ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:29 - ದೇವ್ನಿ ಖ್ಹಾಚಿ ವಚನ್

²⁹ ಅದ್ಮಿ ಝೂ಼ಂಡೆ-ಝೂ಼ಂಡೆ ಭರೈನ್ ಆವ್‍ಕರಾನಿ ವಖ್ಹತ್‌ಮ, ಯೇಸುನೆ ಇವ್ಣುನ, “ಆ ಪಿಳ್ಗಿ ಖರಾಬ್ ಪಿಳ್ಗಿ ಹುಯಿರ‍್ಹೂಸ್! ಅವ್ಣೆ ಅದ್ಭುತ್ ಕಾಮ್ ದೇಕ್ಣು ಕರಿ ಆಖ್ಹ್ ಕರಾಸ್, ಕತೋಬಿ ಯೋನಾನಿ ಜಿ಼ಂದ್‌ಗೀಮ ಚಾ಼ಲ್ಯುತೆ ಅದ್ಭುತಾಸ್ ಪಣ್ಕಿ ಬಿಜು಼ ಅದ್ಭುತ್ ಅವ್ಣುನ ಕೋ ಮಳ್‌ಶೇನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:29 ပူးပေါင်းရင်းမြစ်များ

ಮತ್ತಾಯ 3:7

ಕತೋಬಿ ಫರಿಸಾಯರ್‌ವಾಳಮ ಅಜು಼ ಸದ್ದುಕಾಯವಾಳಮ ಕೈಯೆಕ್ಕಿ ಜ಼ಣು ಇನಾಕನ ಬ್ಯಾಪ್ತಿಸ್ಮ ಕರೈಲೆವಾನ ಆವ್‍ಕರಾತೆ ದೇಖಿನ್‌, ಯೋಹಾನನೆ ಇವ್ಣುನ, “ಅಲಾ ಖ್ಹಾಪ್‌ನಿ ಪಿಳ್ಗಿವಾಳವೊ! ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದೇಥಿ ತುಮೆ ಬಚಿಜಾ಼ಶು ಕರಿ, ತುಮೂನ ಬೋಲ್ಯುತೆ ಕೋಣ್?

ಮಾರ್ಕ 8:38

ವ್ಯಭಿಚಾರಣಿ ಘೋಣಿ ಛಾ಼ತೆ, ಆ ಪಾಪ್‍ಭರಿ ಪಿಳ್ಗಿಮ ಕೋಣ್‌ತೋಬಿ, ಮಾರಖ್ಹಾಜೆ ಅಜು಼ ಮೇ ಬೋಲಿಶಿಕಾಡುತೆ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಅದ್ಮಿನೊ ಛಿಯ್ಯೋಬಿ ಇನ ಬಾನಿ ಶಕತ್‌ಥೀಬಿ ಅಜು಼ ಉಜಾ಼ಖ್ಹ್‌ಥಿ ಭರೈನ್, ಅದಿಕಾರ್‌ಥಿ ಪವಿತ್ರ ದೇವ್‌ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಅದ್ಮಿನಿ ಬಾರೇಮ ಖ್ಹರ್‌ಮಾವ್‌ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:16

ಬಿಜು಼ ಥೋಡು ಜ಼ಣು ಯೇಸುನ ಖ್ಹಪ್‌ಡಾವ್ಣು ಕರಿ, “ತೂ ಆಬ್‍ಮ ಏಕ್‌ ಅದ್ಭುತ್ ಕರಿನ್ ವತಾಳ್” ಕರಿ ಇನ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:50

ಅನಖ್ಹಾಜೆಸ್, ಜಗತ್‌ ಉಬ್‍ಜೂತೆ ತಪ್‌ಥು ಮರೈನಾಖಿ ದಿದೂತೆ ತಮಾಮ್‌ ಪ್ರವಾದಿಯೇನು ಮೋತ್‌ನ, ಆ ಜ಼ಗ್‌ನು ಅದ್ಮಿ ಹುಯಿರ‍್ಹಾತೆ ತುಮೂನ ದಂಡ್‌ ಮಳ್‌ಶೆ!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:1

ಎತ್ರಾಸ್‌ಮ ಹಜಾ಼ರೊ ಅದ್ಮಿನಿ ಭೀಡ್ ಉಪ್ರಾಥಾಳಿ ಪಡ್ತುಹುಯಿನ್‍, ಎಕ್ಟು ಹುಯು. ತದೆ ಯೇಸುನೆ ಪಹಿಲೆ ಇನ ಶಿಷ್ಯರ್‌ನ, “ಫರಿಸಾಯನು ಶೋಡನು ಆಟಾನಿ ಬಾರೇಮ ಕತೊ, ಇವ್ಣೆ ಠಗಾವನಿ ಬಾರೇಮ ಜ಼ತನ್‌ಥಿ ರ‍್ಹವೊ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:41

ತದೆ ಯೇಸುನೆ, “ಏ ವಿಶ್ವಾಸ್‌ಕೊಂತೆ ಖರಾಬ್ ಪಿಳ್ಗಿಯೆ, ಮೇ ಬಿಜು಼ ಕೆತ್ರ ದನ್ ತುಮಾರ ಜೋ಼ಡೆ ರ‍್ಹೀನ್, ತುಮೂನ ಖ್ಹಮಾಳ್‌ಣು?” ಕರೊ ಜ಼ವಾಬ್‌ದಿದೊ. ಅಜು಼ ಯೋ ಅದ್ಮಿನ, “ತಾರ ಛಿಯ್ಯಾನ ಹಜ಼್ಜಾ ಬುಲೈಲಿ ಆವ್” ಕರಿ ಬೋಲ್ಯೊ.

ಯೋಹಾನ 2:18

ಯೆಹೂದ್ಯರ್ ಅದಿಕಾರಿನೆ ಯೇಸುನ ಖನ್ನೆ ಐನ್ ಬೋಲ್ಯು,ತೂ ಹಮೂನ ಖಿವು ಅದ್ಭುತ್ ಖ್ಹಣೇದ್‍ನು ಕಾಮ್ನ ಕರಿನ್ ವತಾಳಿಸ್ಕಿ ಅನೇಥಿ ತೂ ಶಾತ್ ಕರುಕರಾಸ್ಕಿ ಇನಿ ಹಕ್ ತುನ ಛಾ಼ ಕರಿ ಸಾಬಿತ್ ಉಷೆ.

ಯೋಹಾನ 6:30

ಇವ್ಣೆ ಇನ, “ಇಮ್‍ಕತೊ, ತೂ ದೇವ್‍ಥಿ ಆಯೊಹುಯೊ ಕರಿ ಹಮೆ ದೇಖಿನ್‌, ತುನ ವಿಶ್ವಾಸ್‌ ಕರಾನಿಘೋಣಿ ಕೆಹು ಖ್ಹಣೇದ್ ಕರಿ ವತಾಳಸ್‌?” ಕರಿ ಪುಛಾ಼ಯು.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.

1 ಕೊರಿಂಥ 1:22

ಯೆಹೂದ್ಯರ್‌ಖ್ಹಾರು ಸಾಕ್ಷಿನಖ್ಹಾಜೆ ಖ್ಹಣೇದ್‌ನಕಾಮ್ನ ಖ್ಹಮ್‍ಜ಼ಸ್. ಗ್ರೀಕ್‍ವಾಳಾನ ಗ್ಯಾನ್ನ ಢೂಂಡಸ್.