ಯೋಹಾನ 7:12 - ದೇವ್ನಿ ಖ್ಹಾಚಿ ವಚನ್

¹² ಅಜು಼ ಅದ್ಮಿನಿ ಝೂ಼ಂಡೇಮ ಯೇಸುನಿ ಬಾರೇಮ ಮಹಿ-ಮಹಿಸ್ ಗುಣ್‍ಗುಣೈನ್ ಬೋಲುಕರ್ತೂಥು. ಥೋಡು ಜ಼ಣು, “ಯೋ ಅಛ್ಛೊ಼” ಕರಿ ಬೋಲ್ಯು. ಅಜು಼ ಥೋಡು ಜ಼ಣು, “ಕೊಯ್ನಿ, ಯೋ ಅದ್ಮಿನ ಮಂಕ್ ಕರುಕರಸ್” ಕರಿ ಬೋಲ್ಯು.

ಯೋಹಾನ 7:12 ပူးပေါင်းရင်းမြစ်များ

ಮತ್ತಾಯ 10:25

ಶಿಷ್ಯ ಇನ ಗುರುನಿಮತ್‌ ಬಣ್ಯೋತೊ ಬಶ್‌, ಅಜು಼ ಆಳ್‌ ಇನ ಯಜಮಾನ್ನಿ ಮತ್‍ ಬಣ್ಯೋತೊ ಬಶ್‌. ಘರ್‌ನೊ ಯಜಮಾನ್ನಸ್‌, ಬೆಲ್ಜೆಬೂಲ್ ಕರಿ ಇವ್ಣೆ ಚಿಕ್‌ರ‍್ಯುತೊ, ಯೋ ಘರ್‌ನ ಬಿಜಾ಼ಖ್ಹಾರ ಅದ್ಮಿನ ಅಜು಼ಕೆತ್ರೆ ಖರಾಬ್ ನಾಮ್‍ಥಿ ಚಿಕರ್‌ಶೆ ಕೊಯ್ನಿಕಿಶು?

ಮತ್ತಾಯ 21:46

ಇನ ಧರ್‌ನು ಕರಿ ಕರ‍್ಯು. ಕತೋಬಿ ಅದ್ಮಿಖ್ಹಾರು ಯೇಸುನ ಪ್ರವಾದಿ ಕರಿ ಮಾನಿರಾಖ್ಯುಥೂತೆ ಇನಖ್ಹಾಜೆ ಅದ್ಮಿಥಿ ಡರಿಗಯು.

ಮತ್ತಾಯ 27:63

“ಯಜಮಾನ್, ಯೊ ಝು಼ಟೆಲೊ ಜವ್ತೊಥೋತೆ ತದೆ, ‘ತೀನ್ ದನ್ ಬಾದ್‌ಮ ಮೆ ಪಾಛೊ಼ ಜಿವ್ತೊ ಹುಯಿನ್ ಉಠಿ ಐಶ್‌’ ಕರಿ ಬೋಲ್ಯೊತೆ ವಾತೆ ಹಮಾರ ಯಾದ್ಮ ಛಾ಼,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:19

ತದೆ ಯೇಸುನೆ ಇನ, “ಮನ ಅಛ್ಛೊ಼ ಕರಿ ಶನ ಬೋಲಾಸ್ತೆ? ದೇವ್ ಎಕ್ಕಸ್ ಜ಼ಣೊ ಅಛ್ಛೊ಼ ಪಣ್ಕಿ ಬಿಜು಼ ಕೋಣ್‌ಬಿ ಅಛ್ಛು಼ ಕಾಹೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:47

ತದೆ ಖ್ಹೋಶಿಪಾಯಿನೊ ಮೋಟಾನೆ ಚಾ಼ಲ್ಯುತೆ ಇನ ದೇಖಿನ್‌, “ಖ್ಹಾಚಮಾಬಿ ಆ ಅದ್ಮಿ ನೀತಿವಾಳೊಸ್‌ ಹುಯಿರ‍್ಹೋಥೊ!” ಕರಿ ದೇವ್ನ ಖ್ಹರಾಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:50

