ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:1 - ದೇವ್ನಿ ಖ್ಹಾಚಿ ವಚನ್

¹ ಯೋ ದನೂಮ ಕೈಸರ್ ಅಗಸ್ಟಸ್‌ನೆ ರೋಮ್‍ನು ರಾಜ಼್‌ಭಾರ್‌ ಚಾ಼ಲುಕರಾಸ್ತೆ ಖ್ಹಾರಾಸ್ ದೇಖ್ಹ್‌ಮ ಅದ್ಮಿಖ್ಹಾರಾನಿ ಗಣ್ತಿ ಹೋಣುಕರಿ ಹುಕುಮ್ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:1 ပူးပေါင်းရင်းမြစ်များ

ಮತ್ತಾಯ 22:17

ಇನಖ್ಹಾಜೇಸ್ ಹಮೂನ ಬೋಲ್, ಕೈಸರ್‌ನ ಶುಂಕ ಭಾಂದಾನು ನಿಯಮ್‌ಕಿ ಕೊಯ್ನಿ? ತುನ ಕಿಮ್ ದೆಖಾವಸ್?

ಮತ್ತಾಯ 24:14

ರಾಜ್ಯನು ಆ ಅಛ್ಛಿ ಸಮಾಚಾರ್ ಜಗತ್‌ನು ತಮಾಮ್‌ ದೇಖ್ಹ್‌ವಾಳ ಅದ್ಮಿನ ಸಾಕ್ಷಿನಟೇಕೆ ಬೋಲಾವ್‌ಶೆ; ತದೆ ಖ್ಹರ್ತಿನದನ್‍ ಆವ್‌ಶೆ.

ಮಾರ್ಕ 14:9

“ಹಿಡಿ ಜಗತ್‌ಮ ದೇವ್ನಿ ಅಛ್ಛಿ ಖಬರ್ ಕಿಜ಼್ಜ-ಕಿಜ಼್ಜ ಬೋಲಾವ್‌ಶೇಕಿ, ಹಿಜ್ಜಾ಼-ಹಿಜ್ಜಾ಼ ಅನೆ ಕರೀತೆ ಇನಾಬಿ ಅನಿ ಯಾದ್‌ನಖ್ಹಾಜೆ ಬೋಲ್‌ಶೆ”ಕರಿ ತುಮುನ ಖ್ಹಾಚಮಾಬಿ ಬೋಲುಸ್ ಕರಿ ಬೋಲ್ಯೊ.

ಮಾರ್ಕ 16:15

ಅನ ಬಾದ್‌ಮ ಇವ್ಣುನ, “ತುಮೆ ಜಗತ್ನಿ ಖ್ಹಾರಿ ಬಾಜು಼ಮ ಜೈ಼ನ್‌ ತಮಾಮ್‌ ಅದ್ಮಿನ ದೇವ್ನಿ ಅಛ್ಛಿ ಖಬರ್‌ನ ಬೋಲ್‌ನು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:3

ತಮಾಮ್‌ ಅದ್ಮಿ, ಇವ್ಣು-ಇವ್ಣು ನಾಮ್ ಲಿಖಾವನಖ್ಹಾಜೆ ಇವ್ಣ-ಇವ್ಣ ಗಾಮೆ ಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:5

ಯೋಸೇಫ್‌ನಿ ಜೋ಼ಡ್ಮ ಖ್ಹಗೈ ಪಡಿರ‍್ಹಿಥೀತೆ ಮರಿಯನಾಬಿ ಕೇಡೆ ಬಲೈಲಿನ್ ಇನು ನಾಮ್ ಲಿಖಾಡೈಲ್ಯವಾನಖ್ಹಾಜೆ ಗಯೊ. ತದೆ ಯೋ ಪೂರ ದನ್ನಿ ಬೇಜೂನಿ ಥಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:1

ತಿಬೇರಿಯಸ್ ಕೈಸರ್ ಅದಿಕಾರ್ ಚ಼ಲಾವ್‍ ಕರ್ತೊಥೋತೆ ಪಂಧ್ರಾನೆ ವರಖ್ಹ್‌ಮ, ಪೊಂತ್ಯ ಪಿಲಾತ ಯೂದಾಯ ತಬರ್‌ಖಾನೊ ರಾಜ್ಯಪಾಲ್ ಹುಯಿರ‍್ಹೋಥೊ, ಹೆರೋದ ಗಲಿಲಾಯ ತಬರ್‌ಖಾನ ಚ಼ಲಾವವಾಳೊ ಹುಯಿರೋಥೊ ಅಜು಼ ಇನೊ ನ್ಹಾನೊ ಭೈ ಫಿಲಿಪ್ಪ ಇತುರಾಯ ಅಜು಼ ತ್ರಕೋನಿತಿ ಕರಿ ಮುಲಕ್ನ ಚ಼ಲಾವ್‍ಕರ್ತೋಥೊ. ಲೂಸನ್ಯ ಅಬಿಲೇನೆ ಮುಲಕ್ನ ಚ಼ಲಾವ್‍ಕರ್ತೊಥೋತೆ ವಖ್ಹತ್‌ಮ,

