ಯೋಹಾನ 6:46 - ದೇವ್ನಿ ಖ್ಹಾಚಿ ವಚನ್

⁴⁶ ಅನಿ ಮತ್‌ಲಬ್, ಕೋಣ್ ತೋಬಿ ಬಾನ ದೇಖಿರಾಖ್ಯುಸ್‌ ಕರಿ ಕಾಹೆ, ದೇವ್‌ಕಂಥೊ ಆಯೋತೆ ಎಕ್ಕಸ್ ಜ಼ಣಾನೆ ಬಾನ ದೇಖಿರಾಖ್ಯೊಸ್.

ಯೋಹಾನ 6:46 ပူးပေါင်းရင်းမြစ်များ

ಮತ್ತಾಯ 11:27

“ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್. ಬಾನ ಮ್ಹೆಂದಿನ್ ಕೋಣ್‌ಬಿ ಛಿಯ್ಯಾನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಅಜು಼ ಛಿಯ್ಯಾನ ಮ್ಹೆಂದಿನ್ ಕೋಣ್‌ಬಿ ಬಾನ ಮಾಲುಮ್‌ ಕರಿರಾಖ್ಯುಕೊಯ್ನಿ ಅಜು಼ ಛಿಯ್ಯೊ ಬಾನ ಕಿನ ವತಾಳ್ಣುಕರಿ ಆಖ್ಹ್‌ಕರಾಸ್ಕಿ, ಇವ್ಣೆ ಬಾನ ಮಾಲುಮ್‌ ಕರಿಲಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:22

ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್, ಛಿಯ್ಯೊ ಕೋಣ್ ಕರಿ ಬಾನಸ್ ಮಾಲುಮ್ ಪಣ್ಕಿ ಬಿಜಾ಼ನ ಕಾಹೆ. ಬಾ ಕೋಣ್ ಕರಿ ಛಿಯ್ಯೋಸ್ ಪಣ್ಕಿ ಬಿಜು಼ ಕೋಣ್‌ಬಿ ಮಾಲುಮ್ ಕೋಕರಿರಾಖ್ಯೂನಿ. ಅಜು಼ ಛಿಯ್ಯೊ, ಕಿನ ಬಾನಿ ಬಾರೇಮ ಮಾಲುಮ್ ಕರಾವಸ್ಕಿ, ಇವ್ಣೆಸ್ ಬಾನ ಮಾಲುಮ್‌ ಕರಿಲ್ಯವಾಳು ಹುಯಿರ‍್ಹೂಸ್”.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 14:7

ತುಮೆ ಮನ ಖ್ಹಾಚಮಾಬಿ ಮಾಲುಮ್‌ ಕರಿಲಿದಾಹೋತ್ತೊ ಮಾರ ಬಾನಾಬಿ ಅಛ್ಛಿನಿತರ ಮಾಲುಮ್ ಕರಿಲಿದಾಹೋತ್‌, ಕತೋಬಿ ಹಂಕೇಥು ತುಮೆ ಬಾನ ಮಾಲುಮ್‌ ಕರಿರಾಖ್ಯಾಸ್, ಅಜು಼ ಇನ ದೇಖಿರಾಖ್ಯಾಸ್‌” ಕರಿ ಬೋಲ್ಯೊ.

ಯೋಹಾನ 15:24

ಏಕ್‍ ವಖ್ಹತ್ ಖ್ಹಾರಕಾಮ್ನ ಮೇ ಇವ್ಣಾಮ ನಾಕರ‍್ಯೊಹೋತ್ತೊ, ಇವ್ಣಾಪರ್ ಪಾಪ್ ಕೋ ರ‍್ಹಯುಹೋತ್ನಿ, ಕತೋಬಿ ಹಮ್ಕೆ ಇವ್ಣೆ ದೇಖಿರಾಖ್ಯೂಸ್‌, ತೋಬಿ ಮಾರಪರ್‌ಬಿ ಮಾರ ಬಾಪರ್‌ಬಿ ವಹೇರ್‌ ಕರಾಸ್.

ಯೋಹಾನ 5:37

ಅತ್ರೇಸ್ ಕಾಹೆತೆ, ಮನ ಮೋಕ್‌ಲ್ಯೊತೆ ಬಾಸ್, ಮಾರಿ ಬಾರೇಮ ಸಾಕ್ಷಿ ಬೋಲಿರಾಖ್ಯೊಸ್. ಕತೋಬಿ ತುಮೆ ಇನಿ ಅವಾಜ಼್‌ನ ಕದೇಬಿ ಖ್ಹಮ್‌ಜಿರಾಖ್ಯಕೊಯ್ನಿ, ಇನಿ ರೂಪ್ ಕಿಮ್ ಛಾ಼ ಕರಿ ಕದೇಬಿ ಕೋ ದೇಖಿರಾಖ್ಯಾನಿ.

