ಯೋಹಾನ 7:37 - ದೇವ್ನಿ ಖ್ಹಾಚಿ ವಚನ್

³⁷ ಪೂಜಾ಼ನೊ ಖ್ಹರ್ತಿನೊ ಅಜು಼ ಮುಖ್ಯದನ್‌ ಹುಯಿರ‍್ಹೋತೆ ತದೆ ಯೇಸು ಭೀರಿನ್‌ ಊಚಿ ಅವಾಜ಼್‌ಥಿ ಬೋಲಾನು ಶುರುಕರ‍್ಯೊ, “ಕಿನ ಠೋಖ್ಹ್‌ ಲಾಗಸ್ಕಿ, ಯೊ ಅವಾದೆ ಅಜು಼ ಪಿಯ್ಯಾದೆ.

ಯೋಹಾನ 7:37 ပူးပေါင်းရင်းမြစ်များ

ಮತ್ತಾಯ 11:28

“ಅಲಾ ಥಕಿರ‍್ಹವಾಳ, ಭೋಜೊ ಪಾಡಿರಾಖವಾಳ, ತುಮೆ ಖ್ಹಾರು ಮಾರಕನ ಆವೊ; ಮೇ ತುಮುನ ಅರಾಮ್‌ ದೆವುಸ್‌.

ಮತ್ತಾಯ 3:3

“ಪ್ರಭುನಿ ವಾಟ್ನ ಖ್ಹವಾರೊ; ಇನಿ ವಾಟ್ನ ಖ್ಹೂದುಕರೊ! ಕರಿ ಉಜ್ಜಾ಼ಡಿ ಝ಼ಗೋಮ ಚಿಕ್ರಾವಾಳಾನಿ ಅವಾಜ಼್ ಛಾ಼” ಕರಿ ಪ್ರವಾದಿ ಯೆಶಾಯನೆ ಬೋಲ್ಯೋತೆ ಅನಿಸ್‌ ಬಾರೇಮ.

ಮತ್ತಾಯ 5:6

ಕೋಣ್ ದೇವ್ನಿ ಮರ್ಜಿನಿಘೋಣಿ ಕರಾನ ಘಣು ಆಖ್ಹ್ ಕರಾಸ್ಕಿ, ಇವ್ಣೆ ಧನ್ಯ ಹುಯಿರ‍್ಹಾಸ್; ದೇವ್ ಇವ್ಣುನ ಹಕ್ಲಾಲ್‌ ಹುವಾನಿತರ ಕರ್ಶೆ.

ಯೋಹಾನ 1:23

ಯೋಹಾನಾನೆ, ಪ್ರವಾದಿ ಹುಯಿರೋತೆ ಯೆಶಾಯನೆ ಬೋಲಾನಿತರಸ್, ‘ಪ್ರಭುನಿ ವಾಟ್ನ ಖ್ಹೂದುಕರೊ ಕರಿ ಬೋಲಾನು ಉಜ್ಜಾ಼ಡಿ ಝ಼ಗೋಮ ಚಿಕ್ರಾವಾಳಾನಿ ಅವಾಜ಼್ ಮೇಸ್’ ಕರಿ ಜ಼ವಾಬ್‌ದಿದೊ.

ಯೋಹಾನ 14:6

ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಯೋಹಾನ 4:11

ಯೋ ತಯೇಡ ಇನ, “ಪ್ರಭು, ಪಾಣಿ ಶೇಂದಾನ ತಾರಕನ ಶಾತ್ಬಿ ಕೊಯ್ನಿ, ಬಾವ್ಡಿ ಘಣಿ ಗಧಾರ್ ಛಾ಼, ಅಮ್ ರ‍್ಹವಾಪರ್ ಯೋ ಜಾನ್ನು ಪಾಣಿ ತು ಕಿಮ್ ದಿಶ್?

ಯೋಹಾನ 4:14

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಯೋಹಾನ 5:40

ತೋಬಿ ತುಮೆ ಮಾರಕನ ಐನ್ ಯೋ ಜಾನ್ನ ಲೀಲ್ಯಾವನ ತುಮೂನ ಮನ್‌ಕೊಯ್ನಿ.

