ಯೋಹಾನ 8:46 - ದೇವ್ನಿ ಖ್ಹಾಚಿ ವಚನ್

⁴⁶ ಮಾರಾಮ ಪಾಪ್ನ ವತಾಳವಾಳೊ ತುಮಾರಮ ಕೋಣ್‌ತೋಬಿ ಛಾ಼? ಮೇ ಖ್ಹಾಚಿ ಬೋಲ್ಯೊತೋಬಿ, ತುಮೆ ಮನ ಶನ ವಿಶ್ವಾಸ್‌ ಕರಾಕೊಯ್ನಿ?

ಯೋಹಾನ 8:46 ပူးပေါင်းရင်းမြစ်များ

ಮತ್ತಾಯ 21:25

ಬ್ಯಾಪ್ತಿಸ್ಮ ದ್ಯವಾನಿ ಹಕ್ ಯೋಹಾನ್ನ ಕಿಜ್ಜಾ಼ಥಿ ಆಯಿ? ಪರಲೋಕ್‌ಥೀಕಿ, ನತರ್‌ಕಿ ಅದ್ಮಿಥಿ?” ಕರಿ ಪುಛಾ಼ಯೊ. ತದೆ ಇವ್ಣೆ, “ದೇವ್‍ಥಿ ಆಯು ಕರಿ ಅಪ್ಣೆ ಬೋಲ್ಯಾತೊ, ‘ಇಮ್‍ಕತೊ, ತುಮೆ ಇನ ಶನ ನಂಬ್ಯಾಕೊಯ್ನಿ’ ಕರಿ ಅಪ್ಣುನ ಬೋಲ್‌ಶೆ.

ಮಾರ್ಕ 11:31

ತದೆ ಇವ್ಣೆ ಇವ್ಣ-ಇವ್ಣ ಮಹಿಸ್ ವಾತೆಚೀತೆ ಕರ್ತುಹುಯಿನ್, “ಅಪ್ಣೆ ಶಾತ್ ಬೋಲಿಯೆ? ‘ಪರಲೋಕ್‌ಥಿ ಆಯು’ ಕರಿ ಅಪ್ಣೆ ಬೋಲ್ಯಾತೊ, ‘ಇಮ್‍ಕತೊ ತುಮೆ ಶನ ಯೋಹಾನ್ನ ನಂಬ್ಯಾಕೊಯ್ನಿ?’ ಕರಿ ಬೋಲ್‌ಶೆ,

ಯೋಹಾನ 14:30

ಬಿಜು಼ ಮೇ ತುಮಾರ ಜೋ಼ಡೆ ಜಾ಼ಖ್ಹತ್ ವಾತೆ ಕೋ ಬೋಲೂನಿ, ಶನಕತೊ ಆ ಜಗತ್ನ ಅದಿಕಾರಿ ವಳ್ಯಾವಸ್. ಇನ ಮಾರಪರ್ ಖೆವಿಸ್ ಹಕ್‌ ಕೊಯ್ನಿ.

ಯೋಹಾನ 15:10

ಮೇ ಮಾರ ಬಾನಿ ಹುಕುಮ್‌ನ ಪಾಡಿ ಚಾ಼ಲಿನ್, ಇನಿ ಲಾಡ್ಮ ಛೂ಼ತೆ ಇಮ್ಮಸ್, ತುಮೆ ಮಾರಿ ಹುಕುಮ್‌ನ ಪಾಡಿ ಚಾ಼ಲ್ಯಾತೊ, ಮಾರಿ ಲಾಡ್ಮ ಏಕ್‌ ಹುಯಿರ‍್ಹೀಶು.

ಯೋಹಾನ 16:8

ಯೋ ಆವ್‌ಶೇತೆ ತದೆ ಪಾಪ್, ನೀತಿ ಅಜು಼ ನ್ಯಾವ್ ತೀರ್ಪ್‌ನ ಬಾರೇಮ ಜಗತ್ನ ಮಾಲುಮ್‌ ಕರಾವ್‌ಶೆ.

