ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:23 - ದೇವ್ನಿ ಖ್ಹಾಚಿ ವಚನ್

²³ ಯೋ ಪಾತಾಳ್ನ ಮಹಿ ಖ್ಹತಾಪ್ಣಿ ಪಡುಕರಾನಿ ವಖ್ಹತ್‌ಮ, ಡೋಳ ಪಾಡೀನ್, ದೂರ್‌ಥೊ ಅಬ್ರಹಾಮ್‌ನಾಬಿ ಇನಿ ಛಾ಼ತಿ ಚಿಕೈರ‍್ಹೋತೆ ಲಾಜ಼ರ್‌ನಾಬಿ ದೇಖ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:23 ပူးပေါင်းရင်းမြစ်များ

ಮತ್ತಾಯ 11:23

ಅಲಾ ಕಪೆರ್ನೌಮ್ ಗಾಮ್‍, ತೂ ಸೊರ್ಗಾಮ ಪಡೈಲೀಶ್‌ಕರಿ ಸೋಚಾಸ್ಕಿ ಶು? ಕೊಯ್ನಿ! ತುನ ಪಾತಾಳ್ಮ ನಾಕ್‌ಶೆ! ತಾರಾಮ ಚಾ಼ಲ್ಯುತೆ ಅದ್ಭುತ್‌ಕಾಮ್‌ಖ್ಹಾರು ಸೊದೋಮ್‌ಮ ಚಾ಼ಲ್ಯುಹೋತ್ತೊ, ಯೋ ಖ್ಹಯೇರ್ ಹಂಕೆತೋಡಿ ರ‍್ಹಯುಹೋತ್‌.

ಮತ್ತಾಯ 18:9

ತಾರೊ ಡೋಳೊ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ, ಇನ ಕಚ಼್‌ಕೋರಿನ್ ಫೇಕಿದೆ! ಬೇ ಡೋಳಾ ರ‍್ಹೀನ್ ನರಕ್‌ನಿ ಆಗ್‌ಮ ಫೆಕಾವಥೀಬಿ ಎಕ್ಕಸ್ ಡೋಳೊ ರ‍್ಹೀನ್, ಹರ್‌ಹಮೇಶಾನಿ ಜಿ಼ಂದ್‌ಗೀಮ ಜಾ಼ವಾನೂಸ್ ತುನ ಅಶೇಲ್.

ಮತ್ತಾಯ 23:33

ಅಲ ಖ್ಹಾಪ್ ಅಜು಼ ಖ್ಹಾಪ್‌ನಿ ಪಿಳ್ಗಿವಾಳ, ತುಮೆ ನರಕ್‌ನಿ ತೀರ್ಪ್‌ಥಿ ಛು಼ಕ್‍ಶು ಕರಿ ಕಿಮ್ ಸೋಚೋ಼ಸ್?

ಮತ್ತಾಯ 5:22

ಕತೋಬಿ ಮೇ ತುಮೂನ ಶಾತ್‌ ಬೋಲಸ್‍ಕತೊ, ತುಮೆ ತುಮಾರ ಭೈಪರ್ ಖೀಜ಼್ ಖಾವಾಳೊ ಹರೇಕ್ ಜ಼ಣೋಬಿ ತುಮೆ ನ್ಯಾವ್‍ನಿ ತೀರ್ಪ್‌ಮ ಪಡ್‍ಶು, ಅಜು಼ ತುಮೆ ತುಮಾರ ಭೈನ, ‘ಏ ಬಿಣ್‍ಅಕ್ಲಿ’ ಕರಿ ಬೋಲ್ಯಾತೊ, ತುಮೂನ ನ್ಯಾವ್‍ನಿ ಸಭೆನಖ್ಹಾಮ್ಣೆ ಭೀರಾಕ್‌ಶೆ, ಅಜು಼, ‘ಏ ಫಾಲ್ತು’ ಕರಿ ಬೋಲವಾಳೊ, ನರಕ್‌ನಿ ಆಗ್‌ಮ ಪಡ್‌ಶೆ.

ಮತ್ತಾಯ 5:29

ತಾರೊ ಖಾವೊ ಡೋಳೊ ತುನ ಪಾಪ್‌ಮ ಖ್ಹಪ್‌ಡವಾನು ಉಶೇತೊ, ಇನ ಕಚ಼್‌ಕೋರಿ ಫೇಕಿದೆ, ತಾರು ಹಿಡೀ ಶರೀರ್ ನರಕ್ಮ ಪಡಾಥೀಬಿ, ತಾರು ಶರೀರ‍್ನು ಏಕ್‌ ಭಾಗ್‌ ನಾ ರ‍್ಹಯುತೋಬಿ ತುನ ಅಛ್ಛು಼ ಕಾಹೆಕಿ ಶು.