ಯೋಹಾನ 6:35

ಯೇಸುನೆ ಇವ್ಣುನ, “ಮೇಸ್ ಜಾನ್ನೊ ರೋಟೊ,‌ ಮಾರಕನ ಆವಾಳಾನ ಕದೇಬಿ ಭುಕ್ ಕೋ ಲಾಗ್‌ಶೇನಿ. ಮಾರಾಮ ವಿಶ್ವಾಸ್‌ ಕರಾವಾಳನ ಕದೇಬಿ ಠೋಖ್ಹ್‌ ಕೋ ಲಾಗ್‌ಶೇನಿ.

ಯೋಹಾನ 6:37

ಬಾ ಮನ ದೇಸ್ತೆ ಇವ್ಣೆ ಖ್ಹಾರು ಮಾರಕನ ಆವ್‌ಶೆ, ಅಜು಼ ಮಾರಕನ ಆವಾಳಾನ ಪಾಛು಼ಮೇ ಧಕೇಲಿಶ್‌ ಕೊಯ್ನಿ.

ಯೋಹಾನ 6:55

ಮಾರಿ ಬೋಟಿ ಖ್ಹಾಚ ಖಾಣು ಅಜು಼ ಮಾರು ಲ್ಹೋಯಿ ಖ್ಹಾಚ ಪಾನ್ಕ ಹುಯಿರ‍್ಹುಸ್‍.

ಯೋಹಾನ 7:28

ಯೇಸು ಮಂದಿರ್‌ಮ ಬೋಲಿ ದೇವ್ ಕರ್ತೊಥೊ. ತದೆ ಯೊ ಊಚಿ ಆವಾಜ಼್‌ಥಿ ಬೋಲ್ಯೊ, “ಯೊ ಕಿಜ್ಜಾಥೊ ಆಯೊಕರಿ ತುಮೂನ ಮಾಲುಮ್‍ಕಿಶು, ಮಾರಿ‍ಶೊಂತ್ ಅದಿಕಾರ್‌ಥಿ ಕೊ ಆಯೋನಿ ಮನ ಮೋಕ್ಲಿರಾಖ್ಯೊತೆ ಖ್ಹಾಚ ಏಕ್‍ಜ಼ಣಾನ ಖ್ಹಣೇದ್ ಕೊ ಧರಾನಿ.”

1 ಕೊರಿಂಥ 10:21

ತುಮೆ ಪ್ರಭುನ ಕಟೋರಮಾಬಿ ಭೂತ್ ಅಖ್ಖಾನ ಕಟೋರಮಾಬಿ ಪೀಶುಕೊಯ್ನಿ. ತುಮೆ ಪ್ರಭುನಿ ಪಂತಿಮಾಬಿ ಶೈತಾನ್ನ ಅಖ್ಖಾನಿ ಪಂತಿಮಾಬಿ ಖಾಣುಖಾವಾಳ ಹುಯಿರ‍್ಹಿಶುಕೊಯ್ನಿ.

1 ಕೊರಿಂಥ 10:4

ಶನಕತೊ ಎಕ್ಕಸ್ ಆತ್ಮೀಕ ಪಾನ್ಕ ಪೀದು. ಇವ್ಣೆ ಇವ್ಣಿಜೋ಼ಡ್ಮ ಆಯುತೆ ಆತ್ಮೀಕ ಬಂಡಾಮಾಥು ವ್ಹಯೂತೆ ಇನ ಪೀದು. ಯೋ ಬಂಡೋಸ್ ಕ್ರಿಸ್ತಹುಯಿರ‍್ಹೋಥೊ.

1 ಕೊರಿಂಥ 11:25

ಯೋಸ್ ಪರಕ್ಮ ಖಾಣು ಹುವಾದಿನ್ ಇನೆ ಕಟೋರಿನ ಪಾಡೀನ್ ಬೋಲ್ತೊಹುಯಿನ್, “ಆ ಕಟೋರಿ ಮಾರ ಲ್ಹೋಯಿಥಿ ಮುದ್ರೊ ನಖೈರ‍್ಹೂತೆ ನವು ಒಪ್ಪಂದ ಹುಯಿರುಸ್. ತುಮೆ ಅನಾಮ ಪೀಯಾನಿ ಖ್ಹಾರಿ ವಖ್ಹ್‌ತೆ ಮನ ಯಾದ್ ಕರಿಲ್ಯಾವಾನಖ್ಹಾಜೆ ಪೀಯೊ” ಕರಿ ಬೋಲ್ಯೊ.

