ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:37 - ದೇವ್ನಿ ಖ್ಹಾಚಿ ವಚನ್

³⁷ ತದೆ ಇನ ಚಾರ್ ಉಪ್ಪರ್ ಚಾರಿಖ್ಹ್ ವರಖ್ಹ್ ಹುಯಿರ‍್ಹಾಥ ಅಜು಼ ಯೋ ಮುಂಡಚ್ಚಿ ಹುಯಿರ‍್ಹೀಥಿ. ಯೋ ದೇವ್ನಿ ಮಂದಿರ್‌ನ ಕದೇಬಿ ಮ್ಹೇಲಿನ್ ಕೋ ಜಾ಼ತಿಥಿಂತೆ, ಉಪವಾಸ್ ಅಜು಼ ಪ್ರಾರ್ಥನೆ ಕರ್ತಿಹುಯಿನ್, ರಾತ್-ದನ್ ದೇವ್ನಿ ಆರಾದನೆ ಕರ್ತಿ ರ‍್ಹೇತಿಥಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:37 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 5:33

ಥೋಡು ಅದ್ಮಿ ಯೇಸುನ, “ಯೋಹಾನನು ಶಿಷ್ಯರ್‌ ಖ್ಹಾರು ಘಡಿಕೇಡೆ ಉಪವಾಸ್ ರ‍್ಹೇಸ್‌ ಅಜು಼ ಬಿಂತಿನಿ ಪ್ರಾರ್ಥನೆ ಕರ್ತು ರ‍್ಹೇಸ್‌, ಇಮ್ಮಸ್ ಫರಿಸಾಯರ್‌ನು ಶಿಷ್ಯರ್‌ಬಿ ಉಪವಾಸ್ ಕರಾಸ್, ಕತೋಬಿ ತಾರು ಶಿಷ್ಯರ್‌ ಕದೇಬಿ ಖಾವಣ್‌ಪಿವಾಣ್‌ ಕರ್ತು ರ‍್ಹೇಸ್‌ನಿ” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:3

ಇನಖ್ಹಾಜೆ ಸಬೆವಾಳು ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರಿನ್ ಬಾರ್ನಬ ಸೌಲನ ಉಪ್ಪರ್ ಹಾತ್‍ಮ್ಹೇಲಿನ್‍ ಇವ್ಣುನ ಬೋಲಿ ಮೋಕ್‍ಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:23

ಪೌಲ,ಬಾರ್ನಬನೆ ಹರೇಕ್ ಸಭೆನ ಇವ್ಣಿ ಹುಕುಮ್‌ಲೀನ್ ಯೋ ಸಬೆನಖ್ಹಾಜೆ ಕರಿ ಶಾಣಖ್ಹಾರಾನ ಚೂ಼ಣ್ಯ. ಇವ್ಣೆ ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರೀನ್ ಇವ್ಣೆ ವಿಶ್ವಾಸ್ ಕರಿರಾಖ್ಯಥಾತೆ ಶಾಣಾಖ್ಹಾರನ ಪ್ರಭುನ ಹಾತ್ಮ ದಿದಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:7

ಹಮಾರು ಭಾರ ಖೂಮ್‍ವಾಳು ದನ್‍ರಾತ್ ಭರೋಖ್ಹಾಥಿ ದೇವ್ನ ಆರಾದನೆ ಕರ್ತುಹುಯಿನ್, ಯೋ ವಾಗ್ದಾನ್ನುಫಲ್ ಲೀಲ್ಯಾವನಖ್ಹಾಜೆ ಟಿವೈರ‍್ಹೂಸ್. ರಾಜ಼, ಯೋಸ್ ಭರೋಖ್ಹಾನಿ ಬಾರೇಮ ಯೆಹೂದ್ಯರ್‌ಖ್ಹಾರು ಮಾರಿ ವಿರೋದ್ ಅಪರಾದ್ ಲಗಾಡುಕರಸ್.

1 ತಿಮೊ 5:5

ಖ್ಹಾಚಮಾಬಿ ದಿಕ್‌ದೆಶಾರ್‌ ಕೊಂತೆ ಏಕ್‌ ಮುಂಡಚ್ಚಿ ರ‍್ಹಯೀತೊ, ಯೋ ದೇವ್‌ಪರ್‌ ಇನೊ ಭರೋಖ್ಹೊ ನಾಖಿನ್, ಇನಿ ಮದತ್ನಖ್ಹಾಜೆ ದನ್-ರಾತ್ ದೇವ್ನ ಪ್ರಾರ್ಥನೆ ಕರಾವಾಳಿ ಹುಯಿರ‍್ಹೇಣು.

ಪ್ರಕಾಶಿತ್ 3:12

ಖಿವೊ ಜೂತಾಸ್ಕಿ ಇನ ಮಾರ ದೇವ್ನ ಮಂದಿರ್‌ಮ ಆಧಾರ್‌ನು ಖಂಬುಕರಿನ್ ಭೀರಾಖಿಷ್. ಯೋ ಕದೇಬಿ ಹಿಜ್ಜಾ಼ಥು ಧಕ್‍ಷೇಸ್‍ ಕೊಯ್ನಿ. ಅತ್ರೇಸ್ ಕಾಹೆತೆ ಮಾರ ದೇವ್ನ ನಾಮ್ನ ಅಜು಼ ಮಾರ ದೇವ್ನ ಖ್ಹಯೇರ‍್ನು ನಾಮ್ ಇನಾಪರ್ ಲೀಖಿಶ್. ನವು ಯೆರೂಸಲೇಮಸ್ ಯೊ ನಂಗರ್. ಯೋ ಖ್ಹಯೇರ್ ಮಾರ ದೇವ್‌ಕಂಥು ಸೊರ್ಗಮಾಥು ಉತ್ರಿ ಆವ್‌ಶೆ. ಮಾರು ನವುನಾಮ್ ಇನಾಪರ್ ಲೀಖಿಶ್.

ಪ್ರಕಾಶಿತ್ 7:15

ಇನಖ್ಹಾಜೆ ಇವ್ಣೆ ಹಮ್ಕೆ ದೇವ್ನ ಸಿಂಹಾಸನ್ನ ಖ್ಹಾಮ್ಣೆರ‍್ಹೀನ್, ಇನ ಮಂದಿರ್‌ಮ ರಾತ್‌ದನ್ ಆರಾದನೆ ಕರುಕರಸ್, ಸಿಂಹಾಸನ್‌ಪರ್ ಬೆಠೊರ‍್ಹವಾಳೋಸ್ ಇವ್ಣುನ ಆಖ್ಹ್‌ರೊ ಹುಯಿರ‍್ಹೊಸ್.