ಯೋಹಾನ 7:1 - ದೇವ್ನಿ ಖ್ಹಾಚಿ ವಚನ್

¹ ಆ ಖ್ಹಾರು ಹುವಾನ ಬಾದ್‌ಮ, ಯೇಸು ಗಲಿಲಾಯಮ ಫರುಕರ್ತೊಥೊ; ಯೆಹೂದ್ಯವಾಳು ಇನ ಮಾರಿನಾಖಾನ ಟಿವವ್‍ಕರ್ತೂಥು ಇನಖ್ಹಾಜೆ, ಯೂದಾಯಮ ಫರಾನ ಇನ ಮನ್ ಕೋ ಥೂನಿ.

ಯೋಹಾನ 7:1 ပူးပေါင်းရင်းမြစ်များ

ಮತ್ತಾಯ 10:23

ಏಕ್‌ ಗಾಮ್ಮ ತುಮೂನ ಖ್ಹತಾಯೂತೊ, ಬಿಜ್ಜೇಕ್‌ ಗಾಮ್‌ನ ಮಿಲೈ ಜಾ಼ವೊ, ಅದ್ಮಿನೊ ಛಿಯ್ಯೊ ಆವಾನಮಹಿ ತುಮೆ ಇಸ್ರಾಯೇಲ್‌ ಅದ್ಮಿನು ಖ್ಹಾರಸ್ ಗಾಮ್ಮ ಫರೀನ್, ತುಮಾರು ಕಾಮ್ ಖತಮ್ ಕೊಕರಿರಾಕ್‌ಶುನಿ ಕರಿ ಮೇ ತುಮೂನ ಖ್ಹಾಚಾಮಬಿ ಬೋಲುಸ್.

ಮತ್ತಾಯ 21:38

ಕತೋಬಿ ಯೋ ವಾರ್‌ನ ಕರಿರಾಖವಾಳು ಖ್ಹಾರು ಇನ ಛಿಯ್ಯಾನ ದೇಖಿನ್, ‘ಆಸ್ ಮಾಲಿಕ್‌ನೊ ಛಿಯ್ಯೊ, ಆವೊ, ಅನ ಮಾರಿನಾಖಿದಿಯ್ಯೆ, ತದೆ ಇನು ಶೊತ್ ಅಪ್ಣು ಹುಯಿಜಾ಼ಶೆ’ ಕರಿ ಇವ್ಣ-ಇವ್ಣಾಮ ವಾತೆ ಬೋಲಿಲೀನ್,

ಮಾರ್ಕ 11:18

ಅನ ಖ್ಹಮ್‌ಜಿನ್‌ ಗಲ್‌ಢಯಾಜಕರ್‌ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ಼ ಯೇಸುನ ಕೆವ್ಹಿ ಭಾಮ್‌ಥಿ ಮಾರೇಜಾ಼ಯ್‌ ಕರಿ ಸೋಚಾಲಗ್ಯು. ಕತೋಬಿ ಅದ್ಮಿಖ್ಹಾರು ಯೇಸುನಿ ವಾತೆನ ಖ್ಹಮ್‌ಜಿನ್‌ ಘಣು ಅಶ್ಚರ್ಯ ಹುಯುತೆ ಇನಾಖ್ಹಾಜೆ, ಇವ್ಣೆ ಯೇಸುನ ದೇಖಿನ್‌ ಡರಿನ್ ಥು.

ಯೋಹಾನ 1:19

ಯೆರೂಸಲೇಮ್‌ನು ಯೆಹೂದ್ಯರ್‌ನ ಅದಿಕಾರಿಯೋನೆ ಯಾಜಕರ್‌ ಅಜು಼ ಲೇವಿವಾಳಾನ ಯೋಹಾನಕನ ಮೋಕ್ಲಿನ್, “ತೂ ಕೋಣ್?” ಕರಿ ಪುಛಾ಼ವನಟೇಕೆ ಮೋಕ್‍ಲ್ಯು.

ಯೋಹಾನ 4:3

ಅದ್ಮಿಖ್ಹಾರು ಬೋಲಾನು ಯೇಸುನೆ ಖ್ಹಮ್‍ಜ್ಯೊತೆ ತದೆ ಯೂದಾಯ ತಬರ್‌ಖಾನ ಮ್ಹೆಂದಿನ್, ಪಾಛು಼ ಗಲಿಲಾಯನ ಚ಼ಲೆಗಯೊ.

ಯೋಹಾನ 4:54

ಯೇಸು ಯೂದಾಯಥು ಗಲಿಲಾಯ ಆವಾನ ಬಾದ್‌ಮ, ಕರ‍್ಯೊತೆ ಬೇನು ಅದ್ಭುತ್ ಕಾಮ್ ಆ.

ಯೋಹಾನ 6:1

ಅನ ಬಾದ್‌ಮ ಯೇಸು ಗಲಿಲಾಯ ದರ‍್ಯಾವ್ನು ಪಾರ್ಲಿ ಬಾಜೂ಼ಮ ಚ಼ಲೆಗಯೊ ಇನ ತಿಬೇರಿಯಾನು ದರ‍್ಯಾವ್ ಕರೀಬಿ ಬೋಲಾಸ್.

