ಯೋಹಾನ 5:35 - ದೇವ್ನಿ ಖ್ಹಾಚಿ ವಚನ್

³⁵ ಯೋಹಾನ ಬಳುಕರಸ್ತೆ ದೀವನಿಮತ್‌ ಥೊ,ಅಜು಼ ಯೊ ಉಜಾ಼ಳು ದಿದೊ. ಕತೋಬಿ ತುಮೆ ಇನ ಉಜಾ಼ಳಾಮ ಥೋಡ ದನ್ ಖ್ಹುಶಿ ಕರ‍್ಯಾ.

ಯೋಹಾನ 5:35 ပူးပေါင်းရင်းမြစ်များ

ಮತ್ತಾಯ 11:11

ತಯೇಡಾನ ಪೇಟೆ ಪೈದಹುಯುತೆ ಖ್ಹಾರಾನ ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ್‌ಥಿ ಮೋಟು ಕೋಣ್‌ಬಿ ಕೊಯ್ನಿ. ತೋಬಿ ಪರ್‌ಲೋಕ್ ರಾಜ್ಯಮ ಛಾ಼ತೆ ನ್ಹಾನೊ ಜಿನ್‌ಕುಬಿ ಯೋಹಾನ್‌ಥಿ ಮಹಾನ್ ಹುಯಿರ‍್ಹೋಸ್ ಕರಿ ಮೆ ತುಮೂನ ಖ್ಹಾಚಮಾಬಿ ಬೋಲುಸ್.

ಮತ್ತಾಯ 21:26

‘ಅದ್ಮಿಥಿ ಆಯು’ ಕರಿ ಬೋಲ್ಯಾತೊ, ಅಪ್ಣುನ ಅದ್ಮಿನೊ ಡರ್‌ ಛಾ಼” ಕರಿ ಇವ್ಣ-ಇವ್ಣ ಮಹಿಸ್ ಬೋಲಿಲಿದು. ಶನಕತೊ, ಯೋಹಾನ ಏಕ್‌ ಪ್ರವಾದಿ ಕರಿ ತಮಾಮ್‌ ಅದ್ಮಿ ಶಕ್‌ಕೊಂತೆ ಇಮ್‌ ನಂಬಿರಾಖ್ಯುಥು.

ಮಾರ್ಕ 1:5

ತದೆ ಯೂದಾಯ ತಬರ್‌ಖ ಭಣೀಥು ಅಜು಼ ಯೆರೂಸಲೇಮ್‍ ಖ್ಹಯೇರ್‌ಥು ಘಣು ಅದ್ಮಿ ಯೋಹಾನಕನ ಜೈ಼ನ್, ಇವ್ಣ-ಇವ್ಣ ಪಾಪ್ನ ಕಬೂಲಿಲೀನ್‌, ಇನ ಹಾತೇಖ್ಹು ಯೊರ್ದನ್‌ ನದ್ದಿಮ ಬ್ಯಾಪ್ತಿಸ್ಮ ಕರೈಲೆವ್‌ಕರ್ತುಥು.

ಮಾರ್ಕ 6:20

ಹೆರೋದನ ಯೋಹಾನಕತೊ ಡರ್‌ ಥೊ ಶನಕತೊ, ಯೋಹಾನ ನೀತಿವಾಳೊಕರೀಬಿ ಅಜು಼ ಪವಿತ್ರ್‌ ಅದ್ಮಿಕರಿ ಇನ ಮಾಲುಮ್‌ ಥು, ಇನಾಖ್ಹಾಜೆ ಇನ ಜ಼ತನ್‌ಥಿ ರಾಖಿರಾಖ್ಯೋಥೊ. ಅಜು಼ ಯೋಹಾನ ಬೋಲಾತೆ ವಾತ್ನ ಖ್ಹಮ್‌ಜೊತೊ, ಇನ ದಿಲ್ಮ ಕಲಾವ್ಣಿ ಹುಯುತೋಬಿ, ಇನಿ ವಾತೆನ ಖ್ಹುಶಿಥಿ ಖ್ಹಮಜ಼್‌ತೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:28

ಮೇ ತುಮೂನ ಬೋಲುಸ್ಕಿ, “ಜ಼ಮೀನ್‌ಪರ್ ತಯೇಡಾನ ಪೇಟೆ ಪೈದಹುಯುತೆ ಹರೇಕ್ ಅದ್ಮಿಮ ಯೋಹಾನಸ್‌ ಮೋಟೊ. ಕತೋಬಿ ದೇವ್ನಿ ರಾಜ್ಯಮ ಅಖ್ಖೇಥಿ ನ್ಹಾನೊ ಜಿನ್‌ಕುಬಿ ಯೋಹಾನಥಿ ಮಹಾನ್ ಹುಯಿರ‍್ಹೋಸ್.

ಯೋಹಾನ 6:66

ತಪ್‌ಥು ಇನ ಶಿಷ್ಯರ್‌ಮ ಕೈಏಕ್ ಜ಼ಣು ಇನ ಮ್ಹೆಂದಿನ್ ಚ಼ಲಿಗಯು ಅಜು಼ ಯೇಸುನಿ ಜೋ಼ಡ್ಮ ಆವವಾಳು ಘಣುಜ಼ಣು ಇನ ಮ್ಹೆಂದಿನ್ ಪಾಛು಼ ಚ಼ಲಿಗಯು.

2 ಪೇತ್ರ 1:19

ಅತ್ರೇಸ್ ಕಾಹೆತೆ, ಪ್ರವಾದ್‌ನೆನಿ ವಚನ್ ಬೋಲಿರಾಖ್ಯತೆ ವಾತೆ ಅಪ್ಣುನಖ್ಹಾರು ಖ್ಹಾಚ ಕರಿ ಬಿಜೂ಼ಬಿ ಘಟ್‍ಥಿ ಮಳಿರ‍್ಹೂಸ್‌. ಶನಕತೊ ಇವ್ಣೆ ಬೋಲಿರಾಖ್ಯುತೆ ವಾತೆ ಅಂಧಾರಾಮ ಉಜಾ಼ಖ್ಹ್‌ ದ್ಯವಾನು ದೀವೊ ಹುಯಿರ‍್ಹುಸ್‍ ತುಮಾರ ದಿಲ್ಮ ಖ್ಹಾರು ವ್ಹಾಣು ಹುವ್ವಾತೋಡಿ ಅಜು಼ ವ್ಹಾಣೆ ವೇಳಿನೊ ಶುಕ್ಕರ್ ನಿಕ್ಳಾತೋಡಿ ಯೋ ಉಜಾ಼ಳು ಝ಼ಮ್‌ಕವಾಳು ಹುಯಿರ‍್ಹುಸ್‍.