ಯೋಹಾನ 9:22 - ದೇವ್ನಿ ಖ್ಹಾಚಿ ವಚನ್

²² ಇನ ಆಯ-ಬಾನೆ ಯೆಹೂದ್ಯರ್‌ನ ಅದಿಕಾರಿ ಡರಿನ್, ಅಮ್ನಿ ವಾತೇನ ಬೋಲ್ಯುತೆ, ಶನಕತೊ ಯೇಸುನ ಕ್ರಿಸ್ತ ಕರಿ ಕೋಣ್ ವಿಶ್ವಾಸ್ ಕರಾಸ್ಕಿ, ಇವ್ಣುನ ಯೆಹೂದ್ಯರ‍್ನು ಸಬಾ ಮಂದಿರ್‌ಮಾಥು ಭಾರ್‌ ನಾಕ್‌ಶು ಕರಿ ಇವ್ಣೆ ಬೋಲಿರಾಖ್ಯುಥು.

ಯೋಹಾನ 9:22 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:22

ಅದ್ಮಿನ ಛಿಯ್ಯಾನ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್‌ ಕಾಡಿನ್, ದಾವೊ ಕರೀನ್, ಭಾರ್ ಕಾಡಿನಾಖಿನ್, ತುಮಾರು ನಾಮ್ ಬೋಲಾನುಬಿ ಖರಾಬ್‌ಕರಿ ಝಿಟ್ಕಾರ‍್ಯುತೊ, ತುಮೆ ಧನ್ಯ ಹುಯಿರ‍್ಹಾಸ್.

ಯೋಹಾನ 1:19

ಯೆರೂಸಲೇಮ್‌ನು ಯೆಹೂದ್ಯರ್‌ನ ಅದಿಕಾರಿಯೋನೆ ಯಾಜಕರ್‌ ಅಜು಼ ಲೇವಿವಾಳಾನ ಯೋಹಾನಕನ ಮೋಕ್ಲಿನ್, “ತೂ ಕೋಣ್?” ಕರಿ ಪುಛಾ಼ವನಟೇಕೆ ಮೋಕ್‍ಲ್ಯು.

ಯೋಹಾನ 16:2

ಇವ್ಣೆ ತುಮೂನ ಸಬಾಮಂದಿರ್‌ಥು ಭಾರ್‌ ಕಾಡಿನಾಕ್‌ಶೆ; ಯೋ ಕೊಂತೆ ತುಮೂನ ಮಾರಿನಾಖವಾಳೊ ಇನೆ ದೇವ್ನ ಬಲಿದಿದೊಕರಿ ಸೋಚಾನ ಹಗಾಮ್ ಆವ್‌ಶೆ.

ಯೋಹಾನ 19:38

ಅನ ಬಾದ್‌ಮ, ಯೆಹೂದ್ಯರ್‌ನ ಡರ್‌ಥಿ ಲಪೀನ್ ಯೇಸುನೊ ಶಿಷ್ಯ ಹುಯಿರ‍್ಹೊಥೋತೆ, ಅರಿಮಥಾಯ ಗಾಮ್‌ನೊ ಯೋಸೇಫ್‌ನೆ, ಯೇಸುನ ಶರೀರ್‌ನ ಮನ ದೇಕರಿ ಪಿಲಾತನ ಬೋಲಿಲಿದೊ. ತದೆ ಪಿಲಾತನೆ ಯೇಸುನ ಶರೀರ್‌ನ ಪಳ್ಳಿಜಾ಼ ಕರಿ ಇನ ಹುಕುಮ್‌ ದೇತಾಖ್ಹತರ್‌, ಇನೆ ಯೋ ಶರೀರ್‌ನ ಪಳ್ಳಿನ್‌, ಗಯೊ.

ಯೋಹಾನ 20:19

ಯೋಸ್‌ ದನ್ನೆಕತೊ, ವಾರಾನ ಪಹಿಲ ದನ್ನೆ ಖ್ಹಾಂಜೆ, ಶಿಷ್ಯರ್‌ ಯೆಹೂದ್ಯರ್ ಅದಿಕಾರಿನ ಡರ್‌ಥಿ ಇವ್ಣೆ ಥಾತೆ ಘರ್‌ನು ಬಾಕಲ್‌ ಮೂಚಿನ್, ಮಹಿ ಥಾ. ತದೆ ಯೇಸು ಐನ್, ಇವ್ಣ ಇಚ಼್‌ಮ ಭೀರಿನ್‌, “ತುಮೂನ ಸಮಾಧಾನ್ ಹುವಾದೆ” ಕರಿ ಬೋಲ್ಯೊ.

ಯೋಹಾನ 7:13

ಕತೋಬಿ ಕೋಣ್‌ಬಿ ಇನಿ ಬಾರೇಮ ಭಾಲ್‌ಥಿ ವಾತೆ ಕೋ ಬೋಲ್ಯೂನಿ.ಶನಕತೊ ಯೆಹೂದ್ಯರ್‌ನ ಅದಿಕಾರಿಥಿ ಡರುಕರ್ತುಥು.

