ಯೋಹಾನ 9:35 - ದೇವ್ನಿ ಖ್ಹಾಚಿ ವಚನ್

³⁵ ಯೋ ಅದ್ಮಿನ ಭಾರ್‌ನಾಖ್ಯುಕರಿ ಯೇಸುನೆ ಖ್ಹಮ್‌ಜಿನ್‌, ಇನ ಮಳಿನ್, “ತೂ ಅದ್ಮಿನೊ ಛಿಯ್ಯಾನ ನಂಬಾಸ್ಕಿ ಶು? ಕರಿಪುಛಾ಼ಯೊ.

ಯೋಹಾನ 9:35 ပူးပေါင်းရင်းမြစ်များ

ಮತ್ತಾಯ 14:33

ತದೆ ಡೋಣ್‌ಮ ಥಾತೆ ಶಿಷ್ಯರ್‌ನೆ, “ಖ್ಹಾಚ಼ಮಾಬಿ ತೂ ದೇವ್‌ನೊ ಛಿಯ್ಯೊ” ಕರಿ ಬೋಲಿನ್, ಯೇಸುನ ಆರಾದನೆ ಕರ‍್ಯಾ.

ಮತ್ತಾಯ 16:16

ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.

ಮತ್ತಾಯ 4:3

ತದೆ ಶೈತಾನ್‍ ಯೇಸುಕನ ಆಯಿನ್, “ತೂ ದೇವ್‌ನೊ ಛಿಯ್ಯೊ ಉಶೇತೊ, ಆ ಬಂಡಾವ್‍ನ ರೋಟೊ ಹುವಾನಿಘೊಣಿ ಹುಕುಮ್‌ ದೇ” ಕರಿ ಬೋಲ್ಯೊ.

ಮಾರ್ಕ 1:1

ದೇವ್‌ನೊ ಛಿಯ್ಯೊ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಬಾರೇಮ, ಅಛ್ಛಿ ಸಮಾಚಾರ್‌ನಿ ಶುರುವಾತ್.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 1:34

“ಮೇ ಇನ ದೇಖ್ಯೊ, ಅಜು಼ ಯೋಸ್ ದೇವ್‌ನೊ ಛಿಯ್ಯೊ ಕರಿ ಮೇ ಸಾಕ್ಷಿ ದೆವ್‍ಕರೂಸ್” ಕರಿ ಬೋಲ್ಯೊ.

ಯೋಹಾನ 10:36

ಬಾನೇಸ್ ಇನು ಶೊಂತ್‍ಛಿಯ್ಯೊನ ಚೂ಼ಣಿಲೀನ್, ಜಗತ್‌ಮ ಬೋಲಿ ಮೋಕ್‌ಲೈರ‍್ಹೋತೆ ಇನ ತುಮೆ ‘ಮೇ ದೇವ್‌ನೊ ಛಿಯ್ಯೊ ಹುಯಿರ‍್ಹೋಸ್ ಕರಿ ಬೋಲ್ತಾನ, ‘ತೂ ದೇವ್ನಿ ದೂಷಣೆ ಕರಾಸ್’ ಕರಿ ಬೋಲಸ್ತೆ ಶನ?

ಯೋಹಾನ 11:27

ತದೆ ಇನೆ, “ಓಹೋಲಾ, ಪ್ರಭು! ಆ ಜಗತ್ನ ಆವ್ಣುತೆ ದೇವ್‌ನೊ ಛಿಯ್ಯೊ ಹುಯಿರ‍್ಹೋತೆ ಕ್ರಿಸ್ತ ತೂಸ್ ಕರಿ ಮೇ ನಂಬಿರಾಖಿಸ್‌” ಕರಿ ಬೋಲಿ.

ಯೋಹಾನ 20:28

ತೋಮನೆ ಯೇಸುನ, “ಮಾರೊ ಪ್ರಭು, ಮಾರೊ ದೇವ್!” ಕರಿ ಜವಾಬ್‌ ದಿದೊ.

ಯೋಹಾನ 20:31

ಕತೋಬಿ ಯೇಸುಸ್‌ ಕ್ರಿಸ್ತ ಕರೀಬಿ, ದೇವ್‌ನೊ ಛಿಯ್ಯೊ ಕರೀಬಿ ತುಮೆ ನಂಬಿನ್, ಇನ ನಾಮ್‍ಥಿ ತುಮೂನ ಜಾನ್‌ ಮಳಾದೆ ಕರಿ ಅತ್ರುಖ್ಹಾರು ಲೀಖೈರ‍್ಹುಸ್.

