ಯೋಹಾನ 9:24 - ದೇವ್ನಿ ಖ್ಹಾಚಿ ವಚನ್

²⁴ ತದೆ ಯೆಹೂದ್ಯರ್‌ನ ಅದಿಕಾರಿ ಪಾಛು಼ ಭೇನೆಹಲ್ಲ, ಅಗಾಡಿ ಕಾಣೊ ಹುಯಿರ‍್ಹೊಥೋತೆ ಯೋ ಅದ್ಮಿನ ಬುಲೈನ್, “ತೂ ಖ್ಹಾಚಿ ಬೋಲಿನ್ ದೇವ್ನ ಮರ್ಯಾದಿದೆ, ತುನ ಅಛ್ಛು಼ ಕರ‍್ಯೊತೆ ಯೋ ಅದ್ಮಿ ಪಾಪಿಕರಿ ಹಮೂನ ಮಾಲುಮ್‌” ಕರಿಬೋಲ್ಯು.

ಯೋಹಾನ 9:24 ပူးပေါင်းရင်းမြစ်များ

ಮಾರ್ಕ 15:27

ಯೇಸುನ ಜೋ಼ಡ್ಮ ಬೇ ಜ಼ಣ ಚೋ಼ರ್‌ನಾಬಿ ಲೈನ್‌ ಏಕ್‌ ಜ಼ಣಾನ ಇನಿ ಖಾವಿ ಬಾಜೂ಼ಮ ಅಜು಼ ಬಿಜೇಕ್‌ ಜ಼ಣಾನ ಇನಿ ಡಾವಿ ಬಾಜೂ಼ಮ ಶಿಲ್‌ಬೆಪರ್ ಮಾರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 15:2

ಅನ ದೇಖಿನ್ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೇನೆ, “ಆ ಪಾಪಿ ಖ್ಹಾರಾನ ಜೋ಼ಡೆ ಮಳಿನ್, ಇವ್ಣ ಜೋ಼ಡೆ ಖಾಣು ಖಾಸ್ನಿ” ಕರಿ ಯೇಸುಪರ್ ಮಶ್ಲಾ ಮಾರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:7

ಅನ ದೇಖಿನ್‌ ಅದ್ಮಿಖ್ಹಾರು, “ಯೇಸು ಪಾಪಿನ ಘರ್‌ಮ ಮೆಹಮಾನ್ ಹುಯಿನ್ ವಳ್ಯೊಜಾ಼ಸ್‌” ಕರಿ ಭಣ್‌ಕ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:39

ಯೇಸುನ ಖಾಣನ ಬುಲಾಯೊಥೋತೆ ಫರಿಸಾಯರ್‌ನೆ ಅನ ದೇಖಿನ್, “ಆ ಪ್ರವಾದಿಸ್ ರ‍್ಹಯೊಹೋತ್ತೊ, ಇನ ಛೀಮುಕರಾತೆ ಕೋಣ್ ಕರಿ ಮಾಲುಮ್‌ ಕರಿಲಿದೊಹೋತ್; ಆ ಕಿಮ್ನು ಪಾಪ್‌ಮ ಜಿವ್ಣು ಚ಼ಲಾವ್‍ಕರಾಸ್‌ ಕರಿ ಮಾಲುಮ್‌ ಕರಿಲಿದೊಹೋತ್!”

ಯೋಹಾನ 14:30

ಬಿಜು಼ ಮೇ ತುಮಾರ ಜೋ಼ಡೆ ಜಾ಼ಖ್ಹತ್ ವಾತೆ ಕೋ ಬೋಲೂನಿ, ಶನಕತೊ ಆ ಜಗತ್ನ ಅದಿಕಾರಿ ವಳ್ಯಾವಸ್. ಇನ ಮಾರಪರ್ ಖೆವಿಸ್ ಹಕ್‌ ಕೊಯ್ನಿ.

