ಯೋಹಾನ 7:23 - ದೇವ್ನಿ ಖ್ಹಾಚಿ ವಚನ್

²³ ಮೋಶೇನು ಧರ್ಮಶಾಸ್ತ್ರ ತೋಡ್ನು ನಾ ಕರಿ ಏಕ್‍ಜ಼ಣೊ ಸಬ್ಬತ್‌ನ ದನ್ಮ ಖ್ಹತ್ನ ಕರೈಲ್ಯವಾನು ರ‍್ಹಿಯುತೊ, ಮೇ ಸಬ್ಬತ್‌ ದನ್ಮ ಏಕ್‌ ಅದ್ಮಿನ ಗುಣ್ ಕರೀನ್ಅಛ್ಛು಼ ಕರ್ತಾನ, ಮಾರಪರ್ ಶನ ಇರಾದೊ ಕರೋಸ್?

ಯೋಹಾನ 7:23 ပူးပေါင်းရင်းမြစ်များ

ಮತ್ತಾಯ 12:10

ಹಿಜ್ಜಾ಼ ಹಾತ್‌ ಝೂ಼ಟೊ ಪಡಿಹುಯು ಏಕ್‌ ಅದ್ಮಿಥು. ತದೆ ಥೋಡು ಜ಼ಣು ಯೇಸುಪರ್‌ ಗಲ್ತಿ ಲಗಾಡ್‌ಣು ಕರಿ, ಇವ್ಣೆ ಇನ, “ಸಬ್ಬತ್‌ ದನ್ಮ ಅಛ್ಛು಼ ಕರಾನು ಅಪ್ಣ ಧರ್ಮಶಾಸ್ತ್ರಮ ಬರೋಬರ್‌ಕಿ ಶು?” ಕರಿ ಪುಛಾ಼ಯು.

ಮತ್ತಾಯ 12:2

ಅನದೇಖಿನ್‌ ಫರಿಸಾಯರ್‌ನೆ ಯೇಸುನ, “ಹಂದೇಕ್‌, ತಾರು ಶಿಷ್ಯರ್‌ ಧರ್ಮಶಾಸ್ತ್ರನು ವಿರೋದ್ ಸಬ್ಬತ್‌ ದನ್ಮ ಕರ್ನುನಾತೆ ಕಾಮ್ನ ಕರುಕರಸ್” ಕರಿ ಬೋಲ್ಯು.

ಮತ್ತಾಯ 12:5

ಅತ್ರೇಸ್ ಕಾಹೆತೆ, ಸಬ್ಬತ್‌ ದನ್ಮ ಯಾಜಕರ್‌ ಮಂದಿರ್‌ಮ ಸಬ್ಬತ್‌ ದನ್ನ ಮೈಲಾಪ್‍ ಕರ‍್ಯುತೋಬಿ ಇವ್ಣೆ ಅಪರಾದ್‌ಕೊಂತೆ ರ‍್ಹೇಸ್. ಇನತುಮೆ ಮೋಶೆನ ಧರ್ಮಶಾಸ್ತ್ರಮ ಪಢ್ಯಕೊಯ್ನಿಕಿ ಶು?

ಯೋಹಾನ 5:10

ಇನಖ್ಹಾಜೆ ಯೆಹೂದ್ಯರ್‌ನ ಅದಿಕಾರಿ ಯೋ ಅಛ್ಛು಼ ಹುಯೂತೆ ಅದ್ಮಿನ, “ಆಜ಼್ ಸಬ್ಬತ್‌ ದನ್, ಹುಯಿರುತೆ ಇನಾಖ್ಹಾಜೆ ಬಿಛಾ಼ವ್ಣಿನ ಪಾಡಾನು ಹಮಾರಿ ಖಾನುಲ್‌ನು ವಿರೋದ್ ಹುಯಿರ‍್ಹುಸ್‍” ಕರಿ ಬೋಲ್ಯೊ.

ಯೋಹಾನ 7:21

ಯೇಸುನೆ ಇವ್ಣುನ, “ಮೇ ಏಕ್‌ ಅದ್ಭುತ್ ಕಾಮ್ನ ಕರ‍್ಯೊ, ಇನ ದೇಖಿನ್‌ ತುಮೆಖ್ಹಾರು ಆಶ್ಚರ್ಯ ಹುಯಾಥ.

ಯೋಹಾನ 9:16

ಫರಿಸಾಯರ್‌ಮ ಥೋಡಾನೆ, “ಆ ಅದ್ಮಿ ದೇವ್‍ಥಿ ಆಯೊಹುಯೊ ಕಾಹೆ, ಶನಕತೊ ಅನೆ ಸಬ್ಬತ್‌ದನ್ನು ಪಾಲನ್‍ ಕೊ ಕರಾನಿ” ಕರಿ ಬೋಲ್ಯು. ಬಿಜು಼ ಥೋಡಾನೆ, “ಖಿವು ಪಾಪಿ ಅಮ್ನಿ ಅದ್ಭುತ್ ಕಾಮ್‌ಖ್ಹಾರು ಕರಾಸ್?” ಕರಿ ಬೋಲ್ಯು. ಅಮ್ ಇವ್ಣ-ಇವ್ಣಾಸ್‍ಮ ಬೇ ಭಾಗ್‌ ಹುಯಿಗಯು.