ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:24 - ದೇವ್ನಿ ಖ್ಹಾಚಿ ವಚನ್

²⁴ ತದೆ ಇನೆ, “ಬಾ, ಅಬ್ರಹಾಮ್! ಮಾರಪರ್ ಗೋರ್‌ ಕರೀನ್, ಲಾಜ಼ರ್‌ನ ಮೋಕಲ್. ಯೋ ಇನಿ ಅಂಗ್‌ಳಿನ ಪಾಣಿಮ ಡುಬೈನ್, ಮಾರಿ ಜೀಬ್‌ನ ಠಂಡು ಕರಾದೆ, ಶನಕತೊ ಆ ಆಗ್‌ಮ ಮೇ ಘಣು ಖ್ಹತುಕರೂಸ್” ಕರಿ ಚಿಕ್ರಿನ್ ಬೋಲಿಲಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:24 ပူးပေါင်းရင်းမြစ်များ

ಪ್ರಕಾಶಿತ್ 22:1

ಅನಕೇಡೆಥು ದೇವ್ನದೂತನೆ ಫಟಕ್‌ಡಿನಿಘೋಣಿ ಉಜಾ಼ಖ್ಹ್‌ ದ್ಯವಾನು ಜಾನ್ನು ಪಾಣಿನ ನದ್ದೀನ ಮನ ವತಾಳ್ಯೊ. ಯೊ ನದ್ದಿ ದೇವ್ ಬಿಜು಼ ಮೇಂಢಾನ ಚೆಲ್ಕಾನು ಸಿಂಹಾಸನ್‌ಕಂಥು ಉಬ್ಜಿನ್,

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಯೋಹಾನ 4:14

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಮತ್ತಾಯ 25:41

ಅನಕೇಡೆಥು ಯೋ ರಾಜ಼ ಇನಿ ಡಾವಿ ಬಾಜೂ಼ಮ ಭೀರ‍್ಯೂತೆ ಅದ್ಮಿಖ್ಹಾರಾನ, ‘ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ದೇವ್ನಿ ಶಾಪ್ನ ಹೇಟ್ ಛಾ಼! ಮನ ಮ್ಹೆಂದಿನ್, ಶೈತಾನ್ನ ಅಜು಼ ಇನ ದೂತರ್‌ನಖ್ಹಾಜೆ ತೈಯಾರ್ ಹುಯಿರ‍್ಹೂತೆ ಹರ್‌ಹಮೇಶಾನಿ ಆಗ್‌ಮ ಜೈ಼ನ್, ಪಡೊ!

ಪ್ರಕಾಶಿತ್ 20:15

ಯೋ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುನಾಮ್‍ ಲೀಖೈರ‍್ಹಾವನು ದೆಖಾಯು ಕೊಯ್ನಿಕಿ ಇನ ಆಗ್ನ ತಲಾವ್ಮ ಭಿರ್ಕಾಯು.

ಯಾಕೋಬ 3:6

ಜೀಬ್‍ಬಿ, ಆಗ್‍ನಿ ಚಿನ್‍ಗಾರಿನಿತರಾಸ್‌. ಯೋ ಖರಾಬ್ ಜಗತ್‌ನು ಖ್ಹಣೇದ್ ಹುಯಿನ್ ಅಪ್ಣ ಖ್ಹಂದಾವ್‌ನ ಇಚ಼್‌ಮ ರ‍್ಹೀನ್ ಅಖ್ಖಾಏಕ್ ಶರೀರ್‌ನ‍ ಮೈಲು ಕರಸ್. ಇನು ಯೋಸ್ ನರಕನಿ ಆಗ್ನಲಗಾಡಿಲಿನ್ ಯೋ ಅಖ್ಖಿ ಜಿ಼ಂದಗೀನಸ್ ಆಗ್‍ಲಗಾಡಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:30

ತದೆ ಯೋ ಶೌಕಾರ್‌ನೆ, ‘ಬಾ ಅಬ್ರಹಾಮ್, ಇಮ್‌ಕಾಹೆ! ಮರ‍್ಯುಹುಯು ಕೋಣ್‌ತೋಬಿ ಏಕ್‌ ಜ಼ಣು ಪಾಛು಼ ಜಿವ್ತುಹುಯಿನ್, ಗಯೂತೊ, ಇವ್ಣೆ ದೇವ್‌ಭಣಿ ಫರ್‌ಶೆ’ ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:8

ತುಮೆ ತುಮಾರು ಪಾಪ್‌ಖ್ಹಾರು ಮ್ಹೇಲಿನ್ ದೇವ್ ಭಣಿ ಫರಿಗಯ ಉಶೇತೊ, ಇನ ಬರಾಬರ್‌ಥಿ ಚಾ಼ಲ್‌ಮ ವತಾಳೊ. ಅಜು಼ ಹಮೆ ಅಬ್ರಹಾಮ್‌ನಿ ಪಿಳ್ಗಿವಾಳ ಕರಿ ತುಮಾರು ತುಮೇಸ್ ಬಡೈ ನಕೊ ಮಾರಿಲೆವೊ. ಮೇ ಬೋಲುಸ್ಕಿ, ದೇವ್‌ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್

ಯಾಕೋಬ 2:13

ಶನಕತೊ ಗೋರ್‌ಕರಾಕೊಂತೆ ರ‍್ಹವಾಳಾನ ನ್ಯಾವ್‍ನಿ ತೀರ್ಪ್‌ಮ ಗೋರ್‌ ವತಾಳ್‌ಶೆ ಕೊಯ್ನಿ. ಗೋರ್‌ ನ್ಯಾವ್‍ನಿ ತೀರ್ಪ್‌ನಾಸ್‌ ಜಿತಿಲಿಶೆ.

