ಯೋಹಾನ 6:70 - ದೇವ್ನಿ ಖ್ಹಾಚಿ ವಚನ್

⁷⁰ ತದೆ ಯೇಸುನೆ, “ತುಮುನ ಭಾರ ಜ಼ಣಾನ ಮೇ ಚೂ಼ಣಿನ್ ಕಾಡ್ಯೊಕೊಯ್ನಿಕಿ ಶು? ರ‍್ಹಯುತೋಬಿ ತುಮಾರಾಮ ಏಕ್‌ ಜ಼ಣೊ ಶೈತಾನ್ ಹುಯಿರ‍್ಹೋಸ್” ಕರಿ ಜವಾಬ್‌ ದಿದೊ.

ಯೋಹಾನ 6:70 ပူးပေါင်းရင်းမြစ်များ

ಯೋಹಾನ 13:18

“ಮೇ ತುಮಾರ ಖ್ಹಾರಾನಿ ಬಾರೇಮ ಕೋ ಬೋಲುಕರುನಿ: ಮೇ ಚೂ಼ಣಿರಾಖ್ಯೋಸ್ತೆ ಇವ್ಣಿ ಬಾರೇಮ ಮನ ಮಾಲುಮ್‌, ಕತೋಬಿ ‘ಮಾರ ಜೋ಼ಡೆ ಖಾಣು ಖಾವಳೋಸ್‌ ಮನ ಧೋಕ ದಿದೊ’ ಕರಿ ಧರ್ಮಶಾಸ್ತ್ರಮ ಛಾ಼ತೆ ವಾತೆ ಚಾ಼ಲ್ನು.

ಯೋಹಾನ 13:2

ಯೇಸು ಅಜು಼ ಇನ ಶಿಷ್ಯರ್‌ ಖಾಣನ ಬೆಠಾಥ. ಯೇಸುನ ದೋಕೇಥಿ ಧರಿದೇಣು ಕರಿ ಬೋಲಾನಿ ಸೋಚ್ನ, ಸೀಮೋನನೊ ಛಿಯ್ಯೊ ಇಸ್ಕರಿಯೋತ ಯೂದಾನ ಮನ್‌ಮ ಶೈತಾನ್ನೆ ಅಗಾಡಿಸ್ ಘಾಲಿದಿದೋಥೊ.

ಯೋಹಾನ 13:21

ಯೇಸು ಆ ಬೋಲಾನ ಬಾದ್‌ಮ, ಯೇಸುನ ಆತ್ಮಮ ಘಣು ದುಖ್ ಹುಯು, ಅಜು಼ ಇನೆ, “ಮೇ ತುಮೂನ ಖ್ಹಾಚ ಬೋಲುಸ್, ತುಮಾರಾಮ ಏಕ್‌ ಜ಼ಣೊ ಮನ ಧೋಕೇಥಿ ಧರಿದಿಶೆ” ಕರಿ ಸಾಕ್ಷಿ ಬೋಲ್ಯೊ.

ಯೋಹಾನ 13:27

ಯೂದಾನೆ ಯೋ ರೋಟಾನ ಲೇತಾಸ್‌ನ, ಶೈತಾನ್ ಇನಾಮಹಿ ಪೇಶಿಗಯೊ. ತದೆ ಯೇಸುನೆ ಇನ, “ತೂ ಕರಾನ ವಳ್ಯೊಜಾ಼ಸ್ತೆ ಕಾಮ್ನ ಒಗ್ಗಿಸ್‌ಮ ಕರ್‌!” ಕರಿ ಬೋಲ್ಯೊ.

ಯೋಹಾನ 15:16

ತುಮೆ ಮನ ಚೂ಼ಣಿನ್ ಕಾಡಿರಾಖ್ಯಕೊಯ್ನಿ; ಮೇ ತುಮೂನ ಚೂ಼ಣಿನ್ ಕಾಡಿರಾಖ್ಯೊಸ್, ತುಮೆ ಜೈ಼ನ್‌, ಪಂಡು ದೇವ್ಣುಕರಿ ಅಜು಼ ಯೋ ಪಂಡು ಕೆದೇಬಿ ದ್ಯವಾನು ಹುಯಿರ‍್ಹೇಣು ಕರಿ, ಮೇ ತುಮೂನ ನೇಮ್‌ಶೈರಾಖ್ಯೋಸ್‌. ಅನಖ್ಹಾಜೆಸ್ ಮಾರ ನಾಮ್‍ಥಿ ತುಮೆ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.

