ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:1 - ದೇವ್ನಿ ಖ್ಹಾಚಿ ವಚನ್

¹ ಯೇಸುನೆ ಇನ ಶಿಷ್ಯರ್‌ನ ಬೋಲ್ಯೋಕಿ, “ಅದ್ಮಿನ ಪಾಪ್‌ಮ ಚ಼ಲಾವವಾಳು ರಾಛು಼ ಆವ್‌ಶೆಸ್‌ ಆವ್‌ಶೆ, ಕತೋಬಿ ಇಮ್‌ ಹುವ್ವಾನಿಘೋಣಿ ಕರಾಸ್ತೆ, ಯೋ ಅದ್ಮಿನಿ ಹಾಲ್ನ ಶಾತ್ ಬೋಲು!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:1 ပူးပေါင်းရင်းမြစ်များ

ಮತ್ತಾಯ 16:23

ತದೆ ಯೇಸುನೆ ಫರೀನ್, ಪೇತ್ರನ, “ಏ ಶೈತಾನ್, ಮಾರ ಖ್ಹಾಮ್ಣೇಥೊ ಹಟಿಜಾ಼! ತೂ ಮಾರ ಕಾಮ್ನ ಅಡ್ಡಿ ಹುಯಿರ‍್ಹೋಸ್! ತಾರಿ ಆ ಸೋಚ್ ಅದ್ಮಿನಿ ಸೋಚಸ್‌ ಪಣ್ಕಿ ದೇವ್ನಿ ಸೋಚ಼್ ಕಾಹೆ” ಕರಿ ಬೋಲ್ಯೊ.

ಮತ್ತಾಯ 18:7

ಜಗತ್ನಿ ಹಾಲ್ನ ಶಾತ್ ಬೋಲು! ಶನಕತೊ, ಅದ್ಮಿನ ಪಾಪ್‌ಮ ಚ಼ಲಾವವಾಳು ರಾಛು಼ಖ್ಹಾರು ಛಾ಼! ಇಮ್ನು ರಾಛು಼ಖ್ಹಾರು ಕದೇಬಿ ಚಾ಼ಲ್‌ಷೆ. ಕತೋಬಿ ಇಮ್‌ ಹುವ್ವಾನಿಘೋಣಿ ಕರಾಸ್ತೆ ಯೋ ಅದ್ಮಿನಿ ಹಾಲ್ನ ಶಾತ್ ಬೋಲು!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:31

ಕತೋಬಿ ಅಬ್ರಹಾಮನೆ ಇನ, ‘ಇವ್ಣೆ ಮೋಶೇನು ಅಜು಼ ಪ್ರವಾದಿಯೇನೂಸ್ ವಾತೇನ ಖ್ಹಮ್‍ಜ್ಯುನಾತೊ, ಮರ‍್ಯುಹುಯು ಏಕ್‌ ಜ಼ಣು ಜಿವ್ತುಹುಯಿನ್ ಉಠಿತೋಬಿ, ಇವ್ಣೆ ಮಾನ್‌ಶೆ ಕೊಯ್ನಿ’ ಕರಿ ಬೋಲ್ಯೊ.”

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:13

ಇನಖ್ಹಾಜೆ ಅಪ್ಣೆ ಏಕ್‌ನ ಉಪ್ಪರ್ ಏಕ್‌ ತೀರ್ಪ್‌ನಕೊ ಕರಿಯೆ. ಇನ ಬದಲ್ ಬಿಜೇಕ್ ಭೈನ ಖ್ಹಾಮೆ ಅಡ್ಡಿ ಹುವಾನು ಅಜು಼ ಪಾಪ್ನ ಕಾಮ್ಮ ನಾ ರಡ್ಕಾವ್ಣುತೆ ತಿಮ್ ಹುಯಿರಿಯೇ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:17

ಭೇನ್ ಭೈಯೇವೊ, ತುಮೆ ಶಿಕಿರಾಖ್ಯಾತೆ ಬೋಧನೆನ ವಿರೋದ್ ಹುವಾಳೂಬಿ ತುಮಾರಿ ಒಗ್ಗಟ್ ಫುಟಾಖ್ಹರ್ಕು ತುಮಾರಮ ಕಚ಼್ಚರ್‌ ಹುವಾನಿತರ ಕರವಾಳನಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಎಥ್ರಾನವಾಳಥಿ ದೂರ್ ರ‍್ಹೇವೊಕರಿ ಗಿಂಗೈಲೆವುಸ್.