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:28

ಆ ಪ್ರವಾದಿಖ್ಹಾರಾಮ “ಅಗಬ” ಕರಿ ಏಕ್‍ಜ಼ಣೊ ಥೊ. ಅಗಬನೆ ಅಂತಿಯೋಕ್ಯಮ ಪವಿತ್ರಾತ್ಮನಿ ಖ್ಹಯಾಲ್‌ಥಿ, “ಹಿಡಿ ಜಗತ್‍ನಾಸ್ ಕಾಳ್ದುಕಾಳ್ ಆವ್‌ಶೆ” ಕರಿ ಬೋಲ್ಯೊ. ಯೋ ಕಾಳ್ದುಕಾಳ್‍ನ ಹಗಾಮ್ ಕ್ಲೌದಿಯ ರಾಜ಼ನು ಹಗಾಮ್ಮ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:11

ಮೇ ಅನ್ಯಾಯ್ ಕರವಾಳೊ ಹುಯಿನ್ ಶಾತ್ತೋಬಿ ಕರವಾಳೊ ಹುಯಿನ್ ಧರ್ಮಶಾಸ್ತ್ರನಿ ಪರಕ್ ಮನ ಮರಣ್ ದಂಡಣೆನ ಕಾರಣ್ ಹುಯೋತೊಬಿ ಇನ ಮೆ ಮಾನಿಲೇವ್ಸ್. ಕತೋಬಿ ಅವ್ಣೆ ಪೊಳ್ ಗಲತ್‌ನ ಮಾರಪರ್ ನಾಖನುರ‍್ಹಯೂತೊ, ಮನ ಕೋಣ್‌ಬಿ ಅವ್ಣ ಹಾತ್‌ಮ ದ್ಯವಾನ ಕೋ ಉಶೇನಿ. ಮೆ ಕೈಸರ್‌ನ ಖ್ಹಾಮ್ಣೆ ಬೋಲಿಲೆವುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 25:21

ಇನಾಖ್ಹಾಜೆ,ಪೌಲನೆ ‘ಚಕರ್‌ವರ್ತಿ ಕೈಸರ್‌ಥೀಸ್ ಮಾರು ಜಾವಾಬ್‍ನ ಪೂಚ್‌ತಾಚ಼್‌ ಹುವಾದೆ ತಬ್‍ಲಗು ಮನ ಬಚಾ಼ಡ್ಣು’ ಕರಿ ಬೋಲಿಲಿದೊ. ಇನಾಖ್ಹಾಜೆ ರೋಮ್‍ನ ಚಕರ್‌ವರ್ತಿಕನ ಮೋಕ್ಲಲಗು ಇನ ಕಾವ್ಲಿಮ ರಾಕ್ಣುಕರಿ ಹುಕುಮ್‌ದಿದೊ”.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:8

ಖ್ಹಾರೇಥಿ ಪಹಿಲೆ ತುಮಾರಿ ವಿಶ್ವಾಸ್‌ನಿ ಬಾರೇಮ ಜಗತ್ನ ಅಖ್ಖಿಬಾಜು಼ ಪೂಚ್‍ತಾಚ಼್ ಹೂಕರಸ್. ಇನಖ್ಹಾಜೆ ಮೇ ತುಮಾರಭಣೀಥು ಯೇಸುಕ್ರಿಸ್ತನ ನಾಮ್‌ಥಿ ದೇವ್ನ ಧನ್ಯವಾದ್ ಕರುಸ್.

ಫಿಲಿಪ್ಪಿ 4:22

ಹಜ್ಜಾ಼ ಛಾ಼ತೆ ದೇವ್ನು ವಿಶ್ವಾಸಿ ಖ್ಹಾರು ತುಮುನ ಖ್ಹಲಾಮ್ ಕರುಕರಸ್. ವಿಶೇಷ್‌ಥಿ ಕೈಸರ್‌ನು ಮಹೇಲ್‌ಮ ರ‍್ಹವಾಳುಬಿ ತುಮುನ ಖ್ಹಲಾಮ್ ಬೋಲಿರಾಖ್ಯುಸ್.