ಯೋಹಾನ 16:2

ಇವ್ಣೆ ತುಮೂನ ಸಬಾಮಂದಿರ್‌ಥು ಭಾರ್‌ ಕಾಡಿನಾಕ್‌ಶೆ; ಯೋ ಕೊಂತೆ ತುಮೂನ ಮಾರಿನಾಖವಾಳೊ ಇನೆ ದೇವ್ನ ಬಲಿದಿದೊಕರಿ ಸೋಚಾನ ಹಗಾಮ್ ಆವ್‌ಶೆ.

ಯೋಹಾನ 18:30

ತದೆ ಇವ್ಣೆಬೊಲ್ಯು, “ಆ ಗಲತ್‌ ನಾಕರ‍್ಯೊಹೋತ್ತೊ, ಹಮೆ ಅನ ತಾರಕನ ಶನ ಲಾಯಹೋತ್‌?” ಕರಿ ಜವಾಬ್‌ ದಿದು.

ಯೋಹಾನ 19:6

ಮಹಾಯಾಜಕರ್‌ ಅಜು಼ ಮಂದಿರ್‌ನ ಕಾವ್ಲಿ ಕರಾವಾಳನ ಯೇಸುನ ದೇಖಿನ್‌, “ಇನ ಶಿಲ್‌ಬೆಪರ್ ಠಂಗಾವ್! ಇನ ಶಿಲ್‌ಬೆಪರ್ ಠಂಗಾವ್!” ಕರಿ ಚಿಕ್ರಾಲಗ್ಯು ತದೆ ಪಿಲಾತನೆ ಇವ್ಣುನ, “ಹೋಣುಕತೊ ತುಮೇಸ್ ಅನ ಲೀಜೈ಼ನ್, ಶಿಲ್‌ಬೆಪರ್ ನಾಖೊ. ಮನ ಅನಾಮ ಖೆವಿಸ್ ಗಲತ್‌ ದೆಖಾಯು ಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 5:23

ಶನಕತೊ, ತಮಾಮ್‌ ಜ಼ಣು ಬಾನ ಮರ್ಯಾದಿ ವತಾಳಸ್ತೆ ಇಮ್ಮಸ್, ಛಿಯ್ಯಾನಾಬಿ ಮರ್ಯಾದಿ ವತಾಳ್ಣು ಕರಿ ಇನೆ ಅಮ್ ಕರ‍್ಯೊತೆ, ಕೋಣ್ ಛಿಯ್ಯಾನ ಮರ್ಯಾದಿ ದೇಯಿಕೊಯ್ನಿಕಿ ಇವ್ಣೆ ಇನ ಮೋಕ್‌ಲ್ಯೊತೆ ಬಾನಾಬಿ ಮರ್ಯಾದಿ ಕೋ ದೇಯ್ನಿ.

ಯೋಹಾನ 8:46

ಮಾರಾಮ ಪಾಪ್ನ ವತಾಳವಾಳೊ ತುಮಾರಮ ಕೋಣ್‌ತೋಬಿ ಛಾ಼? ಮೇ ಖ್ಹಾಚಿ ಬೋಲ್ಯೊತೋಬಿ, ತುಮೆ ಮನ ಶನ ವಿಶ್ವಾಸ್‌ ಕರಾಕೊಯ್ನಿ?

ಯೋಹಾನ 8:49

ಯೇಸುನೆ, “ಮಾರಾಮ ಭೂತ್‌ ಕೊಯ್ನಿ, ಮೇ ಮಾರ ಬಾನ ಮರ್ಯಾದಿ ದೆವ್‌ಸ್‌, ಕತೋಬಿ ತುಮೆ ಮನ ಮರ‍್ಯಾದಿ ಕೋ ದೇಯ್ನಿ.

