ಯೋಹಾನ 7:32 - ದೇವ್ನಿ ಖ್ಹಾಚಿ ವಚನ್

³² ಯೊ ಅದ್ಮಿನು ಝೂ಼ಂಡ್‌ ಯೇಸುನಿ ಬಾರೇಮ ಮಹಿ-ಮಹಿಸ್ ಬೋಲಾತೆ ವಾತೇನ ಫರಿಸಾಯರ್‌ವಾಳು ಅಜು಼ ಮಹಾಯಾಜಕರ್‌ ಖ್ಹಮ್‌ಜ್ಯು, ಅಜು಼ ಯೇಸುನ ಧರಾನಖ್ಹಾಜೆ ಮಂದಿರ್‌ನು ಕಾವ್ಲಿ ಕರಾವಾಳನ ಮೋಕ್‍ಲ್ಯು.

ಯೋಹಾನ 7:32 ပူးပေါင်းရင်းမြစ်များ

ಮತ್ತಾಯ 12:14

ತದೆ ಫರಿಸಾಯರ್ ಖ್ಹಾರು ಭಾರ್‌ಜೈ಼ನ್‌, ಯೇಸುನ ಖೆವಿ ತರೀಕಾಥಿ ಮಾರಿಯೆ ಕರಿ ಸೋಚ್ಯು.

ಮತ್ತಾಯ 23:13

“ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ಅದ್ಮಿಖ್ಹಾರು ಸೊರ್ಗಾನು ರಾಜ್ಯಮ ಜಾ಼ವಾನು ಬಾಕಲ್‌ನ ತುಮೆ ಖ್ಹಾಮ್ಣೆ ಮೂಚಿನಾಖೋಸ್, ತುಮೇಬಿ ಮಹಿ ಕೋಜಾ಼ಯ್ನಿ ಅಜು಼ ಮಹಿ ಜಾ಼ವ್ಣುಕರಿ ಕರಾವಾಳಾನಾಬಿ ಕೋ ಮ್ಹೇಲೋನಿ.

ಮತ್ತಾಯ 26:58

ಪೇತ್ರ ದೂರ್‌ಥೋಸ್ ಯೇಸುನ ಪೀಠೆ-ಪೀಠೆ ಜಾ಼ತೊಹುಯಿನ್, ಮಹಾಯಾಜಕ್‌ನ ಘರ್‌ನ ಖ್ಹಾಮ್ಣೆನು ಬಲ್ಡತೋಡಿ ಆಯಿನ್, ಮಹಿ ಧಕೆಲ್‌ತೊ ಅಯಿನ್, ಇನಿ ಹಾಲ್ ಶಾತ್‌ ಉಷೆಕರಿ ದೇಕ್ಣು ಕರಿ, ಕಾವ್ಲಿನ ಶಿಪಾಯಿನ ಜೋ಼ಡೆ ಜೈ಼ನ್, ಬೇಶಿಗಯೊ.

ಯೋಹಾನ 11:46

ಕತೋಬಿ ಇವ್ಣಾಮ ಥೋಡಾನೆ ಫರಿಸಾಯರ್‌ಕನ ಜೈ಼ನ್‌, ಯೇಸುನೆ ಕರ‍್ಯೊತೆ ಇನಿ ಬಾರೇಮ ಇವ್ಣುನ ಬೋಲ್ಯು.

ಯೋಹಾನ 12:19

ತದೆ ಫರಿಸಾಯರ್‌ವಾಳು ಏಕ್‌ಥಿ-ಏಕ್‌, “ಹಂದೇಖೊ, ಅಪ್ಣೊ ಹಾತ್‌ ಶಾತ್ಬಿ ಕರಾನ ಕೋ ಹೂಕರಾನಿ! ಆ ಜಗತ್‌ನು ಖ್ಹಾರು ಅದ್ಮಿ ಇನ ಪೀಠೆ ಒಳ್ಯುಜಾ಼ಸ್!” ಕರಿ ಬೋಲಿಲಿದು.

ಯೋಹಾನ 18:3

ತದೆ ಯೂದನೆ ಶಿಪಾಯ್ನಿ ಏಕ್‌ ಝೂ಼ಂಡ್‌ನ, ಮಹಾಯಾಜಕರ್‌ ಅಜು಼ ಫರಿಸಾಯರ್‌ನೆ ಮೋಕ್‌ಲ್ಯುತೆ ಮಂದಿರ್‌ನು ಥೋಡ ಕಾವ್ಲಿ ಕರಾವಾಳಾನ ಜೋ಼ಡ್ಮ ಬುಲೈಲಿನ್ ಆಗ್ನು ಢಿಟಂಬು ಅಜು಼ ಕಫ್ಫನ್‌ಅಖ್ಖು ಧರಿಲೀನ್, ಬಾಗ್‌ನ ಮಹಿ ಆಯೊ.

ಯೋಹಾನ 7:30

ತದೆ ಇವ್ಣೆ ಇನ ಧರ್‌ನು ಕರಿ ಕರ‍್ಯು, ಕತೋಬಿ ಯೋ ವಖ್ಹತ್ ಬಿಜೂ಼ಬಿ ಕೋಆಯಿಂಥಿತೆ ಇನಖ್ಹಾಜೆ, ಕೋಣ್‌ಬಿ ಇನಾಪರ್‌ ಹಾತ್‌ ಕೋ ನಾಖ್ಯುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:26

ತದೆ ಅದಿಕಾರಿ ಟಪಾಲ್‌ನ ಅದ್ಮಿನ ಜೋ಼ಡೆ ಜೈ಼ನ್ ಅಪೊಸ್ತಲರ‍್ನ ಪಾಛು಼ ಬುಲೈಲಾಯೊ. ಕತೋಬಿ ಶಿಪಾಯಿಖ್ಹಾರು ಇವ್ಣುನ ಜು಼ಲಮ್‌ ಕರ‍್ಯುಕೊಯ್ನಿ. ಶನಕತೊ ಅದ್ಮಿಖ್ಹಾರು ಹಮೂನ ಇರಾದೇಥಿ ಬಂಡೊ ಫೇಕಿನ್ ಮಾರಿನಾಕ್‌ಶೆ ಕರಿ ಡರಿಗಯು.