ಯೋಹಾನ 8:37 - ದೇವ್ನಿ ಖ್ಹಾಚಿ ವಚನ್

³⁷ ತುಮೆ ಅಬ್ರಹಾಮ್‌ನಿ ಪಿಳ್ಗಿವಾಳ ಕರಿ ಮನ ಮಾಲುಮ್‌. ತೋಬಿ ತುಮೆ ಮನ ಮರ್‌ನಾಕ್ಣು ಕರಿ ಕೋಶಿಶ್ ಕರೋಸ್, ಶನಕತೊ ಮಾರಿ ವಾತೇನ ತುಮೆ ಮಾನ ಕೊಯ್ನಿ.

ಯೋಹಾನ 8:37 ပူးပေါင်းရင်းမြစ်များ

ಮತ್ತಾಯ 13:15

ಆ ಅದ್ಮಿ ಖ್ಹಾರಾನೊ ದಿಲ್‌ ಬಂಡೊ ಹುಯಿರ‍್ಹೋಸ್, ಅಜು಼ ಅವ್ಣ ಡೋಳಾ ಮೂಚೈ಼ರ‍್ಹಾಸ್, ಅವ್ಣೆ ಡೋಳಾಥಿ ದೇಖಿನ್‌, ಕಾನ್‍ಥಿ ಖ್ಹಮ್‌ಜಿನ್‌, ದಿಲ್‌ಥಿ ಪರ್ಖಿನ್, ಮಾರಭಣಿ ಫರಿಜೈ಼ನ್‌ ಮಾರೇಥಿ ಅಛ್ಛು಼ ನಾಹೊಣುಕರಿ ತೀರ್ಮಾನ್‌ ಕರಿರಾಖ್ಯುಸ್‌ಕರಿ ಬೋಲಾನುಸ್‌ ಯೋ ಪ್ರವಾದ್‌ನೆ.

ಮತ್ತಾಯ 3:9

ಅಬ್ರಹಾಮ್‌ ಹಮಾರೊ ಗುರು ಕರಿ ಬೋಲಾಥಿ ತುಮೆ ದೇವ್ನ ನಿಶಥ್ಥಿ ಬಚಿಜಾ಼ಶು ಕರಿ ನಕೊ ಸೋಚೊ, ಮೇ ತುಮೂನ ಬೋಲುಸ್ಕಿ, ದೇವ್ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್.

ಯೋಹಾನ 10:31

ಪಾಛು಼ ಯೆಹೂದ್ಯರ್ ಯೇಸುನ ಮಾರ‍್ನು ಕರಿ ಬಂಡಾ ಚೂ಼ಣಿಲಿದು.

ಯೋಹಾನ 11:53

ಯೋ ದನ್‌ಥು ಯೇಸುನ ಮಾರ‍್ನು ಕರಿ ಇವ್ಣೆ ಸೋಚಾಲಗ್ಯು,ಯೋ ಅಖ್ಖು ಪ್ರವಾದನೆ ಹುಯಿರ‍್ಹುಥು.

ಯೋಹಾನ 5:44

ತುಮೆ ಏಕ್‌ಥಿ ಏಕ್‌ ಮಾನ್-ಮರ‍್ಯಾದಿನ ಆಖ್ಹ್ ಕರೋಸ್, ಕತೋಬಿ ಏಕ್‍ನೊ ಎಕ್ಕಸ್ ದೇವ್‍ಥಿ ಆವಸ್ತೆ ಖ್ಹರಾವ್ಣಿನ ತುಮೆ ಹೋಣು ಕರಿ ಆಖ್ಹ್ ಕೋ ಕರೋನಿ. ಅಮ್ ರ‍್ಹವಾಪರ್ ತುಮೆ ಮನ ಕಿಮ್ ನಂಬ್‌ಶು?