ಯೋಹಾನ 9:18

ತೋಬಿ ಯೋ ಯೆಹೂದ್ಯವಾಳು, ಯೋ ಅದ್ಮಿನ ಆಯ-ಬಾನ ಬುಲಾಯು.ತಬ್‍ಲಗು ಕಾಣು ಥೂ ಕರಿ ಬೋಲಾನಿ ವಾತೇನ ಕೋ ನಂಬ್ಯುನಿ,

ಯೋಹಾನ 9:21

ಕತೋಬಿ ಹಮ್ಕೆ ಅನ ಡೋಳಾ ಕಿಮ್ ದೆಖವ್‌ಕರಾಸ್‌ ಕರಿ ರ‍್ಹವೊ, ಅನ ಅಛ್ಛು಼ ಕರ‍್ಯುತೆ ಕಿನೆ ಕರಿ ರ‍್ಹವೊ ಹಮೂನ ಮಾಲುಮ್‌ ಕೊಯ್ನಿ. ಅನಾಸ್ ಪುಛಾ಼ವೊ, ಆ ಜಾ಼ನ್‌ಜ಼ಮಾನ್ನಿ, ಆಸ್ ಇನಿ ಬಾರೇಮ ಬೋಲ್‌ಶೆ” ಕರಿ ಜವಾಬ್‌ ದಿದು.

ಯೋಹಾನ 9:34

ಆ ವಾತೆನ ಖ್ಹಮ್‌ಜಿನ್‌ ಇವ್ಣೆ, “ತೂ ಖಲಿ ಪಾಪ್‌ಮ ಪೈದಾ ಹುಯೊತೆ, ಹಮೂನ ಬೋಲಿವತಳಾಸ್ಕಿ ಶು?” ಕರಿಬೋಲಿನ್‌, ಸಬೇನು ಮಂದಿರ್‌ಮಾಥು ಇನ ಧಕೇಲಿ ಭಾರ್‌ ಕಾಡಿನಾಖ್ಯು.

ಯೋಹಾನ 9:35

ಯೋ ಅದ್ಮಿನ ಭಾರ್‌ನಾಖ್ಯುಕರಿ ಯೇಸುನೆ ಖ್ಹಮ್‌ಜಿನ್‌, ಇನ ಮಳಿನ್, “ತೂ ಅದ್ಮಿನೊ ಛಿಯ್ಯಾನ ನಂಬಾಸ್ಕಿ ಶು? ಕರಿಪುಛಾ಼ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:18

ತದೆ ಅಪೊಸ್ತಲರ‍್ನ ಮಹಿ ಬುಲೈನ್, ಯೇಸುನು ನಾಮ್‍ಲೀನ್ ಶಾತ್ಬಿ ನಾ ಬೋಲ್‌ನು ಬಿಜು಼ ಶಿಕಾಡ್‍ನುನಾ ಕರಿ ಇವ್ಣುನ ಝೇತಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:13

ಇವ್ಣ ಜೋ಼ಡ್ಮ ರ‍್ಹವಾನ ಬಿಜ಼ ಖೆವ ಏಕ್‌ ಜ಼ಣಾನ ಹಿಮ್ಮತ್ ಕೋಥಿನಿ. ಶನಕತೊ ಅದ್ಮಿಖ್ಹಾರು ಇವ್ಣುನ ಜಾ಼ಖ್ಹತ್ ಖ್ಹರಾವ್‌ತು ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:40

ಅಪೊಸ್ತಲರ‍್ನ ಬುಲೈಮಂಗೈನ್‌, ಮಾರ್‌ಖಡೈನ್‌, ಯೇಸುನು ನಾಮ್‍ಲೀನ್ ವಾತೆ ನಕೊಬೋಲ್‍ಶು ಕರಿ ಹುಕುಮ್‌ ದೀನ್ ಇವ್ಣುನ ಮ್ಹೇಲಿದಿದು.

ಪ್ರಕಾಶಿತ್ 21:8

ಕತೋಬಿ ಡರ್‌ಪೋಕ್‌ಖ್ಹಾರು, ವಿಶ್ವಾಸ್‌ಕೊಂತೆ ಖ್ಹಾರು, ಗಲೀಜ಼್ ಕಾಮ್ ಕರವಾಳು, ಖೂನಿಖ್ಹಾರು, ವ್ಯಬಿಚಾರ್ ಕರವಾಳು, ಜಾ಼ದುಕರಾವಳು, ಮೂರತ್ನ ಆರಾದನೆ ಕರವಾಳು, ಅಖ್ಖೂಸ್ ಜ್ಹೂ಼ಟು ಬೋಲವಾಳು ಅವ್ಣುನ ಮಳ್‌ಶೇತೆ ವಾಟೊ ಆಗ್ ರಂಜ಼ಕ್‌ಥಿ ಬಳ್ವಾನು ತಲಾವಸ್; ಯೋ ಬೇನು ಮರಣ್” ಕರಿ ಮನ ಬೋಲ್ಯೊ.