ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:41 - ದೇವ್ನಿ ಖ್ಹಾಚಿ ವಚನ್

⁴¹ ಅನಖ್ಹಾಜೆಸ್ ಮಹಿ ಛಾ಼ತೆ ಇನ ಗೋರ್‌ಗರೀಬ್‌ನ ದೆವೊ, ತದೆ ತಮಾಮ್‌ ರಾಛು಼ ತುಮಾರಖ್ಹಾಜೆ ಪಾಕ್‌ ಹುಯಿಜಾ಼ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:41 ပူးပေါင်းရင်းမြစ်များ

ಮತ್ತಾಯ 26:11

ಗರೀಬ್ ಅದ್ಮಿಖ್ಹಾರು ಕದೇಬಿ ತುಮಾರಕನ ರ‍್ಹಿಶೆ, ಕತೋಬಿ ಮೇ ಹಮೇಶ ತುಮಾರಕನ ರ‍್ಹೀಶ್ ಕೊಯ್ನಿ.

ಮತ್ತಾಯ 5:42

ಕೋಣ್‌ತೋಬಿ ತಾರಕನ ಶಾತ್ತೋಬಿ ಮಾಂಗ್ಯುತೊ, ಇನ ದೇ; ತಾರಕನ ಕರಜ಼್ ಮಾಂಗವಾಳನ ಮ್ಹೋಡು ನಕೊ ಫರೈಲೀಶ್‌.

ಮಾರ್ಕ 7:19

ಭಾರ್‌ಥು ಅದ್ಮಿನ ಮಹಿ ಜಾ಼ವಾನು ಖ್ಹಾರು ಇನ ದಿಲ್ಮ ಜಾ಼ಯಿಕೊಂತೆ, ಪೇಟ್‌ಮ ಜೈ಼ನ್‌ ಬಾದ್‌ಮ ಭಾರ್‌ಮ ನಿಕ್ಳಿಜಾ಼ಸ್, ಯೋ ಖ್ಹಾರು ಯೋ ಅದ್ಮಿನ ಗಲೀಜ಼್ ಕರಾಕೊಯ್ನಿ” ಕರಿ ಬೋಲ್ಯೊ. (ಅಮ್ ಬೋಲಾಥಿ, ಖಾವಾನು ಖ್ಹಾರುಸ್ ರಾಛು಼ ಶುದ್ದಕರಿ ಯೇಸುನೆ ವತಾಳಿದಿದೊ).

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:33

ತುಮಾರಕನ ಛಾ಼ತೆ ಖ್ಹಾರುಸ್‌ ವೇಚಿನ್, ಆವಸ್ತೆ ಪೈಶಾನ ಗೋರ್‌-ಗರೀಬ್‌ನ ದೇವೊ. ತುಮಾರಕನ ಫಾಟಕೊಂತೆ ಚ಼ಂಚಿಯೇನ ಕರಿಲೆವೊ, ಪರ್‌ಲೋಕ್‌ಮ ಕಮ್ ಹುವಾಕೊಂತೆ ಶೊತ್ನ ಜ಼ಮಕರಿಲೇವೊ, ಕೆಹೊ ಚೋ಼ರ್‌ಬಿ ಇನ ಖನ್ನೆ ಆವಾನ ಕೋ ಆವಾನಿ ಅಜು಼ ಇನ ಕೋರ‍್ಹ ಖೈನ್‌ ಬರ್ಬಾತ್ ಕೋ ಉಶೇನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:9

ಯೇಸುನೆ ಬಿಜೂ಼ಬಿ ಬೋಲ್ಯೋಕಿ, “ಮೇ ತುಮೂನ ಬೋಲುಸ್ಕಿ, ಆ ಜಗತ್‌ಮ ಠಗಾಯಿಹುಯಿ ಧನ್‌-ದೌಲತ್‌ಥಿ, ತುಮೆ ಖ್ಹಾರಾನ ದೋಸ್ತ್ ಕರಿಲೆವೊ, ಅಮ್ ಕರ‍್ಯಾತೊ, ತುಮಾರಕನ ಛಾ಼ತೆ ಖ್ಹಾರು ನಿಕ್ಳಿಗಯೂತೋಬಿ, ಹರ್‌ಹಮೇಶ ರ‍್ಹವಾನು ಘರ್‌ಮ ತುಮೂನ ಮಳೈಲಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:22

ಅನ ಖ್ಹಮ್‌ಜಿನ್‌, ಯೇಸುನೆ ಇನ, “ತೂ ಕರ್ನುತೆ ಬಿಜ್ಜೇಕ್‌ ಕಾಮ್ ಛಾ಼, ತಾರಕನ ಛಾ಼ತೆ ಖ್ಹಾರುಸ್‌ ಶೊತ್ನ ವೇಚಿನ್, ಆವಸ್ತೆ ಪೈಶಾನ ಗರೀಬ್‌ನ ದೆ. ತದೆ ಪರ್‌ಲೋಕ್‌ಮ ತುನ ಶೊತ್ ರ‍್ಹಿಶೆ; ಅಜು಼ ತೂ ಆಯಿನ್, ಮಾರ ಪೀಠೆ ಆವ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:8

ಕತೋಬಿ ಜಕ್ಕಾಯಾನೆ ಭೀರಿನ್‌, ಪ್ರಭುನ, “ಗುರು ಹಂದೇಕ್‌! ಮಾರಿ ಆಸ್ತಿಮ ಆಧು ಗೋರ್‌-ಗರೀಬ್ ದೆವುಸ್‌ ಅಜು಼ ಮೇ ಕಿನಾತೋಬಿ ಠಗೈರಾಖ್ಯೊ ಉಶೇತೊ, ಇನ ಏಕ್‌ನ ಚಾರ್ ದೆವುಸ್‌” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:15