ಯೋಹಾನ 3:36

ಇನ ಛಿಯ್ಯಾನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಛಾ಼; ಕತೋಬಿ ಛಿಯ್ಯಾನಿ ವಾತೆನ ಝಿಟ್ಕಾರಸ್ಕಿ ಇವ್ಣುನ ಯೋ ಜಿ಼ಂದ್‌ಗಿ ಮಳ್‌ಶೆ ಕೊಯ್ನಿ, ಅಜು಼ ದೇವ್‌ನೊ ಇರಾದೊ ಇವ್ಣಾಪರ್ ರ‍್ಹಿಶೆ” ಕರಿ ಬೋಲ್ಯೊ.

ಯೋಹಾನ 5:14

ಅನ ಬಾದ್‌ಮ ಯೇಸು ಯೋ ಅದ್ಮಿನ ಮಂದಿರ್‌ಮ ದೇಖಿನ್‌, “ದೇಕ್, ಹಮ್ಕೆ ತುನ ಅಛ್ಛು಼ ಹುಯಿರ‍್ಹುಸ್‍ ಇನಖ್ಹಾಜೆ ಪಾಪ್ ಕರಾನು ಮ್ಹೆಂದೆ,ಶನಕತೊ ಅನೇಥಿ ತುನ ಖೆವೂಬಿ ಜಾ಼ಖ್ಹತ್ ಮುಶಿಬತ್ ನಕೊ ಆವಾದೆ.ಕರಿ ಬೋಲ್ಯೊ.

ಯೋಹಾನ 6:69

ಹಮೆ ತಾರಾಮ ವಿಶ್ವಾಸ್‌ ಕರಿಯೇಸ್, ಅಜು಼ ತೂ ದೇವ್‍ಥಿ ಆಯೋತೆ ಪರಿಶುದ್ ಅದ್ಮಿ” ಕರಿ ಬೋಲ್ಯೊ.

ಯೋಹಾನ 9:22

ಇನ ಆಯ-ಬಾನೆ ಯೆಹೂದ್ಯರ್‌ನ ಅದಿಕಾರಿ ಡರಿನ್, ಅಮ್ನಿ ವಾತೇನ ಬೋಲ್ಯುತೆ, ಶನಕತೊ ಯೇಸುನ ಕ್ರಿಸ್ತ ಕರಿ ಕೋಣ್ ವಿಶ್ವಾಸ್ ಕರಾಸ್ಕಿ, ಇವ್ಣುನ ಯೆಹೂದ್ಯರ‍್ನು ಸಬಾ ಮಂದಿರ್‌ಮಾಥು ಭಾರ್‌ ನಾಕ್‌ಶು ಕರಿ ಇವ್ಣೆ ಬೋಲಿರಾಖ್ಯುಥು.

ಯೋಹಾನ 9:34

ಆ ವಾತೆನ ಖ್ಹಮ್‌ಜಿನ್‌ ಇವ್ಣೆ, “ತೂ ಖಲಿ ಪಾಪ್‌ಮ ಪೈದಾ ಹುಯೊತೆ, ಹಮೂನ ಬೋಲಿವತಳಾಸ್ಕಿ ಶು?” ಕರಿಬೋಲಿನ್‌, ಸಬೇನು ಮಂದಿರ್‌ಮಾಥು ಇನ ಧಕೇಲಿ ಭಾರ್‌ ಕಾಡಿನಾಖ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:36

ಇವ್ಣೆ ವಳ್ಯಜಾ಼ತಥಾತೆ ವಾಟೆ ಪಾಣಿನಿ ಝ಼ಗೋಕನ ಆಯ. ಅಜು಼ ಅದಿಕಾರಿನೆ, ಹಂದೇಕ್ ಪಾಣಿ ಹೈರು ಮೇ ಬ್ಯಾಪ್ತಿಸ್ಮ ಲ್ಯಾವಾನ ಅಡ್ಡಿಶಾತ್‍? ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:37

ತದೆ ಫಿಲಿಪ್ಪನೆ ಇನ “ತೂ ಖ್ಹಾಚ ದಿಲ್‌ಥಿ ವಿಶ್ವಾಸ್ ಕರಾವಾಳೊ ಉಷೇತೊ ಅಡ್ಡಿಕೊಯ್ನಿ” ಕರಿ ಬೋಲ್ಯೊ. ತದೆ ಅದಿಕಾರಿನೆ, “ಯೇಸುಕ್ರಿಸ್ತಾಸ್ ದೇವ್‌ನೊ ಛಿಯ್ಯೊಕರಿ ವಿಶ್ವಾಸ್ ಕರುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:20

ಪೌಲ ತದ್ನುತದೇಸ್, “ಯೇಸು ದೇವ್‌ನೊ ಛಿಯ್ಯೊ” ಕರಿ ಸಭೆ ಮಳಾನಿ ಝ಼ಗೋಮ ಬೋಲಾನ ಶುರು ಕರ‍್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:4

