ಯೋಹಾನ 6:37 - ದೇವ್ನಿ ಖ್ಹಾಚಿ ವಚನ್

³⁷ ಬಾ ಮನ ದೇಸ್ತೆ ಇವ್ಣೆ ಖ್ಹಾರು ಮಾರಕನ ಆವ್‌ಶೆ, ಅಜು಼ ಮಾರಕನ ಆವಾಳಾನ ಪಾಛು಼ಮೇ ಧಕೇಲಿಶ್‌ ಕೊಯ್ನಿ.

ಯೋಹಾನ 6:37 ပူးပေါင်းရင်းမြစ်များ

ಮತ್ತಾಯ 11:28

“ಅಲಾ ಥಕಿರ‍್ಹವಾಳ, ಭೋಜೊ ಪಾಡಿರಾಖವಾಳ, ತುಮೆ ಖ್ಹಾರು ಮಾರಕನ ಆವೊ; ಮೇ ತುಮುನ ಅರಾಮ್‌ ದೆವುಸ್‌.

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಯೋಹಾನ 17:11

ಅನಪಾರ್ ಮೇ ಜಗತ್‌ಮ ಕೋರ‍್ಹಿಶ್‍ನಿ. ಇವ್ಣೆತೋಬಿ ಜಗತ್‌ಮ ರ‍್ಹಿಶೆ. ಮೇ ತಾರಾಕನ ಆವ್‌ಸ್. ಪರಿಶುದ್ ಹುಯಿರೋತೆ ಬಾ, ಅಪ್ಣೆ ಏಕ್‍ಹುಯಿರಾತೆ ತಿಮ್ ಅವ್ಣೇಬಿ ಏಕ್‍ಹುಯಿರ‍್ಯವಾದೆಕರಿ, ತುನೆ ಮನ ದಿದೊತೆ ತಾರ ನಾಮ್‍ಥಿ ಇವ್ಣುನ ಜ಼ತನ್ ರಾಕ್.

ಯೋಹಾನ 17:2

ತುನೆ ಇನಖ್ಹಾರ ಅದ್ಮಿಪರ್ ಅದಿಕಾರ್ ದೀರಾಖ್ಯೊಸ್. ತುನೆ ಇನ ಕಿನಕಿನ ದೀರಾಖ್ಯೊಸ್ಕಿ, ಇವ್ಣ ಖ್ಹಾರಾನ ಯೋ ಹಮೇಶಾನಿ ಜಿ಼ಂದ್‌ಗಿ ದೇವ್ಣುಕರಿ ಹುಯಿರ‍್ಹೀಸ್.

ಯೋಹಾನ 17:24

“ಬಾ! ತುನೆ ಅವ್ಣುನ ಮನ ದಿದೊ, ಅಜು಼ ಮೇ ಕಿಜ್ಗಾ಼ ರ‍್ಹವುಸ್‍ಕಿ ಹಿಜ್ಜಾ಼ಸ್ ಅವ್ಣೇಬಿ ರ‍್ಹೇವ್ಣುಕರಿ ಅಜು಼ ಆ ಜಗತ್ನ ಉಬ್ಜಾ಼ನ ಅಗಾಡಿಸ್, ತುನೆ ಮನ ಪ್ಯಾರ್ ಕರೀನ್, ಮನ ದಿದೋತೆ ಮಹಿಮೆನ ಅವ್ಣೆ ದೇಕ್ಣು ಕರಿ ಮೇ ಆಖ್ಹ್ ಕರುಸ್.

ಯೋಹಾನ 17:6

ಆ ಜಗತ್‌ಮ ಖೆವ ಅದ್ಮಿನ ಮನ ದಿರಾಖ್ಯೋಸ್ಕಿ, ಮೇ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್. ಇವ್ಣೆ ಮಾರುಸ್‌ ಹುಯಿರುಥು,ಅಜು಼ ತುನೇಸ್ ಇವ್ಣುನ ಮನ ದಿದೊ. ಇವ್ಣೆ ಮಾರಿ ವಚನ್ನ ಪಾಡಿನ್ ಚಾ಼ಲಿರಾಖ್ಯುಸ್‌.

