ಯೋಹಾನ 5:39 - ದೇವ್ನಿ ಖ್ಹಾಚಿ ವಚನ್

³⁹ ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಯೋಹಾನ 5:39 ပူးပေါင်းရင်းမြစ်များ

ಮತ್ತಾಯ 22:29

ಯೇಸುನೆ ಇವ್ಣುನ, “ತುಮೆ ಕೆತ್ರೆ ಗಲ್ತಿಮ ಪಡ್ಯಾಸ್ತೆ ದೇಖೊ! ಶನಕತೊ ತುಮೂನ ದೇವ್ನಿ ವಚನ್‌ಬಿ ನಾತೊ ದೇವ್ ಕೆತ್ರೆ ಶಕತ್‌ವಾಳೊ ಕರೀಬಿ ಮಾಲುಮ್‌ಕೊಂತೆ ಇನಖ್ಹಾಜೇಸ್.

ಮಾರ್ಕ 10:3

ಅನ ಖ್ಹಮ್‌ಜಿನ್‌ ಯೇಸುನೆ, “ಮೋಶೆನೆ ತುಮೂನ ಶಾತ್ ಹುಕುಮ್‌ ದೀರಾಖ್ಯೊಸ್?” ಕರಿ ಪುಛಾ಼ಯೊ.

ಮಾರ್ಕ 12:10

‘ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್, ಹೋಣುತೆ ಕೋಣಾನೊ ಬಂಡೊ ಹುಯೊ. ಅಮ್ಕರಿ ಧರ್ಮಶಾಸ್ತ್ರಮ ಪಢಿರಾಖ್ಯಸ್ನಿ!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:29

ಕತೋಬಿ ಅಬ್ರಹಾಮ್‌ನೆ, ‘ತಾರ ಭೈಯೇಕನ ಮೋಶೆ ಅಜು಼ ಪ್ರವಾದಿಯೇನು ಪುಸ್ತಕ ಖ್ಹಾರು ಛಾ಼, ಇವ್ಣೆ ಇನ ಖ್ಹಮ್‌ಜಾ಼ದೆ’ ಕರಿ ಬೋಲ್ಯೊ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:31

ಕತೋಬಿ ಅಬ್ರಹಾಮನೆ ಇನ, ‘ಇವ್ಣೆ ಮೋಶೇನು ಅಜು಼ ಪ್ರವಾದಿಯೇನೂಸ್ ವಾತೇನ ಖ್ಹಮ್‍ಜ್ಯುನಾತೊ, ಮರ‍್ಯುಹುಯು ಏಕ್‌ ಜ಼ಣು ಜಿವ್ತುಹುಯಿನ್ ಉಠಿತೋಬಿ, ಇವ್ಣೆ ಮಾನ್‌ಶೆ ಕೊಯ್ನಿ’ ಕರಿ ಬೋಲ್ಯೊ.”

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:25

ತದೆ ಯೇಸುನೆ ಇವ್ಣುನ, “ಅಲ ಬಿಣ್‍ಖ್ಹೈಲಾ, ಪ್ರವಾದಿಯೇನೆ ಬೋಲ್ಯಾತೆ ಇನ ವಿಶ್ವಾಸ್‌ ಕರಾಕೊಂತೆ ಮಂದ್‌ ದಿಲ್‌ವಾಳಾವೊ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:27

ಮೋಶೆಥು ಧರೀನ್, ಖ್ಹಾರ ಪ್ರವಾದಿಯೇನು ಅಖ್ಖ ಪವಿತ್ರ ದಪ್ತರ್‌ಮ, ಇವ್ಣಿ ಬಾರೇಮ ಲೀಖೈರ‍್ಹೂತೆ ಖ್ಹಾರನ ಇವ್ಣುನ ಬೋಲಿವತಾಳ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44

ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಯೋಹಾನ 1:45

ಫಿಲಿಪ್ಪನೆ ನತಾನಿಯೇಲ್‌ಥಿ ಮಳಿನ್, ಇನ, “ಕಿನಿ ಬಾರೇಮ ಮೋಶೆನೆ ಧರ್ಮಶಾಸ್ತ್ರ ಲೀಖ್ಯೋಕಿ ಅಜು಼ ಪ್ರವಾದಿಖ್ಹಾರು ಲೀಖ್ಯೂಕಿ ಯೋ ಹಮೂನ ಮಳಿರ‍್ಹೋಸ್‌. ಯೋ ಕೋಣ್‌ಕತೊ ಇನು ನಾಮ್ ಯೇಸು ಯೋಸೇಫ್‌ನೊ ಛಿಯ್ಯೊ ಅಜು಼ ನಜ಼ರೇತ್‍ಮ ರ‍್ಹವಾಳೊ.

