ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:32 - ದೇವ್ನಿ ಖ್ಹಾಚಿ ವಚನ್

³² “ನ್ಹಾನಿ ಝೂ಼ಂಡ್‌, ಡರ್‌ನಕೊ; ಯೋ ರಾಜ್ಯನ ತುಮೂನ ದ್ಯವಾನ ತುಮಾರೊ ಬಾನ ಖ್ಹುಶಿ ಛಾ಼.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:32 ပူးပေါင်းရင်းမြစ်များ

ಮತ್ತಾಯ 14:27

ತದ್‌ನು-ತದ್ದೇಸ್ ಯೇಸುನೆ ವಾತೆ ಬೋಲಿನ್ ಇವ್ಣುನ, “ಹಿಮ್ಮತ್‌ ರ‍್ಹವಾದೆ; ಆ ಮೇಸ್! ಡರೊ ನಕೊ!” ಕರಿ ಬೋಲ್ಯೊ.

ಮತ್ತಾಯ 20:16

“ಅಮ್ಮಸ್ ಪಾಛ಼ಳ್ ರ‍್ಹವಾಳು ಅಗಾಡಿ ಹುಯಿಜಾ಼ಶೆ, ಅಜು಼ ಅಗಾಡಿ ರ‍್ಹವಾಳು ಪಾಛ಼ಳ್ ಹುಯಿಜಾ಼ಶೆ.

ಮತ್ತಾಯ 25:34

ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ.

ಮತ್ತಾಯ 7:15

ಝೂ಼ಟ ಪ್ರವಾದಿಯೇನಿ ಬಾರೇಮ ಹೊಷಾರ್‌ಥಿ ರ‍್ಹವೊ; ಇವ್ಣೆ ಮೇಂಢಾನು ಪೇರ್‌ವಾಖ್ಹ್‌ನ ಘಾಲಿಲೀನ್‌ ತುಮಾರಕನ ಆವ್‌ಶೆ, ಕತೋಬಿ ಮಹಿ ದೇಖ್ಯುತೊ ಇವ್ಣೆ ಖ್ಹಾಚಮಾಬಿ ಝಂಜೋ಼ಡಿ ಖವಾಳ ಜ಼ರಕ್‌ನಿಘೋಣಿ ಹುಯಿರ‍್ಹೂಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:21

ಯೋಸ್ ವಖ್ಹತ್‌ಮ ಯೇಸು ಪವಿತ್ರಾತ್ಮಥಿ ಖ್ಹುಶಿಹುಯಿನ್, ಅಮ್ ಪ್ರಾರ್ಥನೆ ಕರ‍್ಯೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ಮೇ ತುನ ಧನ್ಯವಾದ್‌ ಕರುಸ್. ಶನಕತೊ ತುನೆ ಗ್ಯಾನಿ ಅಜು಼ ಅಕ್ಲಿಥಿ ಆ ವಾತೇನ ಲಪಾಡಿನ್, ಲಡ್ಕಾವ್ನ ಮಾಲುಮ್ ಕರೈರಾಖ್ಯೋಸ್. ಓಹೋಲಾ ಬಾ, ಅಮ್ಮಸ್ ತೂ ಕರ‍್ನು ಕರಿ ಥೊ.

ಯೋಹಾನ 18:36

ಯೇಸುನೆ ಇನ, “ಮಾರಿ ರಾಜ಼್ ಆ ಜಗತ್‌ನು ಕಾಹೆ; ಮಾರಿ ರಾಜ್ಯ ಆ ಜಗತ್‌ನು ಹುಯಿರ‍್ಹೊಹೋತ್ತೊ, ಮೇ ಯೆಹೂದ್ಯರ್‌ನ ಹಾತ್‌ಮ ಮಳ್ಣುನಾತೆ ಇಮ್‌ ಮಾರು ಸೇವಕ್‌ಖ್ಹಾರು ಖ್ಹಾರು ಲಡ್ಯುಹೋತ್‌, ಕತೋಬಿ ಮಾರಿ ರಾಜ಼್ ಹಜ಼್ಜಾನು ಕಾಹೆ!” ಕರಿ ಜ಼ವಾಬ್‌ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:29

ಮೇ ಚ಼ಲ್ಯೊಜಾ಼ವದೀನ್ ಖರಾಬ್ ಜ಼ರಕ್‌ಖ್ಹಾರು ತುಮಾರಕನ ಆವ್‍ಶೆಕರಿ ಮನ ಮಾಲುಮ್. ಯೊ ಮಂಧಾನ ಗೋರ್‌ ಕರ್ಶೆಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:23

ಶನಕತೊ ಪಾಪ್ ದೇಯಿತೆ ಮಜ಼್‌ದೂರಿ ಮರಣ್ ಹುಯಿರುಸ್. ಕತೋಬಿ ದೇವ್ನು ಫುಗಟ್ ಇನಾಮ್ ಅಪ್ಣೊ ಪ್ರಭು ಕ್ರಿಸ್ತಯೇಸುನ ಗಳ್‌ಜೋ಼ಡ್ಮ ಅಪ್ಣುನ ದಿಶೇತೆ ಹಮೇಶಾನಿ ಜಿ಼ಂದ್‌ಗೀಸ್.

1 ಕೊರಿಂಥ 1:21

ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ‍್ಹುಥು. ಜಗತ್‌ ಇನಿ ಶೊಂತ್ ಗ್ಯಾನ್‌ಥಿ ದೇವ್ನ ಖ್ಹಮ್‍ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್‍ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು.

