ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:5 - ದೇವ್ನಿ ಖ್ಹಾಚಿ ವಚನ್

⁵ ಕತೋಬಿ ತುಮೆ ಕಿನ ದೇಖಿನ್ ಡರ‍್ನು ಕರಿ ಮೇ ತುಮೂನ ಬೋಲಿದೆವುಸ್‍, ಮರಿಜಾ಼ವನ ಬಾದ್‌ಮ, ನರಕ್ಮ ನಾಖಾನಿ ಅದಿಕಾರ್ ರ‍್ಹವಾಳೊ ದೇವ್ನ ದೇಖಿನ್ ಡರೊ. ಓಹೊ, ಇನ ಎಕ್ಕಸ್ ಜ಼ಣಾಥಿ ತುಮೆ ಡರ‍್ನೂತೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:5 ပူးပေါင်းရင်းမြစ်များ

ಮತ್ತಾಯ 10:28

ಅತ್ರೇಸ್ ಕಾಹೆತೆ, ಶರೀರ್‌ನ ಮರ್‌ನಾಖಿನ್ ಆತ್ಮನ ಮಾರಾನ ಕೋ ಹುವ್ವಾನಿತೆ ಅದ್ಮಿನ ದೇಖಿನ್‌ ನಕೊ ಡರೊ; ಕತೋಬಿ ಆತ್ಮಾನ ಅಜು಼ ಶರೀರ್‌ನ ಭೇನ ನರಕ್ಮ ನಾಖಿನ್ ಬರ್ಬಾತ್ ಕರಾವಾಳೊ ದೇವ್ನ ದೇಖಿನ್ ಡರೊ.

ಮತ್ತಾಯ 25:41

ಅನಕೇಡೆಥು ಯೋ ರಾಜ಼ ಇನಿ ಡಾವಿ ಬಾಜೂ಼ಮ ಭೀರ‍್ಯೂತೆ ಅದ್ಮಿಖ್ಹಾರಾನ, ‘ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ದೇವ್ನಿ ಶಾಪ್ನ ಹೇಟ್ ಛಾ಼! ಮನ ಮ್ಹೆಂದಿನ್, ಶೈತಾನ್ನ ಅಜು಼ ಇನ ದೂತರ್‌ನಖ್ಹಾಜೆ ತೈಯಾರ್ ಹುಯಿರ‍್ಹೂತೆ ಹರ್‌ಹಮೇಶಾನಿ ಆಗ್‌ಮ ಜೈ಼ನ್, ಪಡೊ!

ಮತ್ತಾಯ 25:46

ತದೆ ಖರಾಬ್ ಅದ್ಮಿ ಖ್ಹಾರಾನ ಹರ್‌ಹಮೇಶಾನಖ್ಹಾಜೆ ಡಂಡ್ ಉಶೆ ಅಜು಼ ಧರ್ಮಿ ಖ್ಹಾರಾನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಶೆ.

ಮತ್ತಾಯ 5:22

ಕತೋಬಿ ಮೇ ತುಮೂನ ಶಾತ್‌ ಬೋಲಸ್‍ಕತೊ, ತುಮೆ ತುಮಾರ ಭೈಪರ್ ಖೀಜ಼್ ಖಾವಾಳೊ ಹರೇಕ್ ಜ಼ಣೋಬಿ ತುಮೆ ನ್ಯಾವ್‍ನಿ ತೀರ್ಪ್‌ಮ ಪಡ್‍ಶು, ಅಜು಼ ತುಮೆ ತುಮಾರ ಭೈನ, ‘ಏ ಬಿಣ್‍ಅಕ್ಲಿ’ ಕರಿ ಬೋಲ್ಯಾತೊ, ತುಮೂನ ನ್ಯಾವ್‍ನಿ ಸಭೆನಖ್ಹಾಮ್ಣೆ ಭೀರಾಕ್‌ಶೆ, ಅಜು಼, ‘ಏ ಫಾಲ್ತು’ ಕರಿ ಬೋಲವಾಳೊ, ನರಕ್‌ನಿ ಆಗ್‌ಮ ಪಡ್‌ಶೆ.

ಮಾರ್ಕ 13:23

ಇನಾಖ್ಹಾಜೆ ತುಮೆ ಹೊಷಾರ್‌ಥಿ ರ‍್ಹವೊ! ಯೋ ಖ್ಹಾರು ಹುವಾನ ಅಗಾಡಿಸ್ ಇನಿ ಬಾರೇಮ ಮೇ ತುಮುನ ಬೋಲಿರಾಖ್ಯೊಸ್.