ಯೋಹಾನ 7:1

ಆ ಖ್ಹಾರು ಹುವಾನ ಬಾದ್‌ಮ, ಯೇಸು ಗಲಿಲಾಯಮ ಫರುಕರ್ತೊಥೊ; ಯೆಹೂದ್ಯವಾಳು ಇನ ಮಾರಿನಾಖಾನ ಟಿವವ್‍ಕರ್ತೂಥು ಇನಖ್ಹಾಜೆ, ಯೂದಾಯಮ ಫರಾನ ಇನ ಮನ್ ಕೋ ಥೂನಿ.

ಯೋಹಾನ 7:19

ಮೋಶೆನೆ ತುಮೂನ ಧರ್ಮಶಾಸ್ತ್ರ ದಿದೊ ಕೊಯ್ನಿಕಿಶು? ಕತೋಬಿ ತುಮಾರಮ ಕೋಣ್‌ಬಿ ಯೊ ಹುಕುಮ್ ಪಾಡಿನ್ ಚಾ಼ಲಕೊಯ್ನಿ. ತುಮೆ ಶನ ಮನ ಮರ್‌ನಾಕ್ಣು ಕರಿ ಕೋಶಿಶ್ ಕರಾಸ್?” ಕರಿ ಬೋಲ್ಯೊ.

ಯೋಹಾನ 7:25

ಯೆರೂಸಲೇಮ್‌ನು ಥೋಡುಜ಼ಣು ಅಮ್ ಬೋಲ್ಯು, “ಯೊ ಅದಿಕಾರಿಖ್ಹಾರು ಇವ್ಣೆ ಮಾರಿನಾಕ್ಣು ಕರಿ ಛಾ಼ತೆ ಆಸ್ ಕಾಹೆಕಿಶು?

ಯೋಹಾನ 8:33

ಇನ ಇವ್ಣೆ, “ಹಮೆ ಅಬ್ರಹಾಮ್‌ನಿ ಖಾಂದಾನ್‌ವಾಳ, ಹಮೆ ಕದೇಬಿ ಕಿನಾಬಿ ಗುಲಾಮ್ ಕೋಹೂಯಾನಿ. ಅಮ್ ರ‍್ಹವಾಪರ್, ‘ತುಮೆ ಛು಼ಟ್‌ಶು’ ಕರಿ ತೂ ಬೋಲಾಸ್ತೆ ಕಿಮ್?” ಕರಿ ಜವಾಬ್‌ ದಿದು.

ಯೋಹಾನ 8:43

ತುಮೆ ಮಾರಿ ವಾತೇನ ಶನ ಖ್ಹಮ್‌ಜಾ಼ ಕೊಯ್ನಿ? ಶನಕತೊ ತುಮೆ ಮಾರಿ ವಾತೇನ ಕಾನ್‌ ಕೋ ದೆವ್‌ಕರಾನಿತೆ ಇನಖ್ಹಾಜೇಸ್.

ಯೋಹಾನ 8:56

ತುಮಾರೊ ಬಾ ಹುಯಿರ‍್ಹೋತೆ ಅಬ್ರಹಾಮ್‌ನೆ ಮೇ ಆಯಿಶ್‍ತೆ ದನ್ನ ದೇಖಿಶ್‌ ಕರಿ ಘಣು ಶಂತೋಖ್ಹ್‌ ಕರ‍್ಯೊ, ಅಜು಼ ಇನೆ ಯೋ ದನ್ನ ದೇಖಿನ್‌ ಖ್ಹುಶಿ ಕರ‍್ಯೊ” ಕರಿ ಬೋಲ್ಯೊ.

ಯೋಹಾನ 8:59

ಆ ವಾತೆನ ಖ್ಹಮ್‌ಜಿನ್‌, ಇವ್ಣೆ ಇನ ಮಾರಾನಖ್ಹಾಜೆ ಬಂಡಾ ಪಾಡಿಲಿದು, ಕತೋಬಿ ಯೇಸು ಓಠೆಹೋತೊಹುಯಿನ್, ಮಂದಿರ್‌ನ ಮಹಿಕರಿ ಚ಼ಲೆಗಯೊ.

