ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:18 - ದೇವ್ನಿ ಖ್ಹಾಚಿ ವಚನ್

¹⁸ ಇಮ್ಮಸ್ ಶೈತಾನ್, ಇನಿ ವಿರೋದ್ ಯೋಸ್‌ ಭೀಡಾಲಗ್ಯೋತೊ, ಇನಿ ರಾಜ್ಯ ಕಿಮ್ ಬಚ಼್‌ಶೆ? ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಭೂತ್‌ ಕಾಡುಸ್‌ ಕರಿ ತುಮೆ ಬೋಲೋಸ್‌ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:18 ပူးပေါင်းရင်းမြစ်များ

ಮತ್ತಾಯ 10:25

ಶಿಷ್ಯ ಇನ ಗುರುನಿಮತ್‌ ಬಣ್ಯೋತೊ ಬಶ್‌, ಅಜು಼ ಆಳ್‌ ಇನ ಯಜಮಾನ್ನಿ ಮತ್‍ ಬಣ್ಯೋತೊ ಬಶ್‌. ಘರ್‌ನೊ ಯಜಮಾನ್ನಸ್‌, ಬೆಲ್ಜೆಬೂಲ್ ಕರಿ ಇವ್ಣೆ ಚಿಕ್‌ರ‍್ಯುತೊ, ಯೋ ಘರ್‌ನ ಬಿಜಾ಼ಖ್ಹಾರ ಅದ್ಮಿನ ಅಜು಼ಕೆತ್ರೆ ಖರಾಬ್ ನಾಮ್‍ಥಿ ಚಿಕರ್‌ಶೆ ಕೊಯ್ನಿಕಿಶು?

ಮತ್ತಾಯ 12:26

ಇಮ್ಮಸ್‌ ಶೈತಾನ್ ಶೈತಾನ್ನ ನಖ್ಹಾಡ್ಯುತೊ ಇನಿ ವಿರೋದ್ ಲಡೈಭೀಡಾನಿತರ ಹುಯು, ಇಮ್‍ರ‍್ಹಯುತೊ ಇನಿ ರಾಜ್ಯ ಕಿಮ್ ಭೀರ‍್ಹಿಷೆ?

ಮತ್ತಾಯ 4:10

ತದೆ ಯೇಸುನೆ, “ಇನ, ಶೈತಾನ್‍ ತೂ ಹಟಿಜಾ಼! ‘ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ ಎಕ್ಕಸ್ ಜ಼ಣಾನ ಆರಾದನೆ ಕರ‍್ನು ಅಜು಼ ಸೇವೆ ಕರ‍್ನು ಕರಿ ವಚನ್‌ಮ ಲೀಖೈರ‍್ಹುಸ್” ಕರಿ ಬೋಲ್ಯೊ.

ಮತ್ತಾಯ 4:24

ಇನಿ ಬಾರೇಮಾನಿ ಖಬರ್ ಸಿರಿಯ ದೇಖ್ಹ್‌ ಅಖ್ಖುಸ್ ಫೈಲಿಗಯು. ತದೆ ಆದ್ಮಿಖ್ಹಾರು ರೋಗ್‌ಮ ರ‍್ಹವಾಳನ ಯೇಸುಕನ ಲಾಯು, ಇವ್ಣಾಮ ಕೈಯೆಕ್ಕಿ ತರ‍್ಹಾನು ರೋಗ್‌-ರಾಯಥಿ ತರಪ್‌ಡುಕರ್ತುಥೂತೆ ಅಜು಼ ಭೂತ್‌ ಧರಿರಾಖ್ಯುಥೂತೆ, ಮಿರ್‌ಘಿ ಥೂತೆ ಅಜು಼ ಲಕ್‍ವೊ ಮಾರಿರಾಖ್ಯುಥೂತೆ ಇವ್ಣ ಅಖ್ಖಾನ ಇನಕನ ಲಾಯು. ಯೇಸುನೆ ಇವ್ಣ ಖ್ಹಾರಸ್ನ ಅಛ್ಛು಼ ಕರ‍್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:15

ಕತೋಬಿ, ಇವ್ಣಾಮ ಥೋಡು ಜ಼ಣು, “ಆ, ಭೂತ್ ಖ್ಹಾರಾನೊ ಯಜಮಾನ್ ಹುಯಿರ‍್ಹೋತೆ ಬೆಲ್ಜೆಬೂಲ್‌ನೊ ಶಕಥ್ಥಿ, ಭೂತ್ ಖ್ಹಾರಾನ ಕಾಡಸ್ತೆ” ಕರಿ ಬೋಲ್ಯು.