ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:32 - ದೇವ್ನಿ ಖ್ಹಾಚಿ ವಚನ್

³² ನ್ಯಾವ್‍ನ ತೀರ್ಪ್‌ನ ದನ್ಮ ನಿನವೆ ನಂಗರ್‌ವಾಳು ಉಠಿ ಭೀರಿನ್‌, ಆ ಪಿಳ್ಗಿವಾಳಾನ, ‘ತುಮೆ ಅಪರಾದಿ’ ಕರಿ ಬೋಲ್‌ಶೆ. ಇವ್ಣೆ ಯೋನಾನೆ ಬೋಲ್ಯೋತೆ ವಚನ್ನ ಖ್ಹಮ್‌ಜಿನ್‌, ದೇವ್ ಭಣಿ ಫರಿಗಯು; ಕತೋಬಿ ಮೇ ತುಮೂನ ಬೋಲುಸ್ಕಿ, ಯೋನಾಥೀಬಿ ಮೋಟೊ ಹಜ್ಜಾ಼ ಛಾ಼!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:32 ပူးပေါင်းရင်းမြစ်များ

ಮತ್ತಾಯ 12:39

ಯೇಸುನೆ, “ಆ ಜ಼ಗ್‌ನು ಅದ್ಮಿ ಖರಾಬ್ ಅಜು಼ ಪಾಪಿ ಹುಯಿರ‍್ಹುಸ್‍, ಅವ್ಣೆ ಅದ್ಭುತ್ ಕಾಮ್ ದೇಕ್ಣು ಕರಿ ಆಖ್ಹ್ ಕರಾಸ್. ಕತೋಬಿ ಯೋನ ಕರಿ ಪ್ರವಾದಿಮ ಹುಯೂತೆ ಅದ್ಭುತ್ ಕಾಮಸ್ ಪಣ್ಕಿ, ಬಿಜು಼ ಕೆಹೂಬಿ ಕೊಯ್ನಿ.

ಮತ್ತಾಯ 12:41

ನ್ಯಾವ್‍ನ ತೀರ್ಪ್‌ನ ದನ್ಮ ನಿನವೆ ನಂಗರ್‌ವಾಳು ಆ ಪಿಳ್ಗಿವಾಳಾನ ವಿರೋದ್ ಭೀರಿನ್‌, ತುಮೆ ಗಲತ್‌ ಕರಿ ಬೋಲ್‌ಶೆ. ಇವ್ಣೆ ಯೋನಾನೆ ಬೋಲ್ಯೋತೆ ವಚನ್ನ ಖ್ಹಮ್‌ಜಿನ್‌, ಪಾಪ್ನ ಮ್ಹೇಲಿನ್ ದೇವ್ ಭಣಿ ಫರಿಗಯು. ಕತೋಬಿ ಮೇ ತುಮೂನ ಬೋಲುಸ್ಕಿ, ಯೋನಾಥೀಬಿ ಮೋಟೊ ಹಜ್ಜಾ಼ ಛಾ಼!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:31

ನ್ಯಾವ್‌ನ ತೀರ್ಪ್‌ನ ದನ್ಮ, ಶೇಬಾನಿ ರಾಣಿ ಉಠಿ ಭೀರಿನ್, ಆ ಪಿಳ್ಗಿವಾಳಾನ, ‘ತುಮೆ ಅಪರಾದಿ’ ಕರಿ ಬೋಲ್‌ಶೆ. ಯೋ ಸೊಲೊಮೋನ್ನಿ ಚಾ಼ತುರ್ ವಾತೇನ ಖ್ಹಮ್‌ಜಾ಼ನಖ್ಹಾಜೆ ಧರ್ತಿನ ಕೈಯೆಕ್ಕಿ ದಖ್ಖನ್‌ಥಿ ಆಯಿ. ಕತೋಬಿ ಮೇ ತುಮೂನ ಬೋಲುಸ್ಕಿ, ಸೊಲೊಮೋನ್‌ಥೀಬಿ ಮೋಟೊ ಹಜ್ಜಾ಼ ಛಾ಼.

ಇಬ್ರಿ 7:26

ಇನಖ್ಹಾಜೆ ಅಪ್ಣುನ ಹೋಣುತೆ ಇನ ಪೂರಕರಾವಳೊ ಮಹಾಯಾಜಕ ಹುಯಿರ‍್ಹೊಸ್ ಪರಿಶುದ್‌ಬಿ ದೋಷ್‍ಕೊಯ್ನಿತೇಬಿ, ಮೈಲಾಪ್‍ಕೊಯ್ನಿತೆಬಿ, ಪಾಪಿಮ ಮಳಾಕೊಂತೆ ನಿರ‍್ವಾಳೊಬಿ ಹುಯಿರ‍್ಹವಾಳೊಬಿ ಆಕಾಶ್ ಮಂಡಲ್‍ಥೀಬಿ ಊಚಾ಼ಮ ರ‍್ಹವಾಳೊ.