ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:14 - ದೇವ್ನಿ ಖ್ಹಾಚಿ ವಚನ್

¹⁴ “ಉಪ್ಪರ್‌ಲ್ಯಲೋಕ್‍ಮ ದೇವ್ನ ಮಹಿಮೆ ಹುವಾದೆ, ಅಜು಼ ಧರ್ತಿಪರ್ ದೇವ್ನ ಕೋಣ್ ಖ್ಹಾಜ಼ಸ್ಕಿ ಇವ್ಣುನ ಶಾಂತಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:14 ပူးပေါင်းရင်းမြစ်များ

ಮತ್ತಾಯ 21:9

ಯೇಸುನ ಖ್ಹಾಮ್ಣೆ ಅಜು಼ ಪೀಠೆ ಝೂ಼ಂಡ್‌ಥಿ ವಳ್ಯುಜಾ಼ತುಥೂತೆ ಅದ್ಮಿಖ್ಹಾರು, “ದಾವೀದ್‌ನ ಛಿಯ್ಯಾನ ಸ್ತುತಿಹುವ್ವಾದೆ! ಪ್ರಭು ದೇವ್ನ ನಾಮ್‌ಪರ್‌ ಆವಾಳಾನ ಆಶೀರ್ವಾದ್‌ ಹುವಾದೆ! ಉಪ್ಪರ್‌ಲ್ಯ ಲೋಕಾಮ ದೇವ್ನ ಧನ್ಯವಾದ್ ಹುವಾದೆ!” ಕರಿ ಚಿಕ್‌ರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:79

ಅಜು಼ ಅಂಧಾರಮಾಬಿ, ಮರಣ್ಣಿ ಛಾ಼ಳಿಮ ರ‍್ಹವಾಳ ಖ್ಹಾರಾನ ಉಜಾ಼ಳು ದಿಶೆ, ಅಪ್ಣುನ ಸಮಾಧಾನ್ನಿ ವಾಟ್‌ ವತಾಳಿನ್ ಚ಼ಲಾವ್‌ಷೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:38

“ಪ್ರಭುನ ನಾಮ್‌ಪರ್‌ ಆವಾಳ ರಾಜಾ಼ನ ಆಶೀರ್ವಾದ್‌ ಹುವಾದೆ ಪರ್‌ಲೋಕ್‌ಮ ಸಮಾಧಾನ್‍, ಉಪ್ಪರ್‌ಲ್ಯ ಲೋಕ್ಮ ಮಹಿಮೆ ಹುವಾದೆ!” ಕರಿ ಘಣಿಮೋಟಿ ಅವಾಜ಼್ ದೇವ್ನ ಸ್ತುತಿ ಕರಲಗ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:13

ಯೋಸ್ ವಖ್ಹತ್‌ಮ ಪರಲೋಕ್‌ಥು ದೇವ್ ದೂತರ್‌ನು ಮೋಟಿ ಝೂ಼ಂಡ್‌ ಆಯಿನ್, ಯೋ ಪಹಿಲು ದೇವ್ ದೂತನ ಜೋ಼ಡೆ ಮಳಿನ್, ದೇವ್ನ ಸ್ತುತಿ ಕರ‍್ಯು:

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:15

ದೇವ್‌ದೂತರ್‌ ಇವ್ಣಕಂಥು ಪಾಛು಼ ಪರ್‌ಲೋಕ್ ಚ಼ಲ್ಯುಜಾ಼ವಾನ ಬಾದ್‌ಮ, ಮೇಂಢ ಚ಼ರಾವವಾಳು ಏಕ್‌ಥಿ ಏಕ್‌, “ಅಪ್ಣೆ ಹಮ್ಕೇಸ್ ಬೇತ್ಲೆಹೇಮ್‌ನ ಜೈ಼ನ್, ಪ್ರಭುನೆ, ಅಪ್ಣುನ ಮಾಲುಮ್ ಕರಾಯೋತೆ ಆ ಬಾರೇಮ, ಚಾ಼ಲ್ಯುತೆ ಇನ ದೇಖೆ” ಕರಿ ವಾತೆ ಬೋಲಿಲಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:22

ಅಜು಼ ಪವಿತ್ರಾತ್ಮ ಶರೀರ್‌ನಿ ರೂಪ್‍ಹುಯಿನ್ ಪರ‍್ಯಾವಾನಿಘೋಣಿ ಇನಾಪರ್‌ ಉತ್‌ರ‍್ಯು. ತದೆ ಪರಲೋಕ್‌ಮಾಥು, “ತೂ ಮಾರೊ ಲಾಡ್‌ನೊ ಛಿಯ್ಯೊ, ತಾರೇಥಿ ಮೇ ಘಣು ಖ್ಹುಶಿ ಛೂ಼” ಕರಿ ಏಕ್‌ ಆವಾಜ಼್ ಆಯು.