ಯೋಹಾನ 15:19

ತುಮೆ ಆ ಜಗತ್‌ವಾಳ ಹುಯಿರ‍್ಹಾಹೋತ್ತೊ, ಆ ಜಗತ್‌ವಾಳು ತುಮೆ ಇವ್ಣ ಭಣಿವಾಳ ಕರಿ ಪ್ಯಾರ್ ಕರ‍್ಯುಹೊತ್. ಕತೋಬಿ ತುಮೆ ಜಗತ್‌ ಭಣಿವಾಳ ಕಾಹೆತೆ ಇನಖ್ಹಾಜೆ, ಅಜು಼ ಮೇ ತುಮೂನ ಜಗತ್‌ಮಾಥು ಚೂ಼ಣಿನ್ ಕಾಡಿರಾಖ್ಯೋಸ್ತೆ ಇನಖ್ಹಾಜೆ, ಆ ಜಗತ್‌ ತುಮಾರಪರ್ ವಹೇರ್‌ ಕರಾಸ್.

ಯೋಹಾನ 17:12

ಮೇ ಅವ್ಣ ಜೋ಼ಡೆ ಥೋತೆ ತದೆ ತುನೆ ಮನ ದಿದೋತೆ, ತಾರ ನಾಮ್ನಿ ಶಕಥ್ಥಿ ಅವ್ಣುನ ಜ಼ತನ್ ರಾಖ್ಯೊ. ಧರ್ಮಶಾಸ್ತ್ರನಿ ವಾತೆ ಪೂರಹುವಾನಿಘೊಣಿ, ನಾಶನಖ್ಹಾಜೆಸ್‌ ಕರಿ ಚೂ಼ಣಾಯೋತೆ ಯೋ ಏಕ್‌ ಅದ್ಮಿ ಮ್ಹೆಂದಿನ್, ಅವ್ಣಾಮ ಕೋಣ್‌ಬಿ ನಾಶ ಕೊಹುವಾನಿ.

ಯೋಹಾನ 2:2

ಯೇಸುನ ಅಜು಼ ಇನ ಶಿಷ್ಯರ್‌ನಾಬಿ ವ್ಯಹಾನ ಬುಲೈರಾಖ್ಯುಥು.

ಯೋಹಾನ 20:24

ಯೇಸು ಆಯೋತೆ ತದೆ, ಭಾರ ಶಿಷ್ಯರ್‌ಮ ಏಕ್‌ ಹುಯಿರ‍್ಹೊಥೋತೆ ದಿದುಮಕರಿ ತೋಮ ಇವ್ಣಿ ಜೋ಼ಡೆ ಕೊಥೋನಿ. ‘ದಿದುಮ’ ಕತೊ ಅವಳಿಜವಳಿ ಕರಿ.

ಯೋಹಾನ 6:64

ತೋಬಿ ತುಮಾರಾಮ ಥೋಡು ಜ಼ಣು ನಂಬಾಕೊಯ್ನಿ” ಕರಿ ಬೋಲ್ಯೊ. ಕೋಣ್ ಇನ ನಂಬುಕರಾಕೊಯ್ನಿ ಅಜು಼ ಕೋಣ್ ಇನ ಧೋಕೇಥಿ ಧರಿದಿಶೇತೆ ಕರಿ ಬೋಲಾನು ಪಹಿಲೇಥುಸ್ ಯೇಸುನ ಮಾಲುಮ್‌ ಥೂ.

ಯೋಹಾನ 6:67

ತದೆ ಯೇಸುನೆ ಇನ ಭಾರ ಶಿಷ್ಯರ್‌ನ, “ತುಮೇಬಿ ಚ಼ಲಜಾ಼ವ್ಣು ಕರಿ ಛಾ಼ಕಿ ಶು?” ಕರಿ ಪುಛಾ಼ಯೊ.

