ಯೋಹಾನ 8:59 - ದೇವ್ನಿ ಖ್ಹಾಚಿ ವಚನ್

⁵⁹ ಆ ವಾತೆನ ಖ್ಹಮ್‌ಜಿನ್‌, ಇವ್ಣೆ ಇನ ಮಾರಾನಖ್ಹಾಜೆ ಬಂಡಾ ಪಾಡಿಲಿದು, ಕತೋಬಿ ಯೇಸು ಓಠೆಹೋತೊಹುಯಿನ್, ಮಂದಿರ್‌ನ ಮಹಿಕರಿ ಚ಼ಲೆಗಯೊ.

ಯೋಹಾನ 8:59 ပူးပေါင်းရင်းမြစ်များ

ಮತ್ತಾಯ 12:14

ತದೆ ಫರಿಸಾಯರ್ ಖ್ಹಾರು ಭಾರ್‌ಜೈ಼ನ್‌, ಯೇಸುನ ಖೆವಿ ತರೀಕಾಥಿ ಮಾರಿಯೆ ಕರಿ ಸೋಚ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:31

ತದೆ ಇವ್ಣ ಡೋಳ ಉಖ್ಡಾಯ ಅಜು಼ ಇವ್ಣೆ ಯೇಸುನಿ ಖ್ಹಣೇದ್ ಧರ‍್ಯು, ಕತೋಬಿ ಯೇಸು ಇವ್ಣ ಡೋಳಾನ ಖ್ಹಾಮ್ಣೇಥೊ ಮ್ಹಾಯ ಹುಯಿಗಯೊ.

ಯೋಹಾನ 11:54

ಅನಖ್ಹಾಜೆ ಯೇಸು ಯೆಹೂದ್ಯರ್‌ನ ದೆಖಾನಿಘೋಣಿ ಫರಾನು ಮ್ಹೆಂದಿನ್, ಉಜ್ಜಾ಼ಡಿ ಝ಼ಗೋನ ಖನ್ನೆ ಥೂತೆ, ಎಫ್ರಾಯಿಮ್‌ ಕರಿ ಖ್ಹಯೇರ್‌ಮ ಜೈ಼ನ್‌ ಶಿಷ್ಯರ್‌ನ ಜೋ಼ಡ್ಮ ರಹಿಗೊ.

ಯೋಹಾನ 11:8

ತದೆ ಶಿಷ್ಯರ್‌ನೆ, “ಗುರು, ಥೋಡ ದನ್ನ ಅಗಾಡಿಸ್ ಯೆಹೂದ್ಯರ್ ತುನ ಬಂಡಾ ಫೇಕಿನ್‌ ಮಾರ‍್ನು ಕರಿ ಆಯುಥು. ಹಮ್ಕೆ ತೂ ಪಾಛು಼ ಹಿಜ್ಜಾ಼ ಜಾ಼ಸ್ಕಿ ಶು?” ಕರಿ ಬೋಲ್ಯ.

ಯೋಹಾನ 12:36

ತುಮಾರಕನ ಉಜಾ಼ಳು ರ‍್ಹವಾನಿ ವಖ್ಹತ್‌ಮಾಸ್‌ ಉಜಾ಼ಳಾನ ನಂಬೊ, ನಂಬ್ಯಾತೊ, ತದೆ ತುಮೆ ಉಜಾ಼ಳವಾಳ ಹುಯಿರ‍್ಹೀಶು” ಕರಿ ಬೋಲ್ಯೊ. ಆ ಬೋಲಾನ ಬಾದ್‌ಮ, ಯೇಸುನೆ ಇವ್ಣ ಖ್ಹಾಮೇಥೊ ಓಠೆಚ಼ಲೆಗಯೊ.

ಯೋಹಾನ 18:31

ಪಿಲಾತನೆ ಇವ್ಣುನ, “ಇಮ್‍ಕತೊ, ತುಮೇಸ್ ಅನ ಲೀಜೈ಼ನ್, ತುಮಾರಿ ಧರ್ಮಶಾಸ್ತ್ರನಿಘೊಣಿ ತೀರ್ಪ್‌ ಕರೊ” ಕರಿ ಬೋಲ್ಯೊ. ತದೆ ಯೆಹೂದ್ಯರ್‌ನೆ, “ಕಿನಾಬಿ ಮರಣ್ ದಂಡ್‌ ದ್ಯವಾನಿ ಹಕ್‌ ಹಮೂನ ಕೊಯ್ನಿ” ಕರಿ ಫರೈನ್ ಬೋಲ್ಯು.

ಯೋಹಾನ 5:13

ಕತೋಬಿ ಯೋ ಅಛ್ಛು಼ ಹುಯೂತೆ ಅದ್ಮಿನ ಯೇಸು ಕೋಣ್ ಕರಿ ಮಾಲುಮ್‌ ಕೋ ಥೂನಿ. ಯೋ ಝ಼ಗೋಪರ್‌ ಅದ್ಮಿನಿ ಭೀಡ್ ಥೀತೆ ಇನಖ್ಹಾಜೆ ಯೇಸು ಹಿಜ್ಜಾ಼ಥೊ ಪಿಷ್‌ಲಿ ಚ಼ಲೆಗಯೊ.

ಯೋಹಾನ 9:1

ಯೇಸು ಚಾ಼ಲ್ತೊ ಜಾ಼ವಾನಿ ವಖ್ಹತ್‌ಮ, ಪೈದಾಖ್ಹ್‌ಥೂಸ್‌ ಕಾಣು ಥೂತೆ ಏಕ್‌ ಅದ್ಮಿನ ದೇಖ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:57

ತದೆ ಯಹುದ್ಯರ್‌ಖ್ಹಾರು ಜೋ಼ರೇಥಿ ಚಿಕ್ರಿನ್, ಕಾನ್ನ ಮೂಚಿಲೀನ್, ಎಕ್ಟುಹುಯಿನ್ ನಾಶಿಆಯಿನ್,