ಯೋಹಾನ 8:19 - ದೇವ್ನಿ ಖ್ಹಾಚಿ ವಚನ್

¹⁹ ತದೆ ಇವ್ಣೆ, “ತಾರೊ ಬಾ ಕಿಜ್ಗಾ಼ ಛಾ಼?” ಕರಿ ಪುಛಾ಼ಯು. ಯೇಸುನೆ, “ತುಮೂನ ಮೇ ರ‍್ಹವೊ, ಮಾರೊ ಬಾ ರ‍್ಹವೊ ಮಾಲುಮ್‌ ಕೊಯ್ನಿ. ತುಮೆ ಮನ ಮಾಲುಮ್‌ ಕರ‍್ಯಾಹೋತ್ತೊ, ಮಾರ ಬಾನಾಬಿ ಮಾಲುಮ್‌ ಕರಿಲಿದಾಹೋತ್‌” ಕರಿ ಜ಼ವಾಬ್ ದಿದೊ.

ಯೋಹಾನ 8:19 ပူးပေါင်းရင်းမြစ်များ

ಮತ್ತಾಯ 11:25

ಯೋ ವಖ್ಹತ್‌ಮ ಯೇಸುನೆ ಶಾತ್‌ ಬೋಲ್ಯೊಕತೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ತುನೆ ಗ್ಯಾನಿ ಅಜು಼ ಅಕ್ಲಿಥಿ ಅದ್ಮಿಥಿ ಆ ವಾತೆನ ಲಪಾಡಿನ್ ಶಾತ್ಬಿ ಮಾಲುಮ್‌ಕೊಂತೆ ಇವ್ಣುನ ವತಾಳಿರಾಖ್ಯೋತೆ ಇನಖ್ಹಾಜೆ ಮೇ ತುನ ಧನ್ಯವಾದ್ ಕರುಸ್.

ಯೋಹಾನ 1:10

ವಚನ್ ಜಗತ್‌ಮ ಥು, ಅಜು಼ ದೇವ್ನೆ ಇನೇಥಿಸ್ ಜಗತ್ನ ಬಣಾಯೊ, ತೋಬಿ ಜಗತ್‌ ಇನ ಮಾಲುಮ್ ಕರ‍್ಯುಕೊಯ್ನಿ.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 15:21

ಕತೋಬಿ ಇವ್ಣೆ ಮನ ಮೋಕ್ಲಿರಾಖ್ಯೊತೆ ಇನ ಮಾಲುಮ್ ಕರ‍್ಯುಕೊಂತೆ ಇನಖ್ಹಾಜೆ ಆ ಖ್ಹಾರುಮಾರ ನಾಮ್‍ಥಿ ತುಮೂನ ಕರ್ಶೆ.

ಯೋಹಾನ 16:3

ಅದ್ಮಿಖ್ಹಾರು ಬಾನ ರ‍್ಹವೊ, ಮನ ರ‍್ಹವೊ ಮಾಲುಮ್‌ ಕರಿರಾಖ್ಯುಕೊಯ್ನಿತೆ ಇನಖ್ಹಾಜೆ, ತುಮೂನ ಅಮ್ ಖ್ಹಾರು ಕರ್ಶೆ.

ಯೋಹಾನ 17:3

ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.

ಯೋಹಾನ 7:28

ಯೇಸು ಮಂದಿರ್‌ಮ ಬೋಲಿ ದೇವ್ ಕರ್ತೊಥೊ. ತದೆ ಯೊ ಊಚಿ ಆವಾಜ಼್‌ಥಿ ಬೋಲ್ಯೊ, “ಯೊ ಕಿಜ್ಜಾಥೊ ಆಯೊಕರಿ ತುಮೂನ ಮಾಲುಮ್‍ಕಿಶು, ಮಾರಿ‍ಶೊಂತ್ ಅದಿಕಾರ್‌ಥಿ ಕೊ ಆಯೋನಿ ಮನ ಮೋಕ್ಲಿರಾಖ್ಯೊತೆ ಖ್ಹಾಚ ಏಕ್‍ಜ಼ಣಾನ ಖ್ಹಣೇದ್ ಕೊ ಧರಾನಿ.”

1 ಕೊರಿಂಥ 15:34

ನೀತಿನಖ್ಹಾಜೆ ಹೊಷಾರಿ ಹುವೊ, ಪಾಪ್ನ ನಕೊಕರೊ. ಥೋಡಜ಼ಣಾನ ದೇವ್ನಿ ಬಾರೇಮ ಮಾಲುಮ್ಮಸ್‍ಕೊಯ್ನಿ. ತುಮೂನ ಖ್ಹರಮ್‌ ಲಾಗಾದೆಕರಿ ಮೇ ಆ ವಾತ್ ಬೋಲುಕರುಸ್.