ಮತ್ತಾಯ 8:29

ತದೇಸ್‌ ಇವ್ಣೆ, “ದೇವ್ನ ಛಿಯ್ಯಾ, ಹಮಾರೇಥಿ ತುನ ಶಾತ್‌ ಛಾ಼? ವಖ್ಹತ್ ಆವಾನ ಆಗಾಡಿಸ್‌ ಹಮೂನ ನಿಶತ್ ದ್ಯಾವಾನ ಐರ‍್ಹೋಸ್ಕಿ ಶು?” ಕರಿ ಚಿಕ್ರಿನ್ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:24

ತದೆ ಇನೆ, “ಬಾ, ಅಬ್ರಹಾಮ್! ಮಾರಪರ್ ಗೋರ್‌ ಕರೀನ್, ಲಾಜ಼ರ್‌ನ ಮೋಕಲ್. ಯೋ ಇನಿ ಅಂಗ್‌ಳಿನ ಪಾಣಿಮ ಡುಬೈನ್, ಮಾರಿ ಜೀಬ್‌ನ ಠಂಡು ಕರಾದೆ, ಶನಕತೊ ಆ ಆಗ್‌ಮ ಮೇ ಘಣು ಖ್ಹತುಕರೂಸ್” ಕರಿ ಚಿಕ್ರಿನ್ ಬೋಲಿಲಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:28

ಮನ ಪಾಚ಼್ ಭೈಯೇ ಛಾ಼. ಇವ್ಣೆತೋಬಿ ಆ ಖ್ಹತಾಪ್ಣಿನಿ ಝ಼ಗೋಪರ್ ನಾ ಆವ್ಣುತೆ ಇಮ್‌, ಲಾಜ಼ರ್‌ ಜೈ಼ನ್, ಇವ್ಣುನ ಝೇತಾವಾದೆ’ ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:28

ಇನೆ ಯೇಸುನ ದೇಖಿನ್ ಬಳೇಳಿನ್‌, ಇನಖ್ಹಾಮ್ಣೆ ಪಡೀನ್, ಚೋ಼ರ್ ಆವಾಜ಼್‌ಥಿ, “ಪರಮಂಡಲ್‌ನೊ ದೇವ್ನ ಛಿಯ್ಯಾ, ಯೇಸು! ಮಾರೇಥಿ ತುನ ಶಾತ್‌ ಛಾ಼? ಮನ ಖ್ಹತೈಶ್‌ ನಕೊ ಕರಿ ತುನ ಗಿಂಗಾವುಸ್” ಕರಿ ಬೋಲಿಲಿದೊ.

1 ಕೊರಿಂಥ 15:55

ಮರಣ್, ತಾರಿ ಜೀತ್ ಕ್ಯಾ? ಮರಣ್ ತಾರು ಝಾರ್‌ ಕಣ್ಣಿ ಕಿಜ್ಜಾ಼ ಛಾ಼.

2 ಪೇತ್ರ 2:4

ಕಿಮ್‌ಕತೊ ದೇವ್‌ನು ದೂತಖ್ಹಾರು ಪಾಪ್ ಕರ್ತಾನ ದೇವ್ನೆ ಇವ್ಣುನ ಖ್ಹೊಪೊ ಮ್ಹೇಲ್ಯೊಕೊಂತೆ, ನರಕ್ಮ ಧಕೆಲೀನ್ ನ್ಯಾವ್ನತೀರ್ಪ್‌ನ ಲಿಲ್ಯಾವನಖ್ಹಾಜೆ ಖ್ಹಂಕಳ್‍ಥಿ ಭಂದೈನ್‌ ಅಂಧಾರಿನ ಪಾಳ್ಯಮ ದಿನಾಖಿದಿದೊ.

ಪ್ರಕಾಶಿತ್ 20:10

ಅತ್ರೇಸ್ ಕಾಹೆತೆ ಇವ್ಣುನ ಠಗಾಯೊತೆ ಶೈತಾನ್ ಆಗ್ ರಂಜ಼ಕ್‌ಖ್ಹಾರು ಲಾಗುಕರಾನ ತಲಾವ್ಮ ನಾಖಿದಿದು ಹಿಜ್ಜಾ಼ ಜಾನ್ವರ್‌ಬಿ ಝೂ಼ಟುಪ್ರವಾದಿ ಖ್ಹಾರೂಬಿ ಹಿಜ್ಜಾ಼ ಥು. ಇವ್ಣೆ ರಾತ್‌ದನ್ ಜ಼ಗ್‌ಜ಼ಮಾನಮಾಬಿ ಖ್ಹತಾಪ್ಣಿ ಪಡುಕರ್ಷೆ.