ಯೋಹಾನ 8:34 - ದೇವ್ನಿ ಖ್ಹಾಚಿ ವಚನ್

³⁴ ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ: ಪಾಪ್ ಕರಾವಾಳು ಖ್ಹಾರು ಪಾಪ್ನ ಗುಲಾಮ್ ಹುಯಿರ‍್ಹುಸ್‍.

ಯೋಹಾನ 8:34 ပူးပေါင်းရင်းမြစ်များ

ಮತ್ತಾಯ 5:18

ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಆಬ್ಬಿ ಧರ್ತಿ ಮಟಿಜಾ಼ಶೆ, ಧರ್ಮಶಾಸ್ತ್ರಮ ಛಾ಼ತೆ ಖ್ಹಾರುಸ್ ಚಾ಼ಲಾಲಗುಬಿ ಇನಮಾನು ಏಕ್‌ ನ್ಹಾನು ಲಿಖ್ಯೂಬಿ ರ‍್ಹವೊ, ನಾತೊ ಏಕ್‌ ಟಿಪ್‌ಕ್ಯುಬಿ ಮಟ್‌ಶೆ ಕೊಯ್ನಿ.

ಯೋಹಾನ 3:3

ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಿ ರಾಜ್ಯಮ ಪಾಛು಼ ಪೈದಾ ನಾ ಹುಯೂತೊ, ದೇವ್‌ನು ರಾಜ಼್‌ನ ದೇಖಾನ ಕೋ ಹುವಾನಿ?” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:23

ಶನಕತೊ ತೂ ಜಾ಼ಖ್ಹತ್ ಕಡ್‌ವ್ಹಾಟ್‌ನಿ ಬಳಾಪೆಥಿಬಿ ಭರೈರ‍್ಹಾವಾಳೊ, ಝರೇಲಿ ಅನೀತಿಥಿಬಿ ಭರೈರ‍್ಹೋತೆ ಮೇ ದೇಖುಕರುಸ್ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:12

ಇನಖ್ಹಾಜೆ ತುಮೆ ಶರೀರ್‌ನ ಖರಾಬ್ ಆಖ್ಹ್‌ಮ ನಾ ಪಡ್‍ನೂತೆ ತುಮಾರ ಮಟಿಜಾ಼ವಾಳ ಶರೀರ‍್ಮ ಪಾಪ್ ಹುಕುಮ್‌ ಚ಼ಲಾವನ ನಕೊಮ್ಹೇಲಿದೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:16

ತುಮೆ ತುಮುನಾಸ್ ಗುಲಾಮ್‌ಹುಯಿನ್ ಕಿನಾತೋಬಿ ದೆವೈಜಾ಼ವಾನಿ ವಖ್ಹತ್‌ಮ ತುಮೆ ಯಜಮಾನ್ನ ವಿಧೇಯ ಹುಯಿರ‍್ಹವಾಳ ಸೇವಕ್ ಹುಯಿರ‍್ಹೆಸ್‍ಕರಿ ತುಮೂನ ಮಾಲುಮ್‌ ಛಾ಼. ಪಾಪ್‌ಮ ಪಡ್ಯುತೊ ಮರಣಸ್ ಫಲ್,ದೇವ್ನ ಭರೋಖ್ಹಾನ ದಾಸಹುಯಾತೊ ನೀತಿ ಮಳ್‍ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:6

ಅಪ್ಣು ಜೂ಼ನು ಚಾ಼ಲ್‍ಚ಼ಲಣ್‍ ನಾಶ್ ಹುಯಿಜೈ಼ನ್‌ ಬಿಜು಼ ಅಗಾಡಿ ಅಪ್ಣೆ ಕದೇಬಿ ಪಾಪ್ನ ಗುಲಾಮ್ ನಾ ಹೋಣುಕರಿ ಅಪ್ಣು ಪಾಪ್‌ಥಿ ಮರಿಹುಯು ಶರೀರ್ ಇನಜೋ಼ಡ್ಮ ಶಿಲ್‌ಬೆಪರ್ ಮರೈಗಯುಕರಿ ಅಪ್ಣುನ ಮಾಲುಮ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:14

