ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:30 - ದೇವ್ನಿ ಖ್ಹಾಚಿ ವಚನ್

³⁰ ಅದ್ಮಿನೊ ಛಿಯ್ಯೊ ದೆಖಾವ್‌ಶೇತೆ ದನ್‌ಮಾಬಿ ಅಮ್ಮಸ್ ರ‍್ಹಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:30 ပူးပေါင်းရင်းမြစ်များ

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮತ್ತಾಯ 24:3

ಯೇಸುನೆ ಆಲಿವ್‌ ಪಹಡ್‌ಪರ್ ಬೆಠೋಥೋತೆ ತದೆ ಇನ ಶಿಷ್ಯರ್‌ ಇನಾಕನ ಅಲಕ್‌ಥಿ ಆಯಿನ್, “ಆ ಖ್ಹಾರು ಕದೆ ಚಾ಼ಲ್‌ಷೆ? ತೂ ಆಯಿಶ್‍ತೆ ಅಜು಼ ಆ ಜಗತ್ನಿ ಖ್ಹರ್ತಿ ಹುವಾನ ಖ್ಹಣೇದ್‍ಕಿ ಶು? ಹಮೂನ ಬೋಲ್” ಕರಿ ಪುಛಾ಼ಯಾ.

ಮತ್ತಾಯ 24:37

ನೋಹಾನ ದನ್ಮ ಚಾ಼ಲ್ಯುತೆ ಇಮ್ಮಸ್ ಅದ್ಮಿನೊ ಛಿಯ್ಯೊ ಆವ್‌ಶೇತೆ ದನ್ಮ ಚಾ಼ಲ್‌ಷೆ.

ಮತ್ತಾಯ 24:39

ತೋಫಾನ್ನು ಪಾಣಿ ಐನ್, ತಮಾಮ್‌ನ ವವ್ಹಾಡಿಲೀನ್, ಜಾ಼ವಾತೋಡಿ ಇವ್ಣೆ ಶಾತ್ಬಿ ಮಾಲುಮ್‌ಕೊಂತೆ ಇಮ್‌ ಥೂ. ಇಮ್ಮಸ್ ಅದ್ಮಿನೊ ಛಿಯ್ಯೊ ಆವ್‌ಶೇತೆ ತದೇಬಿ ರ‍್ಹಿಶೆ.

ಮತ್ತಾಯ 26:64

ಯೇಸುನೆ ಇನ, “ತುನೇಸ್ ಬೋಲ್ಯೋನಿ; ಅತ್ರೇಸ್ ಕಾಹೆತೆ ಮೇ ತುಮೂನ ಬೋಲುಸ್ಕಿ, ಹಂಕೇಥು ಅದ್ಮಿನೊ ಛಿಯ್ಯೊ ಮಹಾನ್ ಶಕತ್‌ವಾಳಾನಿ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆ ದೇಕ್‌ಶು!” ಕರಿ ಬೋಲ್ಯೊ.

ಮಾರ್ಕ 13:26

ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಉಜಾ಼ಖ್ಹ್‌ಥಿ ಘೈಗ್‌ತೊಹುಯಿನ್‌, ವಾದ್ಳಮಕರಿ ಆವಾನು ಅದ್ಮಿಖ್ಹಾರು ದೇಕ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:24

ಶನಕತೊ, ವಿಜ಼್‌ಳಿ ಖಡ್ಕಿನ್‌, ಆಬ್‍ಮ ಏಕ್‌ ಬಾಜು಼ಥು ಬಿಜ್ಜೇಕ್‌ ಬಾಜು಼ತೋಡಿ ಚ಼ಮ್‌ಕಾಸ್ತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಇನ ದನ್ಮ ರ‍್ಹಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:29

ಕತೋಬಿ ಲೋಟ ಸೊದೋಮ್ ಗಾಮ್‌ನ ಮ್ಹೆಂದಿನ್ ನೀಕ್‌ಳ್ಯೋತೆ ತದೆ, ಆಬ್‍ಪರ್‌ಥು, ಆಗ್‌ನೊ ಅಜು಼ ರಂಜ಼ಕ್‌ನೊ ಪಾಣಿ ವರ್ಶಿನ್‌ ಇವ್ಣ ಖ್ಹಾರಾವ್‌ನ ಬರ್ಬಾತ್ ಕರಿನಾಖ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:22

ಶನಕತೊ ಲೀಖೈರ‍್ಹೂತೆ ಖ್ಹಾರು ಚಾ಼ಲಾನಖ್ಹಾಜೆ, ಯೋ ದನ್ ಖ್ಹಾರು ನಿಶತ್‌ನೊ ದನ್ ಹುಯಿರ‍್ಹಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:27

ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಮಹಾನ್ ಮಹಿಮೆಥೀಬಿ, ವಾದ್ಳಪರ್ ಆವ್‌ಶೇತೆ ಇವ್ಣೆ ದೇಕ್‌ಶೆ.

1 ಕೊರಿಂಥ 1:7

ಅಮ್‍ರ‍್ಹವಾಪರ್, ಅಪ್ಣೊ ಪ್ರಭು ಯೇಸುಕ್ರಿಸ್ತ ಪಾಛೊ಼ ಆವಾನುಸ್ ಟಿವೈ ದೇಖುಕರಾತೆ ತುಮೆ, ದೇವ್‍ಥಿ ಆವಾತೆ ಹರೇಕ್ ವರಾನ ಲೀಲ್ಯಾವಾಳ ಹುಯಿರಾಸ್.