ಯೋಹಾನ 5:32

ಕತೋಬಿ ಮಾರಿ ಬಾರೇಮ ಸಾಕ್ಷಿ ಬೋಲವಾಳೊ ಏಕ್‌ ಜ಼ಣೊ ಛಾ಼, ಯೋ ಮಾರಿ ಬಾರೇಮ ಬೋಲಾಸ್ತೆ ಸಾಕ್ಷಿ ಖ್ಹಾಚು಼ ಕರಿ ಮನ ಮಾಲುಮ್‌.

ಯೋಹಾನ 5:36

ಮಾರಿ ಸಾಕ್ಷಿ ಯೋಹಾನ್‌ಥೀಬಿ ಮೋಟಿ ಸಾಕ್ಷಿ ಹುಯಿರಿಶ್. ಶನಕತೊ ಬಾ ಖೆವುಕಾಮ್ ಪೂರ ಕರಾನ ಮನ ದಿದೊತೆ ಯೋ ಕಾಮ್ನ ಕರುಕರೂಸ್.ಕರಿಬೋಲಾನ ಆ ಕಾಮಸ್ ಸಾಕ್ಷಿ.

ಯೋಹಾನ 5:40

ತೋಬಿ ತುಮೆ ಮಾರಕನ ಐನ್ ಯೋ ಜಾನ್ನ ಲೀಲ್ಯಾವನ ತುಮೂನ ಮನ್‌ಕೊಯ್ನಿ.

ಯೋಹಾನ 5:46

ತುಮೆ ಖ್ಹಾಚಮಾಬಿ ಮೋಶೆನಿ ವಾತೆನಪರ್ ವಿಶ್ವಾಸ್ ಕರಾನು ರ‍್ಹಿಯಿತೊ, ಮಾರಪರ್‌ಬಿ ಭರೋಖ್ಹೊ ಕರ‍್ಯಾಹೋತ್‌. ಶನಕತೊ ಇನೆ ಮಾರಿ ಬಾರೇಮ ಲೀಖಿರಾಖ್ಯೊಸ್.

ಯೋಹಾನ 7:52

ಇನ ಇವ್ಣೆ, “ತೂಬಿ ಗಲಿಲಾಯವಾಳೊಕಿ ಶು? ಧರ್ಮಶಾಸ್ತ್ರನ ಅಛ್ಛಿನಿತರ ಪಢೀನ್‌ ಶಿಕಿಲೆ. ಗಲಿಲಾಯಥು ಖೆವೂ ಪ್ರವಾದೀಬಿ ಆವ್‌ಶೆ ಕೊಯ್ನಿ ಕರಿ ತದೆ ತುನ ಮಾಲುಮ್‌ ಪಡ್‌ಶೆ” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:27

ಯೆರೂಸಲೇಮ್‍ ಜಿವ್ಣು ಕರುಕರ್ತುಥೂತೆ ಅದ್ಮಿಖ್ಹಾರು ಇವ್ಣು ಅದಿಕಾರಿ ಖ್ಹಾರುಬಿ ಯೋ ರಕ್ಷಕ್ ಕರಿ ಖ್ಹಣೇದ್ ಕರಿಲಿದುಕೊಯ್ನಿ. ಪ್ರವಾದಿಖ್ಹಾರು ಯೇಸುನಿ ಬಾರೇಮ ಲೀರಾಖ್ಯುಥೂತೆ ವಾತೆಖ್ಹಾರಿ ಮಾಲುಮ್ ಕೊ ಹುಯುನಿ ಹರೇಕ್ ಸಬ್ಬತ್ ದನ್ಮ ಇವ್ಣೆ ಫಡ್‍ತುಥೂತೆ ವಾತೆ ಪೂರಹುಯು. ಕತೋಬಿ ಇವ್ಣೆ ಮಾಲುಮ್‌ ಕರಿಲಿದುಕೊಯ್ನಿ. ಯೋ ಯೆಹೂದ್ಯರ್ ಖ್ಹಾರು ಯೇಸುನ ಅಪರಾದಿಕರಿ ತೀರ್ಪ್‌ದಿದು. ಅಮ್ ಕರಾಥಿ ಪ್ರವಾದಿಖ್ಹಾರಾನಿ ವಾತೆನ ಚಾ಼ಲಖ್ಹರ್ಕು ಕರ‍್ಯು.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:11