ಯೋಹಾನ 14:27

ಮೆ ಶಾಂತಿನ ತುಮಾರಮ ಮ್ಹೇಲಿನ್ ವಳ್ಯೊಜ಼ವುಸ್‌, ಮಾರಾಮ ಛಾ಼ತೆ ಶಾಂತಿನ ತುಮೂನ ದೆವುಸ್‌; ಆ ಜಗತ್‌ ದೇಸ್ತೆ ಇಮ್‌ ಕಾಹೆ, ಮೇ ತುಮೂನ ದೆವ್‍ಸ್ತೆ, ತುಮಾರೊ ದಿಲ್‌ ಕಲಾವಾದೆ ನಕೊ, ಅಜು಼ ತುಮೆ ಡರೊ ನಕೊ.

ಯೋಹಾನ 17:4

ಕರ‍್ನು ಕರಿ ತುನೆ ಮನ ದಿದೋತೆ ಕಾಮ್ನ ಪೂರ ಕರೀನ್, ಜ಼ಮೀನ್‌ಪರ್ ತುನ ಮಹಿಮೆ ಕರಿರಾಖ್ಯೋಸ್.

ಯೋಹಾನ 3:16

ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:36

ದೇವ್ನೆ ಇಸ್ರಾಯೇಲ್‌ನ ಅದ್ಮಿನ ಜೋ಼ಡ್ಮ ಬೋಲ್ಯೊಥೊ ಯೋಸ್ ಖ್ಹಾರಜ಼ಣನ ಪ್ರಭು ಹುಯಿರ‍್ಹೋಸ್.ಯೊ ಯೇಸು ಕ್ರಿಸ್ತಾಥೀಸ್ ಸಮಾಧಾನ್ ಆವ್‍ಶೆಕರಿ ಬೋಲಾನು ಸುವಾರ್ತೆನ ದೇವ್ನೆ ಇವ್ಣುನ ಮೋಕ್‌ಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:1

ಅಮ್‌ರ‍್ಹವಾಪರ್ ವಿಶ್ವಾಸ್‍ಥಿ ನೀತಿವಾಳುಕರಿ ತೀರ್ಪ್ ಲೀಲಿದಾತೆ ಅಪ್ಣುನ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ದೇವ್ನಿ ಜೋ಼ಡ್ಮ ಸಮಾಧಾನ್‍ ರ‍್ಹೇಸ್.

ಎಫೆಸ 1:6

ಅಜು಼ ಅಪ್ಣೆ ದೇವ್ನಿ ಮಹಿಮೆನಿ ವಾರ್‌ಖ್ಹಾನಖ್ಹಾಜೆ ಧನ್ಯವಾದ್ ಕರಿಯೆ. ಶನಕತೊ ಯೋ ಇನೊ ಪ್ಯಾರ‍್ನೊ ಛಿಯ್ಯಾನಖ್ಹಾಜೆ ಅಪ್ಣುನ ಫುಗಟ್ ವರದಾನ್ ದಿರಾಖ್ಯೊಸ್.

ಎಫೆಸ 1:9

ದೇವ್ ಇನೆ ಖ್ಹೂಜ಼್ ಕರ‍್ಯೊತೆ ಇನ ಕರ‍್ಯೊ, ಅಜು಼ ಕ್ರಿಸ್ತನ ಖ್ಹಾಜೇಥಿ ತದೇಸ್‌ ಪೂರಹುವನ ಖ್ಹಾಜೆ ತೀರ್ಮಾನ್ ಕರಿರಾಖ್ಯೊತೆ ಇನಿ ಗಪ್ಲತ್‌ನಿ ಖ್ಹೂಜ಼್‌ನ ಅಪ್ಣುನ ಮಾಲುಮ್‌ ಕರಾಯೊ.

ಎಫೆಸ 2:4

ಕತೋಬಿ ದೇವ್ನಿ ಗೋರ್‌ ಘಣಿಮೋಟಿ ಅಪ್ಣಖ್ಹಾಜೆ ಜಾ಼ಖ್ಹತ್ ಪ್ಯಾರ್ ವತಾಳಿರಾಖ್ಯೊಸ್.