ಧರ್ಮಶಾಸ್ತ್ರ ಆತ್ಮೀಕ್ ಹುಯಿರ‍್ಹುಸ್‌ಕರಿ ಮಾಲುಮ್ ಛಾ಼. ಕತೋಬಿ ಅದಮ್‍ಜ಼ಮಾನೊ ಹುಯಿರೋತೆ ಮೇ ಪಾಪ್ನ ಗುಲಾಮ್ನಿತರ ವೇಚೈ಼ಜಾ಼ವಾಳೊ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:25

ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ಮನ ಬಚಾ಼ಡವಾಳ ದೇವ್ನ ಧನ್ಯವಾದ್ ಕರುಸ್. ಅಮ್‌ರ‍್ಹವಾಪರ್ ಮೇ ದೇವ್ನಿ ನಿಯಮ್ನ ಅಕ್ಕಲ್‌ಥಿ ಸೇವೆ ಕರಾವಾಳೊ ಹುಯಿರ‍್ಹೋಸ್, ಕತೋಬಿ ಶರೀರ್‌ನ ಪಾಪ್ನ ನಿಯಮ್‌ಥಿ ಆಳ್‌ ಹುಯಿನ್‌ಬಿ ಚಾ಼ಲುಕರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:21

ಯೋ ಏಕ್‌ ದನ್ ನಾಶನನು ಗುಲಾಮ್‌ನ ಕಾಮ್‍ಥಿ ಛುಟ್ಕಾರ್ ಉಷೆ ಅಜು಼ ದೇವ್ನ ಲಡ್ಕಾನ ಮಹಿಮೆಥಿ ಭರಿಹುಯು ಛುಟ್ಕಾರ್‌ಮ ಭಾಗ್ಉಷೇಕರಿ ಬೋಲಿನ್.

ಎಫೆಸ 2:2

ಅಗ್ಗಳ್ ತುಮೆ ಆ ಜಗತ್ನಿ ರೀತಿಥೀಬಿ, ವಹಿರಾನ ಗೋಳಾಮ ಅದಿಕಾರ್ ಚ಼ಲಾವತೆ ಅದಿಪತಿನ ಕತೊ ವಿಧೇಯ ಕೊಹುವಾಂತೆ ಲಡ್ಕಾವ್‌ಮ ಹಮ್ಕೆ ಚ಼ಲಾವತೆ ಆತ್ಮನಿಘೊಣಿ ಜಿವ್ಣು ಚಾ಼ಲಾಯ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:3

ಶನಕತೊ ಏಕ್‌ ಹಗಾಮ್‌ಥು ತದೆ ಅಪ್ಣೇಬಿ ಅಗಾಡಿ ಖ್ಹಯಾಲ್‌ಭರ‍್ಯಾ ಹುಯಿರ‍್ಹಾಥ, ಹುಕುಮ್‌ನ ತೋಡಾವಾಳ ಹುಯಿರ‍್ಹಾಥ ಅಜು಼ ಘುಂಜ್‌ಳಾವ್ಣಿಮ ಥಾ. ಖ್ಹಾರಿಸ್ ತರ‍್ಹಾನಿ ಲಾಲಚ್‌ಬಿ ಅಜು಼ ಭೋಗ್‌ನ ಗುಲಾಮ್ ಥಾ. ಅಪ್ಣ ಖರಾಬ್ ಖ್ಹಯಾಲ್ ಅಜು಼ ಗಲ್ತಿಕರಾಸ್ಮ ಅದ್ಮಿಖ್ಹಾರು ಅಪ್ಣುನ ದಾವೊ ಕರ್ತುಥು.ಅಪ್ಣೇಬಿ ಏಕ್‌ಥಿಏಕ್ ದಾವೊ ಕರ‍್ಯಾ.

2 ಪೇತ್ರ 2:19

ಅಥ್ರಾನವಾಳು ಛುಟ್ಕಾರ್ ದಿಯೇಸ್ ಕರಿ ಇವ್ಣುನ ವಾಗ್ದಾನ್ ಕರಸ್. ಕತೋಬಿ ಇವ್ಣೆಸ್ ಖರಾಬ್ ಫನೈನ ಗುಲಾಮ್ ಹುಯಿರ‍್ಹೋಸ್. ಶನಕತೊ ಖೆವು ಏಕ್‌ನ ಖ್ಹಾಮ್ಣೆ ಹರಸ್ಕಿ ಇನ ಯೋ ಗುಲಾಮ್‌ ಹುಯಿರ‍್ಹೋಸ್.