ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:2 - ದೇವ್ನಿ ಖ್ಹಾಚಿ ವಚನ್

² ಮೋಕ್ಲಾನಿ ವಖ್ಹತ್‌ಮ ಇವ್ಣುನ, “ಅನಾಜ಼್ ಜಾ಼ಖ್ಹತ್ ಛಾ಼, ಕತೋಬಿ ಎಕ್ಟು ಕರಾನ ಕಾಮ್ ಕರಾವಾಳು ಕಮ್ ಛಾ಼. ಇನಖ್ಹಾಜೆ ಅನಾಜ಼್‌ನೊ ಪ್ರಭುನ ‘ತಾರು ಅನಾಜ಼್‌ನ ಎಕ್ಟು ಕರಾನಖ್ಹಾಜೆ ಕಾಮ್‌ವಾಳಾನ ಮೋಕಲ್’ ಕರಿ ಬಿಂತಿ ಕರೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:2 ပူးပေါင်းရင်းမြစ်များ

ಮತ್ತಾಯ 20:1

ಸೊರ್ಗಾನು ರಾಜ್ಯ ಏಕ್‌ ದ್ರಾಕ್ಷಿನೊ ಬಾಗ್‌ನೊ ಯಜಮಾನ್ನಿಘೋಣಿ ಛಾ಼.ಏಕ್‌ ದನ್ನೆ ವ್ಹಾಣಾನು ಯೋ ಇನ ಬಾಗ್‌ಮ ಕಾಮ್ ಕರಾನಖ್ಹಾಜೆ ಥೋಡ ಕೂಲಿಆಳ್‍ನ ಬುಲಾವನ ನಿಕ್‌ಳ್ಯೊ.

ಮಾರ್ಕ 13:34

ಏಕ್‌ ಅದ್ಮಿ ಇನು ಘರ್‌ನ ಮ್ಹೇಲಿನ್ ದೇಖ್ಹ್‌ಪರ್ ಜಾ಼ವಾನಿ ವಖ್ಹತ್‌ಮ, ಇನ ಸೇವಕರ್‌ನ ಬುಲೈನ್ ಘರ್‌ನ ದೇಕ್-ಭಾಲ್‌ ಕರಾನು ಕಾಮ್ನಿ ಅದಿಕಾರ್‌ನ ದಿದೊ. ಏಕೇಕ್‌ ಜ಼ಣಾನ ಇವ್ಣು-ಇವ್ಣು ಕಾಮ್‌ದೀನ್‌, ಘರ್‌ನಿ ಕಾವ್ಲಿ ಕರಾವಾಳನ ಹೊಷಾರಿ ರ‍್ಹೇಣು ಕರಿ ಹುಕುಮ್‌ ದಿದೊ. ಇಮ್ಮಸ್ ಮೇ ತುಮುನ ಹುಕುಮ್‌ ದೆವ್‍ಸ್.

ಮಾರ್ಕ 16:15

ಅನ ಬಾದ್‌ಮ ಇವ್ಣುನ, “ತುಮೆ ಜಗತ್ನಿ ಖ್ಹಾರಿ ಬಾಜು಼ಮ ಜೈ಼ನ್‌ ತಮಾಮ್‌ ಅದ್ಮಿನ ದೇವ್ನಿ ಅಛ್ಛಿ ಖಬರ್‌ನ ಬೋಲ್‌ನು.