1 ಕೊರಿಂಥ 10:32

ಬಿಜ಼ ಅದ್ಮಿಯೇವ್‍ ಕತೊ, ಯೆಹೂದ್ಯರ್‌ರ‍್ಹೆವೊ, ಯೆಹೂದ್ಯಕಾಹೇತೆ ರ‍್ಹವೊ, ನತರ್ ದೇವ್ನಿ ಸಬೆವಾಳನರ‍್ಹೇವೊ; ಇವ್ಣೆ ಗಲತ್‍ಮ ಪಡಾನಿಘೋಣಿ ಕದೇಬಿ ನಕೊಕರ್ಷು.

1 ಕೊರಿಂಥ 11:19

ಥೋಡುಜ಼ಣು ದೇವ್‍ಥಿ ಯೋಗ್ಯಕರಿ ಬೋಲೈಲ್ಯವಾಳು ಛಾ಼ಕರಿ ದೆಖಾವನಖ್ಹಾಜೆ ತುಮಾರಮ ಬೇಭಾಗ್‌ ಹುವಾನು ಜ಼ರೂರತ್ ಅನೇಥಿ ಕೋಣ್ ಬರಬ್ಬರ್‌ ಛಾ಼ಕರಿ ಮಾಲುಮ್ ಪಡಾಸ್‌.

1 ಕೊರಿಂಥ 8:13

ಇನಖ್ಹಾಜೆ ಖಾವಾನು ರಾಛು಼ ಮಾರ ಭೇನೆ ಭೈಯೇನ ಪಾಪ್ ಹುವಾನುರ‍್ಹಿಯೂತೊ ಅಜು಼ ಮೇ ಕದೇಬಿ ಬೋಟಿನ ಕೋ ಖೈಶ್‍ನಿ,ಅಮ್ ಮೇ ಇವ್ಣುನ ಪಾಪ್ ಕರಾನ ಕಾರಣ್ ನಾಹೊಣು.

1 ತಿಮೊ 4:1

ಕತೋಬಿ ಪವಿತ್ರಾತ್ಮ ಅಛ್ಛಿಂತರ ಬೋಲಾಸ್. ವಳ್ಯಾವಸ್ತೆ ದನೂಮ, ಥೋಡು ಅದ್ಮಿ ವಿಶ್ವಾಸ್‌ನ ಮ್ಹೆಂದಿಶೆ. ಅವ್ಣೆ ಠಗಾರುಆತ್ಮನಿ ಹುಕುಮ್‌ನ ಪಾಲನ್‍ ಕರ್ಶೆ. ಅಜು಼ ಶೈತಾನ್ ಶಿಕಾಡಿದೇಸ್ತೆ ಪರಕ್ಮ ಇವ್ಣೆ ಚಾ಼ಲ್‌ಷೆ.

ಪ್ರಕಾಶಿತ್ 2:14

ಥೋಡಿ ವಾತೆನಿ ಬಾರೇಮ ತಾರ ಭಣೀಥು ಮಾರಕನ ಅಪ್‌ರಾದ್‌ ಛಾ಼. ಮೂರತ್ನ ಬಲಿಕರಾತೆ ರಾಛಾ಼ನ ಖಾವಮಾಬಿ ವ್ಯಬಿಚಾರ್‌ಮಾಬಿ ಇಸ್ರಾಯೇಲ್‌ವಾಳು ಧೊಕ್‌ಡೈನ್ ಪಟ್ಕಾವ್‍ಣು ಕರಿ ಬಿಳಾಮನೆ ಬಾಲಾಕನ ಶಿಕಾಡ್ಯೊತೆ ಖರಾಬ್ ಬೋಧನೆನ ಧರಿಲ್ಯಾವಳು ತಾರಾಮ ಛಾ಼.

ಪ್ರಕಾಶಿತ್ 2:20

ತಾರ ಭಣೀಥು ಮಾರಕನ ಅಪ್‌ರಾದ್‌ ಏಕ್‌ ಛಾ಼. ಯೆಜೆಬೇಲ್ ಕರಿ ಆ ತಯೇಡ ಇನುಯೋಸ್ ಪ್ರವಾದಿನಿಕರಿ ಬೋಲಿಲಿನ್, ವ್ಯಬಿಚಾರ್‌ ಕರೇಜಾ಼ಯ್‍ಕರೀಬಿ ಮೂರತ್ನ ಅರ್ಪಣ್ ಕರಾನ ರಾಛ಼ನ ಖಾಯೆಜಾ಼ಯ್ ಕರೀಬಿ ಮಾರ ದಾಸರ‍್ನ ಬೋಧನೆ ಕರೀನ್ ಯೋ ಇವ್ಣುನ ಝೂ಼ಟ ಮಾರಗ್‍ಮ ಚ಼ಲವ್‍ಕರಿತೋಬಿ ತೂ ಇನ ಭಿರಾಖ್ಯೊಕೊಂತೆ ಹುಕುಮ್ ದ್ಯವಾಳೊ ಹುಯಿರ‍್ಹೊಸ್.