ಯೋಹಾನ 7:29

ಕತೊ ಮನ ಯೋ ಮಾಲುಮ್‌, ಶನಕತೊ ಮೇ ಇನಾಕಂಥು ಆಯೊ ಅಜು಼ ಇನೇಸ್‌ ಮನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯೊ.

ಯೋಹಾನ 8:19

ತದೆ ಇವ್ಣೆ, “ತಾರೊ ಬಾ ಕಿಜ್ಗಾ಼ ಛಾ಼?” ಕರಿ ಪುಛಾ಼ಯು. ಯೇಸುನೆ, “ತುಮೂನ ಮೇ ರ‍್ಹವೊ, ಮಾರೊ ಬಾ ರ‍್ಹವೊ ಮಾಲುಮ್‌ ಕೊಯ್ನಿ. ತುಮೆ ಮನ ಮಾಲುಮ್‌ ಕರ‍್ಯಾಹೋತ್ತೊ, ಮಾರ ಬಾನಾಬಿ ಮಾಲುಮ್‌ ಕರಿಲಿದಾಹೋತ್‌” ಕರಿ ಜ಼ವಾಬ್ ದಿದೊ.

ಯೋಹಾನ 8:55

ತೋಬಿ ತುಮೆ ಇನ ಪರ್ಖಿರಾಖ್ಯಕೊಯ್ನಿ, ಕತೋಬಿ ಮನ ಯೋ ಮಾಲುಮ್‌. ಯೋ ಮನ ಮಾಲುಮ್‌ಕೊಯ್ನಿ ಕರಿ ಮೇ ಬೋಲ್ಯೊತೊ, ಮೇಬಿ ತುಮಾರಿನಿತರ ಝೂ಼ಟೊ ಹುಯಿಜೈ಼ಶ್‌. ಕತೋಬಿ ಮನ ಯೋ ಮಾಲುಮ್‌, ಅಜು಼ ಮೇ ಇನಿ ವಾತೆನಿಘೋಣಿ ಚಾ಼ಲುಸ್‌.

ಕೊಲೊಸ್ಸೆ 1:15

ಕ್ರಿಸ್ತ ದೇಖಾವಕೊಂತೆ ದೇವ್‌ನೊ ರೂಪ್, ಖ್ಹಾರೀಸ್‍ ಉಬ್‍ಜಾ಼ವ್ಣಿಮ ಫೈಲೋಟೋ ಛಿಯ್ಯೋಬಿ ಹುಯಿರ‍್ಹೋಸ್.

1 ತಿಮೊ 6:16

ಇನ ಎಕ್ಕಸ್ ಜ಼ಣಾನ ಮರಣ್‌ಕೊಂತೆ. ಕೋಣ್‌ಬಿ ಖನ್ನೆ ಜಾ಼ವಾನ ಕೋ ಹುವ್ವಾನಿತೆ ಉಜಾ಼ಳಾಮ ರ‍್ಹವಾಳೊ ಹುಯಿರ‍್ಹೋಸ್; ಹಂಕೆತೋಡಿ ಕೋಣ್‌ಬಿ ಇನ ದೇಖಿರಾಖ್ಯುಕೊಯ್ನಿ; ದೇಖಾನ ಉಶೇಬಿ ಕೊಯ್ನಿ.ಇನು ಇಜ಼್ಜತ್ ಅಜು಼ ಮಟಾನುಕೊಂತೆ ಶಕತ್ ಕೆದೇಬಿ ಇನಾಸ್ ರ‍್ಹವಾದೆ! ಆಮೆನ್.

1 ಯೋಹಾನ 4:12

ದೇವ್ನ ಕೋಣ್‌ಬಿ ಕದೇಬಿ ದೇಖ್ಯುಕೊಯ್ನಿ. ಅಪ್ಣೆ ಏಕ್‌ಥಿಏಕ್ ಪ್ಯಾರ್‌ಕರ‍್ಯತೊ ದೇವ್ ಅಪ್ಣಾಮ ರ‍್ಹೇಸ್, ಅಜು಼ ಇನಿ ಪ್ಯಾರ್ ಅಪ್ಣಾಮ ಭರ್‌ಪೂರ್‌ಥಿ ರ‍್ಹೇಸ್.