ದೇವ್ನೆ ಪಹಿಲೆ ಪವಿತ್ರ ದಪ್ತರ್‌ಮ ಇನ ಪ್ರವಾದಿಥಿ ಬೋಲೈರ‍್ಹೀತೆ ಆ ವಾಗ್ದಾನ್‌ಕರ‍್ಯೊತೆ ಸುವಾರ್ತೆ ಮರ‍್ಯಾಹುಯಾಮಾಥು ಪಾಛು಼ ಜಿವ್ತುಹುಯೋತೆ ಇನಿ ಶಕಥ್ಥಿ ದೇವ್‌ನೊ ಛಿಯ್ಯೊಕರಿ ವತಾಳೈಲಿದೊ. ಯೋಸ್ ಅಪ್ಣೊ ಪ್ರಭು ಯೇಸುಕ್ರಿಸ್ತ ಹುಯಿರೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:20

ಕತೋಬಿ ಯೆಶಾಯನೆ ಘಣು ಧಿಲ್‍ಪಥ್ಥಿ ದೇವ್ನಿ ಆ ವಾತೆನ ಬೋಲ್ಯೊ “ಮನ ಕೊ ಢೂಂಢಾನಿತೆ ಇವ್ಣುನ ಮೇ ಮಳ್ಯೊ. ಮಾರಿ ಬಾರೇಮ ನಾ ಪುಛಾ಼ವವಾಳನ ಖ್ಹಾಮ್ಣೆ ದೇಖಾಯೊ”

1 ಯೋಹಾನ 4:15

ಯೇಸುಕ್ರಿಸ್ತ ದೇವ್‌ನೊ ಛಿಯ್ಯೊಕರಿ ಕೋಣ್ ಮಾನಿಲೇಸ್ಕಿ ಇವ್ಣಾಮ ದೇವ್ ರ‍್ಹೇಸ್, ಅಜು಼ ಇವ್ಣೆ ದೇವ್‌ಮ ರ‍್ಹವಾಳ ಹುಯಿರಾಸ್.

1 ಯೋಹಾನ 5:10

ದೇವ್ನ ಛಿಯ್ಯಾಮ ವಿಶ್ವಾಸ್ ಕರಾವಾಳೊ ಆ ಸಾಕ್ಷಿನ ಇನಾಮ ಲೀರಾಖಸ್. ದೇವ್ನ ನಂಬಕೊಂತೆ ಯೋ ಇನ ಝು಼ಟೊಕರಿ ಬಣೈರಾಖ್ಯೊಸ್. ಕಿಮ್‌ಕತೊ ದೇವ್ ಇನ ಛಿಯ್ಯಾನಿ ಬಾರೇಮ ದಿದೋತೆ ಸಾಕ್ಷಿಮ ಇನೆ ವಿಶ್ವಾಸ್ ಕರ‍್ಯೊಕೊಯ್ನಿ.

1 ಯೋಹಾನ 5:13

ದೇವ್ನ ಛಿಯ್ಯಾನ ನಾಮ್‍ಪರ್ ವಿಶ್ವಾಸ್ ರಾಖವಾಳ ತುಮೆ ಕೆದೇಬಿ ರ‍್ಹವಾನ ಜಾನ್ನ ಲೀರಾಖವಾಳ ಕರಿ ಬೋಲವನಾಸ್‍ ಮೇ ತುಮೂನ ಆಖ್ಹಾರು ಲೀಖಿರಾಖ್ಯೊಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

1 ಯೋಹಾನ 5:5

ಯೇಸುಸ್ ದೇವ್‌ನೊ ಛಿಯ್ಯೊ ಕರಿ ವಿಶ್ವಾಸ್ ಕರವಾಳೋಸ್ ಜಗತ್ನ ಜುತಾನ ಉಶೆಪಣ್ಕಿ ಜಗತ್ನ ಜುತಾನ ಅಜು಼ ಕಿನೇಥಿ ಉಶೆ?

3 ಯೋಹಾ 1:10

ಇನಖ್ಹಾಜೇಥಿ,ಮೆ ಹಿಜ್ಜಾ಼ ಆವಾದಿನ್ ಯೊ ಕರಾತೆ ಕಾಮ್ನಿ ಬಾರೇಮ ಖ್ಹಾರನ ಬೋಲ್‌ಶೆ. ಯೋ ಬಡೈ ಮಾರವಾಳೊ ಹುಯಿನ್, ಅಪ್ಣಿಬಾರೇಮ ಝೂ಼ಟಿ ಫೈಲವ್‍ಕರಸ್. ಅಜು಼ ಖೆವ ಭೈಯೇವೋನಾಬಿ ಮಳೈಲೆಯಿಕೊಯ್ನಿ ಅಜು಼ ಮೆ ಮಳಾವ್ಣುಕರಿ ಕರುಸ್ತೆ ಇವ್ಣುನಾಬಿ ಆಡೊ ಆಯಿನ್ ಸಬೇಥಿ ಕಾಡಿನಾಖಸ್‌.