1 ಕೊರಿಂಥ 12:13

ಅಮ್ಮಸ್ ಯೆಹೂದ್ಯರ್ ರ‍್ಹವೊ,ಯೆಹೂದ್ಯಕಾಹೇತೆ ರ‍್ಹವೊ ಗುಲಾಮ್ ರ‍್ಹವೊ ಛುಟ್ಕಾರ್ ರ‍್ಹವಾಳು ರ‍್ಹವೊ ಅಪ್ಣೆಖ್ಹಾರು ಎಕ್ಕಸ್‍ಜ಼ಣೊ ಆತ್ಮಥಿ ಎಕ್ಕಸ್ ಶರೀರ್‌ನ ಮಹಿ ಬ್ಯಾಪ್ತಿಸ್ಮ ಲೀಲಿದ. ಅಪ್ಣಖ್ಹಾರಾನ ಎಕ್ಕಸ್‍ಜ಼ಣೊ ಪವಿತ್ರಾತ್ಮನ ಪಿಯಾನ ದೆವಾಯು.

ಎಫೆಸ 5:18

ದ್ರಾಕ್ಷಿನೊರಖ್ಹ್ ಪೀನ್ ಕಯೇಪ್ ನಕೊ ಛ಼ಡೈಲೆವೊ. ಇನೇಥಿ ಪಾಪ್ ಕರಾನ ಝ಼ಗೊ ಮಳಾಸ್, ಕತೋಬಿ ಪವಿತ್ರಾತ್ಮಥಿ ಭರೈನ್,

ಪ್ರಕಾಶಿತ್ 21:6

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ಅಖ್ಖೂಸ್ ಕರಿಹುಯ್ಗು; ಮೇಸ್ ಪಹಿಲೋಬಿ, ಖ್ಹರ್ತಿಬಿ, ಶುರುವಾತ್‍ಬಿ, ಖತಮ್‌ಬಿ ಹುಯಿರ‍್ಹೋಸ್. ತರ್ಖ್ಹವಾಳನ ಜಾನ್ನು ಪಾಣಿನೊ ಚೇಜ಼್‌ಭಾರನ ಮೋಲ್‌ಕೊಂತೆ ಫುಗಟ್‍ಥಿ ಪಿಯಾನ ದಿಶ್.

ಪ್ರಕಾಶಿತ್ 22:1

ಅನಕೇಡೆಥು ದೇವ್ನದೂತನೆ ಫಟಕ್‌ಡಿನಿಘೋಣಿ ಉಜಾ಼ಖ್ಹ್‌ ದ್ಯವಾನು ಜಾನ್ನು ಪಾಣಿನ ನದ್ದೀನ ಮನ ವತಾಳ್ಯೊ. ಯೊ ನದ್ದಿ ದೇವ್ ಬಿಜು಼ ಮೇಂಢಾನ ಚೆಲ್ಕಾನು ಸಿಂಹಾಸನ್‌ಕಂಥು ಉಬ್ಜಿನ್,

ಪ್ರಕಾಶಿತ್ 22:17

ಆತ್ಮ ಅಜು಼ ವ್ಯತುಲ್ಡೀಬಿ, ಆವ್ಣುಕರಿ ಬೋಲ್‌ಶೆ. ಖ್ಹಮ್‌ಜಾ಼ವಾಳೊ, ಆವ್‌ಕರಿ ಬೋಲಾದೆ. ಠೋಖ್ಹ್‌ ರ‍್ಹವಾಳೊ ಆವಾದೆ, ಆಖ್ಹ್ ರ‍್ಹವಾಳೊ ಜಾನ್ನಪಾಣಿನ ಮೋಲ್‌ಕೊಂತೆ ಫುಗಟ್‍ಥಿ ಲಿಲ್ಯಾವದೆ.