ಯೋಹಾನ 8:42 - ದೇವ್ನಿ ಖ್ಹಾಚಿ ವಚನ್

⁴² ಯೇಸುನೆ ಯೆಹೂದ್ಯರ್‌ನ, “ಖ್ಹಾಚಮಾಬಿ ದೇವಸ್ ತುಮಾರೊ ಬಾ ಹುಯಿರ‍್ಹೊಹೋತ್ತೊ, ತುಮೆ ಮನ ಪ್ಯಾರ್ ಕರ‍್ಯಾಹೋತ್‌, ಶನಕತೊ ಮೇ ದೇವ್‌ಕಂಥೊ ಆಯೊ ಅಜು಼ ಹಮ್ಕೆ ಹಜ್ಜಾ಼ ಛು಼. ಮೇ ಆಯೋತೆ ಮಾರಿ ಶೊಂತ್‌ ಅದಿಕಾರ್‌ಪರ್‌ ಕಾಹೆ, ಪಣ್ಕಿ ದೇವ್ನೇಸ್ ಮನ ಮೋಕ್‌ಲ್ಯೊ.

ಯೋಹಾನ 8:42 ပူးပေါင်းရင်းမြစ်များ

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 12:49

ಆ ಖ್ಹಾಚು಼, ಶನಕತೊ ಮಾರಿ ಅದಿಕಾರ್‌ಥಿ ಮೇಸ್ ವಾತೆ ಕೋ ಬೋಲ್ಯೋನಿ ಮನ ಮೋಕ್‌ಲ್ಯೊತೆ ಬಾನೇಸ್, ಮೇ ಶಾತ್‌ ಬೋಲ್‌ನು ಅಜು಼ ಖಿವಿವಾತೆ ಬೋಲಿ ವತಾಳ್ಣು ಕರಿ ಮನ ಹುಕುಮ್ ದೀರಾಖ್ಯೊಸ್.

ಯೋಹಾನ 13:3

ಬಾನೆ ಖ್ಹಾರಿಸ್ ಅದಿಕಾರ್‌ನ ಇನ ಹಾತ್‌ಮ ದೀರಾಖ್ಯೊಸ್ ಕರಿ ಯೇಸುನ ಮಾಲುಮ್‌ ಥೂ; ಅತ್ರೇಸ್ ಕಾಹೆತೆ ಯೇಸುನ ದೇವ್‌ಕಂಥೊ ಐರ‍್ಹೋಸ್ ಅಜು಼ ಪಾಛೊ಼ ದೇವ್‌ಕನ ವಳ್ಯೊಜ಼ವುಸ್‌ ಕರೀಬಿ ಮಾಲುಮ್‌ ಥೂ.

ಯೋಹಾನ 14:10

“ಮೇ ಬಾಮ ಛೂ಼, ಅಜು಼ ಬಾ ಮಾರಾಮ ಛಾ಼ ಕರಿ ತೂ ನಂಬಾಕೊಯ್ನಿಕಿ ಶು? ಮೇ ತುಮೂನ ಬೋಲುಸ್ತೆ ವಾತೆ, ಮಾರೇಥಿ ಮೇಸ್ ಬೋಲ್ಯೋತೆ ಕಾಹೆ; ಬಾ ಮಾರ ಮಹಿ ರ‍್ಹೀನ್, ಜಿವ್ಣುಕರೀನ್ ಇನು ಕಾಮ್ನ ಕರಾಸ್.

ಯೋಹಾನ 16:30

ತುನ ಖ್ಹಾರುಸ್‌ ವಾತೆ ಮಾಲುಮ್‌ ಕರಿ,ಹಮೂನ ಮಾಲುಮ್. ಅಜು಼ ತುನ ಕೋಣ್‌ಬಿ ಪುಛಾ಼ವಾನಿ ಜ಼ರೂರತ್ ಕೊಯ್ನಿ ಅನೇಥಿ ತೂ ದೇವ್‌ಕಂಥೊ ಆಯೊಹುಯೊ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯ.

ಯೋಹಾನ 17:25

ಧರ್ಮಿ ಹುಯಿರ‍್ಹೋತೆ ಬಾ! ಆ ಜಗತ್‌ ತುನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಕತೋಬಿ ಮೇ ತುನ ಮಾಲುಮ್‌ ಕರಿರಾಖ್ಯೋಸ್, ಅಜು಼ ತುನೆ ಮನಮೋಕ್ಲಿರಾಖ್ಯೋಸ್‌ ಕರಿ ಅವ್ಣೆ ಮಾಲುಮ್‌ ಕರಿರಾಖೂಸ್.

ಯೋಹಾನ 17:8

ತುನೆ ಮನ ದಿದೋತೆ ವಾತೆನ ಮೇ ಇವ್ಣುನ ದೀರಾಖ್ಯೊಸ್; ಅವ್ಣೆ ಯೋ ವಾತೇನ ಮಾನಿಲಿದು ಅಜು಼ ಖ್ಹಾಚ಼ಮಾಬಿ ಮೇ ತಾರಕಂಥೊ ಐರ‍್ಹೋಸ್ ಕರಿ ಮಾಲುಮ್ ಕರ‍್ಯು ಅಜು಼ ತುನೆ ಮನ ಮೋಕ್‌ಲ್ಯೊ ಕರಿ ವಿಶ್ವಾಸ್‌ ಕರಸ್.

