ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:1 - ದೇವ್ನಿ ಖ್ಹಾಚಿ ವಚನ್

¹ ತದೆ ಯೇಸುನೆ ಖಟು ನಾ ಖಾಣುತೆ, ಹಮೇಶ ಪ್ರಾರ್ಥನೆ ಕರ್ತುರ‍್ಹೇವ್ಣು ಕರಿ ವತಾಳಾನಟೇಕೆ, ಇನ ಶಿಷ್ಯರ್‌ನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:1 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:10

ಶನಕತೊ, ಮಾಂಗವಾಳ ಹರೇಕ್‌ನ ದೆವಾವ್‌ಶೆ, ಢೂಂಡವಾಳನ ಮಳ್‌ಶೆ, ಬಾಕಲ್‌ ಖಟ್‌ಖಟಾವಸ್ಕಿ ಇನ ಕಡಾವ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:36

ಇನಖ್ಹಾಜೇಸ್, ಖ್ಹಾರಿಸ್ ವಖ್ಹತ್‌ಮ ತೈಯಾರ್ ರ‍್ಹವೊ, ಚಾ಼ಲ್‌ಶೇತೆ ಆ ಖ್ಹಾರಾಮ ಬಚಿನ್, ಅದ್ಮಿನೊ ಛಿಯ್ಯಾನ ಖ್ಹಾಮ್ಣೆ ಭೀರ‍್ಯಾವನ ತುಮೆ ಶಕತ್‌ವಾಳ ಹುವಾನಟೇಕೆ, ಖ್ಹಾರಿಸ್ ವಖ್ಹತ್‌ಮ ದೇವ್ನ ಪ್ರಾರ್ಥನೆ ಕರ್ತಾಹುಯಿನ್ ಜ಼ತನ್‌ಥಿ ರ‍್ಹವೊ” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:12

ಕ್ರಿಸ್ತವಾಳು ಭರೋಖ್ಹಾನಿ ಮಹಾ ಇನಾಮ್ನ ಖ್ಹಯಾಲ್ ಕರೀನ್ ಖುಷಿಥಿರ‍್ಹವಾಳಾಬಿ, ಖ್ಹತಾಪ್ಣಿಮ ಖ್ಹಮಾಳಿಲ್ಯಾವಾಳಾಬಿ, ಅಖ್ಖಿ ವೇಳ್ಮ ಘಟ್‍ದಿಲ್‌ಥಿ ಪ್ರಾರ್ಥನೆ ಕರ್ತರ‍್ಹೇವೊ.

2 ಕೊರಿಂಥ 4:1

ದೇವ್ನೆ ಇನಿ ಗೋರ್‌ಥಿ ಆ ಸೇವೆನ ಹಮೂನ ದಿದೋತೆ, ಇನಾಖ್ಹಾಜೆ ಹಮೆ ಹಿಮ್ಮತ್ ಮ್ಹೆಂದಿನ್‍ ಪಾಛ಼ ಫರೀಯೆ ಕೊಯ್ನಿ.

ಗಲಾತ್ಯ 6:9

ಅಛ್ಛಾ಼ನ ಕರಾಮ ವಳ್‍ಶಿ ನಕೊಕರಿಯೆ, ದಿಲ್ಮ ಢೀಲ ನಾಪಡ್ನುತೆ ರ‍್ಹಿಯೆ, ತದೆ ಬರೊಬ್ಬರ್‌ನಿ ವಖ್ಹತ್‌ಮ ಅನಾಜ಼್ ವ್ಹಾಡ್‌ಶು.

ಎಫೆಸ 6:18

ತುಮೆ ಪವಿತ್ರಾತ್ಮಥಿ ಭರೈನ್ ಖ್ಹಾರಿ ವಖ್ಹತ್‌ಮ ಹರೇಕ್ ತರಿಕಾನಿ ಪ್ರಾರ್ಥನೆಥಿಬಿ ಬಿಂತೀನಿವ್ಹಾರ್ಥೀಬಿ ದೇವ್ನ ಪ್ರಾರ್ಥನೆ ಕರೊ. ಅನಾಮ ಏಕ್‌ ಖ್ಹಯಾಲ್‌ವಾಳು ಹುಯಿನ್ ದೇವ್ನ ಅದ್ಮಿ ಖ್ಹಾರಾನಿ ಬಾರೇಮ ಬಿಂತಿಕರ‍್ತಹುಯಿನ್ ಜ಼ತನ್‌ಥಿ ರ‍್ಹವೊ. ಅಖ್ಖಾಸ್ ಅದ್ಮಿನಖ್ಹಾಜೆ ಹಮೇಶ ಪ್ರಾರ್ಥನೆ ಕರಾನು ನಕೊ ಮ್ಹೇಲೊ.

ಫಿಲಿಪ್ಪಿ 4:6

ಖಿವಿ ಬಾರೇಮಾಬಿ ವೇಚ಼್‌ಣೆ ನಾಕರ‍್ನುತೆ ಅಖ್ಖೀಸ್ ವಿಚಾರ್‌ಮ ದೇವ್ನ ಖ್ಹಾಮ್ಣೆ ಧನ್ಯವಾದ್ನು ಪ್ರಾರ್ಥನೆಬಿ ಬಿಂತಿ ಕರ್ತಹುಯಿನ್ ತುಮುನ ಹೋಣುತೆಯಿನ ಪ್ರಭುನ ಖ್ಹಮ್‍ಜಾ಼ಡೊ.

ಕೊಲೊಸ್ಸೆ 4:12

ತುಮಾರಮ ಕ್ರಿಸ್ತ ಯೇಸುನೊ ದಾಸ ಹುಯಿರ‍್ಹೋತೆ ಎಪಫ್ರಬಿ ತುಮುನ ಖ್ಹಲಾಮ್ ಬೋಲಸ್, ತುಮೆ ಪುರ್ಗುಲ್ ಹುಯಿರ‍್ಹೇಣು ಕರೀಬಿ ಖ್ಹಾರಾಸ್ ಕಾಮ್ಮ ದೇವ್ನಿ ಅಖ್ಖಿ ಖ್ಹೂಜ಼್‌ನಿ ಬಾರೇಮ ಪೂರ ಮಾಲುಮ್‌ ಕರಿರಾಖವಾಳ ಹುಯಿರ‍್ಹೇವ್ಣುಕರಿ ಹೈರೋತೆ ತುಮಾರಖ್ಹಾಜೆ ಮನ್‍ಲಗಾಡಿನ್ ಕದೇಬಿ ಪ್ರಾರ್ಥನೆಮ ಹುಮ್ಮಖ್ಹ್‌ ಲೀರಾಖವಾಳೊ ಹುಯಿರ‍್ಹೋಸ್.

ಕೊಲೊಸ್ಸೆ 4:2

ಹೊಷಾರ್‌ಥಿ ರ‍್ಹೀನ್ ಧನ್ಯವಾದ್‍ಕರಾವಾಳ ಹುಯಿರ‍್ಹಿನ್ ಕದೇಬಿ ಪ್ರಾರ್ಥನೆ ಕರ್ತರ‍್ಹೇವೊ.

1 ಥೆಸ 5:17

ಹರ್‌ ವಖ್ಹತ್‌ಮ ಪ್ರಾರ್ಥನೆ ಕರೊ,