ಯೋಹಾನ 8:38 - ದೇವ್ನಿ ಖ್ಹಾಚಿ ವಚನ್

³⁸ ಮಾರ ಬಾನೆ ಮನ ವತಾಳ್ಯೊತೆ ಇನಿ ಬಾರೇಮ ಮೇ ಬೋಲುಸ್, ಕತೋಬಿ ತುಮಾರ ಬಾನೆ ಶಾತ್‌ ಖ್ಹಮ್‍ಜಾ಼ಡ್ಯೋಕಿ ಯೋ ತುಮೆ ಕರೋಸ್” ಕರಿ ಬೋಲ್ಯೊ.

ಯೋಹಾನ 8:38 ပူးပေါင်းရင်းမြစ်များ

ಮತ್ತಾಯ 3:7

ಕತೋಬಿ ಫರಿಸಾಯರ್‌ವಾಳಮ ಅಜು಼ ಸದ್ದುಕಾಯವಾಳಮ ಕೈಯೆಕ್ಕಿ ಜ಼ಣು ಇನಾಕನ ಬ್ಯಾಪ್ತಿಸ್ಮ ಕರೈಲೆವಾನ ಆವ್‍ಕರಾತೆ ದೇಖಿನ್‌, ಯೋಹಾನನೆ ಇವ್ಣುನ, “ಅಲಾ ಖ್ಹಾಪ್‌ನಿ ಪಿಳ್ಗಿವಾಳವೊ! ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದೇಥಿ ತುಮೆ ಬಚಿಜಾ಼ಶು ಕರಿ, ತುಮೂನ ಬೋಲ್ಯುತೆ ಕೋಣ್?

ಯೋಹಾನ 14:10

“ಮೇ ಬಾಮ ಛೂ಼, ಅಜು಼ ಬಾ ಮಾರಾಮ ಛಾ಼ ಕರಿ ತೂ ನಂಬಾಕೊಯ್ನಿಕಿ ಶು? ಮೇ ತುಮೂನ ಬೋಲುಸ್ತೆ ವಾತೆ, ಮಾರೇಥಿ ಮೇಸ್ ಬೋಲ್ಯೋತೆ ಕಾಹೆ; ಬಾ ಮಾರ ಮಹಿ ರ‍್ಹೀನ್, ಜಿವ್ಣುಕರೀನ್ ಇನು ಕಾಮ್ನ ಕರಾಸ್.

ಯೋಹಾನ 14:24

ಮನ ಪ್ಯಾರ್‌ಕರಾಕೊಂತೆ ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲಾಕೊಯ್ನಿ; ತುಮೆ ಖ್ಹಮ್‌ಜು಼ಕರಾತೆ ಮಾರಿ ವಾತೆ ಕಾಹೆ, ಮನ ಮೋಕ್‌ಲ್ಯೊತೆ ಬಾನಿಸ್‌ ವಾತೆ.

ಯೋಹಾನ 17:8

ತುನೆ ಮನ ದಿದೋತೆ ವಾತೆನ ಮೇ ಇವ್ಣುನ ದೀರಾಖ್ಯೊಸ್; ಅವ್ಣೆ ಯೋ ವಾತೇನ ಮಾನಿಲಿದು ಅಜು಼ ಖ್ಹಾಚ಼ಮಾಬಿ ಮೇ ತಾರಕಂಥೊ ಐರ‍್ಹೋಸ್ ಕರಿ ಮಾಲುಮ್ ಕರ‍್ಯು ಅಜು಼ ತುನೆ ಮನ ಮೋಕ್‌ಲ್ಯೊ ಕರಿ ವಿಶ್ವಾಸ್‌ ಕರಸ್.

ಯೋಹಾನ 3:32

ಯೋ ಶಾತ್‌ ದೇಖ್ಯೋಕಿ ಅಜು಼ ಖ್ಹಮ್‌ಜೋಕಿ ಇನಿ ಬಾರೇಮ ಸಾಕ್ಷಿ ಬೋಲಾಸ್, ತೋಬಿ ಇನಿ ಸಾಕ್ಷಿನ ಕೋಣ್‌ಬಿ ಮಾನಕೊಯ್ನಿ.

ಯೋಹಾನ 5:19

ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಬಾ ಕರಾಸ್ತೆ ಇನ ದೇಖಿನ್‌ ಛಿಯ್ಯೊ ಕರಾಸ್ ಪಣ್ಕಿ, ಇನೇಥಿ ಯೋಸ್‌ ಶಾತ್ಬಿ ಕರಾನ ಕೋ ಹುವಾನಿ. ಬಾ ಕರಾಸ್ತೆ ಇಮ್ಮಸ್ ಛಿಯ್ಯೋಬಿ ಕರಾಸ್.

ಯೋಹಾನ 5:30

“ಮಾರು ಮೇಸ್ ಶಾತ್ಬಿ ಕರಾನ ಕೋ ಹುವಾನಿ; ಬಾ ಬೋಲಾತೆ ಇನ ಖ್ಹಮ್‌ಜಿನ್‌, ಮೇ ನ್ಯಾವ್ ಫೇಡಾವುಸ್, ಅನಖ್ಹಾಜೆ ಮಾರು ತೀರ್ಪ್‌ ಖ್ಹಾಚು಼ ಹುಯಿರುಸ್,ಅಜು಼ ಮಾರಿಸ್ ಮರ್ಜಿ ಚಾ಼ಲಾದೆ ಕರಿ ಆಖ್ಹ್ ಕರ‍್ಯೊಕೊಂತೆ, ಮನ ಮೋಕ್‌ಲ್ಯೊತೆ ಇನಿ ಮರ್ಜಿಸ್‌ ಚಾ಼ಲ್ನು ಕರಿ ಮೇ ಆಖ್ಹ್ ಕರುಸ್.

ಯೋಹಾನ 8:26

ತುಮಾರಿ ತೀರ್ಪ್‌ನಿ ಬಾರೇಮ ವಾತೆ ಬೋಲಾನು ಮಾರಕನ ಘಣು ಛಾ಼. ಕತೋಬಿ ಮನ ಮೋಕ್‌ಲ್ಯೊತೆ ಯೋ ಖ್ಹಾಚೊ಼ ಹುಯಿರ‍್ಹೋಸ್ ಅಜು಼ ಇನೇಥಿ ಮೇ ಶಾತ್‌ ಖ್ಹಮ್‌ಜ್ಯೋಕಿ ಇನಾಸ್ ಆ ಜಗತ್ನ ಮೇ ಬೋಲುಸ್” ಕರಿ ಬೋಲ್ಯೊ.

ಯೋಹಾನ 8:41

ತುಮೆ ತುಮಾರ ಬಾನ ಕಾಮ್ನ ಅಖ್ಖು ಕರುಕರಸ್ ಕರಿಬೋಲ್ಯೊ. ತದೆ ಇವ್ಣೆ, ಹಮೆ ಪಾಪೇಲ ಕಾಮ್‍ಥಿ ಪೈದಕೊಹುಯಾನಿ. ಹಮೂನ ಎಕ್ಕಸ್ ಜ಼ಣೊ ಬಾ, ಯೋ ದೇವಸ್ ಕರಿ ಬೋಲ್ಯು.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.