ಯುದಾಯ ತಬರ್‌ಖಾನು, ಅರಿಮಥಾಯ ಕರಿ ಗಾಮ್ಮ ಯೋಸೇಫ ಕರಿ ಏಕ್ಜ಼ಣೊ ಥೊ. ಯೋ ಏಕ್‌ ಅಛ್ಛು಼ ಅಜು಼ ನೀತಿವಾಳೊ ಅದ್ಮಿ ಹುಯಿರ‍್ಹುಥೊ, ದೇವ್ನಿ ರಾಜ್ಯ ಕದೆ ಆವ್‍ಶೆಕರಿ ಬೋಲಿನ್ ಟಿವವ್‍ಕರ್ತೊಥೊ. ಶಾಣಾವ್‍ನಿ ಸಭೆಮಾನು ಅದ್ಮಿಮ ಆಬಿ ಏಕ್‌ ಜ಼ಣೊ ಹುಯಿರ‍್ಹೋಥೊ, ಕತೋಬಿ ಯೆಹೂದ್ಯರ್‌ನು ಶಾಣುಖ್ಹಾರು ಯೇಸುನ ಮಾರ‍್ನು ಕರಿ ಕರ‍್ಯುತೆ ಇನ, ಅನೆ ಮಾನ್ಯೊಥೊ ಕೊಯ್ನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:45

ಅಛ್ಛು಼ ಅದ್ಮಿ ಇನ ಮನ್‌ಮ ಜ಼ಮಕರಿರಾಖ್ಯೂತೆ ಅಛ್ಛಿ ಕಣ್ಗಿಮಾಥು ಅಛ್ಛಾ಼ನ ಭಾರ್‌ ಕಾಡಸ್‌; ಕತೋಬಿ ಖರಾಬ್ ಅದ್ಮಿ ಇನ ಮನ್‌ಮ ಜ಼ಮಕರಿರಾಖ್ಯೂತೆ ಖರಾಬ್ ಕಣ್ಗಿಮಾಥು ಖರಾಬ್‌ನ ಭಾರ್ ಕಾಡಸ್‌. ಮನ್‌ಮ ಶಾತ್‌ ಛಾ಼ಕಿ ಯೋಸ್‌ ಮ್ಹೋಡವಾಟೆ ನಿಕ್ಳಸ್‌.‌

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:16

ಅನ ದೇಖಿನ್, ಹಿಜ್ಜಾ಼ ಥೂತೆ ತಮಾಮ್‌ ಅದ್ಮಿ ಡರಿನ್, ದೇವ್ನ ಸ್ತುತಿ ಕರ್ತುಹುಯಿನ್, “ಏಕ್‌ ಮಹಾನ್ ಪ್ರವಾದಿ ಅಪ್ಣಕನ ಐರ‍್ಹೋಸ್! ದೇವ್ ಇನ ಅದ್ಮಿನ ಬಚಾ಼ಡಾನ ಐರ‍್ಹೋಸ್” ಕರಿ ಬೋಲ್ಯು.

ಯೋಹಾನ 6:14

ಯೇಸುನೆ ಕರ‍್ಯೊತೆ ಆ ಅದ್ಭುತ್ ದೇಖ್ಯೂತೆ ತದೆ ಅದ್ಮಿಖ್ಹಾರು ಅಮ್ ಬೋಲ್ಯು, “ಖ್ಹಾಚ಼ಮಾಬಿ ಜಗತ್‌ಮ ಆವ್ಣುತೆ ಪ್ರವಾದಿ ಆಸ್ ಹುಯಿರೊಸ್” ಕರಿ ಬೋಲ್ಯು.

