ಯೋಹಾನ 9:16 - ದೇವ್ನಿ ಖ್ಹಾಚಿ ವಚನ್

¹⁶ ಫರಿಸಾಯರ್‌ಮ ಥೋಡಾನೆ, “ಆ ಅದ್ಮಿ ದೇವ್‍ಥಿ ಆಯೊಹುಯೊ ಕಾಹೆ, ಶನಕತೊ ಅನೆ ಸಬ್ಬತ್‌ದನ್ನು ಪಾಲನ್‍ ಕೊ ಕರಾನಿ” ಕರಿ ಬೋಲ್ಯು. ಬಿಜು಼ ಥೋಡಾನೆ, “ಖಿವು ಪಾಪಿ ಅಮ್ನಿ ಅದ್ಭುತ್ ಕಾಮ್‌ಖ್ಹಾರು ಕರಾಸ್?” ಕರಿ ಬೋಲ್ಯು. ಅಮ್ ಇವ್ಣ-ಇವ್ಣಾಸ್‍ಮ ಬೇ ಭಾಗ್‌ ಹುಯಿಗಯು.

ಯೋಹಾನ 9:16 ပူးပေါင်းရင်းမြစ်များ

ಮತ್ತಾಯ 12:10

ಹಿಜ್ಜಾ಼ ಹಾತ್‌ ಝೂ಼ಟೊ ಪಡಿಹುಯು ಏಕ್‌ ಅದ್ಮಿಥು. ತದೆ ಥೋಡು ಜ಼ಣು ಯೇಸುಪರ್‌ ಗಲ್ತಿ ಲಗಾಡ್‌ಣು ಕರಿ, ಇವ್ಣೆ ಇನ, “ಸಬ್ಬತ್‌ ದನ್ಮ ಅಛ್ಛು಼ ಕರಾನು ಅಪ್ಣ ಧರ್ಮಶಾಸ್ತ್ರಮ ಬರೋಬರ್‌ಕಿ ಶು?” ಕರಿ ಪುಛಾ಼ಯು.

ಮತ್ತಾಯ 12:2

ಅನದೇಖಿನ್‌ ಫರಿಸಾಯರ್‌ನೆ ಯೇಸುನ, “ಹಂದೇಕ್‌, ತಾರು ಶಿಷ್ಯರ್‌ ಧರ್ಮಶಾಸ್ತ್ರನು ವಿರೋದ್ ಸಬ್ಬತ್‌ ದನ್ಮ ಕರ್ನುನಾತೆ ಕಾಮ್ನ ಕರುಕರಸ್” ಕರಿ ಬೋಲ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:14

ಕತೋಬಿ ಯೋ ಸಬೆ ಭರಾವಾನು ಮಂದಿರ್‌ನು ಅದಿಕಾರಿನೆ ಅನ ದೇಖಿನ್, ಸಬ್ಬತ್‌ ದನ್ಮ ಯೇಸುನೆ ಅಛ್ಛು಼ ಕರ‍್ಯೋನಿ ಕರಿ ಬೋಲಿ ಇರಾದೊ ಖೈನ್, ಅದ್ಮಿ ಖ್ಹಾರಾನ, “ಕಾಮ್ ಕರಾನ ಛೊ಼ ದನ್ ಛಾ಼, ಯೋ ದನೂಮ ಐನ್ ಅಛ್ಛು಼ ಕರೈಲೆವೊ; ಸಬ್ಬತ್‌ ದನ್ಮ ಪಣ್ಕಿ ನಕೊ!” ಕರಿ ಬೋಲ್ಯೊ.

ಯೋಹಾನ 10:19

ಯೇಸುನಿ ಆ ವಾತೇಥಿ ಯೆಹೂದ್ಯರ್‌ಮ ಬಿಜು಼ ಪಾಛು಼ ಭಾಗ್‌ ಪಡಿಗಯು.