ಯೋಹಾನ 18:37

ತದೆ ಪಿಲಾತನೆ ಇನ ಬೋಲ್ಯೊ, “ಇಮ್‍ಕತೊ, ತೂ ರಾಜಾ಼ ಕಿಶು?” ಕರಿ ಪುಛಾ಼ಯೊ. ಯೇಸುನೆ, “ಮೇ ರಾಜ಼ ಕರಿ ತೂಸ್ ಬೋಲುಕರಾಸ್‌. ಮೇ ಖ್ಹಾಚಿನಿ ಬಾರೇಮ ಸಾಕ್ಷಿ ಬೋಲಾನಖ್ಹಾಜೆ ಪೈದಾಹುಯಿನ್‌, ಆ ಜಗತ್‌ಮ ಐರ‍್ಹೋಸ್. ಖ್ಹಾಚಿ ಭಣಿವಾಳು ಮಾರಿ ವಾತೇನ ಖ್ಹಮ್‌ಜಾ಼ಸ್‌” ಕರಿ ಜವಾಬ್‌ ದಿದೊ.

ಯೋಹಾನ 8:47

ಖಿವು ಏಕ್‍ಜ಼ಣು ದೇವ್‍ಥಿ ಪೈದಾಹುಯುಕಿ ದೇವ್ನಿ ವಾತೆನ ಖ್ಹಮ್‌ಜಾ಼ಸ್‌, ತುಮೆ ದೇವ್ನ ಸಂಬಂದ್ ನಾರ‍್ಹಯಾತೊ, ಇನಖ್ಹಾಜೆ ಇನ ಖ್ಹಮ್‌ಜಾ಼ಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 8:7

ಇವ್ಣೆ ಲಗತ್ತರ್‌ ಇನ ಪುಛಾ಼ವ್‌ ಕರ್ತುಥೂತೆ ಇನಖ್ಹಾಜೆ, ಯೇಸುನೆ ಮುಡ್‌ಕ್ಯು ಪಾಡೀನ್, ಇವ್ಣಾಮ ಏಕ್‌, “ತುಮಾರಮ ಕೋಣ್ ಪಾಪ್ ಕರಿರಾಖ್ಯುಕೊಯ್ನಿಕಿ, ಇವ್ಣೆ ಪಹಿಲೆ ಇನಾಪರ್‌ ಬಂಡೊ ಫೇಕಾದೆ” ಕರಿ ಬೋಲ್ಯೊ.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಇಬ್ರಿ 4:15

ಶನಕತೊ ಅಪ್ಣುನ ಛಾ಼ತೆ ಮಹಾಯಾಜಕ್ ಅಪ್ಣಿ ಕಮ್‍ಜೋ಼ರಿಮ ಅಪ್ಣುನ ಗೋರ್‌ ವತಳಾಕೊಂತೆ ರ‍್ಹೆಯಿಕೊಯ್ನಿ. ಯೊ ಹರೇಕ್ ವಾತೆನಿ ಬಾರೇಮ ಅಪ್ಣಿನಿತರಸ್ ಶೋದನೆ ಪಡ್ಯೊಹುಯೊ. ಕತೋಬಿ ಇನೆ ಪಾಪ್ ಕರ‍್ಯೊಸ್ ಕೊಯ್ನಿ.

ಇಬ್ರಿ 7:26

ಇನಖ್ಹಾಜೆ ಅಪ್ಣುನ ಹೋಣುತೆ ಇನ ಪೂರಕರಾವಳೊ ಮಹಾಯಾಜಕ ಹುಯಿರ‍್ಹೊಸ್ ಪರಿಶುದ್‌ಬಿ ದೋಷ್‍ಕೊಯ್ನಿತೇಬಿ, ಮೈಲಾಪ್‍ಕೊಯ್ನಿತೆಬಿ, ಪಾಪಿಮ ಮಳಾಕೊಂತೆ ನಿರ‍್ವಾಳೊಬಿ ಹುಯಿರ‍್ಹವಾಳೊಬಿ ಆಕಾಶ್ ಮಂಡಲ್‍ಥೀಬಿ ಊಚಾ಼ಮ ರ‍್ಹವಾಳೊ.

1 ಪೇತ್ರ 2:22

ಯೋ ಶನು ಪಾಪ್‌ಬಿ ಕರ‍್ಯೊಕೊಯ್ನಿ, ಇನ ಮ್ಹೋಡಾಮಾಥಿ ಖೆವಿ ಠಗಾವಾನಿ ವಾತ್‍ಬಿ ಮಳಿಕೊಯ್ನಿ.