ಯೋಹಾನ 6:39

ದೇವ್ನೆ ಮನ ದಿದೋತೆ ಅದ್ಮಿಮ ಏಕ್‌ನಾಬಿ ಮೇ ಗುಮೈನಾಲೇವ್ಣುತೆ, ಅಂತಿಮ್‌ ದನ್ಮ ಮೇ ಇವ್ಣ ಖ್ಹಾರಾನ ಪಾಛು಼ ಜಿವ್ತು ಉಠಾಡ್ನು ಕರಿ ಬೋಲಾನುಸ್ ದೇವ್ನಿ ಮರ್ಜಿ.

ಯೋಹಾನ 6:65

ಅಜು಼ ಯೇಸುನೆ ಬೋಲ್ತೊ ಹುಯಿನ್, “ಬಾನಿ ಮರ್ಜಿಕೊಂತೆ ಕೋಣ್‌ಬಿ ಮಾರಕನ ಆವಾನ ಕೋ ಹುವಾನಿ ಕರಿ ಮೇ ತುಮೂನ ಬೋಲ್ಯೊತೆ ಅನಾಖ್ಹಾಜೆ” ಕರಿ ಬೋಲ್ಯೊ.

ಯೋಹಾನ 9:34

ಆ ವಾತೆನ ಖ್ಹಮ್‌ಜಿನ್‌ ಇವ್ಣೆ, “ತೂ ಖಲಿ ಪಾಪ್‌ಮ ಪೈದಾ ಹುಯೊತೆ, ಹಮೂನ ಬೋಲಿವತಳಾಸ್ಕಿ ಶು?” ಕರಿಬೋಲಿನ್‌, ಸಬೇನು ಮಂದಿರ್‌ಮಾಥು ಇನ ಧಕೇಲಿ ಭಾರ್‌ ಕಾಡಿನಾಖ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:20

ಗಲತ್‌ ಅಖ್ಖು ಜಾ಼ಖ್ಹತ್ ಹೋತುಆಯು ಕಿಮ್ಕಿ ಧರ್ಮಶಾಸ್ತ್ರಬಿ ಇನಜೋ಼ಡೆಸ್‌ ಆಯು. ಕತೋಬಿ ಪಾಪ್ ಜಾ಼ಖ್ಹತ್ ಕಿಮ್‍ಹುಯುಕಿ, ವಾರ್‌ಖ್ಹೊಬಿ ಬಿಜೂ಼ಬಿ ಜಾ಼ಖ್ಹತ್ ಹುಯು.

ಫಿಲಿಪ್ಪಿ 1:29

ಕ್ರಿಸ್ತನವಾಳಾನ ಹಾತ್‌ ಫೈಲೈನ್ ದ್ಯವಾಳ ಹುಯಿರೇವೊ. ಕ್ರಿಸ್ತಪರ್ ವಿಶ್ವಾಸ್‌ರಾಖಾನು ಖಲಿ ಕಾಹೆ ಇನಖ್ಹಾಜೆ ವದೇಖ್ಹ್‌ಪಡಾನುಬಿ ಅಛ್ಛು಼ ವರ ಮಳಿರ‍್ಹೂಸ್‌.

1 ತಿಮೊ 1:16

ಕತೋಬಿ ಅನ ಅಗ್ಗಳ್ ಹರ್‌ಹಮೇಶಾನಿ ಜಿ಼ಂದ್‌ಗಿನಖ್ಹಾಜೆ ಇನಪರ್ ವಿಶ್ವಾಸ್‌ಕರವಾಳನ ಮಾಲುಮ್‌ಪಡಾದೆಕರಿ ಕ್ರಿಸ್ತ ಯೇಸು ಪಾಪಿಮ ಮುಖ್ಯಥೋತೆ ಮನ ಗೋರ್‌ಕರಿನ್, ಇನಿ ಪೂರ ಸಮಾಧಾನ್‌ಥಿ ದೇಖಿಲಿದೊ.

