ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:32 - ದೇವ್ನಿ ಖ್ಹಾಚಿ ವಚನ್

³² ಇಮ್‌ ಹರಾವನ ಕೋ ಉಶೇನಿ ಕರಿ ಮಾಲುಮ್ ಪಡ್ಯೂತೊ, ಯೋ ವಳ್ಯಾವಾತೆ ರಾಜ಼ ದೂರ್ ರ‍್ಹವಾನಿಸ್ ವಖ್ಹತ್‌ಮ, ಇನು ಖಬರ್ ದ್ಯವಾಳಾನ ಮೋಕ್ಲೀನ್, ಶಾಂತಿನು ಒಪ್ಪಂದ ಕರಿಲಿಯೆ, ಕರಿ ಬೋಲಿಲೇಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:32 ပူးပေါင်းရင်းမြစ်များ

ಮತ್ತಾಯ 5:25

“ತಾರೊ ವಿರೋದಿ ತುನ ನ್ಯಾವ್ನಖ್ಹಾಜೆ ನ್ಯಾಯದೀಶಕನ ಖೇಚಿಲೀಜಾ಼ವನ ಅಗಾಡಿಸ್ ತೂ ವಾಟ್‌ಪರಸ್ ಹೇಳ್‍ಮೇಳ್‍ ಹುಯಿಜಾ಼. ನತರ್‌ಕಿ ತಾರೊ ವಿರೋದಿ ತುನ ನೈಯಾಕನ ಖೇಚಿಲಿಜಾ಼ಶೆ. ಯೋ ನಯ್ಯೊ ಜೇಲ್‌ನ ಶಿಪಾಯಿನ ಹಾತ್ಮ ದಿಶೆ ಅಜು಼ ತೂ ಜೇಲ್‌ಮ ಫೆಕೈಜೀಶ್.

ಮತ್ತಾಯ 5:42

ಕೋಣ್‌ತೋಬಿ ತಾರಕನ ಶಾತ್ತೋಬಿ ಮಾಂಗ್ಯುತೊ, ಇನ ದೇ; ತಾರಕನ ಕರಜ಼್ ಮಾಂಗವಾಳನ ಮ್ಹೋಡು ನಕೊ ಫರೈಲೀಶ್‌.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:58

ತಾರಪರ್ ಹೊಜ಼್ಜತ್‌ಕರ್ನು ಕರಿ ಛಾ಼ತೆ ಇನ ಜೋ಼ಡೆ ನೈಯಾಕನ ಜಾ಼ವಾನಿ ವಖ್ಹತ್‌ಮ, ವಾಟ್‌ಪರಸ್ ಝ಼ಗ್ಡಾನ ಪರಿಹಾರ್‌ ಕರಾನ ಕೋಶಿಶ್ ಕರ್‌. ನತರ್‌ಕಿ ಯೋ ತುನ ನೈಯಾಕನ ಖೇಚಿಲಿಜಾ಼ಶೆ, ಯೋ ನಯ್ಯೊ ಜೇಲ್‌ನ ಶಿಪಾಯಿನ ಹಾತ್ಮ ದಿಶೆ ಅಜು಼ ಯೋ ತುನ ಜೇಲ್‌ಮ ಕೋಂಡಿಘಾಲ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:31

ಏಕ್‌ ರಾಜ಼ ಬಿಜೇಕ್ ರಾಜಾ಼ನ ಜೋ಼ಡೆ ಜಂಗ್ ಭೀಡಾನ ಜಾ಼ವಾನ ಅಗಾಡಿ, ವೀಖ್ಹ್‌ ಹಜಾ಼ರ್ ದಂಡ್‌-ದಳ್‌ವಾಯಿನ ಲೀನ್, ಜಂಗ್‌ನ ವಳ್ಯಾವಾತೆ ಯೋ ರಾಜಾ಼ನ ಜೋ಼ಡೆ, ದಖ್ಹ್‌ ಹಜಾ಼ರ್ ದಂಡ್‌-ದಳ್‌ವಾಯಿನ ಲೀಜೈ಼ನ್, ಹರಾವನ ಉಶೇಕಿ ಕೊಯ್ನಿ, ಕರಿ ಪಹಿಲೇಸ್ ಬೇಶಿನ್ ಸೋಚ಼ಸ್‌.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:33

ಇಮ್ಮಸ್, ತುಮಾರಮ ಕೋಣ್‌ಬಿ ರ‍್ಹವೊ, ಇನಛಾ಼ತೆ ಖ್ಹಾರಸ್ನ ನಾ ಮ್ಹೇಲ್ಯೂತೊ, ಯೋ ಮಾರೊ ಶಿಷ್ಯ ಹುಯಿರ‍್ಹೇವಾನ ಕೋ ಹುವಾನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:14

ಕತೋಬಿ ಇನು ಶೊಂತ್‌ ಖ್ಹಯೇರ‍್ನು ಅದ್ಮಿ ಇನಾಪರ್‌ ದಾವೊ ಕರೀನ್, ಇನ ಪೀಠೆ ಖಬರ್ ದ್ಯವಾಳಾನ ಮೋಕ್ಲಿನ್, “ಆ ಹಮಾರಪರ್‌ ರಾಜ಼್‌ಭಾರ್‌ ಚ಼ಲಾವಾನು ಹಮೂನ ಅಛ್ಛು಼ ಲಾಗಕೊಯ್ನಿ” ಕರಿ ಇನ ಬೋಲ್ಯು.‌

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:20

ತೂರ್ ಅಜು಼ ಸಿದೋಮ್ ಖ್ಹಯೇರ‍್ನ ಅದ್ಮಿವೋನ ಉಪ್ಪರ್ ಹೆರೋದನೆ ಜಾ಼ಖ್ಹತ್ ಇರಾದೊ ಕರಿರಾಖ್ಯೊಸ್‍ಕರಿ, ಯೊ ಅದ್ಮಿಖ್ಹಾರು ಹೆರೋದನ ಮಳಾನ ಜಮಹುಯಿನ್ ನಿಕ್‍ಳ್ಯು. ಇವ್ಣೆ ರಾಜ಼ನೊ ಮಹೇಲ್‌ನದೇಖಿಲ್ಯವಾಳೊ ಮೋಟೊ ಅದಿಕಾರಿ ಹುಯಿರೊಥೋತೆ ಬ್ಲಾಸ್ತನನ ಪೊಖ್ಹ್‌ಲೈನ್ ಮದತ್‌ಕರ್‌ ಕರಿ ರಾಜ಼ ಇವ್ಣಿ ಜೋ಼ಡ್ಮ ಶಾಂತಿಹುಯಿನ್ ಮಳಿಜಾ಼ವ್ಣುಕರಿ ಹೆರೋದನ ಬೋಲಿಲಿದು. ಶನಖ್ಹಾಜೆ ಕತೊ ಇವ್ಣ ಮುಲಕ್ನ ಹೆರೋದನ ಮುಲಕ್‍ಥು ಖಾಣಾನು ಜಿನಖ್ಹ್‌ ಮಂಗೈಲೆವ್ಣುಥು.