1 ಕೊರಿಂಥ 1:8

ಯೊ ತುಮೂನ ಖ್ಹರ್ತಿಲಗು ಘಟ್‍ರಾಖಿನ್ ಬಚಾ಼ಡ್‍ಷೆ. ಅಮ್ಮಸ್ ಅಪ್ಣೊ ಪ್ರಭು ಯೇಸುಕ್ರಿಸ್ತ ಬಿಜು಼ ಪಾಛೊ಼ ಆವಾನ ವೇಳ್ಮ ತುಮೆ ನಿರ್ದೋಷಿ ಹುಯಿರ‍್ಹಿಶು.

ಕೊಲೊಸ್ಸೆ 3:4

ತುಮುನ ಜಾನ್‌ ಹುಯಿರ‍್ಹೋತೆ ಕ್ರಿಸ್ತ ದೆಖಾವನಿ ವಖ್ಹ್‌ತೆ ತುಮೇಬಿ ಇನಿ ಜೋ಼ಡ್ಮ ಮಹಿಮೆಮ ದೆಖಾವ್‌ಶು.

2 ಥೆಸ 1:7

ಅಜು಼ ವಾಖ್ಯೊ ಛಾ಼ತೆ ತುಮುನಾಬಿ ಹಮೂನ ಪರಿಹಾರ್ ಕರ್ಶೆ. ಪ್ರಭು ಹುಯಿರ‍್ಹೋತೆ ಯೇಸು ಮಹಾ ಶಕತ್‌ವಾಳೊ ದೇವ್‌ದೂತರ್‌ನ ಜೋ಼ಡೆ ಸೊರ್ಗಥೊ ದೆಖಾವಾನಿ ವಖ್ಹತ್‌ಮ, ಇನ ಸಮಾಧಾನ್ ದಿಶೆ.

1 ಪೇತ್ರ 1:13

ಇನಾಖ್ಹಾಜೆ ತುಮೆ ತುಮಾರ ದಿಲ್ನ ಘಟ್‍ಕರಿಲೀನ್, ಅಛ್ಛಿ ಸೋಚ್‌ವಾಳ ಹುಯಿರ‍್ಹಿನ್, ಯೇಸು ಕ್ರಿಸ್ತ ಆವಾನಿ ವಖ್ಹ್‌ತೆ ತುಮುನ ಮಳ್‌ಶೇತೆ ವಾರ್‌ಖ್ಹಾನ ಉಪ್ಪರ್ ತುಮಾರಿ ಪೂರ ಭರೋಖ್ಹೊ ರ‍್ಹವಾದೆ.

1 ಪೇತ್ರ 1:7

ನಾಶಹುಯಿಜಾ಼ವಾನುಬಿ, ಆಗ್‌ಥಿ ಛ಼ಣೈನ್ ಹುಯಿರ‍್ಹುತೆ ಖ್ಹೋನ್ನೇಥಿಬಿ ಘಣು ಮೋಲ್ನು ಹುಯಿರ‍್ಹುತೆ ತುಮಾರಿ ವಿಶ್ವಾಸ್ ಆ ವದೇಖ್ಹ್‌ಥಿ ತರೀಪ್‌ಶ ಹುಯಿನ್ ಯೇಸುಕ್ರಿಸ್ತ ಆವಾನಿ ವಖ್ಹತ್ ತುಮುನ ಕೀರ್ತಿ, ಮಾನ್, ಮಹಿಮೆ ಅಖ್ಖು ಉಬ್ಜಿ ಆವಾನಿತರಾನು ಹುಯಿರ‍್ಹುಸ್.

1 ಪೇತ್ರ 4:13

ಕತೋಬಿ ತುಮೆ ಕೆತ್ರೆಪರಕ್ಮ ಕ್ರಿಸ್ತನಿ ಖ್ಹತಾಪ್ಣಿವ್‌ಮ ಭಾಗ್‌ವಾಳ ಹುಯಿರಾಸ್ಕಿ ಎತ್ರಸ್‍ಪರಕ್ಮ ಖುಷಿ ಪಡೊ. ಇನಖ್ಹಾಜೆ ಯೋ ಮಹಿಮೆಥಿ ಆವಾದಿನ್ ತುಮೆ ದೇಖಿನ್ ಘಣಿ ಖುಷಿಥಿ ಭರೈಜಾಶು.

1 ಯೋಹಾನ 2:28

ಪ್ಯಾರ್‌ನ ಲಡ್ಕಾವೊ, ಯೋ ದೆಖಾವನಿ ವಖ್ಹ್‌ತೆ. ಅಪ್ಣೆ ಇನಖ್ಹಾಮ್ಣೆ ಭಿರಾವನ ಖ್ಹರ್‌ಮಾವ್ಣುನಾತೆ ಭಾಲಿಥಿ ರ‍್ಹಾವನಿಘೋಣಿ ಇನಾಮ ತಳ್‍ಗಾಠಿನ್ ರ‍್ಹಿಯೆ.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.

ಪ್ರಕಾಶಿತ್ 1:7

“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.