ಫಿಲಿಪ್ಪಿ 2:13

ಶನಕತೊ ದೇವಸ್ ಇನಿಮರ್ಜಿನ ಚ಼ಲಾವ್ಣುಕರಿ ತುಮಾರಮ ಉದ್ದೇಶ್‌ನಾಬಿ ಅಜು಼ ಕೋಶಿಶ್‌ನ ಬಣಾವವಾಳೊ ಹುಯಿರೋಸ್.

2 ಥೆಸ 1:11

ಅನಖ್ಹಾಜೆಸ್ ಹಮೆ ಕದೇಬಿ ತುಮಾರಖ್ಹಾಜೆ ಪ್ರಾರ್ಥನೆ ಕರಿಯೇಸ್. ಅಪ್ಣೊ ದೇವ್ ತುಮೂನ ಬುಲಾಯೋತೆ ಇನಖ್ಹಾಜೆ ಯೋಸ್ ತುಮುನ ಲ್ಹಾಯೇಕ್‌ನಿ ಗಣ್ತಿ ಕರಿರಾಖ್ಯೊಸ್. ತುಮಾರಿ ಶಕತ್ ವಿಶ್ವಾಸ್‍ಥೀಬಿ ತುಮಾರಿ ಆಖ್ಹ್‌ನ ಅಜು಼ ಅಛ್ಛಾ಼ನ ಪೂರ ಕರಾದೆಕರಿ ಬಿಂತಿ ಕರ್ಯೆಸ್.

2 ಥೆಸ 1:5

ದೇವ್ನಿ ನೀತಿನಿ ತೀರ್ಪ್‌ನ ಖ್ಹಾಚು಼ ಖಿವುಕತೊ, ತುಮೆ ಲತಾಡಪಡುಕರಾತೆ ದೇವ್ನಿ ರಾಜ್ಯನ ತುಮೆ ಲ್ಹಾಯಕ್ ಹುಯಿರ‍್ಹವಾನು.

ಇಬ್ರಿ 12:28

ಇನಖ್ಹಾಜೆ ಕೋಣ್ ಖ್ಹರ್ಕಾವನ ಕೊಹುವಾನಿತೆ ರಾಜ್ಯನ ಲೀಲಾವವಾಳ ಹುಯಿರ‍್ಹಾತೆ ಅಪ್ಣೆ ಧನ್ಯವಾದ್ ಕರಾವಾಳ ಹುಯಿನ್ ದೇವ್ನ ಬರಬರ‍್ನಿ ಆರಾದನೆಬಿ ಭಕ್ತಿಥೀಬಿ ಅಜು಼ ಡರ್‌ಥೀಬಿ ಕರಿಯೆ.

ಯಾಕೋಬ 2:5

ಮಾರ ಪ್ಯಾರ್‌ನ ಭೈಯೇ ಭೇನೆವೊ ಖ್ಹಮ್‍ಜೊ ದೇವ್ ಆ ಜಗತ್‌ನು ಗರೀಬ್‌ನ ವಿಶ್ವಾಸ್‌ಮ ಶೌಕಾರ್ ಬಣೈನ್‍ಬಿ ಇನ ಪ್ಯಾರ್ ಕರಾವಾಳನ ದೇವ್ನೆ ವಾಗ್ದಾನ್ ಕರ‍್ಯೊತೆ ರಾಜ್ಯನ ಭಾದ್ಯ ಬಣೈನ್‍ಬಿ ರ‍್ಹೇವ್ಣುಕರಿ ಚೂ಼ಣಿಲಿದೊ ಕೊಯ್ನಿಕಿಶು?

2 ಪೇತ್ರ 1:11

ಅನೇಥಿ ಅಪ್ಣೊ ಪ್ರಭು ಅಜು಼ ರಕ್ಷಕ್ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಹಮೇಶಾನ ರಾಜ್ಯಮ ಜಾ಼ವಾನಿಮತ್‌, ತುಮುನ ಅರಾಮ್‌ಥಿ ಜಾ಼ವಖ್ಹರ್ಕು ಉಷೆ.

ಪ್ರಕಾಶಿತ್ 1:6

ಅಪ್ಣೆ ದೇವ್ನ ರಾಜ್ಯವಾಳಹುಯಿನ್‌ ಇನೊ ಬಾ ಹುಯಿರ‍್ಹೋತೆ, ದೇವ್ನಖ್ಹಾಜೆ ಯಾಜಕರ್‌ ಬಣಾಯೊತೆಯಿನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಶಕತ್ ರ‍್ಹವಾದೆ ಆಮೆನ್.

ಪ್ರಕಾಶಿತ್ 22:5

ಅಜು಼ ರಾತ್ ಬೋಲಾನುಸ್ ಕೊರ‍್ಹಿಶೇನಿ. ಇವ್ಣುನ ದೀವೊನು ಉಜಾ಼ಳುಬಿ ಚಾ಼ಂದ್‌ನು ಉಜಾ಼ಳುಬಿ ಹೋಣುಕೊಯ್ನಿ. ಪ್ರಭುಹುಯಿರ‍್ಹೋತೆ ದೇವಸ್ ಇವ್ಣುನ ಉಜಾ಼ಳು ಹುಯಿರ‍್ಹಿಶೆ.ಇವ್ಣೆ ಜ಼ಗ್‌ಜ಼ಮಾನಮಾಬಿ ಜಿವಿರ‍್ಹಿಶೆ.