2 ತಿಮೊ 2:19

ಶಾತ್ಬಿ ರ‍್ಹವೊ ದೇವ್ನೆ ನಾಖ್ಯೋತೆ ಹದಿಪಾಯ ಯೊ ಘಟ್ ಭೀಯೂಸ್. ಇನಾಪರ್ ಲಿಖೈರ‍್ಹುಸ್ “ಯೋ ಹದಿಪಾಯಪರ್, “ಪ್ರಭು ಇನ ಅದ್ಮಿನ ಮಾಲುಮ್ ಕರಿರಾಖ್ಯೋಸ್”. ಅಜು಼ ಯೋ ಹರೇಕ್ ಜ಼ಣಾನ ಬೋಲಾಸ್ ಹೈರೋತೆ ಪ್ರಭುವಾಳೊ ಹುಯಿರ‍್ಹೋಸ್‍ಕರಿ ಯೊ ಖರಾಬ್ ಕಾಮ್‍ಥಿ ಬಚಾ಼ಡಸ್ ಅಜು಼ ಪ್ರಭುವಾಳೊಕರಿ ಬೋಲಿಲೇಸ್ ಯೊ ಖರಾಬಿಥಿ ಬಚಾ಼ಡಿಲೇವ್ಣು.

ಇಬ್ರಿ 4:15

ಶನಕತೊ ಅಪ್ಣುನ ಛಾ಼ತೆ ಮಹಾಯಾಜಕ್ ಅಪ್ಣಿ ಕಮ್‍ಜೋ಼ರಿಮ ಅಪ್ಣುನ ಗೋರ್‌ ವತಳಾಕೊಂತೆ ರ‍್ಹೆಯಿಕೊಯ್ನಿ. ಯೊ ಹರೇಕ್ ವಾತೆನಿ ಬಾರೇಮ ಅಪ್ಣಿನಿತರಸ್ ಶೋದನೆ ಪಡ್ಯೊಹುಯೊ. ಕತೋಬಿ ಇನೆ ಪಾಪ್ ಕರ‍್ಯೊಸ್ ಕೊಯ್ನಿ.

ಇಬ್ರಿ 7:25

ಇನಖ್ಹಾಜೆ ಯೋ ಇನೇಥಿ ದೇವ್‌ಕನ ಆವಾಳಾನ ಪೂರ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೊಸ್. ಶನಕತೊ ಇವ್ಣಖ್ಹಾಜೆ; ದೇವ್‌ಕನ ಬಿಂತೀಕರಾನ ಕೆದೇಬಿ ಜಿವಿರ‍್ಹವಾಳೊ ಹುಯಿರ‍್ಹೊಸ್.

1 ಯೋಹಾನ 2:19

ಇವ್ಣೆಅಖ್ಖು ಅಪ್ಣ ಖನ್ನೆಥಿ ನಿಕ್ಳಿ ಚ಼ಲೀಗು. ಶನಕತೊ ಇವ್ಣೆ ಖ್ಹಾಚಮಾಬಿ ಅಪ್ಣವಾಳು ಕಾಹೆ. ಇವ್ಣೆ ಅಪ್ಣವಾಳು ರ‍್ಹಿಯುಹೊತ್ತೊ, ಅಪ್ಣಿಜೋಡ್ಮಾಸ್ ರ‍್ಹಿಯುಹೊತ್. ಕತೋಬಿ ಇವ್ಣೆ ಅಪ್ಣೇಥಿ ನಿಕ್ಳಿಗಯುತೆ ಇನಖ್ಹಾಜೆ ಇವ್ಣೆಅಖ್ಖು ಅಪ್ಣವಾಳು ಕಾಹೆಕರಿ ಖ್ಹಾಚೇಥಿ ಮಾಲುಮ್‍ಪಡಸ್.

ಪ್ರಕಾಶಿತ್ 22:17

ಆತ್ಮ ಅಜು಼ ವ್ಯತುಲ್ಡೀಬಿ, ಆವ್ಣುಕರಿ ಬೋಲ್‌ಶೆ. ಖ್ಹಮ್‌ಜಾ಼ವಾಳೊ, ಆವ್‌ಕರಿ ಬೋಲಾದೆ. ಠೋಖ್ಹ್‌ ರ‍್ಹವಾಳೊ ಆವಾದೆ, ಆಖ್ಹ್ ರ‍್ಹವಾಳೊ ಜಾನ್ನಪಾಣಿನ ಮೋಲ್‌ಕೊಂತೆ ಫುಗಟ್‍ಥಿ ಲಿಲ್ಯಾವದೆ.