ಯೋಹಾನ 9:16

ಫರಿಸಾಯರ್‌ಮ ಥೋಡಾನೆ, “ಆ ಅದ್ಮಿ ದೇವ್‍ಥಿ ಆಯೊಹುಯೊ ಕಾಹೆ, ಶನಕತೊ ಅನೆ ಸಬ್ಬತ್‌ದನ್ನು ಪಾಲನ್‍ ಕೊ ಕರಾನಿ” ಕರಿ ಬೋಲ್ಯು. ಬಿಜು಼ ಥೋಡಾನೆ, “ಖಿವು ಪಾಪಿ ಅಮ್ನಿ ಅದ್ಭುತ್ ಕಾಮ್‌ಖ್ಹಾರು ಕರಾಸ್?” ಕರಿ ಬೋಲ್ಯು. ಅಮ್ ಇವ್ಣ-ಇವ್ಣಾಸ್‍ಮ ಬೇ ಭಾಗ್‌ ಹುಯಿಗಯು.

ಯೋಹಾನ 9:25

ತದೆ ಯೋ ಅದ್ಮಿನೆ, “ಯೋ ಅದ್ಮಿ ಪಾಪಿಕಿ, ಕೊಯ್ನಿಕಿ ಮನ ಮಾಲುಮ್‌ಕೊಯ್ನಿ, ಕತೋಬಿ ಮೇ ಕಾಣೊ ಥೊ, ಹಮ್ಕೆ ಮನ ದೆಖವ್‌ಕರಾಸ್‌ ಕರಿ ಬೋಲಾನು ಮನ ಮಾಲುಮ್‌” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:3

ಶನಕತೊ ಧರ್ಮಶಾಸ್ತ್ರ ಅದ್ಮಿನು ಸ್ವಭಾವ್‍ಥಿ ಕಮ್‍ಜೋ಼ರ್ ಹುಯಿನ್ ಖಿವು ಕಾಮ್ ಕರ್ನುನಾಕರಿ ಥೂಕಿ, ಇನ ದೇವ್ನೆಸ್ ಕರ‍್ಯೊ. ಕಿಮ್‌ಕತೊ ಇನೆ ಪಾಪ್ನ ಕಾಡಾನಖ್ಹಾಜೆ ಇನ ಛಿಯ್ಯಾನಸ್ ಪಾಪ್ನ ಕಬ್‌ಜಾ಼ಮಥೂತೆ ಶರೀರ್‌ನ ರೂಪ್‌ಮ ಮೋಕ್ಲಿನ್ ಯೋ ಶರೀರ್‌ಮಾಸ್ ಪಾಪ್ನ ಮಾರಿನಾಖಿದಿದೊ. ಅಮ್‍ರ‍್ಹವಾಪರ್, ಧರ್ಮಶಾಸ್ತ್ರ ಕರಾಕೊಂತೆ ತಿನ ದೇವ್ನೆ ಕರ‍್ಯೊ. ದೇವ್ ಇನ ಶೊಂತ್ ಛಿಯ್ಯಾನಸ್ ಪಾಪ್‌ಮಾನಿ ಅದ್ಮಿನಿ ಖ್ಹಯಾಲ್ಮ ಪಾಪ್ನ ಕಾಡಿನಾಖಾನ ಮೋಕ್‌ಲ್ಯೊ. ಇನಖ್ಹಾಜೆ ದೇವ್ ಪಾಪ್ನ ಮರಣ್ಣಿ ನಿಶತ್‌ ದ್ಯವಾನ ಅದ್ಮಿನಿ ಖ್ಹಯಾಲ್ನಾಸ್ ಲೀಲಿದೊ.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಪ್ರಕಾಶಿತ್ 11:13

ಯೋಸ್ ವೇಳ್ಮ ಮೋಟು ಭೂಕಂಪ್ ಹುಯಿನ್ ಯೊ ಖ್ಹಯೇರ‍್ನು ದಖ್ಹ್‌ಮ ಏಕ್‌ಭಾಗ್ ನಾಶ್‌ಹುಯಿಗು. ಆ ಭೂಕಂಪ್‌ಥಿ ಖ್ಹಾತ್‍ಹಜಾ಼ರ್‌ ಜ಼ಣು ಮರಿಗು. ಇನಾಮ ಬಚ್ಯೂತೆ ಅದ್ಮಿಖ್ಹಾರು ಘಣು ಡರಿನ್ ಸೊರ್ಗಾನ ದೇವ್ನ ಮಹಿಮೆ ಕರ‍್ಯು.