ಯೋಹಾನ 8:40 - ದೇವ್ನಿ ಖ್ಹಾಚಿ ವಚನ್

⁴⁰ ಮೇ ದೇವ್‍ಥಿ ಖ್ಹಮ್‌ಜೋತೆ ಖ್ಹಾಚಿನ ತುಮುನ ಬೋಲಿವತಾಳ್ಯೋತೆ ಏಕ್ಜ಼ಣೊ ಮೆ ಹುಯಿರೊಸ್, ತೋಬಿ ತುಮೆ ಮನ ಮರ್‌ನಾಕ್ಣು ಕರಿ ದೇಖೊಸ್‍. ಅಬ್ರಹಾಮ್‌ನೆ ಅಮ್ ಶಾತ್ ಕೋ ಕರ‍್ಯೋನಿ!

ಯೋಹಾನ 8:40 ပူးပေါင်းရင်းမြစ်များ

ಯೋಹಾನ 7:1

ಆ ಖ್ಹಾರು ಹುವಾನ ಬಾದ್‌ಮ, ಯೇಸು ಗಲಿಲಾಯಮ ಫರುಕರ್ತೊಥೊ; ಯೆಹೂದ್ಯವಾಳು ಇನ ಮಾರಿನಾಖಾನ ಟಿವವ್‍ಕರ್ತೂಥು ಇನಖ್ಹಾಜೆ, ಯೂದಾಯಮ ಫರಾನ ಇನ ಮನ್ ಕೋ ಥೂನಿ.

ಯೋಹಾನ 8:26

ತುಮಾರಿ ತೀರ್ಪ್‌ನಿ ಬಾರೇಮ ವಾತೆ ಬೋಲಾನು ಮಾರಕನ ಘಣು ಛಾ಼. ಕತೋಬಿ ಮನ ಮೋಕ್‌ಲ್ಯೊತೆ ಯೋ ಖ್ಹಾಚೊ಼ ಹುಯಿರ‍್ಹೋಸ್ ಅಜು಼ ಇನೇಥಿ ಮೇ ಶಾತ್‌ ಖ್ಹಮ್‌ಜ್ಯೋಕಿ ಇನಾಸ್ ಆ ಜಗತ್ನ ಮೇ ಬೋಲುಸ್” ಕರಿ ಬೋಲ್ಯೊ.

ಯೋಹಾನ 8:56

ತುಮಾರೊ ಬಾ ಹುಯಿರ‍್ಹೋತೆ ಅಬ್ರಹಾಮ್‌ನೆ ಮೇ ಆಯಿಶ್‍ತೆ ದನ್ನ ದೇಖಿಶ್‌ ಕರಿ ಘಣು ಶಂತೋಖ್ಹ್‌ ಕರ‍್ಯೊ, ಅಜು಼ ಇನೆ ಯೋ ದನ್ನ ದೇಖಿನ್‌ ಖ್ಹುಶಿ ಕರ‍್ಯೊ” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:12

ಎತ್ರೇಸ್ ಕಾಹೆ ಖ್ಹತ್ನ ಹುಯಿರ‍್ಹವಾಳನಾಬಿ ಯೊ ಬಾ ಹುಯಿರೊಸ್, ಇವ್ಣುನಖಲಿ ಖ್ಹತ್ನ ಹುಯಿರ‍್ಹಿತೆ ಇನಖ್ಹಾಜೆ ಕಾಹೆ ಕತೋಬಿ ಅಪ್ಣೊ ಗುರುಗುರಬ್‌ಲ್ಯೊ ಹುಯಿರ‍್ಹೋತೆ ಅಬ್ರಹಾಮ್‌ನ ಖ್ಹತ್ನಹುವಾನ ಪಹಿಲೆ ಥೂತೆ ವಿಶ್ವಾಸ್‌ನ ಮಾರಗ್‌ಪರ್ ಇವ್ಣೇಬಿ ಚಾ಼ಲಸ್ ಇನಖ್ಹಾಜೆ ಇವ್ಣುನ ಯೊ ಬಾ ಹುಯಿರೊಸ್.

ಗಲಾತ್ಯ 4:16

ಅಮ್‌ರ‍್ಹವಾಪರ್ ಮೆ ಖ್ಹಾಚಿಬೋಲಾಥಿ ತುಮುನ ವಹೇರ‍್ಯೊ ಹುಯೊ ಕಿಶು?

ಗಲಾತ್ಯ 4:29

ಕತೋಬಿ ಪಹಿಲೆ ಶರೀರ್‌ನ ಸಂಬಂಧ್‌ಥಿ ಪೈದ ಹುಯಿರ‍್ಹಾವಳೊ ದೇವ್ನ ಆತ್ಮಾನಿ ಶಕಥ್ಥಿ ಪೈದಹುಯಿರ‍್ಹಾವಳನ ಖ್ಹತಾಪ್ಣಿ ದ್ಯವನಿತರಸ್ ಹಮ್ಕೇಬಿ ಹೂಕರಸ್.

ಪ್ರಕಾಶಿತ್ 12:17

ತದೆ ಅರ್ಝ಼ನ ಯೊ ತಯೇಡಾಪರ್ ಘಣು ಖಿಜೈ಼ನ್, ಇನಿ ಪಿಳ್ಗಿಮ ಥೂತೆ ಇವ್ಣಾಪರ್ ಕತೊ, ದೇವ್ನಿ ಹುಕುಮ್‌ನ ಪಾಡಿ ಚಾ಼ಲಿನ್ ಯೇಸುನಿ ಬಾರೇನಿ ಸಾಕ್ಷಿ ಹುಯಿರ‍್ಹವಾಳನಪರ್ ಜಂಗ್ ಭೀಡಿನ್,

ಪ್ರಕಾಶಿತ್ 12:4

ಇನ ಡೋಂಡೇಥಿ ಆಬ್‌ನ ತಾರವ್‌ಮಾನು ತೀನ್‌ಮಾನು ಏಕ್‌ಭಾಗ್‌ನ ಖೇಚಿನ್ ಜ಼ಮೀನ್‌ಪರ್ ಫೇಖ್ಯು. ಜ಼ಣುಕರಾತೆ ಯೊ ತಯೇಡ ಜ಼ಣ್‌ತಾಸ್ನ ಇನ ಲಡ್ಕಾನ ಗಳಿಲೇವ್ಣುಕರಿ ಯೊ ಅರ್ಝ಼ ಇನ ಖ್ಹಾಮ್ಣೆಸ್ ಟಿವೈರ‍್ಹೂಥು.