ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:31 - ದೇವ್ನಿ ಖ್ಹಾಚಿ ವಚನ್

³¹ ಯೋಸ್ ವಖ್ಹತ್‌ಮ ಥೋಡು ಜ಼ಣು ಫರಿಸಾಯರ್ ಯೇಸುಕನ ಐನ್, ತೂ ಹಜ್ಜಾಥೊ ಚ಼ಲ್ಯೊಜಾ಼! ಹೆರೋದ ತುನ ಮಾರಿನಾಕ್ಣು ಕರಿ ಛಾ಼” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:31 ပူးပေါင်းရင်းမြစ်များ

ಮತ್ತಾಯ 14:1

ಯೋ ದನೂಮ, ಹೆರೋದ ಗಲಿಲಾಯಮ ರಾಜ಼್‌ಭಾರ್‌ ಚ಼ಲಾವ್‍ ಕರ್ತೊಥೊ, ಅದ್ಮಿಖ್ಹಾರು ಯೇಸುನಿ ಬಾರೇಮ ಬೋಲುಕರ್ತುಥೂತೆ ಇನೆ ಖ್ಹಮ್‌ಜೊ.

ಮತ್ತಾಯ 14:3

ಹೆರೋದನೆ ಹೆರೋದ್ಯನಖ್ಹಾಜೆ ಯೋಹಾನ್ನ ಧರೈನ್, ಭಂದೈನ್, ಜೇಲ್‌ಮ ಕೋಂಡಿ ಘಲಾಯೋಥೊ. ಆ ಹೆರೋದ್ಯ ಹೆರೋದನೊ ಮೋಟೊ ಭೈ ಫಿಲಿಪ್ಫನಿ ಬಾವಣ್‍ ಹುಯಿರ‍್ಹೀಥಿ.

ಮತ್ತಾಯ 14:6

ಹೆರೋದನೊ ಪೈದಾಖ್ಹ್‌ನೊ ದನ್ಮ, ಹೆರೋದ್ಯನಿ ಛೋ಼ರಿ ಹೆರೋದ ಅಜು಼ ಇನ ಮೆಹೆಮಾನ್ನ ಖ್ಹಾಮ್ಣೆ ನಾಚಿನ್ ವತಾಳಿ. ಅನೇಥಿ ಹೆರೋದನ ಘಣು ಖ್ಹುಶಿ ಹುಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:7

ಯೇಸು ಹೆರೋದ ಅದಿಕಾರ್ ಚ಼ಲಾವ್‍ಕರಾಸ್ತೆ ಗಾಮ್‌ವಾಳೊ, ಕರಿ ಪಿಲಾತನ ಮಾಲುಮ್ ಪಡ್‌ತಾನ, ಯೇಸುನ ಹೆರೋದಕನ ಮೋಕ್‌ಲ್ಯೊ, ಯೋ ದನ್ಮ ಹೆರೋದ ಯೆರೂಸಲೇಮ್ಮಾಸ್ ಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:1

ತಿಬೇರಿಯಸ್ ಕೈಸರ್ ಅದಿಕಾರ್ ಚ಼ಲಾವ್‍ ಕರ್ತೊಥೋತೆ ಪಂಧ್ರಾನೆ ವರಖ್ಹ್‌ಮ, ಪೊಂತ್ಯ ಪಿಲಾತ ಯೂದಾಯ ತಬರ್‌ಖಾನೊ ರಾಜ್ಯಪಾಲ್ ಹುಯಿರ‍್ಹೋಥೊ, ಹೆರೋದ ಗಲಿಲಾಯ ತಬರ್‌ಖಾನ ಚ಼ಲಾವವಾಳೊ ಹುಯಿರೋಥೊ ಅಜು಼ ಇನೊ ನ್ಹಾನೊ ಭೈ ಫಿಲಿಪ್ಪ ಇತುರಾಯ ಅಜು಼ ತ್ರಕೋನಿತಿ ಕರಿ ಮುಲಕ್ನ ಚ಼ಲಾವ್‍ಕರ್ತೋಥೊ. ಲೂಸನ್ಯ ಅಬಿಲೇನೆ ಮುಲಕ್ನ ಚ಼ಲಾವ್‍ಕರ್ತೊಥೋತೆ ವಖ್ಹತ್‌ಮ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:7

ಗಲಿಲಾಯ ತಬರ್‌ಖಾಮ ಅದಿಕಾರ್ ಚ಼ಲಾವವಾಳೊ ಹೆರೋದನೆ, ಚಾ಼ಲುಕರಾತೆ ಆ ಖ್ಹಾರಾನಿ ಬಾರೇಮ ಖ್ಹಮ್‌ಜಿನ್‌, ಇನ ಘಣು ಕಲಾವ್ಣಿ ಹುಯು. ಶನಕತೊ ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ ಪಾಛೊ಼ ಜಿವ್ತೊಹುಯಿನ್ ಐರ‍್ಹೋಸ್ ಕರಿ ಥೋಡು ಅದ್ಮಿ ಬೋಲುಕರ್ತೂಥು.