ಮಾರ್ಕ 16:20

ಹೈಕಡ್ ಇನು ಶಿಷ್ಯರ್‌ ಚ಼ಲ್ಯೂಜೈ಼ನ್ ಖ್ಹಾರಿ ಬಾಜು಼ ದೇವ್ನಿ ಅಛ್ಛಿ ಖಬರ್‌ನ ಬೋಲ್ಯು. ಅಜು಼ ಪ್ರಭುನೆ ಇವ್ಣ ಜೋ಼ಡೆಸ್ ರ‍್ಹೀನ್ ಖ್ಹಣೇದ್‍ನು ಅದ್ಭುತ್ ಕಾಮ್‌ಖ್ಹಾರು ಕರಿನ್, ಇವ್ಣೆ ಬೋಲಾತೆ ಖ್ಹಾರು ಖ್ಹಾಚಿಸ್‌ಕರಿ ವತಾಳಿದೇತೊ ರ‍್ಹೇತೊಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:1

ಯೇಸುನೆ ಭಾರ ಜ಼ಣ ಅಪೊಸ್ತಲರ‍್ನ ಏಕ್‌ದಮ್ ಬುಲೈನ್, ಇವ್ಣುನ ಭೂತ್‌ಖ್ಹಾರು ಕಾಡಾನ ಅಜು಼ ರೋಗ್-ರಾಯೊ ಅಛ್ಛು಼ಕರಾನ ಶಕತ್‍ ಅಜು಼ ಅದಿಕಾರ್ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:19

ಸ್ತೆಫನನ ಮರ್‌ನಾಖ್ಯುತೆ ತದೆ ಹಿಜ್ಜಾ಼ ಹುಯಿತೆ ಖ್ಹತಾಪ್ಣಿಥಿ ಥೋಡುಜ಼ಣು ವಿಶ್ವಾಸಿಖ್ಹಾರು ಛಿದ್ರಯ್‍ಗಯು, ಇವ್ಣೆ ಘಣಾದೂರ್‌ನಿ ಝ಼ಗೊಹುಯಿರಿಥೀತೆ ಫೊಯಿನಿಕೆ, ಸೈಪ್ರಸ್ ಅಜು಼ ಅಂತಿಯೋಕ್ಯನ ಗಯು. ವಿಶ್ವಾಸಿಖ್ಹಾರು ಆ ಝ಼ಗೋಮ ಖಲಿ ಯೆಹೂದ್ಯರ್‌ನ ಸುವಾರ್ತೆನ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:2

ಅವ್ಣೆಖ್ಹಾರು ಪ್ರಭುನಿ ಸೇವೆ ಕರುಕರ್ತುಥು ಅಜು಼ ಉಪವಾಸ್ (ಪಾರ‍್ನೆ) ಕರುಕರ್ತುಥು. ಪವಿತ್ರಾತ್ಮನೆ ಇವ್ಣುನ “ಮೇ ವಿಶೇಷ್ ಕಾಮ್ನಖ್ಹಾಜೆ ಬಾರ್ನಬ ಅಜು಼ ಸೌಲನ ಚೂ಼ಣಿಲಿದೊ ಯೋ ಕಾಮ್ನಖ್ಹಾಜೆ ಇವ್ಣುನ ಅಲಕ್‍ಕಾಡ್ಯೊ.” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:4

ಬಾರ್ನಬ ಬಿಜು಼ ಸೌಲ ಪವಿತ್ರಾತ್ಮನೇಸ್ ಬೋಲಿಮೋಕ್‌ಲ್ಯೊ. ಇವ್ಣೆ ಸೆಲ್ಯೂಕ್ಯ ಖ್ಹಯೇರ‍್ನ ಜೈ಼ನ್, ಹಿಜ್ಜಾ಼ಥ ಸೈಪ್ರಸ್ ಟಾಪನ ಜ಼ಹಾಜ಼್‍ಮ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:21

ತದೆ ಪ್ರಭುನೆ; ಜಾ಼ ಮೇ ತುನ ದೂರ್ ಯೆಹೂದ್ಯರ್‌ಕಾಹೆತೆ ಅದ್ಮಿನ ತಬರ್‌ಖಾಮ ಮೋಕ್ಲುಸ್’ ಕರಿ ಮನ ಬೋಲ್ಯೊ.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:4

ಛಿಡ್‍ಗರ್‌ಪಡಿಗುತೆ ವಿಶ್ವಾಸಿಖ್ಹಾರು ಬಿಜಿಬಿಜಿ ಝ಼ಗೊ ಜೈ಼ನ್ ಸುವಾರ್ತೆನ ಬೋಲ್ತು ನಿಕ್‌ಳ್ಯು.

