ಯೋಹಾನ 8:52 - ದೇವ್ನಿ ಖ್ಹಾಚಿ ವಚನ್

⁵² ಇನ ಯೆಹೂದ್ಯವಾಳನೆ, “ತುನ ಭೂತ್‌ ಧರಿರಾಖ್ಯುಸ್ ಕರಿ ಹಮ್ಕೆ ಹಮೂನ ಮಾಲುಮ್ ಪಡ್ಯು! ಅಬ್ರಹಾಮ್‌ ಮರಿಗಯೊ, ಅಜು಼ ಪ್ರವಾದಿ ಖ್ಹಾರುಬಿ ಮರಿಗಯು, ತೋಬಿ ತೂ ಬೋಲಸ್ಕಿ, ಮೆ ಶಿಕಾಡನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆಕೊಯ್ನಿ ಕರಿ.

ಯೋಹಾನ 8:52 ပူးပေါင်းရင်းမြစ်များ

ಮತ್ತಾಯ 11:18

ಕಿಮ್‌ಕತೊ, ಯೋಹಾನ ಆಯೊ, ಯೋ ಖಾತೋಥೊಕೊಯ್ನಿ ಅಜು಼ ಪೀತೋಥೊಕೊಯ್ನಿ, ಅಜು಼ ಅದ್ಮಿಖ್ಹಾರು, ‘ಇನ ಭೂತ್‌ ಧರಿರಾಖ್ಯುಸ್’ ಕರಿ ಬೋಲ್ಯು.

ಯೋಹಾನ 1:19

ಯೆರೂಸಲೇಮ್‌ನು ಯೆಹೂದ್ಯರ್‌ನ ಅದಿಕಾರಿಯೋನೆ ಯಾಜಕರ್‌ ಅಜು಼ ಲೇವಿವಾಳಾನ ಯೋಹಾನಕನ ಮೋಕ್ಲಿನ್, “ತೂ ಕೋಣ್?” ಕರಿ ಪುಛಾ಼ವನಟೇಕೆ ಮೋಕ್‍ಲ್ಯು.

ಯೋಹಾನ 14:23

ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು.

ಯೋಹಾನ 15:20

ಯಾದ್ ಕರಿಲೆವೊ ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ’ ಕರಿ ಮೇ ಬೋಲ್ಯೋತೆ ವಾತೆ ಶಾತ್‍ಕತೊ ಇವ್ಣೆ ಮನ ಖ್ಹತಾಯೂತೊ, ತುಮೂನಾಬಿ ಖ್ಹತಾವ್‌ಶೆ; ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್ಯುತೊ, ತುಮಾರಿ ವಾತೆನಾಬಿ ಪಾಡಿ ಚಾ಼ಲ್‌ಷೆ.

ಯೋಹಾನ 17:6

ಆ ಜಗತ್‌ಮ ಖೆವ ಅದ್ಮಿನ ಮನ ದಿರಾಖ್ಯೋಸ್ಕಿ, ಮೇ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್. ಇವ್ಣೆ ಮಾರುಸ್‌ ಹುಯಿರುಥು,ಅಜು಼ ತುನೇಸ್ ಇವ್ಣುನ ಮನ ದಿದೊ. ಇವ್ಣೆ ಮಾರಿ ವಚನ್ನ ಪಾಡಿನ್ ಚಾ಼ಲಿರಾಖ್ಯುಸ್‌.

ಯೋಹಾನ 7:20

ತದೆ ಯೋ ಅದ್ಮಿಖ್ಹಾರು, “ತುನ ಭೂತ್ ಧರಿರಾಖ್ಯುಸ್ ತುನ ಮರ್‌ನಾಕ್ಣು ಕರಿ ಕೋಣ್ ಢೂಂಡ್‌ಷೆ?” ಕರಿ ಬೋಲ್ಯು.

ಯೋಹಾನ 8:22

ಆ ಯೆಹೂದ್ಯರ್‌ನ, “ಮೇ ಜ಼ವುಸ್ತೆ ಹಿಜ್ಜಾ಼ ತುಮೆ ಆವಾನ ಕೋ ಉಶೇನಿ ಕರಿ ಬೋಲುಕರಾಸ್‌ ಕಿಶು? ಆ ಇನು ಯೋಸ್‌ ಮರಿಜಾ಼ವ್ಣು ಕರಿ ಛಾ಼ಕಿ ಶುಕಿ?” ಕರಿ ಬೋಲಿಲ್ಯವಾನಿತರ ಹುಯಿರೂಥು.