ಯೋಹಾನ 3:17

ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊತೆ ಆ ಜಗತ್ನ ಅದ್ಮಿನ ರಕ್ಷಣೆ ಹೋಣುಕರಿ ಮೋಕ್‌ಲ್ಯೊತೆ ಪಣ್ಕಿ, ತೀರ್ಪ್‌ ಕರಾನಖ್ಹಾಜೆ ಕಾಹೆ.

ಯೋಹಾನ 5:23

ಶನಕತೊ, ತಮಾಮ್‌ ಜ಼ಣು ಬಾನ ಮರ್ಯಾದಿ ವತಾಳಸ್ತೆ ಇಮ್ಮಸ್, ಛಿಯ್ಯಾನಾಬಿ ಮರ್ಯಾದಿ ವತಾಳ್ಣು ಕರಿ ಇನೆ ಅಮ್ ಕರ‍್ಯೊತೆ, ಕೋಣ್ ಛಿಯ್ಯಾನ ಮರ್ಯಾದಿ ದೇಯಿಕೊಯ್ನಿಕಿ ಇವ್ಣೆ ಇನ ಮೋಕ್‌ಲ್ಯೊತೆ ಬಾನಾಬಿ ಮರ್ಯಾದಿ ಕೋ ದೇಯ್ನಿ.

ಯೋಹಾನ 5:43

ಮೇ ಮಾರ ಬಾನ ನಾಮ್‍ಥಿ; ಕತೋಬಿ ಮನ ತುಮೆ ಸ್ವೀಕಾರ್ ಕರಕೊಯ್ನಿ, ಕತೋಬಿ ಕೋಣ್‌ತೋಬಿ ಶೊಂತ್ ಅದಿಕಾರ್‌ಥಿ ಆಯೂತೆ ತುಮೆ ಇನ ಸ್ವೀಕಾರ್ ಕರಿಲೆವೊಸ್.

ಯೋಹಾನ 8:14

ತದೆ ಯೇಸುನೆ ಜ಼ವಾಬ್ ದಿದೊ, “ಮೇಸ್ ಮಾರಿ ಬಾರೇಮ ಸಾಕ್ಷಿ ಬೋಲಿಲಿದೊತೊ ಯೋ ಖ್ಹಾಚು಼ ಹುಯಿರುಸ್. ಶನಕತೊ ಮೇ ಕಿಜ್ಜಾಥೊ ಆಯೊ ಅಜು಼ ಕಿಜ್ಗಾ಼ ಜೈ಼ಶ್ ಕರಿ ಬೋಲಾನು ಮನ ಮಾಲುಮ್‌. ಕತೋಬಿ ತುಮುನ ಮೇ ಕಿಜ್ಜಾಥೊ ಆಯೊ ಕಿಜ್ಗಾ಼ ಜೈ಼ಶ್ ಕರಿ ಮಾಲುಮ್‌ ಕೊಯ್ನಿ.

1 ಕೊರಿಂಥ 16:22

ಕೋಣ್‌ತೋಬಿ ಪ್ರಭುನ ಪ್ಯಾರ್ ಕರಾಕೊಂತೆ ರ‍್ಹೇಸ್ಕಿ ಯೊ ಶಾಪ್‌ವಾಳೊ ಹುವಾದೆ! ಮಾರೊ ‘ಪ್ರಭು ತೂ ಆವ್’!

ಗಲಾತ್ಯ 4:4

ಕತೋಬಿ ಬರಬರ‍್ನಿ ವಖ್ಹತ್ ಆವಖ್ಹತರ್ ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊ.ಯೊ ಏಕ್‌ ತಯೇಡಾಮ ಪೈದಹುಯಿನ್ ಧರ್ಮಶಾಸ್ತ್ರನಿ ಅಧೀನ್‍ಮ ಆಯೊ.

1 ಯೋಹಾನ 4:14

ಬಾನೆ ಇನ ಛಿಯ್ಯಾನ ಜಗತ್ನೊ ರಕ್ಷಕ್ ಕರೀನ್ ಮೋಕ್ಲಿರಾಖ್ಯೊತೆ ಅಪ್ಣೆ ದೇಖಿರಾಖ್ಯಸ್. ಅಜು಼ ಇನಿ ಬಾರೇಮ ಅಪ್ಣೆ ಸಾಕ್ಷಿ ಬೋಲಿಯೇಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

ಪ್ರಕಾಶಿತ್ 22:1

ಅನಕೇಡೆಥು ದೇವ್ನದೂತನೆ ಫಟಕ್‌ಡಿನಿಘೋಣಿ ಉಜಾ಼ಖ್ಹ್‌ ದ್ಯವಾನು ಜಾನ್ನು ಪಾಣಿನ ನದ್ದೀನ ಮನ ವತಾಳ್ಯೊ. ಯೊ ನದ್ದಿ ದೇವ್ ಬಿಜು಼ ಮೇಂಢಾನ ಚೆಲ್ಕಾನು ಸಿಂಹಾಸನ್‌ಕಂಥು ಉಬ್ಜಿನ್,