ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:8 - ದೇವ್ನಿ ಖ್ಹಾಚಿ ವಚನ್

⁸ ಏಕ್‌ ತಯೇಡಾಕನ ದಖ್ಹ್‌ ರೂಪಾನು ಬಿಲ್ಲು ಛಾ಼ ಕರಿ ಸೋಚೊ. ಇನಾಮಾನು ಏಕ್‌ ಬಿಲ್ಲಾನ ಯೋ ಗುಮೈಲಿದಿತೊ ಯೋ ಶಾತ್‌ ಕರ್ಶೆ? ಯೋ ತಯೇಡ ದೀವೊ ಲಗಾಡಿನ್, ಹಿಡಿ ಘರ್‌ನಾಸ್ ಝಾ಼ಡೀನ್, ಗುಮೈಗಯೂತೆ ಯೋ ಬಿಲ್ಲು ಮಳಾತೋಡಿ, ಹೊಷಾರ್‌ಥಿ ಢೂಂಡಾ ಕೊಯ್ನಿಕಿ ಶು?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:8 ပူးပေါင်းရင်းမြစ်များ

ಮತ್ತಾಯ 5:15

ಅಜು಼ ಕೋಣ್‌ಬಿ ದೀವೊ ಲಗಾಡಿನ್, ಕೋಳ್ಗಾನಹೇಟ್ ಮ್ಹೇಲಾಕೊಯ್ನಿ; ಅನಬದಲ್ ಘರ್‌ಮ ಛಾ಼ತೆ ಹರೇಕ್ನ ಉಜಾ಼ಳು ದ್ಯವಾನಿತರ ದೀವೊ ಮ್ಹೇಲಾನಿ ಖಂಬಾಪರ್‌ ಮ್ಹೇಲಾಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:7

ಇಮ್ಮಸ್, ದೇವ್‌ಭಣಿ ಫರಾನ ಮನ್‌ಕೊಂತೆ, ನೌ ಉಪ್ಪರ್ ಖ್ಹಡ್‌ಚಾರೀಖ್ಹ್ ನೀತಿವಾಳ ಅದ್ಮಿಥೀಬಿ, ದೇವ್‌ಭಣಿ ಫರಾಸ್ತೆ ಏಕ್‌ ಪಾಪಿನಿ ಬಾರೇಮ, ಪರ್‌ಲೋಕ್‌ಮ ಘಣು ಖ್ಹುಶಿಹುವ್ವಾಸ್ ಕರಿ ಮೇ ತುಮೂನ ಬೋಲುಸ್”.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:9

ಮಳಾನ ಬಾದ್‌ಮ, ಇನಿ ದೋಸ್‌ತಿಯೆ ಖ್ಹಾರಿನ ಎಕ್ಟು ಕರಿಲೀನ್, ‘ಗುಮೈಗಯೂತೆ ಯೋ ಮಾರು ಬಿಲ್ಲು ಮಳ್ಯು, ಮಾರ ಜೋ಼ಡೆ ಖ್ಹುಶಿ ಕರೊ’ ಕರಿ ಬೋಲಾಕೊಯ್ನಿಕಿ ಶು?

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:10

ಶನಕತೊ ಅದ್ಮಿನೊ ಛಿಯ್ಯೊ, ಗುಮೈಗೂತೆ ಇನ ಢೂಂಡಿನ್ ಬಚಾ಼ಡನಖ್ಹಾಜೆ ಐರ‍್ಹೋಸ್ತೆ” ಕರಿ ಬೋಲ್ಯೊ.

ಯೋಹಾನ 10:16

ಅತ್ರೇಸ್ ಕಾಹೆತೆ, ಆ ಮಂಧಾಮ ಮಳ್ಯುಕೊಂತೆ ಬಿಜು಼ ಖ್ಹಾರು ಮೇಂಢಾಬಿ ಮನ ಛಾ಼, ಇನಾಬಿ ಮೇ ಲೀನಸ್ ಆವ್ಣು, ಇವ್ಣೆ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ತದೆ ಎಕ್ಕಸ್ ಝೂ಼ಂಡ್‌ ಉಶೆ ಅಜು಼ ಎಕ್ಕಸ್ ಜ಼ಣೊ ಕುರುಬ ರ‍್ಹಿಶೆ.

ಯೋಹಾನ 11:52

ಖಲಿ ಯೆಹೂದ್ಯರ್‌ನಖ್ಹಾಜೆ ಕಾಹೆ, ಪಣ್ಕಿ ಛಿದ್‍ರೈಗಯುತೆ ದೇವ್‌ನು ಅದ್ಮಿಖ್ಹಾರಾನ ಎಕ್ಟು ಕರಾನಖ್ಹಾಜೆ ಯೇಸು ಮರವಾಳೊ ಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:19

ಯೋಬಿಕೊಂತೆ ಜಾ಼ದು ಮಂತರ್ ಕರವಾಳಾಮ ಕೈಯೇಕ್‌ಜ಼ಣು ಇವ್ಣ ಫಾಲ್ ಪುಸ್ತಕ್ನ ಜ಼ಮ ಕರಿಲೈನ್ ಅಖ್ಖಾನ ಖ್ಹಾಮ್ಣೆ ಬಾಳಿನಾಖ್ಯು. ಯೋ ಅಖ್ಖಾನು ಮೋಲ್ ಗಣ್ತಿ ಕರ‍್ಯುತೊ ಖ್ಹುಮಾರ್ ಅಡೈವಿಖ್ಹ್‌ ರೂಪಾನ ಪೈಶಾಯೆತ್ರು ಹುಯು.

ಎಫೆಸ 2:17

ಆಬಿ ಕಾಹೆತೆ ಯೊ ಅಯಿನ್ ದೂರ್ ಹುಯಿರ‍್ಹಥಾತೆ ತುಮೂನಾಬಿ ಅಜು಼ ಖನ್ನೆ ಹುಯಿರ‍್ಹುಥೂತೆ ಯೆಹೂದ್ಯರ್‌ನಾಬಿ ಸಮಾಧಾನ್ನಿ ಸುವಾರ್ತೆನ ಬೋಲ್ಯೊ.