ಯೋಹಾನ 7:32

ಯೊ ಅದ್ಮಿನು ಝೂ಼ಂಡ್‌ ಯೇಸುನಿ ಬಾರೇಮ ಮಹಿ-ಮಹಿಸ್ ಬೋಲಾತೆ ವಾತೇನ ಫರಿಸಾಯರ್‌ವಾಳು ಅಜು಼ ಮಹಾಯಾಜಕರ್‌ ಖ್ಹಮ್‌ಜ್ಯು, ಅಜು಼ ಯೇಸುನ ಧರಾನಖ್ಹಾಜೆ ಮಂದಿರ್‌ನು ಕಾವ್ಲಿ ಕರಾವಾಳನ ಮೋಕ್‍ಲ್ಯು.

ಯೋಹಾನ 7:47

ಅನ ಖ್ಹಮ್‌ಜಿನ್‌ ಫರಿಸಾಯರ್‌ವಾಳು, “ಇಮ್‍ಕತೊ, ಇನೆ ತುಮೂನಾಬಿ ಠಗೈನಾಖ್ಯೊಕಿ ಶು?” ಕರಿ ಪುಛಾ಼ಯು

ಯೋಹಾನ 7:52

ಇನ ಇವ್ಣೆ, “ತೂಬಿ ಗಲಿಲಾಯವಾಳೊಕಿ ಶು? ಧರ್ಮಶಾಸ್ತ್ರನ ಅಛ್ಛಿನಿತರ ಪಢೀನ್‌ ಶಿಕಿಲೆ. ಗಲಿಲಾಯಥು ಖೆವೂ ಪ್ರವಾದೀಬಿ ಆವ್‌ಶೆ ಕೊಯ್ನಿ ಕರಿ ತದೆ ತುನ ಮಾಲುಮ್‌ ಪಡ್‌ಶೆ” ಕರಿ ಬೋಲ್ಯು.

ಯೋಹಾನ 9:16

ಫರಿಸಾಯರ್‌ಮ ಥೋಡಾನೆ, “ಆ ಅದ್ಮಿ ದೇವ್‍ಥಿ ಆಯೊಹುಯೊ ಕಾಹೆ, ಶನಕತೊ ಅನೆ ಸಬ್ಬತ್‌ದನ್ನು ಪಾಲನ್‍ ಕೊ ಕರಾನಿ” ಕರಿ ಬೋಲ್ಯು. ಬಿಜು಼ ಥೋಡಾನೆ, “ಖಿವು ಪಾಪಿ ಅಮ್ನಿ ಅದ್ಭುತ್ ಕಾಮ್‌ಖ್ಹಾರು ಕರಾಸ್?” ಕರಿ ಬೋಲ್ಯು. ಅಮ್ ಇವ್ಣ-ಇವ್ಣಾಸ್‍ಮ ಬೇ ಭಾಗ್‌ ಹುಯಿಗಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:24

ಬಾರ್ನಬ ಯೋ ಏಕ್‌ ಅಛ್ಛೊ಼ಅದ್ಮಿ ಹುಯಿರೋಥೊ. ಯೊ ಪವಿತ್ರಾತ್ಮಥಿ ಭರಾಯೊಹುಯೊ ಪೂರ ವಿಶ್ವಾಸ್ಮ ಥೊ ಅಜು಼ ಘಣ ಅದ್ಮಿನ ಪ್ರಭುಭಣಿ ಬುಲೈಲಾಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:7

ಏಕ್‍ ನೀತಿವಾಳನಖ್ಹಾಜೆ ಜಾನ್‍ದ್ಯವಾನು ಘಣು ಮುಶ್ಕಿಲ್. ಅಛ಼್ಛೊ ಏಕ್‍ಜ಼ಣಾನಖ್ಹಾಜೆ ಜಾನ್‍ದ್ಯವಾನು ಹಿಮ್ಮತ್‍ ಕರ‍್ಯುತೋಬಿ ಕರೆಜಾ಼ಯ್.

ಫಿಲಿಪ್ಪಿ 2:14

ಭಣಕ್ಣುನಾತೇಬಿ, ಆಡಫೇಡ್ ನಾ ಬೋಲ್ನುತೆ ಖ್ಹಾರು ಕರೊ.