ಯೋಹಾನ 7:11

ಪೂಜಾ಼ಮ ಯೆಹೂದ್ಯರ್‌ನ ಅದಿಕಾರಿ, “ಯೇಸು ಕಿಜ್ಗಾ಼ ಛಾ಼?” ಕರಿ ಪುಛಾ಼ವ್ತುಹುಯಿನ್‌, ಇನ ಢೂಂಡುಕರ್ತುಥು.

ಯೋಹಾನ 7:13

ಕತೋಬಿ ಕೋಣ್‌ಬಿ ಇನಿ ಬಾರೇಮ ಭಾಲ್‌ಥಿ ವಾತೆ ಕೋ ಬೋಲ್ಯೂನಿ.ಶನಕತೊ ಯೆಹೂದ್ಯರ್‌ನ ಅದಿಕಾರಿಥಿ ಡರುಕರ್ತುಥು.

ಯೋಹಾನ 7:19

ಮೋಶೆನೆ ತುಮೂನ ಧರ್ಮಶಾಸ್ತ್ರ ದಿದೊ ಕೊಯ್ನಿಕಿಶು? ಕತೋಬಿ ತುಮಾರಮ ಕೋಣ್‌ಬಿ ಯೊ ಹುಕುಮ್ ಪಾಡಿನ್ ಚಾ಼ಲಕೊಯ್ನಿ. ತುಮೆ ಶನ ಮನ ಮರ್‌ನಾಕ್ಣು ಕರಿ ಕೋಶಿಶ್ ಕರಾಸ್?” ಕರಿ ಬೋಲ್ಯೊ.

ಯೋಹಾನ 7:25

ಯೆರೂಸಲೇಮ್‌ನು ಥೋಡುಜ಼ಣು ಅಮ್ ಬೋಲ್ಯು, “ಯೊ ಅದಿಕಾರಿಖ್ಹಾರು ಇವ್ಣೆ ಮಾರಿನಾಕ್ಣು ಕರಿ ಛಾ಼ತೆ ಆಸ್ ಕಾಹೆಕಿಶು?

ಯೋಹಾನ 7:35

ತದೆ ಯೆಹೂದ್ಯರ‍್ನು ಅದಿಕಾರಿಖ್ಹಾರು ಇವ್ಣ ಇವ್ಣಮಾಸ್ ವಾತೆ ಕರಿಲಿದು, “ಅಪ್ಣುನ ಮಳ್ಣುನಾತೆ ಆ ಕಿಜ್ಗಾ಼ ಜಾ಼ವ್ಣುಕರಿ ಛಾ಼? ಯೊ ಕಿಜ್ಜಾ಼ತೋಬಿ ಜಾ಼ವ್ಣುಕಿಶುಕಿ? ಕಿಜ಼್ಜ, ಮಾರು ಅದ್ಮಿ ಗ್ರೀಕ್ ಖ್ಹಯೇರ್‌ಮ ಜಿವ್ಣು ಕರುಕರಸ್, ಹೈರುತೆ ಗ್ರೀಕ್‌ವಳಾನ ಶಿಕಾಡ್‍ದಿಶೆಕಿ ಶು?

ಯೋಹಾನ 8:37

ತುಮೆ ಅಬ್ರಹಾಮ್‌ನಿ ಪಿಳ್ಗಿವಾಳ ಕರಿ ಮನ ಮಾಲುಮ್‌. ತೋಬಿ ತುಮೆ ಮನ ಮರ್‌ನಾಕ್ಣು ಕರಿ ಕೋಶಿಶ್ ಕರೋಸ್, ಶನಕತೊ ಮಾರಿ ವಾತೇನ ತುಮೆ ಮಾನ ಕೊಯ್ನಿ.

ಯೋಹಾನ 8:40

ಮೇ ದೇವ್‍ಥಿ ಖ್ಹಮ್‌ಜೋತೆ ಖ್ಹಾಚಿನ ತುಮುನ ಬೋಲಿವತಾಳ್ಯೋತೆ ಏಕ್ಜ಼ಣೊ ಮೆ ಹುಯಿರೊಸ್, ತೋಬಿ ತುಮೆ ಮನ ಮರ್‌ನಾಕ್ಣು ಕರಿ ದೇಖೊಸ್‍. ಅಬ್ರಹಾಮ್‌ನೆ ಅಮ್ ಶಾತ್ ಕೋ ಕರ‍್ಯೋನಿ!

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:38

ದೇವ್ನ ನಜ಼ರೇತ್‌ನ ಯೇಸುನಿ ಬಾರೇಮ ಮಾಲುಮ್. ಇನ ಪವಿತ್ರಾತ್ಮಥಿಬಿ ಶಕಥ್ಥಿ ಅಬಿಷೇಕ್ ಕರ‍್ಯೊ ಯೊ ಅಖ್ಖೀಸ್ ಬಾಜೂ಼ಮ ಫರ್ತೊಹುಯಿನ್ ಅದ್ಮಿಖ್ಹಾರನ ಅಛ್ಛು಼ ಕರ‍್ಯೊ. ಭೂತ್ ಧರಿರ‍್ಹಾವಳನಬಿ ಗುಣ್‌ಕರ‍್ಯೊ. ಶನಕತೊ ದೇವ್ ಇನಿ ಜೋ಼ಡ್ಮ ಛಾ಼ಕರಿ ಬೋಲಾನು ವತಾಳಿದಿದೊ.