1 ಕೊರಿಂಥ 12:28

ದೇವ್ ಇನಿ ಸಬೆಮ ಪಹಿಲೆ ಅಪೊಸ್ತಲರ‍್ನ, ಬೇನು ಪ್ರವಾದಿಖ್ಹಾರನ, ತೀನ್ನು ಸಂದೇಶ್ ಶಿಕಾಡವಳನ ಮಿಛಾ಼ಣ್ಯೋಸ್. ಪಾಛ಼ಳ್‍ಥು ಅದ್ಭುತ್‌ ಕಾಮ್ನ ಕರಾವಾಳನ, ರೋಗ್ ಅಖ್ಖು ಅಛ್ಛು಼ ಕರವಾಳನ, ಅಲಕ್‌ನ ಮದತ್ ಕರವಾಳನ,ವಾಟ್‌ವತಾಳವಾಳನ, ಥರಥರಾನಿ ಬೋಲಿ ಬೋಲಾನಿ ವರಾನ ದೀರಾಖ್ಯೊಸ್.

1 ಕೊರಿಂಥ 15:10

ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

2 ಕೊರಿಂಥ 6:1

ಹಮೆ ದೇವ್ನಿ ಜೋ಼ಡ್ಮ ಕಾಮ್ ಕರಾವಾಳ ಹುಯಿರ‍್ಹಾಸ್.ಇನಾಖ್ಹಾಜೆ ತುಮೂನ ಶಾತ್ ಬೋಲಿಲಿಯೇಸ್ ಕತೊ,ತುಮೆ ದೇವ್‍ಥಿ ಲೀರಾಖ್ಯಾತೆ ವಾರ್‌ಖ್ಹಾನ ಗುಮೈನಕೊಲಿಶು ಕರಿ ಗಿಂಗೈಲಿಯೇಸ್

ಫಿಲಿಪ್ಪಿ 2:21

ಅಖ್ಖುಜ಼ಣು ಇವ್ಣ ಕಾಮ್‌ಪರ್ ಮಗನ್‌ ರ‍್ಹೇಸ್ ಪಣ್ಕಿ ಯೇಸು ಕ್ರಿಸ್ತನ ಕಾಮ್‌ಪರ್ ಮನ್‌ಲಗಾಡಕೊಯ್ನಿ.

ಫಿಲಿಪ್ಪಿ 2:25

ಮಾರಿ ಜ಼ರೂರತ್ನ ಕಾಡಾನಖ್ಹಾಜೆ ತುಮೆ ಮೋಕ್‍ಲ್ಯಥಾತೆ, ಮಾರೊ ಭೈ, ಜೋ಼ಡ್ನೊ ಸೇವಕ್‌ಬಿ, ಜೋ಼ಡ್‌ನೊ ಶಿಪಾಯಿಬಿ ಹುಯಿರ‍್ಹೋಸ್ತೆ ಎಪಫ್ರೊದೀತ್‌ನ ತುಮಾರಕನ ಮೋಕ್ಲಾನು ಜ಼ರೂರತ್ ಕರಿ ಲ್ಯಾಹುಸ್.

ಫಿಲಿಪ್ಪಿ 2:30

ಅಮ್ ತುಮೇಸ್ ಮನ ಕರ್ನುತೆ ಮ್ಹೆಮಾನ್ಮ ಜ಼ರೂರತ್‌ನ ಭರಾನಖ್ಹಾಜೆ ಇನ ಜಾನ್‌ಪರ‍್ಲಿ ಆಖ್ಹ್‌ನ ಮ್ಹೆಂದಿನ್ ಕ್ರಿಸ್ತ ಯೇಸುನಿ ಸೇವೆಮ ಮರಿಗೊ.

