ಮನ ಸೋಚ್ಯು, ಕರಿ ಬೋಲಾನು ಚಾ಼ಲ್ನುತೆ, ಇನಖ್ಹಾಜೆ ಯೋ ಪೂರ ಹುವಾನ ಆಯು.‌

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:38

ಶಿಷ್ಯರ್‌ನೆ ಇನ, “ಪ್ರಭು, ಹಂದೇಕ್‌! ಹಜ್ಜಾ಼ ಬೇ ತಲ್ವಾರ್‌ ಛಾ಼” ಕರಿ ಬೋಲ್ಯು, ತದೆ ಯೇಸುನೆ, “ಎತ್ರು ಬಶ್‌” ಕರಿ ಬೋಲ್ಯೊ.

ಯೋಹಾನ 15:20

ಯಾದ್ ಕರಿಲೆವೊ ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ’ ಕರಿ ಮೇ ಬೋಲ್ಯೋತೆ ವಾತೆ ಶಾತ್‍ಕತೊ ಇವ್ಣೆ ಮನ ಖ್ಹತಾಯೂತೊ, ತುಮೂನಾಬಿ ಖ್ಹತಾವ್‌ಶೆ; ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್ಯುತೊ, ತುಮಾರಿ ವಾತೆನಾಬಿ ಪಾಡಿ ಚಾ಼ಲ್‌ಷೆ.

ಯೋಹಾನ 16:33

ತುಮೆ ಮಾರಾಮ ರ‍್ಹೀನ್, ತುಮೂನ ಶಾಂತಿ ಮಳ್‌ಣು ಕರಿ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್. ಜಗತ್‌ಮ ತುಮೂನ ಖ್ಹತಾಪ್ಣಿ ಛಾ಼, ಕತೋಬಿ ಘಟ್ ರ‍್ಹವೊ,ಶನಕತೊ ಮೇ ಜಗತ್ನ ಜೂತಿರಾಖ್ಯೋಸ್‌” ಕರಿಬೋಲ್ಯೊ.

1 ಥೆಸ 3:4

ಶನಕತೊ ತುಮಾರಕನ ಥಾತೆ ತದೆ, ಖ್ಹತಾಪ್ಣಿನ ಖ್ಹಮಾಳ್‌ನುಸ್‌ಪಡ್ಯು ಕರಿ ಪಹಿಲೇಸ್ ಬೋಲ್ಯಾಥಾನಿ. ಇಮ್ಮಸ್‌ಹುಯು ಕರಿ ತುಮೂನ ಅಛ್ಛಿನಿತರ ಮಾಲುಮ್‌ ಪಡಿರ‍್ಹುಸ್.

1 ಪೇತ್ರ 4:1

ಕ್ರಿಸ್ತನೆ ಅಪ್ಣಖ್ಹಾಜೆ ಇನ ಶರೀರ್‌ಮ ಲತಾಡ ಪಡ್ಯುತೆಖ್ಹಾಜೆ ತುಮೇಬಿ ಜಿನು ಯೋ ದಿಲ್‌ವಾಳ ಹುಯಿನ್ ಖ್ಹತಾಪ್ಣಿಲ್ಯವಾನ ತಯಾರ್‌ಹುವೋ. ಶನಕತೊ ಶರೀರ್‌ಮ ಖ್ಹತಾಪ್ಣಿ ಪಡ್ಯೊಹುಯೊ, ಪಾಪ್ ಕರಾನು ಭಿರಾಖವಾಳೊ ಹುಯಿರ‍್ಹೊಸ್.