ಗಲಾತ್ಯ 4:9

ಹಮ್ಕೆತೋಬಿ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಾಸ್. ವಿಶೇಷ್‌ಥಿ ದೇವ್ನೆ ತುಮುನ ಮಾಲುಮ್ ಕರಿರಾಖ್ಯೋಸ್. ಅಮ್‌ರ‍್ಹವಾಪರ್ ತುಮೆ ಕಾಮ್ನ ಕೊಯ್ನಿತೆ, ಫಾಯಿದೊ ಕೊಯ್ನಿತೆ, ಜಗತ್ನಿ ನಿಯಮ್‌ಭಣಿ ತುಮೆ ಶನ ಫರೋಸ್? ಪಾಛು಼ ಇನ ಗುಲಾಮ್ ಹೋಣುಕರಿ ಛಾ಼ ಕಿಶು?

ಎಫೆಸ 1:17

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಮಹಿಮೆನೊ ಬಾಬಿ ಇನಿ ಇನಿ ಬಾರೇಮ ಪೂರ ಅಕ್ಕಲ್‍ನ ತುಮುನ ದೀನ್ ದರ್ಶನಾನು ಆತ್ಮನ ದ್ಯವಾದೆಕರಿ ಪ್ರಾರ್ಥನೆ ಕರುಸ್.

ಕೊಲೊಸ್ಸೆ 1:10

ಪ್ರಭುನ ಪಸಂದ್ ಹುವಾನಿ ಪರಕ್ಮ ಖ್ಹಾರಿಸ್ ತರಾಮ ತುಮೆ ಲ್ಹಾಯೇಕ್ ಹುಯಿನ್ ಜಿವ್ಣುಕರ‍್ನು ಕರೀಬಿ ಹರೇಕ್‍ಥರಾನು ಅಛ಼್ಛುಕಾಮ್ನ ಕರ್ತುಹುಯಿನ್ ದೇವ್ನಿ ಅಕ್ಕಲ್‌ಮ ಭಡ್ತುಜಾ಼ವ್ಣು ಕರಿ,

ಕೊಲೊಸ್ಸೆ 1:15

ಕ್ರಿಸ್ತ ದೇಖಾವಕೊಂತೆ ದೇವ್‌ನೊ ರೂಪ್, ಖ್ಹಾರೀಸ್‍ ಉಬ್‍ಜಾ಼ವ್ಣಿಮ ಫೈಲೋಟೋ ಛಿಯ್ಯೋಬಿ ಹುಯಿರ‍್ಹೋಸ್.

ಇಬ್ರಿ 1:3

ಯೋಸ್ ದೇವ್ನು ಮಹಿಮೆನು ಉಜಾ಼ಖ್ಹ್‌ಬಿ, ದೇವ್ನಿ ಪ್ರತಿರೂಪ್‌ಬಿ, ಇನಿ ವಚನ್ ಶಕಥ್ಥಿ ಅಖ್ಖಾಸ್ನ ಆಧಾರ್ ಹುಯಿನ್ ಯೋಸ್ ಅದಮ್‍ಜ಼ಮಾನನಿ ಪಾಪ್ನ ಶುದ್ದಿಕರಿನ್ ಸೊರ್ಗಾಮ ಮಹಾನ್ ದೇವ್ನು ಖಾವಿಬಾಜು಼ಮ ಬೇಶಿಗಯೊ.

1 ಯೋಹಾನ 2:23

ಕೋಣ್ ದೇವ್ನ ಛಿಯ್ಯಾನ ಝಿಟ್ಕಾರವಾಳೊಕಿ ಯೋ ದೇವ್ನ ಮಳ್ಯೊಹುಯೊ ಕಾಹೆ. ಕೋಣ್ ಛಿಯ್ಯಾನ ಮಾನಿಲೇಸ್ಕಿ ಯೋ ಬಾಹುಯಿರೋತೆ ದೇವ್ನ ಮಳ್ಯೊಹುಯೊ ಹುಯಿರ‍್ಹೊಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

2 ಯೋಹಾ 1:9

ಕ್ರಿಸ್ತನಿ ಉಪದೇಶ್‍ಮ ನಾರ‍್ಹೀನ್ ಇನ ಮಿತ್‌ಮೀರಿನ್ ಜಾವಾಳಮ ದೇವ್ ಕೊರ‍್ಹೇಯಿನಿ. ಯೊ ಉಪದೇಶ್‍ಮ ಜ಼ಡ್‍ಗಾಠಿನ್ ರ‍್ಹಾವವಾಳಮ ಬಾನಿಬಿ ಛಿಯ್ಯಾನಿಬಿ ಜೋ಼ಡೆ ಗಳ್‍ಜೋ಼ಡ್ ರ‍್ಹಿಶೆ.