ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:32 - ದೇವ್ನಿ ಖ್ಹಾಚಿ ವಚನ್

³² ಕತೋಬಿ ತಾರಿ ವಿಶ್ವಾಸ್ ಕಮ್ ನಾ ಹೋಣುಕರಿ, ಮೇ ತಾರಿ ಬಾರೇಮ ದೇವ್ನ ಪ್ರಾರ್ಥನೆ ಕರಿರಾಖ್ಯೊಸ್ ಸೀಮೋನ್. ಅಜು಼ ತೂ ಮಾರಭಣಿ ಫರಾನ ಬಾದ್‌ಮ, ತಾರ ಭೈಯೇನ ಭಾಲಿ ದೇವ್ಣು” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:32 ပူးပေါင်းရင်းမြစ်များ

ಮತ್ತಾಯ 18:3

“ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಪಾಛು಼ ಫರೀನ್, ಆ ಅಡ್ಡಾಣಿ ಲಡ್ಕಾನಿ ಘೋಣಿ ನಾ ಹುಯಾತೊ, ತುಮೆ ಸೊರ್ಗಾನು ರಾಜ್ಯಮ ಜಾ಼ಶುಸ್ ಕೊಯ್ನಿ.

ಮತ್ತಾಯ 26:75

ತದೆ ಪೇತ್ರನೆ, ಮುರ್‌ಗೊ ಬಾಂಗ್‌ದ್ಯವಾನ ಅಗಾಡಿ, ತೀನ್‍ಹಲ್ಲ ಮಾರಿ ಬಾರೇಮ, ಯೋ ಮನ ಮಾಲುಮ್ ಕೊಯ್ನಿ! ಕರಿ ತೂ ಬೋಲಿಶ್” ಕರಿ ಯೇಸುನೆ ಇನ ಬೋಲ್ಯೊಥೋತೆ ವಾತೆನ ಯಾದ್‌ಕರಿನ್, ಭಾರ್ ಜೈ಼ನ್, ಖ್ಹಡ್‌ಕ್ಯಾಭರೀನ್ ರೋಯೊ.

ಮಾರ್ಕ 14:72

ಯೋಸ್‌ ವಖ್ಹತ್‌ಮ, ಮುರ್‌ಗೊ ಬೇನೆ ಹಲ್ಲ ಬಾಂಗ್‌ ದಿದೊ. ತದೆ ಪೇತ್ರನೆ, “ಮುರ್‌ಗೊ ಬೇ ಹಲ್ಲ ಬಾಂಗ್‌ದ್ಯವಾನ ಅಗಾಡಿ, ತೂ ಮಾರಿ ಬಾರೇಮ ತೀನ್ ಹಲ್ಲ ‘ಯೋ ಮನ ಮಾಲುಮ್ ಕೊಯ್ನಿ’ ಕರಿ ಬೋಲಿಶ್” ಕರಿ ಯೇಸುನೆ ಇನ ಬೋಲ್ಯೊಥೋತೆ ವಾತೆನ ಯಾದ್‌ಕರಿನ್, ಯೋ ಖ್ಹಡ್‌ಕ್ಯಾ ಭರಿನ್ ರೋಯೊ.

ಮಾರ್ಕ 16:7

ಹಮ್ಕೆ ಜಾ಼ವೊ ಅಜು಼ ಆ ಖಬರ್‌ನ ಇನ ಶಿಷ್ಯರ್‌ನ ಅಜು಼ ಪೇತ್ರನಬಿ ಬೋಲೊ, ‘ಯೇಸುನೆ ತುಮೂನ ಬೋಲ್ಯೊಥೋತೆ ಇಮ್ಮಸ್, ತುಮಾರೇಥಿ ಅಗಾಡಿ ಗಲಿಲಾಯನ ವಳ್ಯೊಜಾ಼ಸ್; ಹಿಜ್ಜಾ಼ ತುಮೆ ಇನ ದೇಕ್‌ಶು ಕರಿ ಬೋಲೊ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:13

ಥೋಡು ಅದ್ಮಿ ವಚನ್ನ ಖ್ಹಮಜ಼್‌ತಾಸ್‌ನ, ಖ್ಹುಶಿಥಿ ಇನ ಮಾನಿಲೇಸ್. ಅವ್ಣುನ ಜ಼ಡ್‌ಕೊಂತೆ ಇನಖ್ಹಾಜೆ ಜ಼ರಘಡಿಸ್ ಖಲಿ ನಂಬಸ್‍ ಶೋದನೆನ ಹಗಾಮ್ಮ ಪಡಿಜಾ಼ಸ್‌. ಅವ್ಣೇಸ್ ಬಂಡಾಪರ್ ಪಡ್ಯಾತೆ ಪಂಡಾ ಹುಯಿರ‍್ಹಾಸ್‌.