1 ಥೆಸ 4:6

ಅಜು಼ ಆ ಬಾರೇಮ ಜಿನುಕು ಕೋಣ್‌ಬಿ ಕ್ರಿಸ್ತನ ಮಹಿ ಇವ್ಣ ಭೈಯೇ ಹುಯಿರ‍್ಹಾತೆ ಅದ್ಮಿನ ಠಗಾವ್ಣುಕರಿ ಝೇತೈನ್‌, ಖರಾಬ್ ನಾ ಕರ‍್ನು. ಆ ಖ್ಹಾರಿ ಬಾರೇಮ ಪ್ರಭು ನಿಶತ್ ದಿಶೆಕರಿ ಹಮೆ ತುಮುನ ಬೋಲಿರಾಖ್ಯಾಸ್.

ಇಬ್ರಿ 10:31

ಜಿವ್ತಜಾನ್‌ವಾಳೊ ದೇವ್ನಹಾತ್ಮ ಖ್ಹಪ್‍ಡಾನು ಘಣು ಭಯಂಕರ್ ಹುಯಿರ‍್ಹುಸ್.

2 ಪೇತ್ರ 2:4

ಕಿಮ್‌ಕತೊ ದೇವ್‌ನು ದೂತಖ್ಹಾರು ಪಾಪ್ ಕರ್ತಾನ ದೇವ್ನೆ ಇವ್ಣುನ ಖ್ಹೊಪೊ ಮ್ಹೇಲ್ಯೊಕೊಂತೆ, ನರಕ್ಮ ಧಕೆಲೀನ್ ನ್ಯಾವ್ನತೀರ್ಪ್‌ನ ಲಿಲ್ಯಾವನಖ್ಹಾಜೆ ಖ್ಹಂಕಳ್‍ಥಿ ಭಂದೈನ್‌ ಅಂಧಾರಿನ ಪಾಳ್ಯಮ ದಿನಾಖಿದಿದೊ.

ಪ್ರಕಾಶಿತ್ 14:7

ಯೊ ದೇವ್ನದೂತನೆ ಜೋ಼ರೇಥಿ, “ದೇವ್‍ಥಿ ಡರೊ ಇನ ಮಹಿಮೆಕರೊ. ಶನಕತೊ ಯೊ ಅದ್ಮಿಖ್ಹಾರನ ತೀರ್ಪ್ ದ್ಯವಾನಿ ವಖ್ಹತ್ ಐಗಿ. ಇನ ಆರಾದನೆ ಕರೊ ಸೊರ್ಗನಾಬಿ, ಜ಼ಮೀನ್ನಾಬಿ, ದರ‍್ಯಾವ್ನಾಬಿ, ಪಾಣಿನ ಚೇಜ಼್‌ಭಾರನಾಬಿ ಬಣಾವವಾಳನ ಆರಾದನೆ ಕರೊಕರಿ ಬೋಲ್ಯೊ.

ಪ್ರಕಾಶಿತ್ 15:4

ಪ್ರಭು, ತುನ ಡರಾಕೊಂತೆ ಅಜು಼ ಅದ್ಮಿಖ್ಹಾರು ತಾರ ನಾಮ್ನ ಮಹಿಮೆ ಕರಾಕೊಂತೆ ಕೋಣ್‌ತೋಬಿ ಛಾ಼ಕಿಶು? ತೂ ಎಕ್ಕಸ್ ಜ಼ಣೊ ಪರಿಶುದ್. ತಾರು ನೀತಿನು ನ್ಯಾವ್‌ನು ತೀರ್ಪ್ ಉಜಾ಼ಳಮ ಆಯೂತೆ ಖ್ಹಾಜೆ ಹರೇಕ್ ಜ಼ಗ್‌ಜಾ಼ತ್‌ಖ್ಹಾರು ತಾರ ಖ್ಹಾಮ್ಣೆ ಅಯಿನ್ ತುನ ಆರಾದನೆ ಕರ್ಶೆ.

ಪ್ರಕಾಶಿತ್ 20:14

ಇನಪಾರ್ ಮರಣ್‌ಬಿ ಪಾತಾಳ್‌ನಾಬಿ ಆಗ್ನ ತಲಾವ್ಮ ಭಿರ್ಕಾಯು. ಯೊ ಆಗ್ನು ತಲಾವಸ್ ಬೇನಿ ಮರಣ್.