ಯೋಹಾನ 6:14 - ದೇವ್ನಿ ಖ್ಹಾಚಿ ವಚನ್

¹⁴ ಯೇಸುನೆ ಕರ‍್ಯೊತೆ ಆ ಅದ್ಭುತ್ ದೇಖ್ಯೂತೆ ತದೆ ಅದ್ಮಿಖ್ಹಾರು ಅಮ್ ಬೋಲ್ಯು, “ಖ್ಹಾಚ಼ಮಾಬಿ ಜಗತ್‌ಮ ಆವ್ಣುತೆ ಪ್ರವಾದಿ ಆಸ್ ಹುಯಿರೊಸ್” ಕರಿ ಬೋಲ್ಯು.

ಯೋಹಾನ 6:14 ပူးပေါင်းရင်းမြစ်များ

ಮತ್ತಾಯ 11:3

ಇವ್ಣೆ ಯೇಸುನ, “ಯೊಹಾನ್ನೆ ಬೋಲ್ಯೋತೆ ಇಮ್‌ ಆವ್ಣುತೆ ಯೋ ತೂಸ್ಕಿಶು, ನಾತೊ ಹಮೆ ಬಿಜೇಕ್‌ನಖ್ಹಾಜೆ ಟಿವಾವ್‌ಣು?” ಕರಿ ಪುಛಾ಼ಯ.

ಮತ್ತಾಯ 21:11

ತದೆ ಯೋ ಅದ್ಮಿನಿ ಝೂ಼ಂಡ್‌ನೆ, “ಆ ಪ್ರವಾದಿ ಹುಯಿರ‍್ಹೋತೆ ಯೇಸು, ಆ ಗಲಿಲಾಯಾನು ನಜ಼ರೇತ್‌ವಾಳೊ” ಕರಿ ಜವಾಬ್‌ ದಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:19

ತದೆ ಯೇಸುನೆ, “ಖೆವಿ ವಾತೆ?” ಕರಿ ಪುಛಾ಼ಯೊ. ಇನ ಇವ್ಣೆ, “ನಜ಼ರೇತ್‌ನೊ ಯೇಸುನಿ ಬಾರೇಮ, ಯೊ ದೇವ್ನ ಅಜು಼ ಅದ್ಮಿನ ಡೋಳಾಮ ಪ್ರವಾದಿ ಹುಯಿರ‍್ಹೋಥೊ, ಕಾಮ್ಮಬಿ ಅಜು಼ ವಾತೇಮಾಬಿ ಮೋಟೊ ಪ್ರವಾದಿಹುಯಿರ‍್ಹೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:16

ಅನ ದೇಖಿನ್, ಹಿಜ್ಜಾ಼ ಥೂತೆ ತಮಾಮ್‌ ಅದ್ಮಿ ಡರಿನ್, ದೇವ್ನ ಸ್ತುತಿ ಕರ್ತುಹುಯಿನ್, “ಏಕ್‌ ಮಹಾನ್ ಪ್ರವಾದಿ ಅಪ್ಣಕನ ಐರ‍್ಹೋಸ್! ದೇವ್ ಇನ ಅದ್ಮಿನ ಬಚಾ಼ಡಾನ ಐರ‍್ಹೋಸ್” ಕರಿ ಬೋಲ್ಯು.

ಯೋಹಾನ 1:21

ಇಮ್‌ರ‍್ಹಯುತೊ, “ತೂ ಎಲೀಯಕಿ‍ ಶು? ಕರಿ ಇವ್ಣೆ ಬೋಲಖ್ಹತರ್, ತದೆ ಯೋಹಾನನೆ ‘ಕಾಹೆ’ ಕರಿ ಬೋಲ್ಯೊ. “ತೂ ಆವ್ಣುಥೂತೆ ಪ್ರವಾದಿ ಕಾಹೆಕಿ ಶು?” ಕರಿ ಪಾಛೊ಼ ಬೋಲಖ್ಹತರ್, “ಮೆ ಕಾಹೆ” ಕರಿ ಇನೆ ಫರಿನ್ ಬೋಲ್ಯೊ.

ಯೋಹಾನ 11:27

ತದೆ ಇನೆ, “ಓಹೋಲಾ, ಪ್ರಭು! ಆ ಜಗತ್ನ ಆವ್ಣುತೆ ದೇವ್‌ನೊ ಛಿಯ್ಯೊ ಹುಯಿರ‍್ಹೋತೆ ಕ್ರಿಸ್ತ ತೂಸ್ ಕರಿ ಮೇ ನಂಬಿರಾಖಿಸ್‌” ಕರಿ ಬೋಲಿ.

