41 “ಮನ ಅದ್ಮಿನಿ ಖ್ಹರಾವ್ಣಿ ಹೋಣು ಕೊಯ್ನಿ.
ಶನಕತೊ ಇವ್ಣೆ ದೇವ್‍ಥಿ ಆವಸ್ತೆ ಖ್ಹರಾವ್ಣಿಥೀಬಿ, ಅದ್ಮಿಥಿ ಆವಸ್ತೆ ಮರ್ಯಾದಿಪರಸ್‌ ಇವ್ಣುನ ಘಣು ಪ್ಯಾರ್ ಥೂ.
ಮಾರಿ ಬಾರೇಮ ಅದ್ಮಿನಿ ಸಾಕ್ಷಿ ಮನ ಜ಼ರೂರತ್ ಕೊಯ್ನಿ, ತೋಬಿ ತುಮೂನ ರಕ್ಷಣೆಮಳಾದೆ ಕರಿ ಆವಾತ್ನ ಬೋಲ್ಯೋತೆ.
ತೋಬಿ ತುಮೆ ಮಾರಕನ ಐನ್ ಯೋ ಜಾನ್ನ ಲೀಲ್ಯಾವನ ತುಮೂನ ಮನ್‌ಕೊಯ್ನಿ.
ಕತೋಬಿ ತುಮೆ ಕಿಮ್ನು ಅದ್ಮಿಖ್ಹಾರು ಕರಿ ಮನ ಮಾಲುಮ್, ಅಜು಼ ತುಮಾರ ದಿಲ್ಮ ದೇವ್‌ಪರ್‌ ಪ್ಯಾರ್ ಕೊಯ್ನಿ ಕರೀಬಿ ಮನ ಮಾಲುಮ್.
ತುಮೆ ಏಕ್‌ಥಿ ಏಕ್‌ ಮಾನ್-ಮರ್ಯಾದಿನ ಆಖ್ಹ್ ಕರೋಸ್, ಕತೋಬಿ ಏಕ್‍ನೊ ಎಕ್ಕಸ್ ದೇವ್‍ಥಿ ಆವಸ್ತೆ ಖ್ಹರಾವ್ಣಿನ ತುಮೆ ಹೋಣು ಕರಿ ಆಖ್ಹ್ ಕೋ ಕರೋನಿ. ಅಮ್ ರ‍್ಹವಾಪರ್ ತುಮೆ ಮನ ಕಿಮ್ ನಂಬ್‌ಶು?
ಅದ್ಮಿಖ್ಹಾರು ಇನ ಧರೀನ್, ಜು಼ಲಮ್‌ಥಿ ರಾಜ಼ಕರಾನ ಸೋಚುಕರಾಸ್ ಕರಿ ಯೇಸುನೆ ಮಾಲುಮ್ ಕರಿಲಿದೊ; ಇನಖ್ಹಾಜೆ ಯೋ ಹಿಜ್ಜಾ಼ಥೊ ಎಕ್ಲೋಸ್ ಪಾಛು಼ ಪಹಾಡ್‌ಪರ್ ಚ಼ಲೆಗಯೊ.
ಕೋಣ್ ಇನುಯೋಸ್ ವಾತೆಬೋಲಿಲೇಸ್ಕಿ ಇನಿ ಶೊಂತ್ ಇಜ಼್ಜತ್‌ನ ಢೂಂಡಸ್. ಇನುಯೋಸ್ ಖ್ಹಾಚ಼ನ ಲೀಲಾವನ ಕೋಶಿಶ್ ಕರಾಸ್, ಕತೋಬಿ ಕೋಣ್‌ಇನ ಮೋಕ್‌ಲ್ಯೊತೆ ಇನಿ ಇಜ್ಜತ್‍ನ ಢೂಂಡಾವಾಳೊ ಅದ್ಮಿಸ್‌ ಖ್ಹಾಚೊ಼; ಇನಾಮ ಶನೀಶ್ ಗಲತ್‌ ಕೊ ರ‍್ಹೇಯ್ನಿ.
ಮನ ಮರ್ಯಾದಿ ಮಳಾದೆ ಕರಿ ಮೇ ಆಖ್ಹ್ ಕೋ ಕರೂನಿ, ಕತೋಬಿ ಮನ ಮರ್ಯಾದಿ ಮಳ್‌ಣು ಕರಿ ಆಖ್ಹ್ ಕರಾವಾಳೊ ಏಕ್‌ ಜ಼ಣೊ ಛಾ಼, ಯೋ ಮಾರಭಣಿಥೊ ನ್ಯಾವ್‌ ಫೇಡಾವಾಳೊ.
ತದೆ ಯೇಸುನೆ, “ಮಾರು ಮೇಸ್ ಖ್ಹರೈಲಿದೋತೊ, ಯೋ ಮರ್ಯಾದಿನ ಶನೀಶ್ ಬೆಲೆಕೊಯ್ನಿ. ಮನ ಮರ್ಯಾದಿ ದ್ಯವಾಳೊ ಮಾರೊ ಬಾ, ತುಮೆ ಇನ ಹಮಾರೊ ದೇವ್ ಕರಿ ಬೋಲೋಸ್‌.
ಎತ್ರೆಸ್ ಕಾಹೆತೆ ಹಮೆ ಕ್ರಿಸ್ತನು ಅಪೊಸ್ತಲರ್ ಹುಯಿರ‍್ಹಾತೆ ಇನಖ್ಹಾಜೆ, ಹಮೂನ ಮಾನ್-ಮರ್ಯಾದಿನ ವತಾಳ್ಣು ಕರಿ ಬೋಲೆಜಾ಼ಯಿಥು. ತೋಬಿ ಹಮೆ ಅದ್ಮಿಥಿ ಮಳಾಸ್ತೆ ಮಾನ್-ಮರ್ಯಾದಿನ ತುಮಾರೇಥಿ ರ‍್ಹವೊ, ಬಿಜಾ಼ಥಿ ರ‍್ಹವೊ ಮಳಾದೆಕರಿ ಆಖ್ಹ್ ಕರ‍್ಯಾಕೊಯ್ನಿ.
ಅನಖ್ಹಾಜೆಸ್ ತುಮೆ ಬುಲೈರ‍್ಹಾಸ್ತೆ.ಕ್ರಿಸ್ತ ಜಿನುಬಿ ತುಮಾರಖ್ಹಾಜೆ ಖ್ಹತಾಪ್ಣಿಪಡಿನ್, ತುಮೆ ಇನ ಖೋಜ಼್‌ನಿ ಖ್ಹಣೇದ್‍ಮ ಚಾ಼ಲ್‌ನುಕರಿ ತುಮುನ ಏಕ್‌ ಸಾಕ್ಷಿನ ವತಾಳಿನ್ ಜೈರ‍್ಹೊಸ್.
“ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನ ಮೆ ಪಸಂದ್ ಕರಿರಾಖ್ಯೊಸ್” ಕರಿ ಅವಾಜ಼್ ಮೋಟಿ ಮಹಿಮೇಥಿ ಇನ ಆಯೂತೆ ತದೆ, ಬಾ ದೇವ್‍ಥಿ ಇನ ಇಜ಼್ಜತ್ ಅಜು಼ ಮಹಿಮೆ ಮಳಿಗೈ.