ಯೋಹಾನ 8:6

ಯೇಸುನಿ ವಾತೇಮ ಶಾತ್‌ತೋಬಿ ಗಲತ್‌ ಮಳ್ಯುತೊ, ಅಪ್ಣೆ ಇನ ಖ್ಹಪ್‌ಡಾಯೆಜಾ಼ಯಿ ಕರಿ ಇವ್ಣೆ ಯೇಸುನ ಸವಾಲ್‌ಕರ‍್ಯು? ಕತೋಬಿ ಯೇಸು ಮುಡ್‌ಕ್ಯು ಝು಼ಕೈನ್‌, ಇನಿ ಅಂಗ್‌ಳೀಥಿ ಜ಼ಮೀನ್‌ಪರ್ ಲೀಖಾಲಗ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:26

ಮಾರ ಭೈಯೇವೊ, ಅಬ್ರಹಾಮ್‌ನಿ ಖಾನ್‍ದಾನ್‍ವಾಳವೋ, ಖ್ಹಾಚ ದೇವ್ನ ಆರಾದನೆ ಕರುಕರಾತೆ ಯೆಹೂದ್ಯರ್‌ಕಾಹೆತೆ ಅದ್ಮಿವೊ, ಖ್ಹಮ್‍ಜೊ! ಆ ರಕ್ಷಣೆನು ವಚನ್ ಮೋಕ್‍ಲೈರ‍್ಹುತೆ ಅಪ್ಣಖ್ಹಾಜೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:7

ಇಮ್ಮಸ್ ಅಬ್ರಹಾಮ್‌ನು ಪಿಳ್ಗಿವಾಳು ಖ್ಹಾರುಸ್ ಇನ ಲಡ್ಕಕಾಹೆ. ದೇವ್ ಅಬ್ರಹಾಮ್‌ನ ಬೋಲ್ಯೊ, ಮೆ ವಾಗ್ದಾನ್ ಕರುಸ್, “ಇಸಾಕಥಿ ಪೈದಹುವವಾಳುಸ್ ತಾರು ಪಿಳ್ಗಿಕರಿ ಬೋಲೈಲಿಶೆ.”

1 ಕೊರಿಂಥ 2:14

ಜಗತ್‌ನು ಹುಯಿರ‍್ಹಾವಳೊ ದೇವ್ನಿ ಆತ್ಮಾನಿ ವಾತೇನ ಸ್ವೀಕಾರ್ ಕೋಕರಾನಿ; ಯೊ ಅಖ್ಖು ಇನ, ಘೈಲಿ ವಾತೆನಿಘೋಣಿ ದೇಖಾವಸ್. ಯೋ ಅದ್ಮಿ ಪವಿತ್ರಾತ್ಮನಿ ವಾತೇನ ಸೋಚಾನ ಕೊ ಹುವಾನಿ; ಶನಕತೊ ಯೊ ವಾತೇವ್ನ ಆತ್ಮೀಕ್‌ ಪರಕ್ಮಾಸ್ ವಿಚಾರ್ ಕರ‍್ನು.

1 ಯೋಹಾನ 2:14

ಲಡ್ಕಾವೊ, ತುಮೆ ಬಾನ ಮಾಲುಮ್‌ ಕರಿರಾಖ್ಯತೆ ಇನಖ್ಹಾಜೆ ತುಮೂನ ಲೀಖುಕರುಸ್. ತುಮೆ ಶಕತ್‌ವಾಳ ಹುಯಿರಾತೆ ಇನಖ್ಹಾಜೇಬಿ ದೇವ್ನಿ ವಚನ್‍ ತುಮಾರಮ ಜಿವಿರ‍್ಹುಸ್ತೆ ಇನಖ್ಹಾಜೇಬಿ ಕೇಡ್‌ ಕರವಾಳನ ಹರೈರಾಖ್ಯಾತೆ ತುಮೂನ ಮೇ ಲೀಖುಕರುಸ್.