ಆ ಯೆಹೂದ್ಯವಾಳು ಥೆಸಲೋನಿಕನ ಯೆಹೂದ್ಯರ್‌ಥಿಬಿ ಪೌಲ ಸೀಲನೆ ಬೋಲ್ಯಾತೆ ಅಛ್ಛಿ ಸಂದೇಶ್ನ ಖುಲ್ಲ ದಿಲ್‌ಥಿ ಘಣು ಶಂತೋಖ್ಹ್‌ ಥಿ ಖ್ಹಮ್‌ಜ್ಯು. ಅಜು಼ ಯೋ ವಾತೆ ಖ್ಹಾಚು಼ಸ್‍ಕರಿ ಬೋಲಾನು ಮಾಲುಮ್ ಕರಿಲ್ಯವಾನಖ್ಹಾಜೆ ಪವಿತ್ರ ಪುಸ್ತಕನ ಹರೇಕ್ನೆ ಬರೋಬರ್ ಫಢ್ಯುತೆ ಇನಖ್ಹಾಜೆ ಥೆಸಲೋನಿಕ ವಾಳೇಥಿಬಿ ಅಛ್ಛಿಗುಣ್‌ವಾಳು ಹುಯಿರ‍್ಹುಥು

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:27

ಅಗ್ರಿಪ್ಪ ರಾಜ಼ ತೂ ಪ್ರವಾದಿ ಖ್ಹಾರಾನ ನಂಬಾಸ್ಕಿಶು? ತೂ ವಿಶ್ವಾಸ್ ಕರೀಶ್‌ಕರಿ ಮನ ಮಾಲುಮ್” ಕರಿ ಬೋಲ್ಯೊ;

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:2

ದೇವ್ನೆ ಘಣ ಹಗಾಮ್ನಪಾರ್‌ ಪವಿತ್ರ ದಪ್ತರ್‌ಮ ಇನ ಪ್ರವಾದಿಖ್ಹಾರಾಥಿ ವಾಗ್ದಾನ್ ಕರ‍್ಯೊತೆ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:2

ಖ್ಹಾರಿ ಬಾರೇಮ ಬೋಲಾನುಬಿ ಘಣು ಫಾಯಿದೊ ಛಾ಼. ಪಹಿಲೆಥು ದೇವ್ನಿ ವಚನ್‍ ಯೆಹೂದ್ಯರ್‌ನ ದೆವೈರ‍್ಹೀಸ್.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

ಇಬ್ರಿ 11:16

ಕತೋಬಿ ಇವ್ಣೆ ಸೊರ್ಗಕರಿ ಬೋಲಾನ ಮಹಾನ್ ದೇಖ್ಹ್‌ನ ಹರಖ್ಹ್‌ಯು. ಇನಖ್ಹಾಜೇಥಿ ದೇವ್ನೆ ಇವ್ಣೊ ದೇವ್‌ಕರಿ ಬೋಲೈಲ್ಯವಾನ ಖ್ಹರ್ಮಾಯೊಕೊಂತೆ; ಇವ್ಣಖ್ಹಾಜೆ ನಂಗರ‍್ನ ತಯಾರ್ ಕರಿರಾಖ್ಯೊಸ್.

ಇಬ್ರಿ 11:35

ತಯೇಡಖ್ಹಾರಿನೆ ಮರಿಗಯುಥೂತೆ ಇವ್ಣವಾಳನ ಪಾಛು಼ ಜಿವ್‌ತೇಥಿ ಲೀಲಿದಿಯೆ. ಥೋಡ ಜ಼ಣಾನೆ ಖ್ಹತಾಪ್ಣಿ ಪಡಾನಿ ವಖ್ಹ್‌ತೆ ಮಹಾನ್ ಮರಣ್‍ಥಿ ಪಾಛು಼ಜಿವ್ತು ಹುವಾನಿ ಖೂಜ಼್‌ಥಿ ಛುಟ್ಕಾರ್‌ನ ಝಿಟ್ಕಾರ‍್ಯು.

ಪ್ರಕಾಶಿತ್ 19:10

ತದೆ ಮೇ ಇನ ಆರಾದನೆ ಕರ್ನುಕರಿ ಇನ ಪಗ್‍ಪರ್ ಅಡ್‌ಪಡ್ಯೊ. ಕತೋಬಿ ದೇವ್ನ ದೂತಾನೆ, ಮನ ಅಮ್ ಆರಾದನೆ ನಕೊಕರ್. ಯೇಸುನ ಖ್ಹಾಚ಼ನ ಲೀರಾಖ್ಯಾಸ್ತೆ ತಾರಿನಿತರಾಬಿ ತಾರ ಭೈಯೇನಿತರಬಿ ಮೇಬಿ ಏಕ್‌ ಚಾ಼ಕ್ರಿವಾಳೊ. ಇನಖ್ಹಾಜೆ ದೇವ್ನ ಆರಾದನೆಕರ್, ಯೇಸುನಿ ಸಾಕ್ಷಿಸ್‌ ಪ್ರವಾದನೆನು ಆತ್ಮಕರಿ ಬೋಲ್ಯೊ.