ಯೋಹಾನ 6:71

ಯೇಸುನೆ ಸೀಮೋನ್ ಇಸ್ಕರಿಯೋತನೊ ಛಿಯ್ಯೊ ಹುಯಿರೋತೆ ಯೂದನಿ ಬಾರೇಮ ಆ ವಾತೆ ಬೋಲ್ಯೋತೆ. ಯೂದ ಭಾರ ಜ಼ಣ ಶಿಷ್ಯರ್‌ಮ ಏಕ್‍ಜ಼ಣೊ ಹುಯಿರೋಥೊ, ಯೇಸುನ ದೋಕೇಥಿ ಧರಿದೆವಾಳೊ ಯೋಸ್.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:17

ಯೂದ ಅಪ್ಣುನ ಮಾಲುಮ್‌ರ‍್ಹಾವಳೊ ಹುಯಿರ‍್ಹೋಥೊ ಅಜು಼ ಸೇವೇನ ಚೂ಼ಣೈರ‍್ಹೋ ತೋಬಿ ಯೇಸುನ ಧರಿದ್ಯವಾಳನ ಯೂದನೆ ಮದತ್ ಕರ್ನುಥೂತೆ ಇನ ಪವಿತ್ರಾತ್ಮನೆ ಪಹಿಲೇಸ್ ದಾವಿದ್ನ ಮ್ಹೋಡೇಥಿ ಬೋಲಿರಾಖ್ಯೊಥೊ.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:10

ಇನೆ “ತೂ ಶೈತಾನ್ನೊ ಛಿಯ್ಯೊ! ಹರ್ ಏಕ್‍ ಅಛ್ಛಾ಼ನಾಬಿ ತೂ ವಹೇರ‍್ಯೊ” ತು ಖರಾಬ್ ಚಾ಼ಲ್‌ಥೀಬಿ ಝೂ಼ಟೆಥೀಬಿ ಭರೈರ‍್ಹೋಸ್. ಅಖ್ಖಿ ನೀತಿನಾಬಿ ವಿರೋದ್ ಕರವಾಳೋಸ್ ತೂ, ಪ್ರಭುನ ಖ್ಹಾಚಾನ, ಝೂ಼ಟಿಕರಿ ಬದ್ಲಾವನ ತೂ ಕದೇಬಿ ಕೋಶಿಶ್ ಕರ್ತೊರ‍್ಹೇಸ್.

1 ತಿಮೊ 3:11

ಇಮ್ಮಸ್ ಇವ್ಣಿ ಬಾವಣ್‌ಬಿ ಚಾ಼ಲ್‌ಚ಼ಲಣ್‍ಮ ಅಛ್ಛಿ ರ‍್ಹಹವಾಳಿಯೆ ಹುಯಿರ‍್ಹೇಣು ಅಜು಼ ಚ಼ಹಾಡ್ ಬೋಲವಾಳಿಯೆ ನಾ ಹುಯಿರ‍್ಹೇಣು; ಅಛ್ಛೇಥಿ ಚಾ಼ಲ್‌ವಾಳಿ ಹುಯಿರ‍್ಹೇಣು ಅಜು಼ ಇವ್ಣೆ ಹರೇಕ್‌ಮ ವಿಶ್ವಾಸ್‌ವಾಳಿಬಿ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:3

ಇಮ್ಮಸ್ ಬುಢಿಯಖ್ಹಾರು ಛಾ಼ಡಿ ಬೋಲವಾಳಿಯೆ ನಾ ಹುಯಿರ‍್ಹೇಣು, ಅಜು಼ ಪಿಯಾವಾಳಿಯೆ ನಾ ಹುಯಿರ‍್ಹೇಣುತೆ ದೇವ್‌ಮ ಭಕ್ತೆಹುಯಿನ್‌ ಜಿಮ್ಮೆದಾರಿವಾಳಿ ಹುಯಿರ‍್ಹೇಣು.

1 ಯೋಹಾನ 3:8

ಪಾಪ್ ಕರಾವಾಳೊ ಶೈತಾನ್‍ನಿ ಪಿಳ್ಗಿವಾಳೊ. ಶೈತಾನ್‍ ಜ಼ಮಾನೇಥುಬಿ ಪಾಪ್ ಕರವಾಳೋಸ್. ಇನಖ್ಹಾಜೆ ಇನು ಖರಾಬ್ ಕಾಮ್‍ಖ್ಹಾರಾನ ನಾಶ್ ಕರ್ನುಸ್ ಕರಿ, ದೇವ್‌ನೊ ಛಿಯ್ಯೊ ಆಯೋತೆ.