ಯೋಹಾನ 14:11

ಮೇ ಬಾಮ ಛೂ಼, ಅಜು಼ ಬಾ ಮಾರಾಮ ಛಾ಼ ಕರಿ ಮೇ ಬೋಲುಸ್ತೆ ಆ ವಾತೇನ ನಂಬೊ. ನತರ್‌ಕಿ ಮೇ ಕರ‍್ಯೊತೆ ಖ್ಹಾರು ಅದ್ಭುತ್ ಕಾಮ್ನ ದೇಖಿನ್ ತೋಬಿ, ನಂಬೊ.

ಯೋಹಾನ 15:24

ಏಕ್‍ ವಖ್ಹತ್ ಖ್ಹಾರಕಾಮ್ನ ಮೇ ಇವ್ಣಾಮ ನಾಕರ‍್ಯೊಹೋತ್ತೊ, ಇವ್ಣಾಪರ್ ಪಾಪ್ ಕೋ ರ‍್ಹಯುಹೋತ್ನಿ, ಕತೋಬಿ ಹಮ್ಕೆ ಇವ್ಣೆ ದೇಖಿರಾಖ್ಯೂಸ್‌, ತೋಬಿ ಮಾರಪರ್‌ಬಿ ಮಾರ ಬಾಪರ್‌ಬಿ ವಹೇರ್‌ ಕರಾಸ್.

ಯೋಹಾನ 2:11

ಯೇಸುನೆ ಆ ಪಹಿಲು ಖ್ಹಣೇದ್ನ ಕಾಮ್ನ ಗಲಿಲಾಯನು ಕಾನಾ ಕರಿ ಗಾಮ್ಮಕರ‍್ಯೊ. ಹಿಜ಼್ಜ ಯೇಸು ಇನ ಮಹಿಮೆನ ವತಾಳ್ಯೊ, ಅಜು಼ ಇನ ಶಿಷ್ಯರ್‌ನೆ ಇನಾಪರ್‌ ವಿಶ್ವಾಸ್‌ ಕರ‍್ಯಾ.

ಯೋಹಾನ 3:2

ಯೋ ಏಕ್‌ ರಾತೆ ಯೇಸುಕನ ಐನ್, “ರಬ್ಬಿ, ತು ದೇವ್‍ಥಿ ಆಯೋಹುಯೊ ಫಡಾವವಾಳೊ ಕರಿ ಹಮೂನ ಮಾಲುಮ್‌. ತು ಕರಾತೆ ಖ್ಹಣೇದ್‍ನು ಕಾಮ್ ಕರಾನ, ದೇವ್ನಿ ಮದತ್ ಕೊಯ್ನಿತೆ ಕಿನೇಥೀಬಿ ಕೋ ಹುವಾನಿ” ಕರಿ ಬೋಲ್ಯೊ.

ಯೋಹಾನ 5:10

ಇನಖ್ಹಾಜೆ ಯೆಹೂದ್ಯರ್‌ನ ಅದಿಕಾರಿ ಯೋ ಅಛ್ಛು಼ ಹುಯೂತೆ ಅದ್ಮಿನ, “ಆಜ಼್ ಸಬ್ಬತ್‌ ದನ್, ಹುಯಿರುತೆ ಇನಾಖ್ಹಾಜೆ ಬಿಛಾ಼ವ್ಣಿನ ಪಾಡಾನು ಹಮಾರಿ ಖಾನುಲ್‌ನು ವಿರೋದ್ ಹುಯಿರ‍್ಹುಸ್‍” ಕರಿ ಬೋಲ್ಯೊ.

ಯೋಹಾನ 5:36

ಮಾರಿ ಸಾಕ್ಷಿ ಯೋಹಾನ್‌ಥೀಬಿ ಮೋಟಿ ಸಾಕ್ಷಿ ಹುಯಿರಿಶ್. ಶನಕತೊ ಬಾ ಖೆವುಕಾಮ್ ಪೂರ ಕರಾನ ಮನ ದಿದೊತೆ ಯೋ ಕಾಮ್ನ ಕರುಕರೂಸ್.ಕರಿಬೋಲಾನ ಆ ಕಾಮಸ್ ಸಾಕ್ಷಿ.