ಕತೋಬಿ ಯೊ ಅವಾಜ಼್ ಬಿಜೇಕ್ ಹಲ್ಲ ಇನ, “ದೇವ್ನೆ ಪಾಕ್‌ ಕರಿರಾಖ್ಯೊತೆ ಅನಅಖ್ಖು ಮೈಲುಕರಿ ನಾಬೋಲ್ನು ಕರಿ ಪಾಛೊ಼ ಭೇನೆಹಲ್ಲ ಇನ ಠವ್‌ಕೊ ಖ್ಹಮಜ್‍ಪಡ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:29

ಯೂದಾಯಮ ರ‍್ಹವಾಳು ಭೈಯೇ ಭೇನೆವೊನ ಮದತ್‌ಕರಾನ ಶಿಷ್ಯರ್‌ನೆ ನಿರ್ಧಾರ್ ಕರ‍್ಯು. ವಿಶ್ವಾಸಿಮ ಹರೇಕ್ ಜ಼ಣುಬಿ ಇವ್ಣೇಥಿ ಕೆತ್ರುಹುಯೂಕಿ ಇವ್ಣುನ ಬೋಲಿ ಮೋಕ್ಲಿನ್ ಖ್ಹಯಾಲ್ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:17

“ಥೋಡ ವರಖ್ಹ್‌ನ ವಾರ್ ಮೆ, ಮಾರ ಶೊಂತ್‌ ದೇಖ್ಹ್‌ವಾಳಾನ ಪೈಶಾ, ಕಾಣ್ಕೆ ಅಜು಼ ಮುಡಪ್‍ ದ್ಯಾವಾನ ಆಯೋಥೊ.

2 ಕೊರಿಂಥ 8:12

ಏಕ್‍ಜ಼ಣೊ ದ್ಯವಾನೊ ದಿಲ್‍ರ‍್ಹಿನ್ ಯೋ ಇನ ದಿಲ್ನಿ ಅನುಸಾರ್ ದಿದೊತೊ ತುಮಾರು ದಾನ್ ಸ್ವೀಕಾರ್ ಹುಯಿರ‍್ಹಿಶೆ; ಇನ ದೇವ್‍ಥಿ ಲ್ಹಾಯೇಕ್ ಮಳ್‍ಶೆ.

ಎಫೆಸ 4:28

ಚೋ಼ರಿ ಕರಾವಾಳೊ ಚೋ಼ರ್ ಕರಾನು ಮ್ಹೆಂದಿನ್ ರಾಬಿನ್ ಮಿನಥ್ಥಿ ಅಛ಼್ಛು ಕಮೈಕರೀನ್ ಜಿವ್ಣು ಕರಾದೆ, ತದೆ ಗರೀಬ್ ಅದ್ಮಿನ ದ್ಯಾವಾನ ಇನ ಹಾತೆ ಉಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:15

ಶುದ್‍ ರ‍್ಹೇಸ್ತೆ ಅದ್ಮಿನ ಖ್ಹಾರೂಸ್ ಶುದ್ದಸ್ ಹುಯಿರ‍್ಹೂಸ್. ಕತೋಬಿ ಖರಾಬ್ ಅಜು಼ ವಿಶ್ವಾಸ್‌ಕೊಂತೆ ಅದ್ಮಿಯೇವ್ನ ಕೆಹೂಬಿ ಮೈಲುಕಾಹೆ. ಶನಕತೊ ಇವ್ಣಿ ಖ್ಹಯಾಲ್ ಅಜು಼ ಮನ್ನಿಸಾಕ್ಷಿ ಭೇಬಿ ಅಪವಿತ್ರ ಹುಯಿರ‍್ಹೂಸ್.

ಇಬ್ರಿ 13:16

ಆ ನಾಹುಯಿನ್ ಬಿಜೇಕ್‌ನ ಮಳಿನ್ ಅಛ್ಛುಕರಾನ ನಾ ಬೈಕ್‌ಣುತೆ ಮದತ್ ಕರೊ, ಆ ಅಖ್ಖು ದೇವ್ನ ಲ್ಹಾಯಕ್ ಹುವಾನು ಬಲಿಖ್ಹಾರು.

ಇಬ್ರಿ 6:10

ತುಮೆ ದೇವ್ನ ಅದ್ಮಿವೋನ ಮದತ್ ಕರಿರಾಖ್ಯಸ್, ಉಜೂಬಿ ಕರುಕರಸ್ ಆ ಕಾಮ್ನ ಅಜು಼ ತುಮೆ ಇನ ನಾಮ್ನ ವತಾಳ್ಯತೆ ಪ್ಯಾರ‍್ನ ಯೊ ಭೈಕಕೊಯ್ನಿ ಶನಕತೊ ದೇವ್‌ ಅನೀತಿವಾಳೊ ಕಾಹೆ.

ಯಾಕೋಬ 1:27

ವದೇಖ್ಹ್‌ಮ ಪಡ್ಯುರ‍್ಹಿನ್ ದಿಕ್‍ಕೊಂತೆ ಇವ್ಣುನಾಬಿ ಮುಂಡಚ್ಚಿಯೇನಾಬಿ ಬಚಾ಼ಡಿನ್ ಇನ ಜಗತ್‌ನು ದೋಷ್‍ ನಾಲಗ್ನುತೆ ಇನುಯೋಸ್ ಬಚಾ಼ಡಿಲ್ಯಾವನುಸ್ ಬಾ ಹುಯಿರೋತೆ ದೇವ್‌ಕನ ಶುದ್ಧಬಿ ಪಾಕ್‍ಬಿ ಹುಯಿರ‍್ಹವಾನಿ ಭಕ್ತಿ.