ಕೊಲೊಸ್ಸೆ 1:29

ಮಾರಾಮ ಕಾಮ್‍ ಕರಾನಿ ದೇವ್ನಿ ಶಕಥ್ಥಿ ಅನಖ್ಹಾಜೆಸ್ ಮ್ಹಿನತ್ ಕರೀನ್ ಲಡೂಸ್.

ಕೊಲೊಸ್ಸೆ 4:12

ತುಮಾರಮ ಕ್ರಿಸ್ತ ಯೇಸುನೊ ದಾಸ ಹುಯಿರ‍್ಹೋತೆ ಎಪಫ್ರಬಿ ತುಮುನ ಖ್ಹಲಾಮ್ ಬೋಲಸ್, ತುಮೆ ಪುರ್ಗುಲ್ ಹುಯಿರ‍್ಹೇಣು ಕರೀಬಿ ಖ್ಹಾರಾಸ್ ಕಾಮ್ಮ ದೇವ್ನಿ ಅಖ್ಖಿ ಖ್ಹೂಜ಼್‌ನಿ ಬಾರೇಮ ಪೂರ ಮಾಲುಮ್‌ ಕರಿರಾಖವಾಳ ಹುಯಿರ‍್ಹೇವ್ಣುಕರಿ ಹೈರೋತೆ ತುಮಾರಖ್ಹಾಜೆ ಮನ್‍ಲಗಾಡಿನ್ ಕದೇಬಿ ಪ್ರಾರ್ಥನೆಮ ಹುಮ್ಮಖ್ಹ್‌ ಲೀರಾಖವಾಳೊ ಹುಯಿರ‍್ಹೋಸ್.

1 ಥೆಸ 2:9

ಭೈ ಭೇನೊ ಹಮೆ ತುಮಾರಾಮ ಕಿನಾಪರ್‌ಬಿ ಭಾರೊ ನಾ ನಾಕ್ಣು ಕರಿ ರಾತ್-ದನ್ ಕಾಮ್ ಕರೀನ್, ಜಿವ್ಣು ಚ಼ಲಾವ್ತಹುಯಿನ್, ದೇವ್ನಿ ಸುವಾರ್ತೆನ ತುಮೂನ ಬೋಲಿವತಾಳ್ಯ, ಯೋ ಹಮಾರಿ ಲತಾಡಬಿ ಮ್ಹಿನತ್ ಖ್ಹಾರು ತುಮಾರಿ ಯಾದ್ಮ ರ‍್ಹವಾದೆ.

1 ಥೆಸ 5:12

ಮಾರ ಭೈಯೆ ಭೇನೇವೊ ಕ್ರಿಸ್ತಮ ಮೆ ತುಮುನ ಬಿಂತಿ ಕರುಸ್, ಖಿವು ಅದ್ಮಿ ಪ್ರಭುನ ಕಾಮ್ಮ ತುಮಾರಖ್ಹಾಜೆ ಮ್ಹಿನತ್ ಕರವಾಳು ಹುಯಿನ್ ತುಮೂನ ಅಕ್ಕಲ್ ಬೋಲಸ್ಕಿ,

2 ಥೆಸ 3:1

ಹಮಾರ ಭೈಯೆ ಭೇನೆವೊ, ಹಮಾರಖ್ಹಾಜೆ ಪ್ರಾರ್ಥನೆ ಕರೊ, ಪ್ರಭುನಿ ವಚನ್ ತುಮಾರಾಮ ಫೈಲೀತೆ ಇಮ್ಮಸ್, ಬಿಜಿಖ್ಹಾರಿ ಬಾಜು಼ಮಾಬಿ ವಗ್ಗಿಸ್ ಫೈಲೈನ್ ಮಹಿಮೆ ಹುವಾದೆ.