ಯೋಹಾನ 8:48

ತದೆ ಯೆಹೂದ್ಯರ್‌ನೆ ಯೇಸುನ ಬೋಲ್ಯು,ಹಮೆ ಬೋಲಾನು ಬರಾಬರ್‌ ಕಾಹೆಕಿ ಶು? “ತೂ ಸಮಾರಿಯಾವಾಳೊ ಅಜು಼ ತಾರಾಮ ಭೂತ್‌ ಛಾ಼” ಕರಿ ಬೋಲ್ಯು.

ಯೋಹಾನ 8:51

ಮೇ ತುಮೂನ ಖ್ಹಾಚಸ್ ಬೋಲುಸ್, ಮೆ ಶಿಕಾಡನು ಖ್ಹಮ್‌ಜಿನ್‌ ಇನೀನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆ ಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 8:55

ತೋಬಿ ತುಮೆ ಇನ ಪರ್ಖಿರಾಖ್ಯಕೊಯ್ನಿ, ಕತೋಬಿ ಮನ ಯೋ ಮಾಲುಮ್‌. ಯೋ ಮನ ಮಾಲುಮ್‌ಕೊಯ್ನಿ ಕರಿ ಮೇ ಬೋಲ್ಯೊತೊ, ಮೇಬಿ ತುಮಾರಿನಿತರ ಝೂ಼ಟೊ ಹುಯಿಜೈ಼ಶ್‌. ಕತೋಬಿ ಮನ ಯೋ ಮಾಲುಮ್‌, ಅಜು಼ ಮೇ ಇನಿ ವಾತೆನಿಘೋಣಿ ಚಾ಼ಲುಸ್‌.

ಯೋಹಾನ 9:24

ತದೆ ಯೆಹೂದ್ಯರ್‌ನ ಅದಿಕಾರಿ ಪಾಛು಼ ಭೇನೆಹಲ್ಲ, ಅಗಾಡಿ ಕಾಣೊ ಹುಯಿರ‍್ಹೊಥೋತೆ ಯೋ ಅದ್ಮಿನ ಬುಲೈನ್, “ತೂ ಖ್ಹಾಚಿ ಬೋಲಿನ್ ದೇವ್ನ ಮರ್ಯಾದಿದೆ, ತುನ ಅಛ್ಛು಼ ಕರ‍್ಯೊತೆ ಯೋ ಅದ್ಮಿ ಪಾಪಿಕರಿ ಹಮೂನ ಮಾಲುಮ್‌” ಕರಿಬೋಲ್ಯು.

ಇಬ್ರಿ 11:13

ಅವ್ಣೆಖ್ಹಾರು ವಿಶ್ವಾಸ್‌ರ‍್ಹವಾಳು ಹುಯಿನಸ್‌ ಮರಿಗಯು. ದೇವ್ನ ವಾಗ್ದಾನ್ನ ನಾಲಿದೂತೋಬಿ ಯೋ ಅಖ್ಖಾನ ದೂರ್‌ಥೀಸ್ ದೇಖಿನ್ ಸ್ವಾಗತ್‍ಕರೀನ್ ಖುಷಿಪಡ್ಯು; ಇವ್ಣೆ ಜ಼ಮೀನ್‌ಪರ್ ಅಲ್ಹಾವ್ ದೇಖ್ಹ್‌ವಾಳಬಿ, ತಮಾಖ್ಹೊ ದೇಖಾನ ಆಯುಹುಯು ಕರಿ ಮಾನಿಲಿದು.

ಇಬ್ರಿ 2:9

ಕತೋಬಿ ದೇವ್‌ದೂತರ್‌ಥಿ ಜ಼ರಸ್ ಕಮ್ ಬಣೈರ‍್ಹೋಸ್ತೆ ಯೇಸು ಖ್ಹತಾಪ್ಣಿನಲೀನ್ ಮರ‍್ಯೊತೆ ಇನಖ್ಹಾಜೆ ಮಹಿಮೆನಾಬಿ ಮರ್ಯಾದಿನ ಕಿರೀಟ್ ಕರೀನ್ ಘಾಲಿರಾಖನು ಅಪ್ಣೆ ದೇಖೆಸ್. ಇನಖ್ಹಾಜೇಸ್ ದೇವ್ನ ವಾರ್‌ಖ್ಹೇಥಿ ಯೇಸುನೆ ಹರೇಕ್‌ನಖ್ಹಾಜೆ ಮರಣ್ಣಿ ಖ್ಹತಾಪ್ಣಿನ ಲಿದೊ.