ಯೋಹಾನ 6:38 - ದೇವ್ನಿ ಖ್ಹಾಚಿ ವಚನ್

³⁸ ಮೇ ಸೊರ್ಗಾಥು ಉತ್ರಿ ಆಯೋತೆ ಮಾರಿ ಮರ್ಜಿ ಕರಾನ ಕಾಹೆ, ಪಣ್ಕಿ ಮನ ಮೋಕ್‌ಲ್ಯೊತೆ ಇನಿ ಮರ್ಜಿಸ್‌ ಪೂರಕರಾನ.

ಯೋಹಾನ 6:38 ပူးပေါင်းရင်းမြစ်များ

ಮತ್ತಾಯ 20:28

ಅಮ್ಮಸ್ ಅದ್ಮಿನೊ ಛಿಯ್ಯೋಬಿ ಸೇವೆ ಕರೈಲ್ಯವಾನಖ್ಹಾಜೆ ಕೋ ಆಯೋನಿ, ಪಣ್ಕಿ ಸೇವೆ ಕರಾನ ಅಜು಼ ಇನೊ ಜಾನ್ನ ದೀನ್, ಕೈಯೆಕ್ಕಿ ಅದ್ಮಿನ ಛೋ಼ಡೈಲ್ಯವಾನಖ್ಹಾಜೆ ಆಯೊ” ಕರಿ ಬೋಲ್ಯೊ.

ಯೋಹಾನ 3:13

“ಸೊರ್ಗಥೊ ಉತ್ರಿನ್ ಆಯೋತೇಸ್‌ ಕತೊ, ಅದ್ಮಿನೊ ಛಿಯ್ಯೋಸ್ ಪಣ್ಕಿ, ಬಿಜು಼ ಕೋಣ್‌ಬಿ ಸೊರ್ಗಾನ ಚ಼ಢೀನ್‌ ಕೋ ಜೈ಼ರ‍್ಹೂನಿ”.

ಯೋಹಾನ 3:17

ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊತೆ ಆ ಜಗತ್ನ ಅದ್ಮಿನ ರಕ್ಷಣೆ ಹೋಣುಕರಿ ಮೋಕ್‌ಲ್ಯೊತೆ ಪಣ್ಕಿ, ತೀರ್ಪ್‌ ಕರಾನಖ್ಹಾಜೆ ಕಾಹೆ.

ಯೋಹಾನ 3:31

ಕೋಣ್ ಜ಼ಮೀನ್‌ಪರ್ ಛಾ಼ಕಿ ಯೊ ಜ಼ಮೀನ್ನಿ ವಾತೆನಿ ಬಾರೇಮ ಬೋಲಸ್, ಕತೋಬಿ ಕೋಣ್ ಸೊರ್ಗಥಿ ಆವಾಳೋಕಿ ಯೋ ಖ್ಹಾರೇಥಿ ಮಹಾನ್ ಹುಯಿರ‍್ಹೋಸ್. ಆ ಜಗತ್‌ವಾಳು ಆ ಜಗತ್ನ ಮಳ್ಯೊಹುಯೊ ಹುಯಿರ‍್ಹುಸ್.

ಯೋಹಾನ 4:34

ಯೇಸು ಇವ್ಣುನ ಬೋಲ್ಯೋಕಿ ಮಾರು ಖಾಣು ಶಾತ್‌ಕತೊ ಕೋಣ್ ಮನ ಮೊಕ್‍ಲ್ಯೊಕೀ ಇವ್ಣಿ ಆಖ್ಹ್‌ನ ಪೂರ ಕರಾನುಸ್ ಹುಯಿರುಸ್. ಅಜು಼ ಮನ ದಿದೂತೆ ಯೊ ಕಾಮ್ನ ಪೂರ ಕರ‍್ನು

ಯೋಹಾನ 5:19

ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಬಾ ಕರಾಸ್ತೆ ಇನ ದೇಖಿನ್‌ ಛಿಯ್ಯೊ ಕರಾಸ್ ಪಣ್ಕಿ, ಇನೇಥಿ ಯೋಸ್‌ ಶಾತ್ಬಿ ಕರಾನ ಕೋ ಹುವಾನಿ. ಬಾ ಕರಾಸ್ತೆ ಇಮ್ಮಸ್ ಛಿಯ್ಯೋಬಿ ಕರಾಸ್.