ಯೋಹಾನ 2:11

ಯೇಸುನೆ ಆ ಪಹಿಲು ಖ್ಹಣೇದ್ನ ಕಾಮ್ನ ಗಲಿಲಾಯನು ಕಾನಾ ಕರಿ ಗಾಮ್ಮಕರ‍್ಯೊ. ಹಿಜ಼್ಜ ಯೇಸು ಇನ ಮಹಿಮೆನ ವತಾಳ್ಯೊ, ಅಜು಼ ಇನ ಶಿಷ್ಯರ್‌ನೆ ಇನಾಪರ್‌ ವಿಶ್ವಾಸ್‌ ಕರ‍್ಯಾ.

ಯೋಹಾನ 4:19

ಯೋ ತಯೇಡಾನೆ, “ಪ್ರಭು, ತೂ ಪ್ರವಾದಿ ಕರಿ ಮನ ದೆಖಾವಸ್” ಕರಿ ಬೋಲಿ.

ಯೋಹಾನ 4:25

ಯೋ ತಯೇಡಾನೆ ಇನ, “ಮೆಸ್ಸೀಯ ಆವ್‍ಶೆಕರಿ ಮನ ಮಾಲುಮ್‌ ಯೋಸ್ ಕ್ರಿಸ್ತ, ಅಜು಼ ಯೋ ಆವ್‌ಶೇತೆ ತದೆ ಹಮೂನ ಹರೇಕ್ ಬಾರೇಮ ಬೋಲಿವತಾಳ್‌ಶೆ” ಕರಿ ಬೋಲಿ.

ಯೋಹಾನ 4:42

ಇವ್ಣೆ ಯೊ ತಯೇಡಾನ, ಹಮೆ ಇನ ನಂಬ್ಯಾತೆ ಅಜೂ಼ಬಿ ತಾರಿ ವಾತ್ನ ಉಪ್ಪರ್ ಕಾಹೆ. ಹಮೇಸ್ ಕಾನ್‍ಥಿ ಖ್ಹಮ್‌ಜಿನ್‌ ಇನ ಯೋಸ್ ಖ್ಹಾಚೇಥಿ ಜಗತ್ನ ಬಚಾ಼ಡವಾಳೊಕರಿ ಮಾಲುಮ್ ಕರಿರಾಖ್ಯಾಸ್ ಕರಿ ಬೋಲ್ಯು.

ಯೋಹಾನ 6:2

ಅದ್ಮಿನಿ ಘಣಿ ಮೋಟಿ ಭೀಡ್ ಯೇಸುನ ಪೀಠೆ ಗಯು, ಶನಕತೊ ಇವ್ಣೆ ಖ್ಹಾರು ಯೇಸುನೆ ರೋಗ್‌ಮ ರ‍್ಹವಾಳನ ಅಛ್ಛು಼ ಕರ‍್ಯೊತೆ ಅದ್ಭುತ್‌ನ ಖ್ಹಾರು ದೇಖ್ಯೂಥು.

ಯೋಹಾನ 6:26

ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಮನ ಢೂಂಡಾಸ್ತೆ ಮಾರು ಖ್ಹಣೇದ್ ಕಾಮ್ನ ಖ್ಹಾರು ದೇಖಿನ್‌ ಕಾಹೆ ಪಣ್ಕಿ, ಯೋ ರೋಟಾವ್ನ ಖೈನ್, ಪೇಟ್ ಭರೈಲಿದಾತೆ ಇನಖ್ಹಾಜೇಸ್.

ಯೋಹಾನ 6:30

ಇವ್ಣೆ ಇನ, “ಇಮ್‍ಕತೊ, ತೂ ದೇವ್‍ಥಿ ಆಯೊಹುಯೊ ಕರಿ ಹಮೆ ದೇಖಿನ್‌, ತುನ ವಿಶ್ವಾಸ್‌ ಕರಾನಿಘೋಣಿ ಕೆಹು ಖ್ಹಣೇದ್ ಕರಿ ವತಾಳಸ್‌?” ಕರಿ ಪುಛಾ಼ಯು.

ಯೋಹಾನ 7:40

ಅನ ಖ್ಹಮ್‌ಜಿನ್‌, ಭೀಡ್‌ಮ ಥೂತೆ ಥೋಡು ಅದ್ಮಿ, “ಖ್ಹಾಚ಼ಮಾಬಿ ಆ ಅದ್ಮಿ ಪ್ರವಾದಿ ಹುಯಿರ‍್ಹೋಸ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:37

ಯೋ ಮೋಶೆನೇಸ್, ದೇವ್ನೆ ಮನ ಉಠಾಡಾನಿ ತರಸ್ ತುಮಾರ ಅದ್ಮಿಮಾಸ್‌ ಏಕ್‌ ಪ್ರವಾದಿನ ತುಮಾರಮಸ್ ಉಠಾಡ್‌ಶೆ, ಕರಿ ಇಸ್ರಾಯೇಲ್‌ನ ಅದ್ಮಿಖ್ಹಾರಾನ ಬೋಲ್ಯೊ.