ಯೋಹಾನ 14:19

ಬಿಜು಼ ಥೋಡ ದನ್ನ ಬಾದ್‌ಮ ಆ ಜಗತ್‌ ಮನ ದೇಕ್‌ಶೆ ಕೊಯ್ನಿ, ಕತೋಬಿ ತುಮೆ ಮನ ದೇಕ್‌ಶು; ಮೇ ಜಿವ್‌ಸ್ತೆ ಇನಖ್ಹಾಜೆ ತುಮೇಬಿ ಜಿವ್‌ಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:32

ಇನ ಶೊಂತ್ ಛಿಯ್ಯಾನಸ್ ಬಚಾ಼ಯೊಕೊಂತೆ ಅಪ್ಣಖ್ಹಾರಾನಖ್ಹಾಜೆ ಇನ ದಿದೊಹುಯೊ, ಅಮ್‌ರ‍್ಹವಾಪರ್ ಖ್ಹಾರುಸ್‌ಬಿ ಇನಜೋ಼ಡ್ಮ ದಿಶೆಕೊಂತೆ ರ‍್ಹಿಶೇಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:34

ಅಪರಾದಿಕರಿ ನಿಶತ್‌ ಕರಾವವಾಳು ಕೋಣ್? ಕ್ರಿಸ್ತಯೇಸು ಮರಣ್‍ಲಿದೊ. ಅಜು಼ ಎತ್ರೇಸ್ ಕಾಹೆತೆ ಮರ‍್ಯಹುಯಮಾಥು ಉಠಿನ್ ದೇವ್ನ ಖಾವಿಬಾಜು಼ಮ ಬೇಶಿನ್. ಯೋಸ್ ಅಪ್ಣಖ್ಹಾಜೆ ಬಿಂತೀನಿವ್ಹಾರ್ ಕರಾವಾಳೊ ಹುಯಿರೋಸ್.

2 ತಿಮೊ 2:18

ಇವ್ಣೆ ಖ್ಹಾಚೊ಼ ಮಾರಗ್‌ನ ಮ್ಹೆಂದಿನ್, ಪಾಛು಼ ಜಿವ್ತುಹುಯಿನ್ ಹುಯಿಗು ಕರಿ ಬೋಲ್ತುಹುಯಿನ್,ಅಮ್ ಥೋಡ ಅದ್ಮಿನಿ ವಿಶ್ವಾಸ್‌ನ ಬರ್ಬಾತ್ ಕರುಕರಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:1

ದೇವ್‌ನೊ ಸೇವಕ್‌ಬಿ ಅಜು಼ ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ ಲೀಖ್ಯೋತೆ. ದೇವ್ನೆ ಚೂ಼ಣ್ಯೋತೆ ಅದ್ಮಿ ಖ್ಹಾರಾನಿ ಖ್ಹಾಚಾಮ ಚ಼ಲಾವನಟೇಕೆ ವಿಶ್ವಾಸ್‌ನ ಭಡಾವಾನಖ್ಹಾಜೆ ಅಜು಼ ಯೊ ಇವ್ಣುನ ಭಕ್ತಿನಿ ಜಿವ್ಣಮ ಚ಼ಲಾವಸ್.

ಇಬ್ರಿ 12:15

ತುಮಾರಮ ಕೋಣ್‌ಬಿ ದೇವ್ನಿ ವಾರ್‌ಖ್ಹೇಥಿ ಛು಼ಕಿನ್ ನಾಜಾ಼ವ್ಣುತೇಬಿ, ಖಿವು ಕಡಿಹುಯಿರೀತೆ ಜ಼ಡ್‌ ಕುಡಿಪಾಡಿನ್ ಅಸಮಧಾನ್‌ ಕರೀನ್ ಕೈಏಕ್ ಜ಼ಣಾನ ಮೈಲು ನಾಕರ‍್ನುತೆ ದೇಖಿಲೆವೊ.