ಯೋಹಾನ 6:52

ತದೆ ಯೆಹೂದ್ಯವಾಳು, “ಆ ಅದ್ಮಿ ಇನಿ ಬೋಟಿನ ಅಪ್ಣುನ ಕಿಮ್ ಖವಾನ ದಿಶೆ?” ಕರಿ ಇವ್ಣ-ಇವ್ಣ ಮಹಿಸ್ ಅಬ್ಬಾಜ಼ಬ್ಬಿ ವಾತೆ ಕರಾಲಗ್ಯು.

ಯೋಹಾನ 7:12

ಅಜು಼ ಅದ್ಮಿನಿ ಝೂ಼ಂಡೇಮ ಯೇಸುನಿ ಬಾರೇಮ ಮಹಿ-ಮಹಿಸ್ ಗುಣ್‍ಗುಣೈನ್ ಬೋಲುಕರ್ತೂಥು. ಥೋಡು ಜ಼ಣು, “ಯೋ ಅಛ್ಛೊ಼” ಕರಿ ಬೋಲ್ಯು. ಅಜು಼ ಥೋಡು ಜ಼ಣು, “ಕೊಯ್ನಿ, ಯೋ ಅದ್ಮಿನ ಮಂಕ್ ಕರುಕರಸ್” ಕರಿ ಬೋಲ್ಯು.

ಯೋಹಾನ 7:23

ಮೋಶೇನು ಧರ್ಮಶಾಸ್ತ್ರ ತೋಡ್ನು ನಾ ಕರಿ ಏಕ್‍ಜ಼ಣೊ ಸಬ್ಬತ್‌ನ ದನ್ಮ ಖ್ಹತ್ನ ಕರೈಲ್ಯವಾನು ರ‍್ಹಿಯುತೊ, ಮೇ ಸಬ್ಬತ್‌ ದನ್ಮ ಏಕ್‌ ಅದ್ಮಿನ ಗುಣ್ ಕರೀನ್ಅಛ್ಛು಼ ಕರ್ತಾನ, ಮಾರಪರ್ ಶನ ಇರಾದೊ ಕರೋಸ್?

ಯೋಹಾನ 7:43

ಅಮ್ ಯೇಸುನಿ ಬಾರೇಮ ಅದ್ಮಿಮ ಭಾಗ್‌ ಪಡಿಗಯು.

ಯೋಹಾನ 9:24

ತದೆ ಯೆಹೂದ್ಯರ್‌ನ ಅದಿಕಾರಿ ಪಾಛು಼ ಭೇನೆಹಲ್ಲ, ಅಗಾಡಿ ಕಾಣೊ ಹುಯಿರ‍್ಹೊಥೋತೆ ಯೋ ಅದ್ಮಿನ ಬುಲೈನ್, “ತೂ ಖ್ಹಾಚಿ ಬೋಲಿನ್ ದೇವ್ನ ಮರ್ಯಾದಿದೆ, ತುನ ಅಛ್ಛು಼ ಕರ‍್ಯೊತೆ ಯೋ ಅದ್ಮಿ ಪಾಪಿಕರಿ ಹಮೂನ ಮಾಲುಮ್‌” ಕರಿಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:4

ಇನಖ್ಹಾಜೆ ದೇವ್ನ ಉಪ್ಪರ್ ಭರೋಖ್ಹೊ ರಾಖಿನ್ ಹಿಮ್ಮಥ್ಥಿ ವಾತೆಬೋಲ್ತುಥು. ತದೆ ಯೊ ಖ್ಹಯೇರ‍್ನ ಅದ್ಮಿಮ ಥೋಡು ಯೆಹೂದ್ಯರ್‌ನಿ ವಾತೆನಾಬಿ ಬಿಜು಼ ಥೋಡುಜ಼ಣು ಅಪೊಸ್ತಲ ಭಣಿವಾಳಾನಿ ವಾತೆನಾಬಿ ವಿಶ್ವಾಸ್ ಕರ್ತುಥೂತೆ ಇನಖ್ಹಾಜೆ ಇವ್ಣಮಾಸ್ ಬೇ ಭಾಗ್‍ಹುಯು.