ಯೋಹಾನ 7:6 - ದೇವ್ನಿ ಖ್ಹಾಚಿ ವಚನ್

⁶ ಯೇಸುನೆ ಇವ್ಣುನ, “ಮಾರಿ ವಖ್ಹತ್ ಬಿಜೂ಼ಬಿ ಕೋ ಆಯಿನಿ. ಕತೋಬಿ ತುಮಾರಿ ವಖ್ಹತ್ ಕದೇಬಿ ತೈಯಾರ್ ರ‍್ಹೇಸ್.

ಯೋಹಾನ 7:6 ပူးပေါင်းရင်းမြစ်များ

ಮತ್ತಾಯ 26:18

ತದೆ ಯೇಸುನೆ ಇವ್ಣುನ, “ತುಮೆ ಖ್ಹಯೇರ್‌ಮ ಮೇ ವತಾಳ್ಯೊತೆ ಇನಕನ ಜೈ಼ನ್ ಇನ, ‘ಮಾರಿ ವಖ್ಹತ್ ಖನ್ನೆ ಐಗೈ, ತಾರ ಘರ್‌ಮ ಮಾರ ಶಿಷ್ಯರ್‌ನ ಜೋ಼ಡೆ ಪಸ್ಕಾನು ಖಾಣು ಖವುಸ್ ಕರಿ ಗುರುನೆ ಬೋಲ್ಯೊ’ ಕರಿ ಬೋಲೊ.”

ಯೋಹಾನ 13:1

ಪಸ್ಕ ಪುಜಾ಼ನ ಅಗಾಡಿ ಯೇಸು ಆ ಜಗತ್ನ ಮ್ಹೇಲಿನ್, ಬಾಕನ ಜಾ಼ವಾನಿ ವಖ್ಹತ್ ಐಗೈ ಕರಿ ಮಾಲುಮ್ ಕರೀನ್, ಆ ಜಗತ್‌ಮ ಛಾ಼ತೆ ಇನು ಕರಿ ಥೂತೆ ಯೋ ಖ್ಹರಾನ ಹಮೇಶ ಪ್ಯಾರ್ ಕರ‍್ಯೊ ಅಜು಼ ಖರ್ತಿಲಗೂಬಿ ಪ್ಯಾರ್ ಕರ್ತೊಸ್ ಆಯೊ.

ಯೋಹಾನ 17:1

ಯೇಸುನೆ ಆ ವಾತೆ ಬೋಲಾನ ಬಾದ್‌ಮ, ಆಕಾಶ್‌ಭಣಿ ದೇಖಿನ್‌, “ಬಾ ವಖ್ಹತ್ ಐಗೈ; ತಾರ ಛಿಯ್ಯಾನ ಮಹಿಮೆ ಕರ್‌, ತದೆ ಛಿಯ್ಯೊ ತುನ ಮಹಿಮೆ ಕರಾನ ಉಶೆ.

ಯೋಹಾನ 2:4

ಯೇಸುನೆ ಇನ, “ಆಯಾ, ಮನ ಆ ಅಖ್ಖು ಶನ ಬೋಲಸ್? ಮಾರಿ ವಖ್ಹತ್ ಬಿಜೂ಼ಬಿ ಕೋ ಐರ‍್ಹೀನಿ” ಕರಿ ಬೋಲ್ಯೊ.

ಯೋಹಾನ 7:30

ತದೆ ಇವ್ಣೆ ಇನ ಧರ್‌ನು ಕರಿ ಕರ‍್ಯು, ಕತೋಬಿ ಯೋ ವಖ್ಹತ್ ಬಿಜೂ಼ಬಿ ಕೋಆಯಿಂಥಿತೆ ಇನಖ್ಹಾಜೆ, ಕೋಣ್‌ಬಿ ಇನಾಪರ್‌ ಹಾತ್‌ ಕೋ ನಾಖ್ಯುನಿ.

ಯೋಹಾನ 7:8

ತುಮೇಸ್ ಪೂಜಾ಼ನ ಜಾ಼ವೊ. ಮನ ಬಿಜೂ಼ಬಿ ಬರಾಬರ್‌ನಿ ವಖ್ಹತ್ ಕೋಆಯಿನ್ತೆ ಇನಖ್ಹಾಜೆ, ಮೇ ಆ ಪೂಜಾ಼ನ ಆವ್‌ಕೊಯ್ನಿ” ಕರಿ ಬೋಲ್ಯೊ.

ಯೋಹಾನ 8:20

ಯೇಸುನೆ ಮಂದಿರ್‌ಮ ಅದ್ಮಿ ಕಾಣ್ಕೇನಿ ಹುಂಡಿನಿ ಝ಼ಗೋಕನ ಭೀರಿನ್ ಶಿಕಾಡುಕರಾನಿ ವಖ್ಹತ್‌ಮ ಆ ವಾತ್ನ ಬೋಲ್ಯೊ. ಇನಖ್ಹಾಜೆ ಕೋಣ್‌ಬಿ ಇನ ಕೋ ಧರ‍್ಯುನಿ.ಶನಕತೊ ಇನಿ ವಖ್ಹತ್ ಬಿಜೂ಼ಬಿ ಕೋ ಐರ‍್ಹಿಥೀನಿ,

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:7

ಯೇಸು ಇವ್ಣುನ ಅಖ್ಖಿ ವಖ್ಹತ್‌ನ ರ‍್ಹವೊ ಹಗಾಮ್ನ ರ‍್ಹವೊ ಮಾಲುಮ್ ಕರಾನಿ ಅದಿಕಾರ್ ಬಾನ ಛಾ಼ ಪಣ್ಕಿ ಇನ ಮಾಲುಮ್ ಕರಾನು ಕಾಮ್ ತುಮಾರು ಕಾಹೆ.