ಪ್ರಕಾಶಿತ್ 19:20

ತದೆ ಯೊ ಜಾನ್ವರ್‌ನು ಧರಿಲಿದು. ಅತ್ರೇಸ್ ಕಾಹೆತೆ ಜಾನ್ವರ್‌ ಭಣೀಥು ಅದ್ಭುತ್ ಕಾಮ್‌ಖ್ಹಾರು ಕರೀನ್, ಜಾನ್ವರ್‌ನು ಖ್ಹಣೇದ್ ನಖಾಯಹುಯನ, ಅಜು಼ ಇನ ಮೂರತ್ನ ಆರಾದನೆ ಕರವಾಳನ ಪೊಖ್ಹ್‌ಲೈರಾಖ್ಯೊಥೊತೆ ಯೊ ಝೂ಼ಟುಪ್ರವಾದಿಬಿ ಇನ ಜೋ಼ಡೆ ಧರೈಗಯೊ. ಯೋ ಭೇಜ಼ಣಾನ ಜಾನ್ನಖ್ಹಮೇದ್‌ ರಂಜ಼ಕ್‌ಥಿ ಬಳಾನು ಆಗ್ನ ತಲಾವ್ಮ ಫೇಕ್ಯು.

2 ಥೆಸ 1:8

ಯೊ ಆಗ್‍ನಿ ಝ಼ಲ್‌ಪಟ್‌ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್‌ ದ್ಯವಾನ ಆವ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:12

ಎತ್ರೇಸ್ ಕಾಹೆ ಖ್ಹತ್ನ ಹುಯಿರ‍್ಹವಾಳನಾಬಿ ಯೊ ಬಾ ಹುಯಿರೊಸ್, ಇವ್ಣುನಖಲಿ ಖ್ಹತ್ನ ಹುಯಿರ‍್ಹಿತೆ ಇನಖ್ಹಾಜೆ ಕಾಹೆ ಕತೋಬಿ ಅಪ್ಣೊ ಗುರುಗುರಬ್‌ಲ್ಯೊ ಹುಯಿರ‍್ಹೋತೆ ಅಬ್ರಹಾಮ್‌ನ ಖ್ಹತ್ನಹುವಾನ ಪಹಿಲೆ ಥೂತೆ ವಿಶ್ವಾಸ್‌ನ ಮಾರಗ್‌ಪರ್ ಇವ್ಣೇಬಿ ಚಾ಼ಲಸ್ ಇನಖ್ಹಾಜೆ ಇವ್ಣುನ ಯೊ ಬಾ ಹುಯಿರೊಸ್.

ಯೋಹಾನ 7:37

ಪೂಜಾ಼ನೊ ಖ್ಹರ್ತಿನೊ ಅಜು಼ ಮುಖ್ಯದನ್‌ ಹುಯಿರ‍್ಹೋತೆ ತದೆ ಯೇಸು ಭೀರಿನ್‌ ಊಚಿ ಅವಾಜ಼್‌ಥಿ ಬೋಲಾನು ಶುರುಕರ‍್ಯೊ, “ಕಿನ ಠೋಖ್ಹ್‌ ಲಾಗಸ್ಕಿ, ಯೊ ಅವಾದೆ ಅಜು಼ ಪಿಯ್ಯಾದೆ.

ಮತ್ತಾಯ 5:22

ಕತೋಬಿ ಮೇ ತುಮೂನ ಶಾತ್‌ ಬೋಲಸ್‍ಕತೊ, ತುಮೆ ತುಮಾರ ಭೈಪರ್ ಖೀಜ಼್ ಖಾವಾಳೊ ಹರೇಕ್ ಜ಼ಣೋಬಿ ತುಮೆ ನ್ಯಾವ್‍ನಿ ತೀರ್ಪ್‌ಮ ಪಡ್‍ಶು, ಅಜು಼ ತುಮೆ ತುಮಾರ ಭೈನ, ‘ಏ ಬಿಣ್‍ಅಕ್ಲಿ’ ಕರಿ ಬೋಲ್ಯಾತೊ, ತುಮೂನ ನ್ಯಾವ್‍ನಿ ಸಭೆನಖ್ಹಾಮ್ಣೆ ಭೀರಾಕ್‌ಶೆ, ಅಜು಼, ‘ಏ ಫಾಲ್ತು’ ಕರಿ ಬೋಲವಾಳೊ, ನರಕ್‌ನಿ ಆಗ್‌ಮ ಪಡ್‌ಶೆ.

ಮತ್ತಾಯ 3:9

ಅಬ್ರಹಾಮ್‌ ಹಮಾರೊ ಗುರು ಕರಿ ಬೋಲಾಥಿ ತುಮೆ ದೇವ್ನ ನಿಶಥ್ಥಿ ಬಚಿಜಾ಼ಶು ಕರಿ ನಕೊ ಸೋಚೊ, ಮೇ ತುಮೂನ ಬೋಲುಸ್ಕಿ, ದೇವ್ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:9

ಅನ ಖ್ಹಮ್‌ಜಿನ್‌, ಯೇಸುನೆ ಇನ, “ಆಜ಼್ ಆ ಘರ್‌ನ ರಕ್ಷಣೆ ಐರ‍್ಹೀಸ್, ಶನಕತೊ ಆಬಿ ಅಬ್ರಹಾಮ್‌ನೊ ಪಿಳ್ಗಿವಾಳೊ ಹುಯಿರ‍್ಹೋಸ್‌ನಿ.