ಇಬ್ರಿ 7:25

ಇನಖ್ಹಾಜೆ ಯೋ ಇನೇಥಿ ದೇವ್‌ಕನ ಆವಾಳಾನ ಪೂರ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೊಸ್. ಶನಕತೊ ಇವ್ಣಖ್ಹಾಜೆ; ದೇವ್‌ಕನ ಬಿಂತೀಕರಾನ ಕೆದೇಬಿ ಜಿವಿರ‍್ಹವಾಳೊ ಹುಯಿರ‍್ಹೊಸ್.

1 ಪೇತ್ರ 1:1

ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೇತ್ರನೆ ಪೊಂತ, ಗಲಾತ್ಯ, ಕಪ್ಪದೋಕ್ಯ ಏಷ್ಯಾ ಬಿಥೂನ್ಯ ಕರಿ ತಬರ್‌ಖಾಮ ಛಿಡ್‍ಕೈಗಾತೆ ಪರೈದೇಖ್ಹ್‌ಮ ಜಿವ್‌ಕರಾತೆ ದೇವ್ನ ಅದ್ಮಿವ್‍ನ ಕತೊ,

1 ಪೇತ್ರ 1:13

ಇನಾಖ್ಹಾಜೆ ತುಮೆ ತುಮಾರ ದಿಲ್ನ ಘಟ್‍ಕರಿಲೀನ್, ಅಛ್ಛಿ ಸೋಚ್‌ವಾಳ ಹುಯಿರ‍್ಹಿನ್, ಯೇಸು ಕ್ರಿಸ್ತ ಆವಾನಿ ವಖ್ಹ್‌ತೆ ತುಮುನ ಮಳ್‌ಶೇತೆ ವಾರ್‌ಖ್ಹಾನ ಉಪ್ಪರ್ ತುಮಾರಿ ಪೂರ ಭರೋಖ್ಹೊ ರ‍್ಹವಾದೆ.

1 ಪೇತ್ರ 1:5

ಕಡ್‍ಶೀನ ದನ್ಮ ಮಾಲುಮ್‌ ಹುವಾನ ತಯ್ಯಾರ್‌ಹುಯಿರ‍್ಹುತೆ ರಕ್ಷಣೆ ವಿಶ್ವಾಸ್ ಕರಾವಾಳ ತುಮುನ ಮಳ್‌ಣುಕರಿ ದೇವ್ ತುಮುನ ಇನಿ ಶಕಥ್ಥಿ ಬಚಾ಼ಡಸ್.

2 ಪೇತ್ರ 3:14

ಅನಖ್ಹಾಜೆಸ್ ಪ್ಯಾರ್‌ನ ದೋಸ್ತಿವೊ ತುಮೆ ಆಖ್ಹಾರನ ಮ್ಹೋರೆ ದೇಖವಾಳ ಹುಯಿರ‍್ಹಾಸ್ತೆ ಇನಖ್ಹಾಜೆ ತುಮೆ ದೇವ್‌ಮ ಸಮಾಧಾನ್‌ಥಿಬಿ, ಪರಿಶುದ್ದಬಿ ನಿರ್ದೋಷಿಬಿ ಹುಯಿನ್ ದೆಖಾವನ ಕೋಶಿಶ್ ಕರೊ.

1 ಯೋಹಾನ 2:19

ಇವ್ಣೆಅಖ್ಖು ಅಪ್ಣ ಖನ್ನೆಥಿ ನಿಕ್ಳಿ ಚ಼ಲೀಗು. ಶನಕತೊ ಇವ್ಣೆ ಖ್ಹಾಚಮಾಬಿ ಅಪ್ಣವಾಳು ಕಾಹೆ. ಇವ್ಣೆ ಅಪ್ಣವಾಳು ರ‍್ಹಿಯುಹೊತ್ತೊ, ಅಪ್ಣಿಜೋಡ್ಮಾಸ್ ರ‍್ಹಿಯುಹೊತ್. ಕತೋಬಿ ಇವ್ಣೆ ಅಪ್ಣೇಥಿ ನಿಕ್ಳಿಗಯುತೆ ಇನಖ್ಹಾಜೆ ಇವ್ಣೆಅಖ್ಖು ಅಪ್ಣವಾಳು ಕಾಹೆಕರಿ ಖ್ಹಾಚೇಥಿ ಮಾಲುಮ್‍ಪಡಸ್.