ಎಫೆಸ 2:7

ಇನೆ ಅಪ್ಣುನ ಕ್ರಿಸ್ತ ಯೇಸುಮ ಆ ಹಗಾಮ್ಮಾಬಿ ಅಜು಼ ಆವ್‌ಶೇತೆ ಅಖ್ಖಾ ಹಗಾಮ್ಮಾಬಿ ಬೋಲಾನ ಕೊಹೋಯ್ನಿತೆ ಎತ್ರೆ ಇನಿ ಮೋಟಿ ವಾರ್‌ಖ್ಹೊಬಿ ಲಾಡ್‌ಬಿ ದ್ಯವಾನಖ್ಹಾಜೆ ಇನೆ ಅಮ್ ಕರ‍್ಯೊ.

ಫಿಲಿಪ್ಪಿ 2:11

ಬಾ ಹುಯಿರ‍್ಹೋತೆ ದೇವ್ನಿ ಮಹಿಮೆನ ಖ್ಹಾಜೆ ಯೇಸು ಕ್ರಿಸ್ತನ ಪ್ರಭುಕರಿ ಹರೇಕ್ ಅದ್ಮಿ ಕಬೂಲ್‍ ಕರ್ಶೆ.

ಫಿಲಿಪ್ಪಿ 2:13

ಶನಕತೊ ದೇವಸ್ ಇನಿಮರ್ಜಿನ ಚ಼ಲಾವ್ಣುಕರಿ ತುಮಾರಮ ಉದ್ದೇಶ್‌ನಾಬಿ ಅಜು಼ ಕೋಶಿಶ್‌ನ ಬಣಾವವಾಳೊ ಹುಯಿರೋಸ್.

ಕೊಲೊಸ್ಸೆ 1:20

ಅಜು಼ ಯೋ ಶಿಲ್‌ಬೇಪರ್ ರಂಚ್ಯೊತೆ ಲ್ಹೊಯಿಥಿ ಯೋ ಸಮಾಧಾನ್ನಬಣೈನ್‍ ಧರ್ತಿಬಿ ಪರಲೋಕ್‌ಮ ಅಖ್ಖಾಸ್ನ ಛಿಯ್ಯಾಥಿಸ್ ಇನಿ ಜೋ಼ಡ್ಮ ರಾಜಿಕರಾನು ಬಾ ದೇವ್ನಿ ಖ್ಹೂಜ಼್‌ ಹುಯಿರ‍್ಹೀಥಿ.

2 ಥೆಸ 2:16

ಅಪ್ಣುನ ಪ್ಯಾರ್ ಕರೀನ್, ಕೆದೇಬಿ ರ‍್ಹವಾನು ಹುಮ್ಮಖ್ಹ್‌ನಬಿ, ಅಛ಼್ಛು ಭರೋಖ್ಹಾನಬಿ ಇನಿ ವಾರ್‌ಖ್ಹೇಥಿ ದಿದೋತೆ ಅಪ್ಣೊ ಬಾ ಹುಯಿರ‍್ಹೋತೆ ದೇವ್‌ಬಿ ಅಪ್ಣೊ ಪ್ರಭು ಯೇಸು ಕ್ರಿಸ್ತ ಯೋಸ್ ತುಮಾರ ದಿಲ್‌ಮನ್ನ ಧಿಲ್‌ಪತ್‌ ದ್ಯವಾದೆ.

ಪ್ರಕಾಶಿತ್ 5:13

ಅತ್ರೇಸ್ ಕಾಹೆತೆ ಆಬ್‌ಮಾಬಿ ಜಮೀನ್‌ಮಾಬಿ ಧರ್ತಿನ ಹೇಟ್‌ಬಿ ದಲ್‌ದರ‍್ಯಾವ್‌ಮಾಬಿ ಉಬ್‍ಜೂತೆ ಅಖ್ಖು ಅಮ್ ಬೋಲ್ಯುಕಿ, “ಸಿಂಹಾಸನ್‌ಪರ್ ಬೆಠೊರ‍್ಹಾವಳನಾಬಿ ಮೇಂಢಾನು ಚೆಲ್ಕು ಹುಯಿರ‍್ಹಾವಳನಬಿ, ಧನ್ಯವಾದ್, ಮರ್ಯಾದಿ, ಮಹಿಮೆ, ಖ್ಹಾರಿಅದಿಕಾರ್, ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ.” ಕರಿ ಬೋಲಾನು ಮೆ ಖ್ಹಮ್‌ಜೊ.