1 ತಿಮೊ 4:10

ಅಜು಼ ಹಮೆ ಕಠಣ್‍ಥಿ ಖ್ಹಮಾಳಿನ್ ವಾಖ್ಯೊ ಪಡುಕರ‍್ಯೇಸ್. ಹಮೆ ಹಮಾರ ಭರೋಖ್ಹಾನ ಜಿವ್ತ ದೇವ್ನ ಉಪ್ಪರ್ ರಾಖಿಮ್ಹೇಲ್ಯಸ್. ಯೋ ಅಖ್ಖಾನ ಬಚಾ಼ಡವಾಳೊ ಅಜು಼ ಜಾ಼ಖ್ಹತ್ ವಿಶ್ವಾಸ್ ಕರವಾಳನ ರಕ್ಷಕ್ ಹುಯಿರೋಸ್.

2 ತಿಮೊ 4:5

ಕತೋಬಿ ತೂ ಅಖ್ಖಿ ಹಾಲ್‌ಮ ತಾರು ತೂ ದಾಬುಕ್‌ಥಿ ರ‍್ಹೇ; ಖ್ಹತಾಪ್ಣಿ ಆಯುತೊ ಖ್ಹಮಾಳಿಲೇ, ಅಛ್ಛಿ ಸಮಚಾರ್‌ನ ಬೋಲವಾಳೊ ಹುಯಿರ‍್ಹೆ, ಅಜು಼ ತುನ ದೆವೈರ‍್ಹೀತೆ ಸಬೇನು ಕಾಮ್ನ ಬರಾಬರ್‌ಥಿ ಕರ್‌. ಮಾರಿ ಬಾರೇಮ ಬೋಲ್‌ನು ಕತೊ ಮಾರಿ ವೇಳ್ ಐರ‍್ಹೀಸ್ ಮೇ ಬಲಿ ಹುವಾನು ವಖ್ಹತ್ ಆವ್‌ತುರ‍್ಹು.

ಫಿಲೆಮೋನ 1:1

ಯೇಸು ಕ್ರಿಸ್ತನಖ್ಹಾಜೆ ಜೇಲ್‌ಮ ಛಾ಼ತೆ ಪೌಲಬಿ ಭೈಹುಯಿರ‍್ಹೊತೆ ತಿಮೊಥೆಯಬಿ ಅಪ್ಣುನ ಪ್ಯಾರ್‌ನೊಬಿ ಜೋ಼ಡ್ಮಕಾಮ್‍ ಕರಾವಾಳೋಬಿ ಹುಯಿರ‍್ಹೋತೆ ಫಿಲೆಮೋನನಾಬಿ,

ಇಬ್ರಿ 3:6

ಕತೋಬಿ ಕ್ರಿಸ್ತತೋಬಿ ಛಿಯ್ಯೊಹುಯಿನ್ ದೇವ್ನ ಘರ್‌ಪರ್ ಹಕ್‌ವಾಳೊ ಹುಯಿರ‍್ಹೋಸ್. ಅಪ್ಣೆ ಹಿಮ್ಮತ್‍ಬಿನ್ ಭರೋಖ್ಹಾಥಿಬಿ ಖ್ಹರ್ತಿಲಗು ಘಟ್‍ಥಿ ಧರಿರಾಖವಾಳ ಹುಯಾತೊ ಅಪ್ಣೆಸ್ ದೇವ್ನ ಘರ್ ಹುಯಿರ‍್ಹಿಷು.

ಪ್ರಕಾಶಿತ್ 2:1

ಎಫೆಸಮ ಛಾ಼ತೆ ಸಬೆನ ದೂತಾನ ಅಮ್‍ಲೀಕ್, ಖ್ಹಾತ್ ತಾರವ್ನ ಇನ ಖಾವಹಾತ್ಮ ಧರಿಲೀನ್ ಖ್ಹಾತ್ ಖ್ಹೊನ್ನಾನು ದಿವಳ್ಗಿನ ಖಂಬಾನ ಇಚ಼್‌ಮ ಚಾ಼ಲುಕರಾವಾಳೊ ಶಾತ್ ಬೋಲುಕರಾಸ್‌ ಕತೊ,