ಯೋಹಾನ 5:30

“ಮಾರು ಮೇಸ್ ಶಾತ್ಬಿ ಕರಾನ ಕೋ ಹುವಾನಿ; ಬಾ ಬೋಲಾತೆ ಇನ ಖ್ಹಮ್‌ಜಿನ್‌, ಮೇ ನ್ಯಾವ್ ಫೇಡಾವುಸ್, ಅನಖ್ಹಾಜೆ ಮಾರು ತೀರ್ಪ್‌ ಖ್ಹಾಚು಼ ಹುಯಿರುಸ್,ಅಜು಼ ಮಾರಿಸ್ ಮರ್ಜಿ ಚಾ಼ಲಾದೆ ಕರಿ ಆಖ್ಹ್ ಕರ‍್ಯೊಕೊಂತೆ, ಮನ ಮೋಕ್‌ಲ್ಯೊತೆ ಇನಿ ಮರ್ಜಿಸ್‌ ಚಾ಼ಲ್ನು ಕರಿ ಮೇ ಆಖ್ಹ್ ಕರುಸ್.

ಯೋಹಾನ 6:29

ಯೇಸುನೆ,ಇವ್ಣುನ “ದೇವ್ನೆ ಮೋಕ್‌ಲ್ಯೊತೆ, ತುಮೆ ವಿಶ್ವಾಸ್‌ ಕರ‍್ನು ಕರಿ ಬೋಲಾನುಸ್ ದೇವ್ ತುಮಾರೇಥಿ ಆಖ್ಹ್ ಕರಾಸ್ತೆ ಕಾಮ್” ಕರಿ ಜ಼ವಾಬ್ ದಿದೊ.

ಯೋಹಾನ 6:33

ದೇವ್ ದೇಸ್ತೆ ಯೋ ರೋಟೊ, ಸೊರ್ಗಾಥು ಉತ್ರಿ ಐರ‍್ಹುಥು, ಅಜು಼ ಜಗತ್ನ ಜಾನ್‌ ದೇಸ್.

ಯೋಹಾನ 6:42

ಅಜು಼, “ಆ ಯೋಸೇಫ್‍ನೊ ಛಿಯ್ಯೊ ಯೇಸು ಕಾಹೆಕಿ ಶು? ಅನ ಆಯಾ-ಬಾ ಅಪ್ಣುನ ಮಾಲುಮ್‌ನಿ? ಹಮ್ಕೆ ಆ, ಪರ್‌ಲೋಕ್‌ಥು ಉತ್ರಿನ್ ಆಯೊ ಕರಿ ಬೋಲಾಸ್ತೆ ಕಿಮ್?” ಕರಿ ಬೋಲ್ಯು.

ಯೋಹಾನ 6:57

ಜಿವ್ತೊ ಹುಯಿರ‍್ಹೋತೆ ಬಾನೆ ಮನ ಮೋಕ್ಲಿರಾಖ್ಯೊಸ್, ಅಜು಼ ಮೇ ಇನೇಥಿಸ್ ಜಿವ್‌ಸ್‌. ಇನಖ್ಹಾಜೆ ಕೋಣ್ ಮನ ಖಾಸ್ಕಿ ಯೋ ಮಾರೇಥಿ ಜಿವ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:3

ಶನಕತೊ ಪವಿತ್ರ ದಪ್ತರ್‌ಮ ಬೋಲಾತೆ ತಿಮ್ ತುನ ಚಿಂಗಾವವಾಳನಿ ಚಿಂಘಾವ್ಣಿ ಮಾರಪರ್ ಆಯು ಕರಿ ಕ್ರಿಸ್ತ ಜಿನುಬಿ ಇನು ಯೊ ಖ್ಹರೈಲಿದೊಕೊಯ್ನಿ.

ಎಫೆಸ 4:9

“ಛ಼ಡಿಗಯೊ” ಕರಿ ಬೊಲಾನಿ ಮತ್ಲಬ್ ಶಾತ್‌ಕತೊ? ಯೊ ಜ಼ಮೀನ್ನ ಗಧಾರ್‌ಮ ಉತ್‌ರ‍್ಯೊಕರಿ ಬೋಲಾನಿತರ ಹುವಾಸ್.

ಇಬ್ರಿ 5:8

ಕತೋಬಿ ಯೋ ಛಿಯ್ಯೊ ಹುಯಿರ‍್ಹೊತೋಬಿ ಇನೆ ಲಿದೋತೆ ವದೇಖ್ಹ್‌ಥೀಸ್ ಹೇಟು ಹುವಾನು ಶಿಕಿಗಯೊ.